1 Peter 1:13 - The New Testament in Islander Creole

¹³ So den, bredrin, get unu main redy fi akshan ahn kiip unuself aanda kanchruol aal taim. Set unu huop pahn dah speshal gries weh unu gwain get wen Christ kom bak.

1 Peter 1:13 Iomraidhean Croise

Matthew 20:4

So ihn tel dem, ‘Unu golang, go work iina mi griep grong tu, ahn aftawod Ah wi pie unu enyting weh unu fi get.’ Ahn dehn gaan.

Luke 12:35

“Tai op unu kluoz so unu wi redy fi work. Kiip unu lamp dem deh bon,

Luke 17:30

Ih gwain bii jos so pan di die wen di Son a Man kom bak.

Luke 17:8

Nuo sah. Insida dat yo gwain tel im, ‘Kom get mi sopa. Put aan wan iepran ahn ten tu mi; wiet til Ah iit ahn drink. Den aftawod yuu kyan iit ahn drink.’

Romans 13:13

Mek wi liv wan kliin laif laik pipl weh deh iina di die-lait. Wi no fi liv wan slak laif ahn sliip roun. Wi no fi bii jronkin man. Wi no fi deh go dah non wail paaty ahn du aala demde kain a wikid tingz niida. Ahn wi no fi fait wid pipl, nar groj weh ada pipl gat.

Romans 8:19

Bikaaz, di huol a God kriyieshan deh wiet ahn deh luk ahed wid iiganis fi di taim wen God gwain shuo huu dah fi him pikniny dem.

1 Corinthians 1:7

Ahn bikaaz a dat, unu gat aala di gif dem weh unu niid weh di Holy Spirit gi unu, wail unu deh wiet fi di taim wen di Laad Jesus Christ gwain apier.

1 Corinthians 13:13

Now den, bredrin, wii gat three tingz weh gwain laas fareva: fiet, huop, ahn lov. Bot lov dah di grietis wan outa di three a dem!

Ephesians 6:14

So den, unu fi stan strang gens evryting weh wikid. Mek aal dah chruut weh unu biliiv, bii laik di belt weh wan suoldya taitn gud roun ihn wies. Ahn mek di rait wie a livin weh unu deh stan fah, bii laik dah aiyan wes-kot weh kova di suoldya ches.

Colossians 3:4

Memba seh: di Laad Jesus Christ dah fi wi chruu laif. Ahn so, wen ihn kom bak, aala unu gwain dedeh wid im tu, fi shier iina fi ihn gluory!

2 Thessalonians 1:7

Bot fi unu weh deh sofa now, God gwain tek weh unu sofarin, siem laik ihn gwain tek weh fi wi sofarin tu. Ahn ihn gwain du'ih, wen di Laad Jesus kom bak fahn hevn wid ihn powaful ienjel dem, ahn wid plenty faiya weh deh bliez. Di Laad Jesus gwain bring jojment pahn demya pipl weh no nuo God ahn weh no obie di Gud Nyuuz bout im.

2 Timothy 4:5

Bot yuu, Timothy, yu fi kiip yo hed wid yu aalwiez. No fried fi sofa fi di Laad. Du di work a wan ivanjelis ahn finish di jab weh God wehn gi'yo fi du.

2 Timothy 4:8

Ahn now, di kroun weh yu get wen yu liv rait, deh wiet fi mi. Dat dah weh di Laad weh dah di Raichos Joj, gwain gi mi pahn Dat Die wen him kom bak. Ahn dah kroun deh, dah no ongl fi mii, bot dah fi evrybady huu deh lang wid aal dem haat, fi mek him kom bak!

Hebrews 10:35

So den, bredrin, unu no fi stap chros iina di Laad, ahn unu no fi kier weh gwain hapm, bikaaz memba seh: unu gwain get wan big pie!

Hebrews 3:6

Bot Christ, az God Son, wehn inchaaj a God hous ihself! Ahn wii dah God hous if wi kiip'op wi korij ahn gat kanfidens iina di huop weh wi gat iina Christ Jesus.

Hebrews 6:19

Wi gat disya huop, weh dah laik wan enka fi wi suol weh kiip wi, so dat notn kyaahn muuv wi no taim. Dis enka so sief ahn shuor dat ih mek wi kyan iivn go bihain di kortn tu di huoli'is plies, weh paat God deh!

Hebrews 9:28

dah di siem wie, Christ wehn ongl ded wan taim fi tek weh plenty pipl sin. Bot, wen ihn kom bak agen, ihn no gwain bii fi diil wid sin, bot dah fi siev aal di pipl dem weh deh wiet fi wen ihn kom bak fi dem!

1 Peter 1:10

Ahn dis salvieshan dah wehn somting weh di prafit dem wehn waahn nuo muo bout. Dehn wehn prafisai bout dis gif weh God wehn waahn gi unu fahn lang-lang taim abak, ahn dehn wehn saach fi fain out bout'ih.

1 Peter 3:15

Insida dat, unu fi waaship Christ az Laad a unu laif. Ahn if enybady aks unu bout di huop weh unu gat bikaaz unu dah wan biliiva, unu fi redy fi eksplien ih tu dem.

1 Peter 4:7

Bredrin, unu main! Di en a di worl suun kom, so unu hafy get siiryos ahn kanchruol unuself, so dat unu kyan prie gud.

1 Peter 5:12

Bredrin, Ah deh rait unu dis shaat leta. Ahn Silas, weh dah wan fietful biliiva, deh help mi du'ih. Di riizn wai Ah deh rait dis leta dah fi inkorij unu ahn fi mek unu nuo seh unu kyan chros di chruu gries a God no mata weh gwain hapm tu unu!

1 Peter 5:8

Stie pahn unu gyaad tu, ahn wach out! Unu enimy —weh dah di devl— him dah laik wan laiyan weh deh ruor. Him deh waak roun fahn plies tu plies deh si huu ihn kyan iit'op!

1 John 3:3

Ahn aala dem weh gat dis huop iina dehn haat, gwain kiip demself huoly, jos laik how Jesus huoly.