1 Peter 1:6 - The New Testament in Islander Creole

⁶ Unu gwain glad pahn Dat Die, bot rait now unu sad, sieka aal di troblz ahn haad taim dem weh unu hafy go chruu fi wan likl wail langa.

1 Peter 1:6 Iomraidhean Croise

Matthew 11:28

“Kom tu mi aala unu weh deh gat haad laif laik unu deh ker wan big luod; ahn Ah wi mek unu res.

Matthew 26:37

Ahn Jesus ker Peter ahn Zebedee two son dem wid im, ahn ihn staat fiil uova sad, ahn plenty tingz wende iina ihn main.

Matthew 5:12

Rijais ahn get glad wen dat hapm, bikaaz wan big gif deh wiet fi unu iina hevn. Memba seh: dehn ansesta dem wehn du di siem ting tu di prafit dem lang taim bifuor unu.

Luke 1:47

ahn mi spirit glad bikaaz him dah God mi Sievya.

Luke 10:20

So, no get glad seh bad spirit pie unu main; beta unu glad seh unu niem don rait dong iina hevn!”

Luke 2:10

Bot di ienjel seh, “Unu no get fraitn! Ah kom fi gi unu wan gud nyuuz, weh gwain mek aal di pipl dem get glad.

John 16:22

“Dah rait so wid unu: unu deh fiil sad rait now, bot Ah gwain si unu agen ahn den unu haat gwain glad, ahn nonbady gwain kyan tek weh di gladnis fahn unu nontaim.

John 16:33

“Ah deh tel unu demya tingz fi mek unu gat piis iina unu haat. Unu gwain sofa plenty iina dis worl, bot unu no fi wory, bikaaz Ah don distrai di powa fahn dis worl aredy.”

Acts 14:22

Dehn gaan, gaan strentn ahn inkorij di biliiva dem fi dehn stan op strang fi dehn fiet. Ihn tel dem seh, “Wi hafy sofa plenty trobl iina disya laif fi go iina God Kingdom.”

Romans 12:12

Sieka di huop weh unu gat, unu fi bii hapy fi weh God gwain du fi unu. Ahn wen unu deh go chruu troblz, unu fi gat pieshens ahn bier'op aanda dem; ahn unu fi prie aal di taim tu!

Romans 5:11

Ahn dat dah no aal: Wi deh rijais sieka weh fi wi Laad Jesus Christ du wen ihn bring wi bak tu God ihnself, fi bii ihn fren dem.

Romans 5:2

Dah Jesus weh ker wi chruu wi fiet dah di plies weh wi kyan liv aanda God gries. Ahn dat mek wi ful'op wid jai, bikaaz wi nuo seh God gwain gi wi fi wi paat iina ihn gluory tu!

Romans 9:2

Ah uova sary fi mi pipl dem, di pipl fahn Israel. Bikaaz di pien weh Ah fiil iina mi haat fi dem neva stap.

2 Corinthians 4:17

Ahn wi nuo seh di likl bit a trobl weh wi deh go chruu fi disya shaat taim dah no notn ataal, wen wi kompier ih tu di huol paila gluory weh wi gwain get, weh gwain laas fareva!

2 Corinthians 6:10

Wi haat hevy, bot wi stil kyan rijais. Wi no gat plenty tingz, bot plenty pipl get rich blesin chruu weh wi priich. Wi no uon notn, bot stil evryting dah fi wi.

Galatians 5:22

Bot, if wi mek di Holy Spirit kanchruol wi laif, den dis dah weh gwain kom outa fi wi laif: lov, hapinis, piis, pieshens, ahn kainis. Ahn wi gwain triit wan anada gud, ahn di pipl dem gwain kyan dipen pahn wi tu.

Philippians 2:26

Bot ihn uova waahn si unu, ahn ihn deh wory bikaaz unu wehn hier seh ihn wehn sik.

Philippians 3:3

bot dah wii, dah di wan dem weh riily sorkomsaiz, bikaaz wi waaship God chruu di Spirit! Wi ongl proud bout Christ Jesus, ahn so wi no gat non fiet iina fi wi uonself

Philippians 4:4

Ah seh, “Rijais iina di Laad!” Unu niid fi bii hapy aal di taim, bikaaz unu dah wan wid di Laad. Lisn, Ah gwain tel unu agen: “Rijais iina di Laad!”

1 Thessalonians 1:6

So, wen unu wehn aksep dah mesij, unu wende fala wi egzampl ahn di Laad egzampl tu. Ahn fi dat unu sofa bad, bot den di Holy Spirit mek unu fiil glad!

James 1:2

Bredrin, unu fi fiil glad enytaim unu ron iina eny kain a troblz ahn haad taim,

James 1:9

Ahn wan neks ting: di breda weh puor shuda glad, bikaaz God lif'im op iina ihn sait.

James 4:9

Ripent, staat muon ahn baal out haad. Stap laaf ahn staat krai. Stap fiil glad ahn staat fiil sad!

1 Peter 3:17

Memba seh: ih muo beta fi sofa bikaaz unu deh du weh rait, if dat dah weh God waahn, an fi unu sofa bikaaz unu deh du demde kain a tingz weh no rait!

1 Peter 4:7

Bredrin, unu main! Di en a di worl suun kom, so unu hafy get siiryos ahn kanchruol unuself, so dat unu kyan prie gud.

1 Peter 5:10

Bot, afta unu don sofa fi wan likl wail, di God a Gries —weh kaal unu fi bii wan wid Christ Jesus fi shier ihn gluory weh gwain laas fareva— him gwain mek unu bii aal weh unu supuoz fi bii. Ahn ihn gwain mek unu strang, ahn ihn gwain help unu so unu no gwain shieky iina unu fiet.