रोमियो 5:1 - ದೆವಾಚಿ ಖರಿ ಕಬರ್ ನವಾ ಕರಾರ್

¹ ಆಸ ಆಸ್ಥಾನಾ, ಆಮಿ ಇಸ್ವಾಸಾನಿ ನೀಯತಿಚಿ ಹಾವ್. ತ್ಯಾ ಕಾರ್ನಾನಿ ಆಮಚಾ಼ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ದೇವಾ ಸಂಗ ಸಮಾದಾನ್ ಹಾ.

गवली उनाई नियम

¹ इनिघल्जी जब आलेन विश्वास गा द्वारा परमेश्वर गा सेंग्गोन धर्मी आरुकेमी होय मेटे आले आलेगा प्रभु यीशु मसीह गा द्वारा परमेश्वर गा सेंग्गोन शांती टे थंदळवा होय।

रोमियो 5:1 Iomraidhean Croise

लूका 19:38

ದೇವಾಚಾ ನಾವಾನಿ ಯನಾರ‍್ಯಾ ರಾಜಾಲಾ ಆಶಿರ್ವಾದ್ ಪರಲೊಕಾತ್ ಶಾಂತಿ ವರ್ಲೆ ದುನೆತ್ ಶಾಂತಿ ಗೌರವ್ ಮನ್ಹುನ್ ಮೊಟ್ಯಾನಿ ದೇವಾಲಾ ವವ್ಯಾಳಾಲಾ ಲಾಗ್ಲಿತ.

लूका 19:42

ಆಸ ಮನ್ಲಾ ತು ತರಿ ಸಮಾದಾನಾಲಾ ವ್ಹಯಿ ಜಾ಼ಲ್ಯಾಲ್ಯಾ ಹ್ಯಾ ದಿಸಾದಿಸಿ ಸಮಜು಼ನ್ ಗೆತ್ಲ ಆಸ್ಥತ ಖುಬ್ ಬರ ಹುತ್ತ ಫನ್ ಆತಾ ತ್ಯ ತುಜಾ ಡೊಳ್ಯಾನಾ ಆಡ್‌ಶಾ ಜಾ಼ಲ್ಯಾ.

लूका 2:14

ವೈಲ್ಯಾ ದುನಿಯಾತ್ ದೇವಾಲಾ ಮಹಿಮೆ; ಭುಲೊಕಾತ್ ಮಾನ್ಚಾಮದಿ ಸಮಾದಾನಾ ದೇವ್ ತ್ಯನಾ ಪಾವನ್ ವ್ಹನಾರ್ ಮನ್ಹುನ್ ದೇವಾಲಾ ಉಪ್ಕಾರ್ ಸಾಂಗ್ಲ.

ಯೊಹಾನ್ 14:27

ಮಿ ಸಮಾದಾನ್ ತುಮ್ಚಿ ಸಂಗ ಶೊಡ್ತೊ. ಮಾಜಾ಼ ಸಮಾದಾನ್ ತುಮಾನಾ ದೆತೊ. ಹಿ ದುನ್ಯಾ ದೇತ್ಯಾ ಶಾರ್ಕಿ ನವ್ಹ. ತುಮ್ಚಿ ಮನ ಕಳ್ವಳು ನಸುಂತ ತುಮಿ ಬಿಹುನಕೊಸಾ.

ಯೊಹಾನ್ 16:33

ತುಮಿ ಮಾಜಿಪ ಸಮಾದಾನಾನಿ ರಾಹ್ಯಾ ವ್ಹಯಿಸಾ ಮನ್ಹುನ್ ಮಿ ತುಮಾನಾ ಹ್ಯಾ ಸಗ್‌ಳ್ಯಾ ಗುಶ್ಟಿ ಸಾಂಗ್‌ಲ್ಯಾ ಹೆ ದುನೆತ್ ತುಮಾನಾ ತರಾಸ್ ಹಾ ಫನ್ ಧಿರ‍್ಹಾನಿ ರಾವ್ಹಾ ಮಿ ಹಿ ದುನ್ಯಾ ಜಿತಲ್ಯೊ. ಮನ್ಹುನ್ ಸಾಂಗ್ತೊ.

ಯೊಹಾನ್ 20:31

ಫನ್ ತ್ಯಲಾ ಯೇಸು ಕ್ರಿಸ್ತ ದೇವಾಚಾ಼ ಲ್ಯೊಕ್ ಮನ್ಹುನ್ ತುಮಿ ಇಸ್ವಾಸ್ ಥೆವಾಯಾ ವ್ಹಯಿಸಾ ತುಮ್ಚಾ ಇಸ್ವಾಸಾನಿ ಶಾಶ್ವತ್ ಜೀವ್ ಗಿಹ್ಯಾ ವ್ಹಯಿಸಾ ಮನ್ಹುನ್ ಹ್ಯ ಲಿವ್‌ಲ್ಯಾ.

ಯೊಹಾನ್ 5:24

ಮಿ ತುಮಾನಾ ಖರತ್ಯ ಸಾಂಗ್ತೊ ಮಾಜಿ ಬುಲಿ ಐಕುನ್ ಮನಾ ಲಾವುನ್ ದಿಲ್ಯಾಲ್ಯಾವ ಇಸ್ವಾಸ್ ಥೆವ್‌ತ್ಯಾಲಾ ಶಾಶ್ವತ್ ಜೀವ್ ಗೇನಾರ್ ತ್ಯಚಾ಼ ನ್ಯಾಯಿ ತಿರ್ಮಾನ್ ವ್ಹಯಿತ್ ನಾಹಿ. ತ್ಯೊ ಆತಾಸ್ ಮರ್ನಾತ್ನಿ ಪಾರ್ ವ್ಹವುನ್ ಜೀವ್ ಗೇತಲ್ಯಾ.

ಅಪೊಸ್ತಲ್ 10:36

ದೇವ್ ಇಸ್ರಾಯಲ್ ಲೊಕಾಂಚೆ ಸಂಗ ಬೊಲ್ಯಾ ಯೇಸು ಕ್ರಿಸ್ತಾಪ್ನಿ ಸಮಾದಾನಾಚಿ ಬರಿ ಖಬರ ದೇವಾನಿ ತ್ಯನಾ ಲಾವುನ್ ದಿಲಿ. ಯೇಸು ಸಗ್‌ಳ್ಯಾ ಲೊಕಾನಾ ಪ್ರಭು ಜಾ಼ಲ್ಯಾ!

रोमियो 1:17

ಕಸ ಮಂಜೆ ದೆವಾಪ್ನಿ ಗಾವಲ್ಯಾಲಿ ನಿಯೆತ್ ಬರೆ ಖಬರಿತ್ ದಿಸುನ್ ಯತಿ. ಪವಿತ್ರ ಗ್ರಂಥಾತ್ ಆಸ ಲಿವ್‌ಲ್ಯಾ, “ನಿಯತಿಚಾ಼ ಇಸ್ವಾಸಾನಿ ಜೀವ್ನಾ ಕರ್ನಾರ್. ” ತಿ ನಿಯೆತ್ ಇಸ್ವಾಸಾಚ಼ ಫಳ್ ವ್ಹವುನ್ ಇಸ್ವಾಸ್ ಬಳ್ಕಟ.

रोमियो 1:7

ಆನಿ ರೊಮಾತ್‍ ಆಸ್‌ಲ್ಯಾಲ್ಯಾ ತುಮಾನಾ ಸಗ್‌ಳ್ಯಾನಾ ಲಿವ್‍ತ್ಯೊ. ದೇವ್ ತುಮ್ಚಿ ಮಾಯಾ ಕರ್ತೊ ಆನಿ ಆಪ್ಲಿ ಸ್ವತಾಚಿ ಲೋಕ ವ್ಹಯಾಲಾ ಹಾಕಟ್‌ಲ್ಯಾತ: ಆಮಚಾ಼ ಬಾ ಜಾ಼ಲ್ಯಾಲ್ಯಾ ದೇವಾಪ್ನಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿ ತುಮಾನಾ ಕ್ರಪಾ ಶಾಂತಿ ವ್ಹವುನಿ.

रोमियो 10:10

ಕಾ ಮಂಜೆ ವ್ಹಯ್ ಆಮಿ ಆಮ್ಚಾ ಮನಾತ್ ಇಸ್ವಾಸ್ ಥೆವ್‌ಲ್ಯಾಲ್ಯಾಸ್ ಲಾಗುನ್ ನೀಯತಿಚಿ ವ್ಹನಾರ್ ಇಸ್ವಾಸ್ ಥೆವ್ತಾವ್ ಮನ್ಹುನ್ ತೊಂಡಾನಿ ಸಾಂಗ್‌ತ್ಯಾಲ್ಯಾನಿ ರಕ್ಶನ್ ಗೆಥಾವ್.

रोमियो 10:15

ಪ್ರಚಾರ್ ಕರಾಯಾ ಕುನಾಲಾ ಲಾವುನ್ ದಿಲಾ ನಾಹಿ ಮಂಜೆ ತ್ಯೊ ಪ್ರಚಾರ್ ಕರ್ನಾರ್ ಕಸಾ? ಮನ್ಹುನ್ ಪವಿತ್ರ ಪುತಿಕಾತ್ ಸಾಂಗ್‍ತ್ಯಾ ಶಾರ್ಕ ಚಾಂಗ್ಲಿ ಖಬರ್ ಸಾಂಗ್‍ತ್ಯಾಂಲ್ಯಾಂಚಿ ಪಾವ್ಲ ಕ್ಯವ್ಡಿ ಶಾದ್ರಿ ಹಾತ್ತ!

रोमियो 14:17

ದೇವಾಚಾ ರಾಜಾತ್ ಖಾಯಾಚ಼ ವ್ಹವುನಿ ಪಿಯಾಚ಼ ವ್ಹವುನಿ ಮಖ್ಯನವ್ಹ. ಫನ್ ನೀಯತ್ ಥಂಡ್ಪನ ಪವಿತ್ರಾತ್ಮಾ ದೇತ್ಯಾಲ ಆನಂದ್ ತಿಥ ಮುಖ್ಯ ಜಾ಼ಲ್ಯಾ.

रोमियो 15:13

ಆಶಾಚಾ಼ ಮುಳ್ ಜಾ಼ಲ್ಯಾಲಾ ದೇವ್ ಇಸ್ವಾಸಾನಿ ಯತ್ಯಾಲಾ ಆನಂದ್ ಥಂಡ್ಪನ್ ತುಮಾನಾ ಸಗ್ಳಾ ಗಾಹುನಿ. ತವಾ ಪವಿತ್ರತ್ಮಾಚಾ ಬಳಾನಿ ಆಶಾ ತುಮ್ಚಾತ್ ಬರ‍್ಹುನ್ ಬಾಹಿರ್ ವ್ಹಾವ್ನಾರ್.

रोमियो 15:33

ಸಮಾದಾನಾಚಾ಼ ಜಾ಼ಲ್ಯಾಲಾ ದೇವ್ ತುಮ್ಚೆ ಸಗ್‍ಳ್ಯಾಂಚೆ ಸಂಗ ರಾಹುನಿ. ಆಮೆನ್.

रोमियो 3:22

ದೇವ್ ಲೋಕಾನಾ ಯೇಸು ಕ್ರಿಸ್ತಾವ ಆಸ್‍ಲ್ಯಾಲ್ಯಾ ಇಸ್ವಾಸಾನಿ ತ್ಯನಿ ಭಕ್ತಿಚ಼ ಮನ್ಹುನ್ ಥರಿವ್ಲ ದೇವಾಪ ಕಸ್ಲಾ ಬೇದ್ ಭಾವ್ ನಾಹಿ.

रोमियो 3:30

ದೇವ್ ಯೊಕುಸ್. ತ್ಯೊ ಯಹುದ್ಯಾಂಚಾ಼ ತ್ಯವಡಾಸ್ ನವ್ಹ. ಯೆಹುದ್ಯಾನಾ ಯಹುದಿ ನಸ್‌ಲ್ಯಾಲ್ಯಾನಾ ತ್ಯಂಚಾ ಇಸ್ವಾಸಾನಿ ನೀಯತಿಚ಼ ಕರ್ತೊ.

रोमियो 4:5

ಫನ್ ಕೊನ್ ಪುನ್ಯಾಚಿ ಕಾಮ ಕರುನ್ ಪಾಪಿನಾ ನಿಯೆತಿಚ಼ ಮನ್ಹುನ್ ಥರಿವತ್ಯಾಲ್ಯಾವಿಸ್ವಾಸ್ ಥೆವ್ತೊ ತ್ಯಚಾ಼ಸ್ ಇಸ್ವಾಸ್ ನಿಯೆತಿಚಾ಼ ವ್ಹತೊ.

रोमियो 5:11

ಯವ್ಡಸ್ ನವ್ಹ, ಆಮ್ಚಾ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಿ ದೇವಾನಿ ಕೆಲ್ಯಾಲ್ಯಾ ಕಾಮಾನಿ ಸಂತೋಶಾನಿ ರಾಥಾವ್. ಆತಾ ಆಮಿ ದೇವಾಚ಼ ಸುಪ್ತಿ ವ್ಹಯಾಚ಼ ತ್ಯಚಿಪ್ನಿಸ್.

रोमियो 5:18

ಕಸ ಯಕಾ ಮಾನ್ಸಾಚ಼ ಪಾಪ್ ಸಗ್‍ಳ್ಯಾ ಲೋಕಾನಾ ಚು಼ಕ್ ಕರ್ತ್ಯಾಲಿ ದ್ಯಾವ್ತ. ತೇಸ್ ತರನಿ ಕ್ರಿಸ್ತಾಚ಼ ಯಾಕ್ ಚಾ಼ಂಗ್ಲ ಕಾಮ್ ತ್ಯಾ ಸಗ್‍ಳ್ಯಾ ಲೋಕಾನಾ ಸ್ವತಂತ್ರ ಕರ್ತ ಆನಿ ಜೀವ್ ದೇತ.

रोमियो 6:23

ಕಾ ಮಂಜೆ ಪಾಪಾಚಿ ಮಜು಼ರಿ ಮರಾನ್. ಫನ್ ದೇವಾಚ಼ ಫುಕಟ್ ದಾನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಕ್ರಿಸ್ತ ಯೇಸುಪ ಆಸ್‌ಲ್ಯಾಲಾ ಶಾಸ್ವತ್ ಜೀವ್ ಹಾ.

रोमियो 9:30

ಹ್ಯಚಾ಼ ಅರ್ಥ ಕ್ಯಾ ಮಂಜೆ, ಯೆಹುದ್ಯ ನಸ್‌ಲ್ಯಾಲಿ ನೀಯತಿಚಿ ವ್ಹಯಾ ಯತ್ನ ಕರಿತ್ ನವ್ಥಿತ. ತೇ ಇಸ್ವಾಸಾನಿ ತ್ಯಚಿ ಸಂಗ ನೀಯತಿಚಿ ಜಾ಼ಲಿತ.

गलातियों 2:16

ಕುನಿ ತರಿ ಯೇಸು ಕ್ರಿಸ್ತಾವ ಇಸ್ವಾಸ್ ತೆವ್‌ಲ್ಯಾಲ್ಯಾಸ್ ಲಾಗುನ್ ಧರ್ಮಶಾಸ್ತಾರಾಚ಼ ನೆಮ್ ಪ್ಯಾಳ್ಯಾತ ಮನ್ಹುನ್ ನೀಯತಿಚಾ಼ ಮನ್ಹುನ್ ಥರತ್ನಾಹಿ ಮನ್ಹುನ್ ಆಮಾನಾ ಸಮಾಜ಼ಲ್ಯಾ ಮನ್ಹುನ್ ಆಮಿ ಸಾಯಿತ್ ಧರ್ಮಶಾಸ್ತಾರಾಚ಼ ನೆಮ್ ಸುಡುನ್ ಕ್ರಿಸ್ತ ಯೇಸುವ ಇಸ್ವಾಸ್ ಥೆವ್ತಾವ್. ಕಾ ಮಂಜೆ ಕೊನ್ ಧರ್ಮಶಾಸ್ತಾರಾಚಾ ನೆಮಾ ಶಾರ್ಕ ಚಾ಼ಲತ್ಯಾಲಾ ನೀಯತಿಚಾ಼ ಮನ್ಹುನ್ ಥರತ್ ನಾಹಿತ.

गलातियों 3:25

ಫನ್ ಆತಾ ಇಸ್ವಾಸ್ ಆಲ್ಯಾ ಮನ್ಹುನ್ ಆಮಿ ಫುಡಾರಿ ಜಾ಼ಲ್ಯಾಲ್ಯಾ ಧರ್ಮಶಾಸ್ತಾರಾಚಾ ತಾಬ್ಯಾತ್ನಾಹಿ

गलातियों 5:22

ಫನ್ ದೇವಾಚಾ ಆತಮ್ಯಾಚ಼ ಫಳ್ ಕ್ಯಾ ಮಂಜೆ, ಮಾಯಾ, ಆನಂದ, ಸಮಾಧಾನ್, ಧಂಡ್ಫನ್, ದಯಾ, ದುಸರ‍್ಯಾನಾ ಮಜ಼ತ್ ಕರಾಚಿ, ಇಸ್ವಾಸ್,

इफिसियों 2:7

ತ್ಯನಿ ಆಮಾನಾ ಕ್ರಿಸ್ತ ಯೇಸುಪ ಹ್ಯಾ ಕಾಲತ್ಬಿ ಆನಿ ಯತ್ಯಾಲ್ಯಾ ಸಗ್‌ಳ್ಯಾ ಕಾಲಾತ್ ಆನಿ ಸಾಂಗಾಯಾ ವ್ಹಯಿತ್ ನಾಹಿ ಯವ್ಡಿ ತ್ಯಚಿ ಮುಟಿ ಕ್ರುಪಾ ಆನಿ ಮಾಯಾ ದಿಯಾ ಸಾಟಿ ತ್ಯನಿ ಆಸ ಕೆಲ.

ಪಿಲಿಪ್ಪಿ 3:9

ಹ್ಯಾತ್ ಮಾಜ಼ ಮನ್ಹ ಕ್ಯಾ ಮಂಜೆ, ಮಿ ಕ್ರಿಸ್ತಾಲಾ ಕಮವುನ್, ದರ್ಮಶಾಸ್ತಾರಾಚ಼ ಫಳ್ ಜಾ಼ಲ್ಯಾಲೆ ಸ್ವತಾಚೆ ನೀಯತಿಲಾ ನವ್ಹ, ಕ್ರಿಸ್ತಾವ ಇಸ್ವಾಸ್ ಥೆವಲ್ಯಾಲ್ಯಾಸ್ ಲಾಗುನ್ ಗಾವತ್ಯಾಲ ಮಂಜೆ ಕ್ರಿಸ್ತಾವಲ್ಯಾ ಇಸ್ವಾಸಾಚಾ ಆದಾರಾನಿ ದೆವ್ ದೆತ್ಯಾಲಿ ನಿಯೆತ್ ಗಿಹುನ್ ಕ್ರಿಸ್ತಾಪ ರಾಥ್ಯಾಲಾ ವ್ಹಯಾ ವ್ಹಯಿ.

ಕೊಲೊಸ್ಸೆ 1:20

ಆನಿ ತ್ಯೊ ಶಿಲ್ಬೆವ್‌ಲ್ಯಾ ರಕ್ತಾನಿ ಆಪ್ನು ಸಮಾಧಾನ್ ಕರುನ್, ದರ್ತಿವ ಸ್ವರ್ಗಾತ್ ಆಸ್‌ಲ್ಯಾಲ ಸಗ್ಳ ಆಪ್‌ಲ್ಯಾ ಲೆಕಾಸ್ ಲಾಗುನ್ ಆಪ್‌ಲ್ಯಾಲಾ ರಾಜಿ಼ ಕರುನ್ಗಿಯಾವ್ಹಯಿ ಮನ್ಹುನ್ ಬಾ ದೇವಾನಿ ಮನ್ಕೆಲ.

ಕೊಲೊಸ್ಸೆ 3:15

ಕ್ರಿಸ್ತಾಚ಼ ಥಂಡ್ಪನ್ ತುಮ್ಚಾ ಮನಾವ ಹುಕುಮ್ ಚಾ಼ಲ್ವುನಿ. ಹ್ಯನಿಸ್ ಥಂಡ್ಪನಾತ್ ಯಾಕ್ ಶರೀರ್ ವ್ಹವುನ್ ರಾಹ್ಯಾ ತುಮಾನಾ ಹಾಕಟ್‌ಲ್ಯಾ ಆನಿ ಯವ್ಡಸ್ ನವ್ಹ ಕ್ರತಜ್ಞತೆನಿ ರಾವ್ಹಾ.

1 ತೆಸಲೊನಿಕ್ 5:23

ಥಂಡ್ಪನ್ ದೇನಾರಾ ದೇವ್ ಸ್ವತಾ ತುಮಾನಾ ಪುರೆತರನಿ ಪವಿತ್ರ ಕರುನಿ. ಆತ್ಮ, ಜೀವ್, ಆನಿ ಶರಿರಾಲಾ ಆಮ್ಚಾ ಪ್ರಭು ಕ್ರಿಸ್ತ ಯೇಸು ಮಾಗಾರಾ ಯತಾನಾ ದೊಶ್ ನಸ್ತಾನಾ ಪವಿತ್ರ ವ್ಹವುನ್ ರಾಹುಂತ.

2 ತೆಸಲೊನಿಕ್ 3:16

ಥಂಡ್ಪನಾಚಾ಼ ಪ್ರಭು ಆಪ್ನುಸ್ ಸರ್ವ್ಯಾ ಕಾಲಾತ್ ಸಗ್ಳೆ ತರನಿ ತುಮಾನಾ ಶಾಂತಿ ದಿವುನಿ ಪ್ರಭು ತುಮ್ಚಿ ಸಂಗ ರಾಹುನಿ.

ಇಬ್ರಿಯ 13:20

ದೇವಾನಿ , ಆಮ್ಚಾ ಪ್ರಭು ಯೇಸುಲಾ ಖಾಯಿಮ್ಚಾ ಕರಾರಾಚಾ ರಗ್ತಾನಿ ಮೆಲ್ಯಾಲ್ಯಾತ್ನಿ ಜಿತ್ತಾ ಕರುನ್ ಉಠಿವ್ಲಾ. ತ್ಯೊ ಮೆಂಡ್ರಾಂಚಾ಼ ಚಾ಼ಂಗ್ಲಾ ಕುರ್ಬುರ್ ಜಾ಼ಲ್ಯಾ,