ದರ್ಶಾನ್ 7:15 - ದೆವಾಚಿ ಖರಿ ಕಬರ್ ನವಾ ಕರಾರ್

¹⁵ ಮನ್ಹುನ್ ಹೀ ಲೊಕ ಆತ್ತಾ ದೇವಾಚಾ ಸಿಂಹಾಸನಾಚೆ ಮೊರ‍್ಹ ಹಾತ್ತ. ತೀ ದೇವಾಲಾ ತ್ಯಚಾ ದೇವ್ಳಾತ್ ರ‍್ಯಾತ್ ದೀಸ್ ವವ್ಯಾಳ್‌ತ್ಯಾತ ಸಿಂಹಾಸನಾವ ಬಸ್‌ಲ್ಯಾಲಾ ತ್ಯನಾ ರ‍್ಯಾಕ್ತೊ.

गवली उनाई नियम

¹⁵ इनिका वोजीटे दिकु परमेश्वर गा सिंघासन गा सम्मान टेंगेन थंदळ डा एठा रातो-दिन दियागा मंदिर गेन दियागा सेवा दडावा होय। जो सिंघासन लिंजेन सुबंके होय, डीच इंकुगा देखभाल डाएवा।

ದರ್ಶಾನ್ 7:15 Iomraidhean Croise

ಯೊಹಾನ್ 1:14

ತ್ಯಾ ಸಬ್ದಾನಿ ಮಾನ್ಸಾಚ಼ ರುಪ್ ಗೆತ್ಲ ಆನಿ ತ್ಯೊ ಸಗಳೆ ಕ್ರಪಾನಿ ಆನಿ ಖರ‍್ಯಾನಿ ಬರ್ಲಾ ಹುತ್ತಾ, ಆನಿ ತ್ಯೊ ಆಮ್ಚಿ ಸಂಗ ಹುತ್ತಾ. ಆಮಿ ತ್ಯಚಿ ಮೈಮಾ ಬಗ್ಲಿ, ತೀ ಬಾಚಾ ಯಕ್‌ಲ್ಯಾಸ್ ಯಕಾ ಲೇಕಾಚಿ ಮೈಮಾ ಜಾ಼ಲ್ಥಿ.

1 ಕೋರಿಂಥ್ 3:16

ತುಮಿ ದೇವಾಚ಼ ದಿವುಳ್ ಜಾ಼ಲ್ಯಾಸಾ ಮನ್ಹುನ್ ದೇವ್ ತುಮ್ಚಿಪ ಹಾ ಹ್ಯ ತುಮಾನಾ ಠಾವ ನಾಹಿಕ್ಯಾ?

2 ಕೊರಿಂಥ 6:16

ದೇವಾಚಾ ಗರಾಲಾ, ಪಾಶಾನಾನಾ ಒಪ್ಕಿ ಕ್ಯಾ? ಆಮಿ ದೇವಾನಿ ಸಾಂಗ್‍ಲ್ಯಾ ಶಾರ್ಕ ಜೀವ್ ಆಸ್ನಾರ‍್ಯಾ ದೇವಾಚ಼ ಗರ್ ಜಾ಼ಲ್ಯಾವ್ ನವ್ಹ, ಮಾಜಾ ಲೊಕಾನು ಮೀ ಗರ್ ಕರ್ತೊ, ತ್ಯಂಚೆ ಮದ್ದಿ ಮೀ ಫಿರ್ನಾರ್ ತ್ಯನಾ ಮೀಸ್ ದೇವ್ ಜಾ಼ಲ್ಯೊ, ತೀ ಮನಾ ಪ್ರಜಾ ವ್ಹನಾರ್ ಮನ್ಹುನ್ ಸಾಂಗ್‍ಲ್ಯಾ.

ಇಬ್ರಿಯ 12:2

ಆಮ್ಚಿಪ ಇಸ್ವಾಸ್ ದೆನಾರಾ ತ್ಯ ಸರ್ವ ಕರ್ನಾರಾ ಜಾ಼ಲ್ಯಾಲ್ಯಾ ಯೇಸುವ ನದಾರ್ ಥಿವುನ್ ಆಮಾನಾ ತರಿವಲ್ಯಾಲ ಪಳ್ನ ಥಂಡಫನಾನಿ ಪಳುಯಾ. ತ್ಯನಿ ಆಪ್ಲೆ ಮೊರ‍್ಹ ತೆವಲ್ಯಾಲ್ಯಾ ಸಂತೋಶಾ ಸಾಟಿ ಲಾಜ಼ಚಿ ನಕ್ವಾಟ್ ಕರುನ್ ಶಿಲಬೆಚ಼ ಮರಾನ್ ಸುಸ್ವುನ್ ಗಿವ್ಹುನ್, ದೇವಾಚಾ ಸಿಂಹಾಸಾನಾಚೆ ಉಜ಼ವ್ಯಾಂಗ್ನಿ ಬಸಲ್ಯಾ.

ಇಬ್ರಿಯ 8:1

ಆಮಿ ಸಾಂಗ್‌ತ್ಯಾಲ್ಯಾ ಗುಶ್ಟಿತ್ನಿ ಪೈಲಾ ಸಬ್ದ, ಕ್ಯಾ ಮಂಜೆ, ತುಮಾನಾ ಸಾಂಗ್‌ಲ್ಯಾ ಶಾರ್ಕ ಆಮಾನಾ ಯೊಕ್ ಪೈಲಾ ಯಾಜಕ್ ಹಾ. ತ್ಯೊ ಸ್ವರ್ಗಾತ್ ದೇವಾಚಾ ಸಿಂಹಾಸನಾಚಾ ಉಜ಼ವ್ಯಾಂಗ್ನಿ ಆತಾ ಬಸ್‌ಲ್ಯಾ.

ದರ್ಶಾನ್ 11:19

ಮಂಗ್ ಸ್ವರ್ಗಾತ್‍ಲ್ಯಾ ದೇವಾಚ಼ ಘರ್ ಉಗಾಡ್ಲ. ದೇವಾನಿ ಆಪ್‌ಲ್ಯಾ ಲೊಕಾನಾ ದಿಲ್ಯಾಲಾ ಕರಾರ್ ಥೆವ್‌ಲ್ಯಾಲಿ ಪಿಟಿ ತ್ಯಚಾ ಗರ‍್ಹಾತ್ ದಿಸ್ಲಿ. ತವಾ ಇಜಾ಼ ಚ಼ಮಾಕಲ್ಯಾ, ಸಬ್ದಜಾ಼ಲ್ಹ. ತಡಾಸ್ ಜಾ಼ಲ್ಹ, ಭುಕಂಪ್ ಜಾ಼ಲ್ಹ. ಆನಿ ಗಾರಚಾ಼ ಪಾವುಸ್ ಪಡ್ಲಾ.

ದರ್ಶಾನ್ 13:6

ತ್ಯಾ ಖತರ್ನಾಕ್ ಜ಼ನಾವಾರಾನಿ ದೇವಾಲಾ ತ್ಯವ್ಡಸ್ ನವ್ಹ ತ್ಯಚಾ ನಾವಾಲಾ ತ್ಯೊ ರಾಥ್ಯಾಲ್ಯಾ ಜಾ಼ಗ್ಯಾಲಾ ಆನಿ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ಲೊಕಾನಾ ಸಗ್‌ಳ್ಯಾ ನಿಂದಾ ಕೆಲಿ.

ದರ್ಶಾನ್ 20:10

ಲೊಕಾನಾ ಫಸಿವ್‌ಲ್ಯಾಲ್ಯಾ ತ್ಯಾ ಸೈತಾನಾಲಾ ಇಸ್ಥು ಗಂದಕ್ ಪೆಟ್ಯಾಲೆ ತಳಿತ್ ವ್ಹಲ್ಪಟ್ಲಾ. ತಿಥ ಜ಼ನಾವಾರ್ ಹುತ್ತ. ಲಬಾಡ್ ಪ್ರವಾದಿ ಹುತ್ತ. ತಿಥ ತೀ ರ‍್ಯಾತ್ ದೀಸ್ ಕಾವಾಬಿ ತರಾಸ್ ಕರುನ್ ಗಿಹಿತಿತ.

ದರ್ಶಾನ್ 21:22

ಮೀ ನಗರಾತ್ ಯಾಕ್ ಘರ್ಬಿ ಬಗ್ಲ ನಾಹಿ. ಸರ್ವಶಕ್ತ ಜಾ಼ಲ್ಯಾಲಾ ದೇವ್ ಆನಿ ಮೆಂಡುರ್ ಜಾ಼ಲ್ಯಾಲಾ ಯೇಸು ನಗರಾಚ಼ ಘರ್ ಜಾ಼ಲ್ಯಾ.

ದರ್ಶಾನ್ 22:3

ದೇವಾಪ್ನಿ ಸರಾಪ್ ಗೇತಲ್ಯಾಲ ಕೊನುಸ್ ತೇ ಪೇಠತ್ ರಾಹಿತ್ನಾಹಿ. ದೇವ್ ಆನಿ ಮೆಂಡುರ್ ಜಾ಼ಲ್ಯಾಲ್ಯಾಚ಼ ಸಿಂಹಾಸನ್ ತ್ಯಾ ನಗರಾತ್ ರಾಥ. ದೇವಾಚ಼ ಸೇವಕ್ ತ್ಯಲಾ ವವ್ಯಾಳ್‍ತ್ಯಾತ.

ದರ್ಶಾನ್ 22:5

ತಿಥ ರ‍್ಯಾತ್ ಮನ್ಹಾಚಿ ರಾನ್ಹಾರ್ ನಾಹಿ. ಲೊಕಾನಾ ದಿವ್ಯಾಚಾ಼ ಉಜಿಡ್ ವ್ಹವುನಿ ದಿಸಾಚಾ಼ ಉಜಿಡ್ ವ್ಹವುನಿ ವ್ಹಯಿ ಲಾಗತ್ ನಾಹಿ. ಪ್ರಭಾವಾಚಾ಼ ದೇವುಸ್ ತ್ಯನಾ ಉಜಿ಼ಡ್ ದೇತೊ. ತೇ ಖಾಯಿಮ್ ರಾಜಾಂಚೆಗತ್ ರಾಜ಼್‌ಬಾರ್ ಚಾ಼ಲಿವತ್ಯಾತ.

ದರ್ಶಾನ್ 4:4

ತ್ಯಾ ಸಿಂಹಾಸನಾಚೆ ಸರಬವಾರ ಇಸಾವಚಾರ್ ಸಿಂಹಾಸಾನ ಹುತ್ತಿತ. ತ್ಯಾತ್ ಇಸಾವಚಾರ್ಜಾ಼ನ್ ಜಾಂತ ಬಸ್ಲ ಹುತ್ತ ತ್ಯಂಚಾನಿ ಪಾಂಡ್ರ ಕಪ್ಡ ಗ್ಯಾತ್ಲಹುತ್ತ. ತ್ಯಂಚೆ ಡುಯಿವ ಸೊನ್ಯಾಚಿ ಕಿರಿಟ್ ಹುತ್ತಿತ.

ದರ್ಶಾನ್ 4:8

ತ್ಯಾ ಜೀವಿತ್‍ಲ್ಯಾ ಪರತೇಕಾಲಾ ಸಾ ಪಖೊಟ ಹುತ್ತ. ಹ್ಯಾ ಜೀವಿಲಾ ಆತ್ನಿ ಬಾಹಿರ‍್ನಿ ಸಗ್ಳ ಡೊಳ ಹುತ್ತ. ಹಿ ಚಾರ್ ಜೀವಿ ರ‍್ಯಾತ್ ದೀಸ್ ಖಾಯಿಮ್ ಆಸಿ ಸಾಂಗಿತಿತ: “ದೇವ್‍ ಜಾ಼ಲ್ಯಾಲಾ ಪ್ರಭು, ನಿರ‍್ಮಳ್, ನಿರ‍್ಮಳ್, ನಿರ‍್ಮಳ್; ತ್ಯೊ ಸರ್ವ ಶಕ್ತ. ತ್ಯೊ ಪುರ್ವಿತ್ ಆಸ್‌ಲ್ಯಾಲಾ ಆತಾ ಆಸ್ನಾರಾ ಮೊರ‍್ಹ ಯನಾರಾ ಜಾ಼ಲ್ಯಾ. ”

ದರ್ಶಾನ್ 4:9

ತೇ ಜೀವಿ ಸಿಂಹಾಸನಾವ ಬಸ್‍ಲ್ಯಾಲ್ಯಾಲಾ ಪ್ರಭಾವ್, ಮರ‍್ಯಾದ್ ಆನಿ ಉಪ್ಕಾರ್ ಸಾಂಗಿತಿತ. ಕಂದಿಬಿ ಜೀವ್ನಾಕರ್ತ್ಯಾಲಾ ತ್ಯೊಸ್.

ದರ್ಶಾನ್ 7:9

ಮಂಗ್ ಮೀ ಬಗ್ಲ ತವಾ ಲೊಕಾಂಚಾ಼ ಮೋಟಾ ಹಿಂಡ್ ದಿಸ್ಲಾ. ತೀ ಮೆಜಾ಼ವ್ಹಯಿತ್ನಾಹಿ ಇತ್ಕಿ ಹುತ್ತಿತ. ತ್ಯಾತ್ಲಿ ಸಗ್ಳಿ ಲೊಕ, ದೆಶಾ, ಕುಳ, ಸಗ್ಳಿ ಬಾಶಾ ಬೊಲ್‍ತ್ಯಾಲಿ ಹುತ್ತಿತ ಹೀ ಲೊಕ ಸಿಂಹಾಸನಾಚೆ ಮೊರ‍್ಹ ಆನಿ ಮೆಂಡರಾಚೆ ಮೊರ‍್ಹ ಉಬಿ ಹುತ್ತಿತ. ತೀ ಸಗ್ಳಿ ಪಾಂಡ್ರಾ ಜ಼ಘಾ ಗಾಲ್ಹುನ್ ಖರ್ಜುರಾಚಿ ಪಾನ ಆಪ್‌ಲ್ಯಾ ಹಾತಾತ್ನಿ ದರ್ಲಿ ಹುತ್ತಿತ.