1 Peter 2:7 - The New Testament in Islander Creole

⁷ Yees, him preshos tu aala demde pipl weh chros iina him; bot tu dehn pipl weh no chros, di Skriptyo seh: “Di stuon weh di bilda dem neva tink wehn wot notn, ton out fi bii di muos impuotant wan outa aala dem!”

1 Peter 2:7 Iomraidhean Croise

Matthew 21:42

So Jesus seh tu dem, “Unu neva riid di Skriptyo yet, weh seh: ‘Di brik weh di bilda dem neva waahn yuuz, kom fi bii di muos impuotant outa aala dem! Dis dah weh di Laad wehn du, ahn ih dah wan wandaful ting fi si'ih hapm!’

Luke 2:34

Ahn Simeon bles dem ahn seh tu Mary, “Hier weh Ah deh tel yo: God pik yo son fi siev plenty pipl iina Israel lan, bot plenty a dem gwain get laas tu. Ahn az fi demya pipl, ihn gwain bii laik wan sain fahn God tu dem, bot dehn gwain rijek im ahn mak ihn mesij.

Luke 20:17

Bot Jesus luk striet pan dem ahn seh, “Den tel mi weh di Skriptyo wehn miin weh ih seh: ‘Di brik, weh di bilda dem neva waahn yuuz, kom fi bii di muos impuotant outa aala dem.’

John 4:42

Dehn tel di uman seh, “Dah no ongl chruu weh yuu deh tel wi, mek wi biliiv; bot bikaaz wi wehn hier im fi wiself tu, wii nuo seh dah him dah di Wan weh gwain siev di worl fi chruut.”

Acts 26:19

“Ahn so, King Agrippa, Ah neva disobie di vizhan weh Ah get fahn hevn.

Romans 10:21

Bot kansaanin di pipl fahn Israel, God seh: “Di huol taim Ah deh huol out mi han dem fi welkom demde pipl weh no du weh Ah tel dem, bot dehn wehn waahn gat dehn uon ribelyos wie.”

Romans 15:31

Prie seh di pipl dem iina Judea lan weh no chros iina Jesus no gwain haam mi, ahn prie tu seh God pipl dem iina Jerusalem gwain bii hapy fi di gif weh Ah gwain ker fi dem.

2 Corinthians 2:16

Fi di pipl dem weh deh pahn dehn wie tu distrokshan, wi dah wan bad sent weh liid tu det. Bot wi dah wan swiit smel tu di pipl dem weh deh get siev! Ahn dat dah wan blesin weh wi get, iivn duo wi neva du notn fi dizorv ih.

Colossians 2:10

ahn God wehn gi unu chruu laif, wen unu kom fi bii wan wid Christ. Dah him dah di Laad uova evry ruula ahn atarity iina di huol worl!

Titus 3:3

Bikaaz wii yuuztu bii fuulish tu. Wi neva yuuztu obie God, ahn wi neva pie im non main. Wi dah wehn sliev tu evryting weh wi gat di fiilin fi du ahn weh mek wi fiil gud. Wi liv wi laif deh huol malis gens pipl, ahn deh groj weh dehn wehn gat. So, di pipl dem wehn hiet wi, ahn wii wehn hiet dem bak!

Hebrews 11:31

Ahn dah wehn bikaaz a Rahab di prastityut fiet iina di God a Israel, mek shii neva get kil lang wid di pipl dem weh neva obie God, bikaaz shii wehn help di spai dem fahn Israel.

Hebrews 4:11

So den, mek wi du fi wi bes fi go iina dah res weh God pramis wii. Ahn no mek non a wi disobie God ahn mis out pan ih laik weh wehn hapm tu di Israelite pipl dem lang taim abak.

1 Peter 1:8

Alduo unu neva si Jesus Christ yet, unu stil yet lov him, ahn alduo unu no deh si'im now niida, unu chros iina him. So, unu no gat di wod dem fi eksplien di griet jai weh unu fiil iina unu haat.

1 Peter 2:4

So den, kom tu di Laad. Dah him dah di Stuon weh Livin, weh ihn pipl wehn rijek bot weh God don pik, bikaaz Christ wehn uova preshos tu im!

1 Peter 2:8

Ahn ih rait iina di Skriptyo tu seh: “Dis dah di stuon weh mek di pipl dem bok dehn fut dem ahn stombl, ahn dah stuon gwain mek dem faal dong!” Demde pipl trip uova ih, bikaaz dehn neva obie weh God seh. So weh hapm tu dem, dah weh God wehn plan fi hapm tu dem!