1 Peter 1:8 - The New Testament in Islander Creole

⁸ Alduo unu neva si Jesus Christ yet, unu stil yet lov him, ahn alduo unu no deh si'im now niida, unu chros iina him. So, unu no gat di wod dem fi eksplien di griet jai weh unu fiil iina unu haat.

1 Peter 1:8 Iomraidhean Croise

Matthew 10:37

“Enywan weh lov ihn pupa or ihn muma muo an weh ihn lov mii, no fit fi bii mi disaipl, ahn di wan weh lov ihn son or ihn daata muo an weh ihn lov mii, no fit fi bii mi disaipl niida.

John 14:15

“If unu lov mi, unu fi du aal mi komaanment dem.

John 14:21

Dem weh nuo mi komaanment dem ahn fala dem dah di wan dem weh lov mi fi chruut. Ahn mi Faada gwain lov dem weh lov mii, ahn Ah gwain lov dem tu; ahn Ah gwain shuo dem dah huu mii.”

John 14:24

Enybady weh no lov mi, no du weh Ah seh. Dah no mii mek'op demya wod weh Ah deh tel unu, bot dem dah fahn mi Faada weh sen mii.

John 16:22

“Dah rait so wid unu: unu deh fiil sad rait now, bot Ah gwain si unu agen ahn den unu haat gwain glad, ahn nonbady gwain kyan tek weh di gladnis fahn unu nontaim.

John 20:29

Jesus tel Thomas, “Weh hapm? Yu ongl biliiv bikaaz yu deh si mi? Pipl weh no si ahn stil biliiv, dah dem weh bles fi chruut.”

John 8:42

Jesus seh tu dem, “If God dah wehn fi unu faada fi chruut, den unu wuda lov mii, bikaaz Ah wehn kom fahn God, ahn now Ah deh yah. Ah neva kom pahn mi uon, bot dah him wehn sen mi.

Acts 16:34

Den di jiela ker Paul ahn Silas iina ihn hous ahn gi dem fuud fi iit. Ihn wehn uova glad bikaaz him ahn ihn famaly now chros iina Jesus.

Romans 14:17

Bikaaz, fi bii paat a God Kingdom no gat notn fi du wid demde tingz weh wi iit or demde tingz weh wi jrink. God Kingdom dah bout how wi fi liv striet ahn iina piis wid evrybady, ahn bout di jai weh di Holy Spirit put iina fi wi haat.

Romans 15:13

So den, bredrin, Ai prie seh God, weh gi wi huop, gwain mek unu ful'op wid jai ahn piis wail unu chros iina him. Den, di powa a di Holy Spirit gwain mek unu luk muo ahn muo ahed tu weh God gwain du.

1 Corinthians 16:22

Memba: enybady, weh no lov di Laad, gat wan kors pahn dem. Ahn Ah seh, “Maranatha!” Mek wi Laad suun kom!

2 Corinthians 1:22

Him put fi him stamp pahn wi aredy fi shuo seh wi dah fi him uon pipl dem. Ahn ihn put ihn Spirit iina fi wi haat fi mek wi nuo seh wi gwain get aal weh ihn gat fi wi.

2 Corinthians 4:18

Unu si, wi set wi haat pahn demde tingz weh wi kyaahn si, no pahn demde tingz weh wi kyan si. Demde tingz weh wi kyan si, no laas lang; bot demde tingz weh wi kyaahn si, gwain laas fareva ahn eva!

2 Corinthians 5:7

Dis dah weh Ah miin fi seh: wi deh liv bai weh wi biliiv, no jos bai weh wi kyan si;

2 Corinthians 9:15

So den, mek wi tank fi wi Faada God fi di uova speshal gif weh ihn wehn sen fi wi. Wi kyaahn iivn fain di wod dem fi tel im tanks nof!

Galatians 5:22

Bot, if wi mek di Holy Spirit kanchruol wi laif, den dis dah weh gwain kom outa fi wi laif: lov, hapinis, piis, pieshens, ahn kainis. Ahn wi gwain triit wan anada gud, ahn di pipl dem gwain kyan dipen pahn wi tu.

Galatians 5:6

Bikaaz, wen wi dah wan wid Jesus Christ, ih no mata if wi sorkomsaiz or no sorkomsaiz. Weh riily impuotant dah wi fiet iina Christ, ahn dah dat fiet weh mek wi gat lov.

Ephesians 3:19

Dah chruut, bredrin, non a wi kuda eva nuo jos ho moch Christ lov wi; bot wen unu nuo God lov, ih gwain kiip aan deh work iinsaida unu plenty muo evry die til unu ful'op wid di fulnis a God himself!

Ephesians 6:24

Ahn Ah prie tu seh God wi bles aal dehn pipl weh lov wi Laad Jesus Christ, wid di kain a lov weh neva gwain en nontaim ataal. Amen!

Philippians 1:25

Ahn bikaaz Ah shuor a dis, Ah nuo seh Ah gwain stie yah wid aala unu fi help unu get ahed iina unu fiet ahn fiil gud bout'ih.

Philippians 3:3

bot dah wii, dah di wan dem weh riily sorkomsaiz, bikaaz wi waaship God chruu di Spirit! Wi ongl proud bout Christ Jesus, ahn so wi no gat non fiet iina fi wi uonself

Philippians 4:4

Ah seh, “Rijais iina di Laad!” Unu niid fi bii hapy aal di taim, bikaaz unu dah wan wid di Laad. Lisn, Ah gwain tel unu agen: “Rijais iina di Laad!”

Hebrews 11:1

Now, di fiet weh wi gat iina God, dah weh mek wi shuor seh wi gat weh wi deh huop fah; ih mek wi shuor a di ting dem weh wi kyaahn si.

Hebrews 11:27

Ahn dah wehn bikaaz a Moses fiet iina God, weh mek ihn lef Egypt bitout fried fi di king niida —no mata how beks di king wehn beks! Moses wehn miin seh ihn neva gwain ton bak, bikaaz dah siem laik ihn wehn si di Wan ahn ongl God weh nonbady kuda si!

1 Peter 1:6

Unu gwain glad pahn Dat Die, bot rait now unu sad, sieka aal di troblz ahn haad taim dem weh unu hafy go chruu fi wan likl wail langa.

1 Peter 2:7

Yees, him preshos tu aala demde pipl weh chros iina him; bot tu dehn pipl weh no chros, di Skriptyo seh: “Di stuon weh di bilda dem neva tink wehn wot notn, ton out fi bii di muos impuotant wan outa aala dem!”

1 Peter 5:4

so dat wen di Chiif Shepad kom bak, unu gwain get wan kroun a gluory weh gwain neva fied-weh.