1 Peter 1:12 - The New Testament in Islander Creole

¹² Bot God tel di prafit dem seh, weh dehn deh rait bout dah no fi dem benifit, bot dah fi unu. Dehn wehn taak bout demde tingz weh now unu deh hier fahn demya pipl weh deh priich di Gud Nyuuz chruu di powa a di Holy Spirit, weh kom fahn hevn. Demya dah di tingz dem weh iivn di ienjel dem wuda laik fi nuo bout.

1 Peter 1:12 Iomraidhean Croise

Matthew 11:25

Iina dah siem taim Jesus seh, “Ah tank yuu, Faada, Laad iina hevn ahn pahn ort, bikaaz yo kiip di chruut bout di Kingdom fahn di pipl dem weh tink seh dehn waiz ahn dem weh seh dehn nuo bout demya tingz, bot yo shuo dem tu di aadinary pipl.

Matthew 11:27

Den ihn tel ihn disaipl dem, “Mi Faada gi mi atarity uova evryting. Nonbady riily nuo di Son eksep di Faada, ahn nonbady riily nuo di Faada eksep di Son, ahn enybady els weh di Son waahn fi nuo im.”

Matthew 16:17

Den Jesus seh tu im, “If yuu wehn ongl nuo how bles yo bles, Simon, Jonah son! Bikaaz nonbady neva mek yo andastan dis; dah mi Faada iina hevn du'ih.

Mark 16:15

Ihn tel aala dem, “Unu go chruu di huol worl ahn priich di gud nyuuz tu evrybady.

Luke 15:10

Iina di siem wie, God ienjel dem uova glad wen wan sina ton tu God.”

Luke 2:26

ahn ihn wehn shuo im seh ihn neva wehn gwain ded bifuor ihn si di Mesaya, huu God wehn pramis fi sen tu ihn pipl dem.

Luke 9:6

So di apasl dehn gaan fahn wan plies tu anada deh priich di gud nyuuz, ahn deh kyuor di pipl dem evry weh.

John 15:26

“Now wen di Helpa, weh Ah gwain sen tu unu fahn di Faada kom —weh Ah miin dah di Spirit weh kom fahn di Faada ahn weh tel di chruut aal taim— wel, him dah di Wan weh gwain mek unu nuo bout mii.

Acts 10:44

Wail Peter stil wende seh demde tingz, di Holy Spirit kom dong pahn aala dem weh wende hier ihn mesij.

Acts 16:10

Afta ihn hier di vais —bitout wies nontaim— Paul get wii redy fi go dah Macedonia, bikaaz wi wehn nuo seh dah God wende sen wi deh, fi priich di gud nyuuz tu di pipl dem.

Acts 2:33

Den God gi Jesus di bigis ana, wen ihn put im fi sidong pahn ihn rait han said; ahn gi'im di Holy Spirit jos laik how ihn wehn pramis him. Dis dah weh unu deh si ahn hier yah tudeh.

Acts 4:31

Wen dehn don prie, di plies weh dehn wehn gyada tugeda staat shiek. Ahn aala dem get ful'op wid di Holy Spirit, ahn dehn staat priich God mesij bitout fiil fried ataal.

Acts 4:8

Den Peter ful'op wid di Holy Spirit, seh tu dem, “Aala unu ruula ahn ada liida a di pipl dem,

Acts 8:25

Wen Peter ahn John don tel di pipl dem bout dehn ekspiriens wid Jesus, ahn don priich di mesij fahn di Laad, dehn gaan bak dah Jerusalem. Ahn pahn di wie, dehn wehn priich di gud nyuuz iina plenty ada Samaritan toun.

Romans 1:15

Ahn sieka dat, Ah iiga fi priich di Gud Nyuuz tu unu weh deh dah Rome.

Romans 1:17

Bikaaz di Gud Nyuuz dah fi shuo how God mek evryting rait bitwiin ihnself ahn di pipl dem. God mek dem rait sieka dehn fiet, fahn di fos tu di laas wan a dem, jos laik weh di Skriptyo seh, “Demde pipl weh raichos gwain liv bai fiet.”

Romans 10:15

Ahn how di mesinja dem gwain tel dem, if nonbady no sen dem? Dah laik weh rait iina di Skriptyo seh, “Dah wan byuutiful sait iivn fi si di fut dem a demde mesinja weh deh bring di Gud Nyuuz.”

Romans 15:19

Dah God Spirit weh gi mi di powa fi du aal di mirakl ahn di sain dem weh Ah du. So, wail Ah wende travl fahn Jerusalem aal di wie roun Illyricom ieriya, Ah wende tel di pipl dem bitout skip notn ataal bout di Gud Nyuuz fahn Jesus Christ.

1 Corinthians 2:10

Bot wi nuo demya tingz, bikaaz God wehn mek ihn Holy Spirit shuo dem tu wi. Dah God Spirit weh saach out evryting, iivn aal di siikrit ting dem bout God.

2 Corinthians 1:22

Him put fi him stamp pahn wi aredy fi shuo seh wi dah fi him uon pipl dem. Ahn ihn put ihn Spirit iina fi wi haat fi mek wi nuo seh wi gwain get aal weh ihn gat fi wi.

2 Corinthians 6:6

Bot stil yet, wi pruuv seh wi deh du God work bai di kliin laif weh wi liv, ahn bai wi andastandin, ahn pieshens, ahn wi kainis, ahn wi chruu-lov weh di Holy Spirit powa gi wi.

Galatians 1:12

Ah neva get'ih fahn nonbady niida, ahn nonbady neva tiich mi it. Ah get'ih striet fahn Jesus Christ, huu ihnself wehn shuo mi dis mesij.

Galatians 1:16

Bot ih pliiz di Laad fi shuo mi huu dah ihn Son, so dat Ah kuda priich bout im tu aal demya pipl weh dah no Jew. Den, Ai neva ron gaan, gaan aks nonbady weh dehn tink bout eny a dis.

Ephesians 3:10

Ihn du aala dat so now aal di ruula ahn di atarity dem iina di spiritwal worl wuda laan bout aal di difrent kain a wizdom weh him gat ahn du chruu ihn chorch.

1 Thessalonians 2:9

Bredrin, Ah no tink unu kyan farget how haad wi wehn work mongs unu. Wi work nait ahn die fi tek kier a wiself, bikaaz wi neva waahn nonbady seh wi dah wehn wan borden tu unu, wail wi wende priich di Gud Nyuuz bout Jesus Christ.

1 Timothy 3:16

Dis dah di siikrit bout fi wi fiet, ahn nonbady kyaahn aagyo gens ih: Christ wehn kom iina di worl az wan hyuuman, ahn God Spirit pruuv seh him wehn raichos. Di ienjel dem si'im, ahn di pipl dem wehn taak bout im iina aal di difrent nieshan dem. So dat, iina di worl plenty pipl kom fi chros iina him —di Wan weh God wehn tek op dah hevn.

Hebrews 11:13

So den, bredrin, evry wan a dehn pipl dem weh wi wende taak bout, wehn don ded aredy. Bot wail dehn wehn stil deh liv, dehn wehn gat fiet iivn duo dehn wehn don ded bitout get wat God wehn pramis dem. Bot dehn wehn hapy jos fi si evryting weh God wehn pramis dem fahn bifuor, ahn dehn wehn nuo seh dehn dah wehn jos laik farina ahn strienja deh liv rait yah pahn dis ort.

Hebrews 2:4

Den God ihnself wehn shuo tu seh dis mesij dah wehn chruu, wen di Laad wehn du aal kain a mirakl ahn wandaz wid plenty powa, ahn wen ihn gi difrent gif chruu di Holy Spirit tu aal huu ihn weh waahn gi dem!

Hebrews 4:2

Bikaaz, wi wehn hier di Gud Nyuuz aredy bout di plies a res weh God wehn get redy fi wi, jos laik how demde pipl weh wehn kom outa Egypt wehn hier bout'ih. Bot ih neva du dem no gud ataal, bikaaz dehn neva chros iina weh God wehn tel dem.

1 Peter 1:25

Bot di Wod a di Laad gwain laas fareva!” Ahn dat Wod dah di Gud Nyuuz weh dehn priich tu unu!

1 Peter 4:6

Dat dah wai di Gud Nyuuz wehn priich iivn tu demde pipl weh don ded. Bikaaz alduo dehn ded —jos laik evrybady— dehn wehn get wan chaans fi fain laif iina di spirit chruu obie weh God waahn dem fi du.

Revelation 5:11

Den, Ah luk ahn Ah hier millions ahn millions a ienjel dem. Dehn wende roun ahn roun di chruon, lang wid di four kricha dem ahn di elda dem.