1 Peter 2:6 - The New Testament in Islander Creole

⁶ Dah jos laik weh God wehn seh iina di Skriptyo, wen ihn seh: “Si, luk, Ah deh put wan brik iina Zion. Dah wan chief kaana-stuon weh Ai pik —di muos impuotant wan— ahn dah stuon ongl preshos tu mi! Dah him weh no gwain disapaint nonbady, weh put dehn chros iina him!”

1 Peter 2:6 Iomraidhean Croise

Matthew 12:18

“Luk yah, dis dah mi sorvant weh Ah pik out, di wan weh Ah lov ahn proud ah! Ah gwain mek mi spirit kom dong pahn im, ahn ihn gwain tel di Gentile pipl dem how dehn kyan get siev fahn God ponishment.

Mark 12:10

Unu neva riid di Skriptyo yet, weh seh: ‘Di brik weh di bilda dem neva waahn yuuz, kom fi bii di muos impuotant outa aala dem!

Luke 20:17

Bot Jesus luk striet pan dem ahn seh, “Den tel mi weh di Skriptyo wehn miin weh ih seh: ‘Di brik, weh di bilda dem neva waahn yuuz, kom fi bii di muos impuotant outa aala dem.’

Luke 23:35

Ahn aal di pipl dem, weh wende stan op roun deh, luk op pan im; ahn di liida dehn wende tek im laik fuul tu. Dehn seh, “Ihn wehn siev plenty pipl; mek ihn siev ihnself no, sins him dah di Mesaya weh God wehn pik fi siev wi!”

John 7:38

Ahn dem weh chros iina mii gwain bii bles jos laik weh di Skriptyo seh, bikaaz outa dem plenty waata weh gi riil laif gwain spring'op jos laik wan riva fahn diip dong iinsaida dem!”

Acts 1:16

Ihn seh, “Bredrin, di Skriptyo hafy kom chruu, weh di Holy Spirit wehn seh lang taim abak chruu David bout Judas Iscariot, huu wuda bii di wan weh gwain ker dem fi dehn grab Jesus.

Romans 10:11

Memba, ih don rait dong iina di Skriptyo seh, “Him no gwain disapaint nonbady weh chros iina him.”

Ephesians 1:4

Lang-lang taim abak —iivn bifuor di worl wehn mek— God wehn don pik wi out fi bii ihn uon bikaaz a weh Christ du fi wi, so wi kuda bii huoly ahn no gat non faalt ataal, pahn dah Laas Die wen aala wi stan op fronta him. Ahn sieka ihn griet lov,

Ephesians 2:20

Unu wehn kom fi bii paat a di bildin weh gat di apasl ahn di prafit dem laik di foundieshan rak dem. Ahn Christ Jesus dah laik di fos brik, di chiif kaana-stuon, weh gi strent tu di bildin.

2 Timothy 3:16

Dah wehn God ihnself huu weh mek ihn mesinja dem rait dong aala weh iina di Skriptyo, ahn aal demde tingz weh gud fi mek wi tiich di chruut, ahn fi mek wi nuo di tingz dem weh rang iina fi wi laif. So, di Skriptyo gud fi kaal wi atenshan, fi mek wi strang, ahn fi tiich wi how fi liv rait,

1 Peter 2:4

So den, kom tu di Laad. Dah him dah di Stuon weh Livin, weh ihn pipl wehn rijek bot weh God don pik, bikaaz Christ wehn uova preshos tu im!

1 Peter 2:8

Ahn ih rait iina di Skriptyo tu seh: “Dis dah di stuon weh mek di pipl dem bok dehn fut dem ahn stombl, ahn dah stuon gwain mek dem faal dong!” Demde pipl trip uova ih, bikaaz dehn neva obie weh God seh. So weh hapm tu dem, dah weh God wehn plan fi hapm tu dem!

2 Peter 1:20

Bot muo an aal, unu niid fi andastan seh non prafisy iina di Skriptyo neva kom fahn di prafit dehn uonself.

2 Peter 3:16

Di chruut dah seh, Paul taak bout demde siem tingz iina aal ihn leta dem, wen ihn deh rait bout dis siem mata. Bot som paat a weh ihn seh, haad fi andastan, ahn som pipl weh no nuo notn ataal ahn weh no gat strang fiet, deh trai fi eksplien ih, bot dehn twis'op weh Paul wehn seh! Ahn dehn du di siem ting wid ada Skriptyo tu. So demya pipl deh bring pahn demself fi dehn uon distrokshan!