1 Peter 2:11 - The New Testament in Islander Creole

¹¹ Mi dier fren dem, unu dah no fi disya worl; unu dah farina ahn strienja. So, Ah deh waan unu: unu no fi giv iin tu dehn sinful fiilin weh deh fait gens unu uon suol!

1 Peter 2:11 Iomraidhean Croise

Luke 21:34

“Unu main, unu no mek unu haat get hevy wid sin, laik di man weh wies ihn laif wid jronkinis, ahn di woriz a dis laif; ahn den, wen unu fain out, Dah Die kech unu aafa gyaad. Ih gwain kom aalava sodn laik wan trap;

Acts 15:20

Bot weh wii kyan du dah rait dem wan leta seh dehn no fi iit non fuud weh ada pipl aafa tu di aidal dem; ahn dehn no fi gat seks if dehn no marid, ahn dehn no fi iit non miit weh ada pipl strangl di animal, nar fi iit non blod.

Acts 15:29

So, unu no fi iit non fuud weh ada pipl aafa tu di aidal dem, ahn unu no fi iit non blod, nar non animal weh dehn strangl, ahn unu fi kiip weh fahn seks if unu no marid. Ih gwain du unu gud fi kiip weh fahn demde tingz. Tek kier.

Romans 12:1

So den, bredrin, sieka weh God gat so moch morsy pahn wi, Ah deh beg unu fi gi aala unu laif tu him laik wan laiv sakrifais, wan sakrifais weh huoly, ahn wan sakrifais weh gwain pliiz him. Dat dah di chruu wie how wi shuda waaship di Laad.

Romans 7:23

Bot Ah si seh mi bady deh fala wan difrent laa; ih deh fait gens di Laa iina mi main. Dat mek Ah bii laik wan prizna tu di laa weh mi bady deh fala, weh deh mek Ah sin.

Romans 8:13

Bikaaz, if unu jos deh liv laik how unu sinful nietyo tel unu fi liv, unu gwain ded. Bot, if unu mek God Spirit gi unu di powa so unu kyan stap du demde tingz weh unu bady tel unu fi du, unu gwain liv!

2 Corinthians 5:20

So den, bredrin, wi dah Christ representativ dem weh ihn wehn sen fi taak tu unu. Wii deh beg unu jos laik dah Christ himself deh beg unu seh, “Mek God ton unu fahn ihn enimy tu ihn fren dem!”

2 Corinthians 6:1

So bredrin, wii weh deh work tugeda wid God, deh beg unu fi mek gud yuus ah di gries weh God wehn gi unu.

2 Corinthians 7:1

Mi dier fren dem, sins God mek aala demya pramis tu wi, mek wi kiip faar fahn enyting weh gwain mek wi bady ahn wi spirit doty wid sin. Mek wi du wi bes fi liv wan huoly laif iina evrywie so dat wi kyan shuo rispek tu him!

Galatians 5:24

So, wen wi dah fi Jesus Christ, den wi uon sinful nietyo ahn aal demde tingz weh wi wehn yuuztu hat fi du, dah laik dehn get niel'op pahn wan kraas. Dehn ded fi chruut!

Ephesians 2:19

So den, unu weh dah no Jew dah no farina nar strienja no muo. Now, unu dah jos laik God pipl dem weh kom fahn di siem nieshan. Aala wi dah fi God famaly tugeda, Jew ahn Gentile di siem!

Ephesians 4:1

So den, Ai, Paul, weh dehn put iina prizn bikaaz Ah deh work fi di Laad; Ah deh beg unu fi waak iina God wie jos laik how ihn tel unu fi liv, wen ihn fos kaal unu fi chros iina ihn Son.

2 Timothy 2:22

So den, Timothy, yu fi ron fahn demde temtieshan weh yong pipl aalwiez deh get iina. Insida dat, yu fi go afta evryting weh rait. Go afta fiet, lov, ahn piis, lang wid aal demde pipl weh kaal pahn di Laad wid wan kliin haat!

Hebrews 11:13

So den, bredrin, evry wan a dehn pipl dem weh wi wende taak bout, wehn don ded aredy. Bot wail dehn wehn stil deh liv, dehn wehn gat fiet iivn duo dehn wehn don ded bitout get wat God wehn pramis dem. Bot dehn wehn hapy jos fi si evryting weh God wehn pramis dem fahn bifuor, ahn dehn wehn nuo seh dehn dah wehn jos laik farina ahn strienja deh liv rait yah pahn dis ort.

Hebrews 6:9

Unu mi gud fren, iivn duo wi deh rait laik dis, wi stil yet gat kanfidens iina unu. Wi nuo seh unu gat beta blesin deh kom unu wie —tingz weh kom tu unu sieka weh unu get siev!

James 4:1

Bot, dah weh mek unu fait ahn kwaaril mongs unuself fah? Dah no sieka weh unu lov plezha so moch? Yees sah, dah aala dehn bad tingz weh unu waahn so moch weh deh tier unu op fahn iinsaida unu.

1 Peter 1:1

Dis leta dah fahn mii, Peter, weh dah wan apasl a Jesus Christ. Ah deh rait dis leta tu aala di pipl dem weh God wehn pik, weh deh liv laik strienja skyata aal uova di sekshan dem weh dehn kaal Pontus, Galatia, Cappadocia, Asia ahn Bithynia.

1 Peter 1:17

Unu nuo seh God dah unu Faada, bot memba tu seh, ihn no gat non fievarit nontaim. Him gwain joj unu, or ihn gwain pie unu bai weh unu du. So den, spen di res a unu laif yah pahn ort, deh ana ahn rispek im!

1 Peter 4:12

Mi dier fren dem, wan neks ting: unu no fi fraitn wen unu deh go chruu dehn traiyalz weh bon unu laik faiya, laik if dah somting strienj deh hapm tu unu.

1 Peter 4:2

Fahn yah go bak, unu niid fi liv di res a unu laif yah pahn ort deh du weh God waahn unu fi du, ahn no weh unu fiil fi du.

2 Peter 3:1

Mi dier fren dem, dis dah di sekant leta weh Ah deh rait tu unu. Iina di two leta dem Ah trai fi inkorij unu fi tink muo ahn muo bout di tingz dem weh kliin ahn aanes. Unu no fi farget dem!