1 Peter 1:4 - The New Testament in Islander Creole

⁴ Ahn so, aala wi deh luk ahed tu di rich blesin dem weh God put'op fi wii iina hevn. Ahn demya blesinz gwain kyaahn ratn nar spail nar fiedaweh nontaim ataal!

1 Peter 1:4 Iomraidhean Croise

Matthew 25:34

Den di king gwain seh tu dem pahn di rait, ‘Kom, unu weh mi Faada wehn bles; kom get di Kingdom weh di Laad pripier fi unu fahn wen ihn fos mek di worl.

Mark 10:17

Wen Jesus wende staat out fi kantinyo weh ihn wehn gwain, wan man kom deh ron ahn niil dong fronta im, ahn ihn aks im, “Gud Tiicha, wat Ah hafy du fi gat laif fareva?”

Acts 20:32

“Now Ah put unu iina God han; ahn di mesij bout God kainis ahn lov weh him gat fi unu gwain bil unu op, ahn aftawod gwain gi unu aala weh ihn gat fi unu, lang wid aala ihn pipl dem.

Acts 26:18

Ah waahn yu fi uopm dehn ai ahn ton dem roun fahn di daaknis, weh dehn deh iina, tu di lait; ahn fahn Satan powa tu God. So chruu dehn fiet iina mi, dehn gwain get fargivnis fi dehn sin ahn dehn gwain gat wan plies mongs di pipl weh God wehn pik out fi ihn uon.’

Romans 8:17

Ahn sieka weh wi dah God pikniny, wi gwain get aal di blesin dem weh God deh kiip fi ihn pipl dem, ahn shier demde blesinz weh him deh kiip fi ihn Son tu. Bikaaz, if wi shier iina Christ sofarin, wi gwain shier iina fi him gluory tu!

1 Corinthians 9:25

Evrybady weh deh ron iina di ries gwain du aal weh dehn kyan du fi mek dehn bady fit, so dehn kyan ron muo beta. Dehn du aala dat fi get wan kroun outa liif —weh no gwain laas lang. Bot, wii gwain get wan kroun weh gwain laas fareva!

Galatians 3:18

Now, God no gwain bles unu jos bikaaz unu kiip di Laa, bot ihn gwain bles unu, bikaaz ihn wehn pramis fi bles unu! Rait so, God bles Abraham, bikaaz ihn wehn pramis fi bles im.

Ephesians 1:11

Di chruut dah seh, evryting weh tek plies iina disya worl, dah bikaaz God wehn don plan'ih, ahn dah fi him disizhan. So, God wehn pik wi out fi bii fi him uon pipl dem ahn bii wan wid Christ; ahn dat dah fi him uon plan weh ihn wehn disaid fahn di biginin a taim.

Ephesians 1:14

Di stamp a di Spirit dah weh mek wi shuor seh wi gwain get aal weh God wehn pramis ihn pipl dem. Dis tel wii seh wi no hafy wory nontaim, bikaaz God wehn mek aala wi weh dah fi him, get frii. Ahn fi dat, mek wi priez ihn gluory now ahn fareva muo!

Ephesians 1:18

Ah aks im fi mek unu main uopm fi si ihn lait, so dat unu wuda nuo wat dah di huop weh ihn wehn kaal unu fah. Ahn fi mek unu nuo how rich unu rich, bikaaz a di wandaful blesin dem weh ihn pramis fi aala ihn pipl dem.

Colossians 1:12

Den, wid wan hapy haat, unu fi gi tanks tu wi Faada, bikaaz ihn mek unu fit fi get unu paat iina weh ihn wehn pramis ihn pipl dem iina ihn Kingdom a Lait.

Colossians 1:5

Bikaaz, wen di chruu mesij —di Gud Nyuuz— wehn fos go tu unu, unu wehn hier bout dah huop weh di Laad wehn gi wi. So, unu fiet ahn lov res pahn weh unu deh huop fah. Ahn aal weh unu deh huop fah stil yet dedeh sief fi unu op dah hevn!

Colossians 3:24

Memba seh: dah di Laad Christ unu riily deh sorv, ahn dah him gwain pie unu.

2 Timothy 4:8

Ahn now, di kroun weh yu get wen yu liv rait, deh wiet fi mi. Dat dah weh di Laad weh dah di Raichos Joj, gwain gi mi pahn Dat Die wen him kom bak. Ahn dah kroun deh, dah no ongl fi mii, bot dah fi evrybady huu deh lang wid aal dem haat, fi mek him kom bak!

Hebrews 10:34

Ahn unu wuda fiil fi demde pipl weh wehn iina jiel tu. Unu wehn stie gud, iivn duo som ada pipl wehn tiif evryting weh unu wehn uon. Iina demde taim unu wehn nuo seh unu wehn gwain get beta ting —ting weh gwain laas fareva op iina hevn.

Hebrews 9:15

Dat dah wai Christ dah di Wan weh stan bitwiin God ahn di pipl dem aanda di Nyuu Agriiment, so aala dehn pipl weh God don pik, kyan get aal di blesin dem weh di Laad wehn pramis dem. Bikaaz Christ wehn ded, so dat ihn kuda wehn frii dem fahn di sin dem weh dehn wehn du, wen dehn wende aanda di Uol Agriiment.

James 1:11

Di son kom op wid plenty hiit ahn wida di plaant, ahn di flowaz dem jrap aaf, ahn dehn no luk prity agen. Dah rait so di rich man gwain fied-weh ahn disapier, iivn wail ihn deh ten tu ihn bizniz.

1 Peter 3:9

Bot, if sombady du unu somting bad, unu no fi du somting bad bak tu dem. Ahn, if sombady insolt unu, unu no fi insolt dem bak agen niida. Insida dat, aks God fi bles dem, bikaaz dat dah weh God waahn unu fi du —ahn den ihn gwain bles unu!

1 Peter 5:4

so dat wen di Chiif Shepad kom bak, unu gwain get wan kroun a gluory weh gwain neva fied-weh.

Revelation 21:27

Bot notn weh bad gwain go iina di sity. Ahn nonbady weh deh du dehn doty tingz weh mek pipl shiem, gwain go iin deh. Siem wie, demde pipl weh no tel di chruut, dehn gwain kyaahn go iin niida. So, di pipl dem weh gwain go iina di sity dah ongl demde pipl weh dehn niem wehn rait dong iina di Lam Buk a Laif!