1 Peter 1:5 - The New Testament in Islander Creole

⁵ God gwain protek unu wid ihn griet powa til unu get dis salvieshan, bikaaz unu chros iina him. Ahn dis salvieshan gwain redy fi evrybady pahn dah Laas Die wen taim en.

1 Peter 1:5 Iomraidhean Croise

John 12:48

Dem weh rijek mii ahn no waahn hier mi mesij, don gat wan joj aredy; pahn di laas die, fi dem joj gwain bii di siem tingz weh Ah don tiich dem aredy.

John 17:15

“Faada, Ah no deh aks yo fi tek dem outa di worl, bot Ah deh aks yo fi protek dem fahn di Wan weh Bad.

John 4:14

Bot dem weh jrink fahn di waata weh Ah gwain gi dem, no gwain get torsty agen. Di waata weh Ah gwain gi dem gwain deh stuor op iina dehn haat jos laik dem waata spring weh paat di waata neva stap ron. Ahn dis waata gwain mek dem liv gud wid God fareva.”

John 5:24

Ah deh tel unu di chruut: enybady weh hier weh Ah seh ahn biliiv di Wan weh sen mi, don gat laif weh no gwain don nontaim ataal, ahn ihn no gwain si no jojment niida, bikaaz him wehn kraas uova fahn det tu riil laif.

Romans 11:20

Dat dah chruut, bot dehn wehn brok aaf sieka dehn neva biliiv; ahn unu deh iin, bikaaz unu wehn don biliiv! Bot unu no fi get swel-hed bout dat ataal. Main, unu mek shuor seh unu kiip aan deh biliiv God, or tingz gwain go bad fi unu agen!

Romans 8:18

Stil, Ah tink seh, weh wi deh sofa now iina disya taim pahn ort, dah no notn tu di gluory weh God gwain shuo wi lietaraan.

1 Corinthians 1:21

God mek'ih so dat di pipl dem iina disya worl kyaahn get fi nuo him chruu fi dem uon wizdom nontaim. Insida dat, ihn yuuz disya suo-kaal fuulish mesij weh wi priich fi siev dehn pipl, weh deh chros iina him.

2 Corinthians 1:24

Now, wi no deh trai fi tel unu weh unu fi biliiv, bikaaz unu fiet iina Jesus strang. Insida dat, wi deh work tugeda wid unu fi mek unu rijais!

Galatians 2:20

Ahn di ting dah seh: dah no riily mii deh liv no muo, bot dah Jesus Christ himself deh liv iina mi. Ahn di wie Ai deh liv mi laif now dah bai di fiet weh Ah gat iina God Son, huu lov mi ahn wehn gi ihn laif fi mi.

Ephesians 2:8

So, wen God siev unu, dah bikaaz dah fi him gries chruu di fiet weh ihn gi unu fi chros iina im. Dis no gat notn fi du wid unu ahn weh unu kuda du; ih dah wan gif fahn God aluon!

Ephesians 3:17

Ahn Ah deh prie tu seh, dat az unu deh chros iina Christ, ihn gwain set op ihn huom iina unu haat; so dat wateva unu du, unu wi du'ih sieka unu lov fi him;

Philippians 1:6

God don staat op wan gud work iina unu, ahn Ah nuo fi shuor seh ihn gwain don ih bai di taim Christ Jesus kom bak.

Philippians 4:7

Den, God gwain gi unu wan kain a piis weh nonbady kyaahn andastan. Ahn ih gwain mek dah siem piis stie uova unu haat ahn unu main, bikaaz unu dah wan wid Christ Jesus.

2 Timothy 3:15

Yo fi memba di tiichin dem fahn wen yu wehn smaal. Dah di Huoly Skriptyo weh tiich yo fi bii waiz, so yu kyan gat fiet iina Jesus Christ fi bii siev.

Titus 2:13

Wi fi liv laik dat, wail wi wiet fi dat Blesed Die weh wi deh huop fah, wen wi gwain si di gluory a wi griet God ahn Sievya, Jesus Christ.

Hebrews 6:12

Wi no waahn unu get liezy, bot wi waahn unu bii laik demde pipl lang taim abak, weh chruu dehn fiet ahn dehn pieshens, get weh God wehn pramis dem!

Hebrews 9:28

dah di siem wie, Christ wehn ongl ded wan taim fi tek weh plenty pipl sin. Bot, wen ihn kom bak agen, ihn no gwain bii fi diil wid sin, bot dah fi siev aal di pipl dem weh deh wiet fi wen ihn kom bak fi dem!

1 Peter 1:13

So den, bredrin, get unu main redy fi akshan ahn kiip unuself aanda kanchruol aal taim. Set unu huop pahn dah speshal gries weh unu gwain get wen Christ kom bak.

1 Peter 4:13

Insida dat, unu fi glad seh, unu deh get di chaans fi shier iina Christ sofarin, bikaaz aftawod unu gwain get di jai fi shier iina ihn gluory tu, wen di taim kom fi dehn shuo ih tu di pipl a disya worl.

1 Peter 5:1

Now, Ah deh taak tu di chorch elda dem mongs unu. Mii dah wan elda tu ahn Ah dah wan wiknis ah weh Christ sofa, so Ah gwain shier iina ihn gluory weh ihn gwain shuo wi. Unu chorch eldaz, Ah deh beg aala unu

2 Peter 1:3

Bredrin, dah God huoly powa weh gi wi evryting weh wi niid fi liv wan laif weh gwain pliiz im, chruu weh wi nuo bout di Wan weh kaal wi fi shier iina ihn uon gluory ahn gudnis!

1 John 3:2

Mi dier fren dem, wii dah God pikniny dem, ahn wi kyaahn iivn tink weh wi gwain bii wen Jesus kom bak. Bot wan ting wi nuo, ahn dah dis: wen ihn kom bak, wii gwain bii jos laik him, bikaaz wi gwain si him jos laik how him stie.

Jude 1:1

Dis leta dah fahn mii, Jude, wan a Jesus Christ sorvant, ahn fi James breda. Ah deh rait dis leta tu aal dehn pipl weh God don set apaat fi bii ihn uon pipl, ahn weh ihn lov, ahn weh Jesus ihnself deh kiip sief.

Jude 1:24

Now, mek wi gi fi wi God aal di gluory, bikaaz dah ongl him huu kyan huol wi op, ahn den bring wi tu ihn gluoryos plies bitout non faalt ataal, ahn wid plenty jai.