1 Peter 1:1 - The New Testament in Islander Creole

¹ Dis leta dah fahn mii, Peter, weh dah wan apasl a Jesus Christ. Ah deh rait dis leta tu aala di pipl dem weh God wehn pik, weh deh liv laik strienja skyata aal uova di sekshan dem weh dehn kaal Pontus, Galatia, Cappadocia, Asia ahn Bithynia.

1 Peter 1:1 Iomraidhean Croise

Matthew 10:2

Demya dah di niem dem fi di twelve apasl dem: Fos yo wehn gat Simon —huu dehn yuuztu kaal Peter— ahn ihn breda Andrew, ahn James ahn ihn breda John —Zebedee son dem.

Matthew 24:22

Ahn eksep demde diez wehn shaatn op, nonbady wuda get siev; bot jos sieka dem weh God wehn chuuz, di taim gwain get shaatn.

Matthew 4:18

Wan die wen Jesus wende waak dah di Galilee sii-said, ihn si two breda: Simon, weh dehn kaal Peter tu, ahn Andrew, ihn breda. Dem dah wehn fishaman, so dehn wende chruo out wan net dah sii.

Luke 18:7

Unu no tink seh God gwain gi jostis tu dem weh him pik out fi ihnself —dem weh hala out tu im die ahn nait? Unu tink seh God gwain tek lang fi help dem?

John 11:52

—ahn no ongl fi dem— bot fi gyada aala God pipl dem weh wehn skyata aal uova di worl, mek dem kom tugeda az wan.

John 7:35

Di Jew dehn seh tu wan anada, “Dah weh dis man miin fi go, so wii gwain kyaahn fain im? Yu miin fi seh ihn gwain tu dem Jew weh liv mongs di Greek pipl dem, ahn tiich di Greek dem?

Acts 18:2

Wentaim ihn get deh, ihn bok'op pahn wan Jew weh niem Aquila, weh wehn baan iina Pontus lan. Ihn wehn jos kom fahn Italy wid ihn waif Priscilla, bikaaz di Empara Claudius gi aadaz seh aal di Jew dem hafy get outa Rome. So Paul gaan weh dehn deh, gaan si dem.

Acts 18:23

Paul spen som taim deh, ahn den ihn lef out so gaan aal uova Galatia ahn Phrygia lan fi go gi korij tu aal di Kristyan dem.

Acts 19:10

Ahn Paul kantinyo wid ihn tiichin fi two yierz, ahn sieka dat, pipl aal uova Asia —Jew ahn Greek pipl di siem— wehn kom fi hier di Wod a di Laad.

Acts 6:9

Bot dehn wehn gat som man weh wende gens im tu, weh kom fahn wan Jewish sinigag weh wehn niem “Sinigag a di Frii Sliev.” Dem dah wehn Jew fahn Cyrene, Alexandria, Cilicia, ahn Asia, ahn dehn wende aagyo wid Stephen bout weh ihn tiich.

Acts 8:4

So, di biliiva dem wehn skyata aal uova di plies, ahn dehn staat priich God mesij evrywie dehn gaan.

1 Corinthians 16:19

Now den, di pipl dem fahn di chorch iina Asia distrik sen heluo fi unu. Ahn Aquila ahn Priscilla, ahn di chorch pipl weh miit dah dehn hous, dehn sen heluo wid aala dehn haat iina di niem a di Laad.

2 Corinthians 1:8

Unu weh dah mi fren dem, Ah waahn unu fi memba di trobl dem weh wi wehn gaan chruu, wen wi wende iina Asia distrik. Di sofarin wehn so teribl dat wi wehn tink wi neva wehn gwain get out laiv!

Galatians 1:2

Ah waahn unu fi nuo seh: aala mi Kristyan breda dem, weh deh yah wid mi, sen heluo fi aala unu, di chorch pipl dem iina Galatia lan.

Ephesians 2:12

Ahn unu memba seh bak den, unu dah neva wan wid Christ. Di Jew dem neva kount unu mongs di pipl fahn Israel weh God wehn pik out. Ahn so, unu yuuztu bii jos laik demde pipl weh dah strienja ahn farina tu di tingz a God. Bak den, unu neva gat non paat iina di fos agriiment weh God wehn mek wid ihn pipl dem. Dehn agriiment dah wehn God pramis tu di Jew dem fi mek dehn bii fi him uon pipl. Ahn iina dah taim, unu yuuztu bii jos laik demde kain a pipl weh neva chros iina God; unu neva gat non huop ataal. Unu yuuztu bii faar-faar fahn God.

Ephesians 2:19

So den, unu weh dah no Jew dah no farina nar strienja no muo. Now, unu dah jos laik God pipl dem weh kom fahn di siem nieshan. Aala wi dah fi God famaly tugeda, Jew ahn Gentile di siem!

2 Timothy 1:15

Yu nuo seh dah aala demde pipl fahn Asia don gaan ahn lef mi —dongtu Phygelus ahn Hermogenes gaan tu.

Hebrews 11:13

So den, bredrin, evry wan a dehn pipl dem weh wi wende taak bout, wehn don ded aredy. Bot wail dehn wehn stil deh liv, dehn wehn gat fiet iivn duo dehn wehn don ded bitout get wat God wehn pramis dem. Bot dehn wehn hapy jos fi si evryting weh God wehn pramis dem fahn bifuor, ahn dehn wehn nuo seh dehn dah wehn jos laik farina ahn strienja deh liv rait yah pahn dis ort.

James 1:1

Dis leta dah fahn mii, James, weh deh sorv God ahn di Laad Jesus Christ. Ai deh rait tu aala God pipl dem weh skyata aal uova di worl. Mek God bles aala unu!

1 Peter 2:11

Mi dier fren dem, unu dah no fi disya worl; unu dah farina ahn strienja. So, Ah deh waan unu: unu no fi giv iin tu dehn sinful fiilin weh deh fait gens unu uon suol!

2 Peter 1:1

Dis leta dah fahn mii, Simon Peter, weh dah wan sorvant ahn wan apasl a Jesus Christ. Ah deh rait dis leta tu aala unu weh shier di siem preshos fiet weh wi gat. Ahn dah fiet wehn kom fahn Jesus Christ, wi God ahn Sievya, bikaaz him dah di Wan weh mek wi kliin iina ihn sait.

Revelation 1:11

Di vais tel mi seh, “Rait dong iina wan buk, John, weh yu si, ahn den sen ih tu di seven chorch: dem weh deh iina Asia: Ephesus, Smyrna, Pergamum, ahn Thyatira, Sardis, Philadelphia ahn Laodicea.”