1 Peter 2:10 - The New Testament in Islander Creole

¹⁰ Wan taim wehn deh, wen unu dah neva nonbady; bot now unu dah God pipl dem! Wan taim nonbady neva shuo unu morsy; bot now God shuo unu morsy!

1 Peter 2:10 Iomraidhean Croise

Romans 10:19

Mek Ah aks unu agen: “Di Jew dem neva andastan dah mesij?” Yees, dehn andastan ih. Dah wehn Moses uonself weh wehn ansa dah kwestyan, wen ihn tel dem fahn lang taim abak weh God wehn seh: “Ah gwain bles wan gruup a pipl fahn anada nieshan, jos fi mek unu jalas. Ah gwain mek unu get beks wid wan nieshan a pipl weh neva andastan bifuor.”

Romans 11:30

Az fi unu weh dah no Jew, iina di paas unu neva yuuztu obie God. Bot now di Laad gat morsy pahn unu, bikaaz di Jew dem neva obie im.

1 Corinthians 7:25

Now, Ah deh seh dis bout demde pipl weh no marid yet: God neva gi mi non komaan bout'ih, bot stil yet Ah deh tel unu weh Ai joj fi bii rait. Ahn God —weh shuo morsy— gi mi wizdom so dat, wen Ah deh taak, di pipl dem kyan biliiv weh Ah deh tel dem.

1 Timothy 1:13

Iivn duo Ai yuuztu insolt God, ahn Ah yuuztu ongl bii kruwil ahn mek ihn pipl dem sofa plenty; stil yet, Christ gat morsy pahn mi, bikaaz Ah neva wehn nuo beta, ahn bikaaz Ah neva chros iina Christ demde taim.

Hebrews 4:16

Ahn, bikaaz di Laad dah wan weh ongl kain tu wi ahn mek wi no fried fi kom fronta ihn chruon, rait dehso wi kyan get morsy fahn him, ahn fain gries fi help wi wen wi niid ih!