1 Peter 2:1 - The New Testament in Islander Creole

¹ So bredrin, unu fi stap deh du di tingz dem weh hot ada pipl, ahn deh trai fuul dem op. Unu no fi bii wan hipokrit, nar jalas afta nonbady, nar taak bad bout dem niida!

1 Peter 2:1 Iomraidhean Croise

Matthew 15:7

Unu hipokrit! Di prafit Isaiah wehn rait wen ihn seh wat God tink bout unu:

Matthew 23:28

Dah jos so unu deh, pipl luk pahn unu outsaid ahn tink seh unu gud, bot iinsaida unu ful a unu hipokrit wiez ahn badnis.

Matthew 24:51

Den ihn maasta gwain gi'im wan tof ponishment; ihn gwain kot'im op iina piisiz ahn put im weh paat di hipokrit dem deh. Iina daty plies gwain gat plenty halarin, ahn dehn gwain grain dehn tiit sieka di pien weh dehn deh fiil.

Matthew 7:5

Unu dah som riil hipokrit! Fos unu fi tek di big piis a wuud outa unu uon ai; den unu gwain si beta fi tek di straa outa unu breda ai.

Mark 12:15

Bot Jesus wehn nuo wat dehn wehn op tu, ahn ihn seh tu dem, “Wai unu waahn trap mi? Unu bring wan silva chienj yah; mek Ah si'it.”

Luke 11:44

“How haad unu gwain gat'ih, unu Pharisee pipl! Unu jos laik di uol griev weh pipl waak pan, bikaaz dehn no nuo bout di ratnis weh deh iinsaida dem.”

Luke 12:1

Wen di pipl bai di thousands wende pail op roun Jesus, so moch til dehn wende mash wan anada, Jesus ton roun ahn seh tu ihn disaipl dem, “Unu no fi bii hipokrit laik di Pharisee dem. Dehn two-fies wiez kyan spred mongs unu laik how iis spred iina flowa.

Luke 6:42

Or, how unu gwain seh tu unu breda, ‘Fren, mek Ah tek di straa outa yo ai,’ wen unu neva si di big piis a wuud iina fi unu uon ai? Unu dah som riil hipokrit! Fos unu fi tek di big piis a wuud outa unu uon ai; den unu gwain si beta fi tek di straa outa unu breda ai.

John 1:47

Wen Jesus si Nathaniel deh kom upaa ihn wende, ihn seh bout im, “Dis dah wan chruu Israelite man weh Ah kyan seh ihn neva tel lai fi get somting fi ihnself!”

Romans 1:29

Dehn haat ful'op wid aal kain a wikidnis; dehn du uova bad tingz tu wan anada; dehn gat red ai ahn groj weh ada pipl gat; dehn waahn kil'op wan anada, ahn fait wid wan anada; dehn griidy, ahn dehn tink ahn seh ongl bad tingz bout wan anada.

1 Corinthians 14:20

Bredrin, unu no fi tink laik pikniny. Yees, unu kyan bii laik pikniny wen ih kom tu nuo bout wikid tingz, bot unu shuda bii laik big pipl wen ih kom tu how unu shuda tink bout gud tingz!

1 Corinthians 5:8

So, bredrin, unu no fi selibriet di Paasuova fiis wid sin ahn wikidnis iina unu laif! Dat dah laik wen unu deh iit bred weh gat iin uol iis —dat iis dah sin ahn wikidnis— bot mek wi selibriet fi wi Paasuova fiis wid wan laif weh kliin ahn aanes, weh dah laik bred weh mek bitout iis.

2 Corinthians 12:20

Bot Ah fried seh, wen Ah go si unu, Ah no gwain laik how Ah fain unu ahn unu no gwain laik how Ai hangl di sityuwieshan dem niida. Bikaaz, Ah fried seh Ah gwain fain plenty kwaaril, ahn jalasy, ahn tempa deh flai, selfishnis, ahn slanda, gasip, ahn praid —ahn som pipl deh go aan uova bizy-bady tu.

Ephesians 4:31

So, unu no fi gat non kain a bitanis iina unu haat, ahn no fi get so beks til unu get outa kanchruol! Unu no fi baal out pan wan anada, nar insolt'op wan anada, nar shuo non kain a hietful fiilin dem tu wan anada niida.

1 Thessalonians 2:3

So unu kuda si seh wi neva deh trai fuul unu, nar trik unu, nar liid unu astrie, wen wi wehn kom priich tu unu.

1 Timothy 3:11

Siem wie wid di diikan dehn waif dem: dehn fi bii rispektabl, so di pipl dehn kyan luk'op tu dem tu. Ahn dehn no fi laik gasip ahn seh bad tingz bout ada pipl. Dehn fi kanchruol demself gud ahn du weh dehn fi du evry die.

Titus 2:3

Iina di siem wie, yu fi tiich di uolda uman dem fi liv laik wan uman weh waahn du evryting weh God waahn im fi du. So, dehn no fi gasip bout ada pipl, ahn dehn no fi jrink tuu moch wain. Insida dat, dehn fi tiich weh gud ahn prapa.

Hebrews 12:1

Ahn now, bredrin, bikaaz wi gat dis big kroud a pipl dem weh don shuo wi how fi get fiet iina God ahn now deh wiknis how gud wii deh du, mek wi get rid a evryting weh kyan kiip wi bak, speshaly demde sin weh no gwain mek wi go gud. Insida dat, mek wi ron haad wi ries weh deh hed a wi.

James 1:21

So unu shuda get rid ah aala di dotinis ahn wikidnis weh so kaman mongs unu. Ahn iina wan ombl wie, unu fi aksep di Wod weh God wehn plaant iina unu —dat siem Wod weh kyan siev unu suol.

James 3:14

Bot iina unu haat, if unu grojful ahn gat red ai, ahn ongl kansaan bout unuself, den unu no fi buos bout aal weh unu nuo. Dat dah no di rait wie niida.

James 4:11

Lisn, bredrin, unu no fi kritisaiz wan anada niida. Bikaaz, wen unu kritisaiz wan anada, or joj wan anada, unu deh kritisaiz di Laa a God ahn unu deh joj'ih tu. Ahn, if unu deh joj di Laa, den unu no gwain bii laik wan weh deh kiip'ih, bot unu deh mek unuself di joj a ih!

James 4:5

Or, unu tink seh di Skriptyo no miin notn wen ih seh, “Di spirit, weh God put iina wi, dah wan uova jalas spirit.” Ihn no gwain shier him plies iina fi wi haat wid nonbady els!

James 5:9

Ahn bredrin, unu no fi grombl gens wan anada niida, bikaaz God gwain joj unu if unu du dat. Wach yah! Di Joj deh rait bai di duo rait now, redy fi joj unu.

1 Peter 2:16

Unu dah no sliev; unu frii! Bot, no bikaaz unu frii, unu gwain yuuz dat laik wan ekskyuus fi go du rang. Unu frii fi liv laik wan sliev weh dah fi God!

1 Peter 2:22

“Him neva sin, ahn ihn neva fuul'op nonbady niida.”

1 Peter 3:10

Bikaaz ih rait dong iina di Skriptyo seh: “If unu waahn mek unu laif hapy, ahn liv wan gud laif, unu no fi taak bad tingz, ahn unu no fi tel non lai niida.

1 Peter 4:2

Fahn yah go bak, unu niid fi liv di res a unu laif yah pahn ort deh du weh God waahn unu fi du, ahn no weh unu fiil fi du.

1 Peter 4:4

Ahn now, unu fren dem weh unu yuuztu gat, dehn sopraiz seh unu no waahn jain dem agen fi du dehn wikidnis weh unu yuuztu du. So, dehn ton roun ahn insolt unu!

Revelation 14:5

Dehn neva tel lai yet, so unu kyaahn fain non faalt wid dem ataal.