1 Peter 2:2 - The New Testament in Islander Creole

² Insida dat, siem laik how dehn nyuu baan bieby no waahn notn els eksep dehn muma milk, unu fi tek God Wod laik milk ahn drink'ih plenty taim so ih kyan mek unu gruo iina unu salvieshan;

1 Peter 2:2 Iomraidhean Croise

Matthew 18:3

Ahn ihn seh tu dem, “Hier dis chruut weh Ah deh tel unu: if unu no chienj unu wiez ahn stan laik di likl pikniny dem, unu no gwain get iina di Kingdom a Hevn.

Matthew 19:14

Bot Jesus seh, “Mek di likl pikniny dehn kom upaa Ah deh, ahn no henda dem fi kom, bikaaz di Kingdom a Hevn dah fi pipl laik dem.”

Mark 10:15

Hier dis chruut weh Ah deh tel unu: Enybady huu no kom tu God laik likl pikniny, no gwain get iina ihn Kingdom.”

Luke 18:17

Hier dis chruut weh Ah deh tel unu: Enybady huu no kom tu God laik likl pikniny, no gwain get iina ihn Kingdom.”

Romans 6:4

Wen dehn baptaiz wi, dah laik wii wehn ded wid Christ ahn dehn ber wi wid im; so dat jos laik how wi Faada wehn yuuz ihn griet powa fi mek Jesus liv agen, siem wie ihn yuuz ihn powa so dat wi kyan liv wan nyuu laif!

1 Corinthians 14:20

Bredrin, unu no fi tink laik pikniny. Yees, unu kyan bii laik pikniny wen ih kom tu nuo bout wikid tingz, bot unu shuda bii laik big pipl wen ih kom tu how unu shuda tink bout gud tingz!

Ephesians 2:21

Him dah di Wan weh mek di huol bildin fit tugeda ahn ihn mek'ih gruo biga ahn biga fi bii God Templ weh dah fi di Laad.

Ephesians 4:15

Insida dat, wi fi lov wan anada, ahn so wid plenty kainis wi fi tel wan anada di chruut. If wi du dat, wi gwain gruo'op muo beta iina evrywie fi bii wan wid Christ, weh dah di hed a di chorch.

2 Thessalonians 1:3

Bredrin, wi hafy gi God tanks aal di taim fi unu. Dat dah di rait ting fi wi du, bikaaz unu fiet deh gruo muo ahn muo stranga evry die, ahn unu lov wan anada muo beta tu!

1 Peter 1:23

Unu baan agen chruu God Wod weh alaiv ahn gwain laas fareva. Unu no baan agen fahn wan muma ahn pupa fahn dis ort, bikaaz di laif weh dehn gi'yo gwain en'op iina det. Bot disya nyuu laif gwain laas fareva, bikaaz ih kom fahn God Wod, weh alaiv ahn gwain laas fareva.

2 Peter 3:18

Bot unu fi kantinyo fi gruo iina gries ahn kantinyo fi laan muo ahn muo bout fi wi Laad ahn Sievya, Jesus Christ, evry die. Ahn mek wi gi'im aal di gluory now ahn fareva. Amen!