1 Peter 2:4 - The New Testament in Islander Creole

⁴ So den, kom tu di Laad. Dah him dah di Stuon weh Livin, weh ihn pipl wehn rijek bot weh God don pik, bikaaz Christ wehn uova preshos tu im!

1 Peter 2:4 Iomraidhean Croise

Matthew 11:28

“Kom tu mi aala unu weh deh gat haad laif laik unu deh ker wan big luod; ahn Ah wi mek unu res.

Matthew 12:18

“Luk yah, dis dah mi sorvant weh Ah pik out, di wan weh Ah lov ahn proud ah! Ah gwain mek mi spirit kom dong pahn im, ahn ihn gwain tel di Gentile pipl dem how dehn kyan get siev fahn God ponishment.

Matthew 21:42

So Jesus seh tu dem, “Unu neva riid di Skriptyo yet, weh seh: ‘Di brik weh di bilda dem neva waahn yuuz, kom fi bii di muos impuotant outa aala dem! Dis dah weh di Laad wehn du, ahn ih dah wan wandaful ting fi si'ih hapm!’

John 14:19

Wan likl wail muo ahn di pipl dem iina disa worl no gwain si mi no muo, bot unu gwain si mi duo. Ahn bikaaz Ah gwain liv agen, unu gwain liv tu.

John 14:6

Jesus ansa ahn seh, “Mii dah di Wie, di Chruut, ahn di Laif; nonbady kyaahn kom tu di Faada eksep chruu mi.

John 5:26

Bikaaz jos laik how di Faada gat powa iina him fi gi riil laif, siem wie ihn gi di Son powa fi mek pipl liv fareva tu;

John 5:40

Bot stil yet unu no waahn kom tu mi fi get riil laif.

John 6:37

Aala dem weh di Faada gi mi gwain kom tu mi; ahn enybady weh kom tu mi, Ah no gwain ton dem weh nontaim.

John 6:57

Di Faada, weh gi riil laif, sen mii ahn Ai deh liv chruu him. So, enybady weh iit mi flesh ahn jrink mi blod gwain liv fareva chruu mii.

Romans 5:10

Wi dah wehn God enimy, bot ihn don bring wi bak tu ihnself ahn mek wi bii fi him fren, wen ihn Son ded fi wi. Ahn now weh wi don kom bak tu God, wi iivn muo shuor seh ihn gwain siev wi, bikaaz Jesus deh liv iina wi!

1 Corinthians 3:11

Bikaaz Jesus Christ dah di ongl haad foundieshan weh deh, ahn nonbady kyaahn put dong wan nada foundieshan laik him!

Colossians 3:4

Memba seh: di Laad Jesus Christ dah fi wi chruu laif. Ahn so, wen ihn kom bak, aala unu gwain dedeh wid im tu, fi shier iina fi ihn gluory!

1 Peter 1:19

Ihn pie fi unu wid di preshos blod a Christ di Lam a God, weh neva gat non sin ataal, ahn neva gat non spat nar maak pan im niida.

1 Peter 1:7

Ahn dehn traiyalz dah fi pruuv seh unu fiet dah di chruu ting. Memba: iivn guol, weh kyaahn laas, dehn tes wid faiya, ahn fi unu fiet wot plenty muo an guol! So unu fiet hafy tes wid faiya, so dat ih kyan laas lang. Den, pahn Dat Die wen Jesus Christ kom bak, unu gwain get priez ahn gluory ahn ana.

1 Peter 2:7

Yees, him preshos tu aala demde pipl weh chros iina him; bot tu dehn pipl weh no chros, di Skriptyo seh: “Di stuon weh di bilda dem neva tink wehn wot notn, ton out fi bii di muos impuotant wan outa aala dem!”

2 Peter 1:1

Dis leta dah fahn mii, Simon Peter, weh dah wan sorvant ahn wan apasl a Jesus Christ. Ah deh rait dis leta tu aala unu weh shier di siem preshos fiet weh wi gat. Ahn dah fiet wehn kom fahn Jesus Christ, wi God ahn Sievya, bikaaz him dah di Wan weh mek wi kliin iina ihn sait.

2 Peter 1:4

Iina dis wie, ihn don gi wi aala ihn rich ahn wandaful gif dem weh ihn wehn pramis wi. Ahn demya gif gwain help unu fi eskiep fahn aal di koropshan a disa worl —aal demya wikid ting roun wi weh di hyuuman haat waahn. Ahn so, wid God gif dem unu kyan kom fi bii muo ahn muo laik di Laad imself evry die.