1 Peter 2:12 - The New Testament in Islander Creole

¹² Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!

1 Peter 2:12 Iomraidhean Croise

Matthew 10:25

So wan disaipl shuda laan fi bii az waiz az ihn tiicha, ahn wan sorvant az waiz az ihn maasta. If dehn kaal di maasta a wan hous ‘Beelzebul,’ ho moch wosa dehn gwain taak bad bout di res a ihn famaly!

Matthew 5:11

“So den, unu bles, wen dehn insolt unu, kiip unu dong, ahn seh aal kain a bad ting bout unu weh dah no so, jos sieka unu du weh Ah seh.

Matthew 5:16

Dah di siem wie, unu fi mek pipl si di lait iina unu, so dehn wi si aal di gud ting weh unu du, ahn dehn wi priez unu Faada iina hevn.

Matthew 9:8

Wen di paila pipl si dis, dehn get uova sopraiz ahn staat priez God fi si aal di powa, weh ihn gi som pipl fi kyuor di sik.

Luke 1:68

“Priez di Laad, di God a Israel, bikaaz ihn kom fi help ihn pipl, fi set dem frii.

Luke 19:44

Den dehn gwain chruo unu pan di grong ahn kil unu pikniny dem weh deh bihain unu waal. Dehn no iivn gwain mek wan brik stie pan wan anada, bikaaz unu neva pie no main iina di taim wen God wehn kom tu unu!”

Luke 6:22

“Ahn unu gwain get bles wen dehn hiet unu, ahn rijek unu, ahn insolt unu, ahn dehn seh unu uova bad jos sieka unu chros iina di Son a Man.

John 13:31

Wen ihn gaan, Jesus seh, “Now dah di taim wen di Son a Man get gluorifai, ahn ihn gwain mek aal di pipl dem si God gluory chruu weh ihn gwain du!

Acts 15:14

Simon Peter jos don tel unu how fahn di biginin God wehn disaid fi shuo seh ihn lov di Gentile pipl tu, wen ihn draa fahn mongs dem, wan gruup a pipl fi ihnself.

Acts 24:13

No wie demya man yah kyan pruuv di tingz dem weh dehn seh mii du.

Acts 25:7

Ahn wen Paul waak iina di kuot-ruum, di Jewish liida dem weh wehn kom dong fahn Jerusalem soroun im ahn staat akyuuz im bout som siiryos ting weh dehn kudn pruuv.

Acts 28:22

Bot wi waahn hier weh yo gat fi seh, bikaaz aal bout di plies dehn deh taak bad bout dis nyuu rilijan.”

Romans 12:17

Ahn if sombady du unu bad, unu no fi pie dem bak bad wid bad. Lisn: unu fi trai fi du di rait tingz weh evrybady kansida gud.

Romans 13:13

Mek wi liv wan kliin laif laik pipl weh deh iina di die-lait. Wi no fi liv wan slak laif ahn sliip roun. Wi no fi bii jronkin man. Wi no fi deh go dah non wail paaty ahn du aala demde kain a wikid tingz niida. Ahn wi no fi fait wid pipl, nar groj weh ada pipl gat.

Romans 14:18

Di wan weh deh sorv Christ iina dis wie deh mek God pliiz wid im, ahn di pipl dem gwain laik weh ihn du tu.

Romans 15:9

Ahn Jesus kom fi mek di Gentile pipl dem priez God, bikaaz ihn gat morsy pahn dem tu. Dah laik weh di Skriptyo seh: “So den, Ai gwain priez yu, Faada, mongs aal di Gentile pipl dem. Ahn Ah gwain sing priez tu yo niem!”

1 Corinthians 14:25

Den, wen evryting iina ihn haat kom out iina di uopm, dah man gwain niil dong ahn waaship God, ahn tel di chorch seh, “God deh wid unu fi chruut!”

2 Corinthians 1:12

Wan ting deh, weh wi proud bout: wi kanshans klier-klier seh wi wehn aalwiez diil wid unu iina wan aanes, ahn sinsier, ahn gadly wie wen wi wende wid unu. Wi wehn aalwiez dipen pahn God gries, ahn no pahn wi uon hyuuman wizdom. Ahn dat dah how wi ak wid evrybady, speshaly unu.

2 Corinthians 13:7

Now, Ah prie tu God seh unu no gwain du notn weh rang. Ahn Ah prie laik so, no bikaaz wi waahn evrybady si seh wi deh tiich unu uova gud, bot dah bikaaz wi riily waahn unu fi du weh rait, iivn duo mongs ada pipl ih maita luk laik wi deh fiel iina wi work.

2 Corinthians 8:21

Wi trai wi bes fi du weh rait iina God sait, ahn iina di sait a di pipl dem tu.

Ephesians 2:3

Di chruut dah seh, aala wi dah wehn laik dem; wi wende liv how wii waahn. Wi yuuztu du enyting weh wi hyuuman nietyo kaal fah, ahn weh wi main tink'op. Iina datde kandishan, wi wehn gwain fiil God raat pahn wi siem laik evrybady els.

Ephesians 4:22

So den, unu fi gi'op unu uol wie a livin weh wehn mek unu du dehn bad tingz weh unu yuuztu du. Dah wie a livin wuda distrai unu, bikaaz ih wuda mek unu waahn du wan paila shiemin tingz chruu di faalsnis iina unu haat.

Philippians 1:27

Bot no mata weh hapm, unu fi ak iina wan kain a wie weh gwain shuo seh unu deh chros iina di Gud Nyuuz bout Christ. Den, weda Ah go, go si unu or jos hier bout unu, Ah gwain nuo seh unu deh get lang tugeda uova gud iina wan spirit, ahn unu deh fait tugeda fi di fiet, weh kom fahn weh unu chros di Gud Nyuuz. Ahn dat wuda bii gud!

Philippians 4:8

Ahn now bredrin, demya dah di laas ting dem weh Ah gwain seh tu unu: Enyting weh aanes ahn chruu, enyting weh gud, enyting weh rait, enyting weh kliin, enyting weh lovly, enyting weh gud fi unu admaya ahn demde tingz weh riily gud nof fi unu priez God fah —dem dah di kain a ting dem weh unu fi aalwiez deh tink bout.

1 Thessalonians 4:12

If unu du dat, den unu gwain mek di pipl dem weh dah no biliiva luk'op tu unu. Ahn unu no gwain hafy dipen pahn nonbady niida.

1 Timothy 2:2

Wi fi prie fi di king dem ahn aala dehn ada pipl dem weh gat plenty atarity, so dat wi kyan liv wan kwaiyet ahn piisabl laif, deh waak nier tu God ahn no deh du notn weh gwain mek wi shiem.

1 Timothy 4:12

Yu no fi mek nonbady luk dong pahn yu bikaaz yu yong. Insida dat, yu fi shuo demya pipl weh chros iina Christ di wie dehn shuda bihiev, bai how yu yoself deh taak, how yu deh stan op fi di gud ting dem, how yu deh lov pipl, how yu deh chros iina Christ, ahn how yu deh liv wan kliin laif.

1 Timothy 5:10

Pan tapa dat, di pipl dem hafy nuo disya wido fi di gud tingz weh shii deh du. Ihn fi bii wan uman weh wehn riez'op ihn pikniny dem rait, ahn weh yuuztu welkom pipl iina ihn hous, ahn weh yuuztu wash di fut dem a God pipl dem, ahn help demya pipl weh deh sofa tu. Ihn fi bii wan uman weh wehn du plenty gud ting aal di taim.

Hebrews 13:18

Ahn no farget fi prie fi wi tu, bikaaz wi shuor seh wi kanshans klier, sieka wi waahn du di rait ting aal di taim.

Hebrews 13:5

Unu no fi lov mony niida; bot satisfai wid weh unu gat. Bikaaz di Laad wehn pramis wi seh: “Ah gwain neva lef unu; Ah gwain neva abandon unu.”

James 3:13

Wan nada ting, bredrin: enybady deh mongs unu, weh waiz ahn gat gud sens? Den, mek dem shuo ih bai di gud wie dehn liv. Dehn hafy smaat nof fi no priez'op dehn uonself, wen dehn du dehn gud work.

1 Peter 2:15

God waahn unu fi du weh gud, so dat unu kyan shet op demde kain a man weh no nuo notn ahn laik taak fuulishnis.

1 Peter 3:16

Bot unu fi du'ih iina wan nais wie ahn wid rispek, so dat unu kyan stie wid wan kliin kanshans. Den, if som pipl taak bad bout unu, dehn gwain fiil shiem wen dehn si di gud laif unu liv, bikaaz unu dah fi Christ.

1 Peter 4:11

So, if unu gat di gif fi priich; wel, priich God Wod gud. If unu gat di gif fi help ada pipl; wel, du'ih wid aala di strent weh God gi'yo. Unu fi du evryting so dat ih kyan bring ana tu God chruu Jesus Christ weh gat aal di gluory ahn powa iina him fareva ahn eva. Amen!

2 Peter 3:11

So den, bredrin, laik how aala demde tingz gwain get distrai iina dat wie, weh kain a pipl unu shuda bii, den? Unu laif shuda bii huoly ahn unu shuda sorv ahn ana God bai di wie unu liv fi chruut!