ಯೊಹಾನ್ 1:29 - ದೆವಾಚಿ ಖರಿ ಕಬರ್ ನವಾ ಕರಾರ್

²⁹ ದುಸ್ರೆ ದೀಸಿ ಯೊಹಾನ್ ಆಪ್ಲಿಪ ಯತ್ಯಾಲ್ಯಾ ಯೇಸುಲಾ ಬಗುನ್ ಆಸಾ ಮನ್ಲಾ, “ಬಗಾ, ದೇವಾಚಾ ಮೆಂಡ್ರಾಲಾ ಬಗಾ ತ್ಯ ದುನೆತ್ಲಿ ಪಾಪ ದುರ್ ಕರ್ತ.

गवली उनाई नियम

²⁹ दूसरा दिन यूहन्ना नी यीशु के हेज कोनेन हेजे धोटे मंडीके, “डोगे, येटेन परमेश्वर गा पाठो, जो दुनिया कुरकू गा पापो के सेगेवा होय।

ಯೊಹಾನ್ 1:29 Iomraidhean Croise

ಮತ್ತಾಯ್ 1:21

ತೀ ಯಕಾ ಲೇಕಾಲಾ ಜ಼ಲ್ಮದೇನಾರ್; ತ್ಯಚ಼ ನಾವ್ ‘ಯೇಸು’ ಮನ್ಹುನ್ ಥೆವಾಯಾ ವ್ಹಯಿಸ್; ಕಾ ಮಂಜೆ ತ್ಯೊಸ್ ಆಪ್‌ಲ್ಯಾ ಲೊಕಾನಾ ತ್ಯಂಚಾ ಪಾಪಾತ್ನಿ ಸುಡ್ವುನ್ ರ‍್ಯಾಕ್ನಾರ್, ಮನ್ಲಾ.

ಮತ್ತಾಯ್ 20:28

ಹ್ಯೊಸ್ ನೇಮ್ ಮಾನ್ಸಾಚಾ ಲೇಕಾಲಾ ಬೀ ವ್ಹನಾರ್ ತವಾ ಮಾನ್ಸಾಚಾ಼ ಲ್ಯೊಕ್ ದುಸ್‌ರ‍್ಯಾಪ್ನಿ ಸೇವಾ ಕರುನ್ ಗಿಹ್ಯಾ ಆಲಾ ನಾಹಿ ದುಸ್‌ರ‍್ಯಾಂಚಿ ಸೇವಾ ಕರಾಯಾ ಆನಿ ಕಿತಿಕಿ ಲೊಕಾನಾ ರಾಖಾಯಾ ಸಾಟಿ ಆಪ್ಲಾ ಜೀವುಸ್ ದಿಯಾ ಆಲಾ” ಮನ್ಹುನ್ ಸಾಂಗ್ಲ.

ಯೊಹಾನ್ 1:35

ದುಸ್ರೆ ದಿಸಿ ಯೊಹಾನ್ ಆನಿ ಯಂಗ್ದಾ ಆಪ್‌ಲ್ಯಾ ದೊಗಾ ಶಿಶಾಂಚೆ ಸಂಗ ಉಬಾ ಹುತ್ತಾ.

ಯೊಹಾನ್ 1:36

ತಿಥ ಯೇಸುಲಾ ಚಾ಼ಲತ್ ಯತ್ಯಾಲಾ ಬಗುನ್. “ಬಗಾ ಹ್ಯ ದೇವಾಚ಼ ಮೆಂಡಾರ್!” ಮನ್ಹುನ್ ಸಾಂಗ್ಲ.

ಯೊಹಾನ್ 1:43

ದುಸ್ರೆ ದಿಸಿ ಯೇಸುನಿ ಗಲಿಲಾಯಾತ್ ಜಾ಼ಯಾ ತಿರ್ಮಾನ್ ಕೆಲಾ ಯೇಸುನಿ ಫಿಲಿಪ್ಪಾಲಾ ಬಗುನ್ ತ್ಯಲಾ, “ಮಾಜೆ ಮಾಗ್ನಿ ಯೇ” ಮನ್‍ಲ್ಹಾ.

ಯೊಹಾನ್ 2:1

ತಿಸ್ರೆ ದಿಸಿ ಗಲಿಲಾಯಾಚಾ ಕಾನಾ ಗಾವಾತ್ ಯಾಕ್ ಲಗಿನ್ ಹುತ್ತ. ಯೇಸುಚಿ ಆಯಿಬಿ ಹುತ್ತಿ,

ಯೊಹಾನ್ 3:16

ವ್ಹಯ್, ದೇವಾನಿ ದುನೆಚಿ ಖುಬ್ ಮಾಯಾ ಕರುನ್ ಆಪ್‌ಲ್ಯಾ ಯಕ್‍ಲ್ಯಾಸ್ ಲೇಕಾಲಾ ಲಾವುನ್ ದಿಲಾ ತ್ಯಚಿವ ಇಸ್ವಾಸ್ ಥೆವ್‌ಲ್ಯಾಲಾ ಪರತೇಕ್ ಯೊಕ್ಬಿ ನಾಸ್ ವ್ಹವುನಾಹಿ ಮನ್ಹುನ್ ಸಗ್‌ಳ್ಯಾನಾ ಶಾಶ್ವತ್ ಜೀವ್ ಗಾವ್ಹಾಯಾ ವ್ಹಯಿ ಮನ್ಹುನ್ ತ್ಯಲಾ ದಿಲಾ.

ಯೊಹಾನ್ 4:42

ತ್ಯಂಚಾನಿ ತ್ಯಾ ಬಾಯಿಲ್ ಮಾನ್ಸಾಲಾ ಆಮಿ ಆಂದಿ ತುಜ ಸಾಂಗ್ನ ಐಕುನ್ ಯೇಸುವ ಇಸ್ವಾಸ್ ಥೆವ್‍ಲ್ಥಾ. ಫನ್ ಆತಾ ಆಮಿಸ್ ತ್ಯಚ ಸಬ್ದ ಐಕ್ಲ ಮನ್ಹುನ್ ಇಸ್ವಾಸ್ ಥೆವ್‌ಲ್ಯಾ ಖರ‍್ಯಾನಿ ಹ್ಯೊಸ್ ದುನಿಯಾಲಾ ಸುಡಿವ್ನಾರಾ ಮನ್ಹುನ್ ಆತಾ ಆಮಾನಾ ಸಮಾಜ್‌ಲ್ಯಾ ಮನ್‌ಲ್ಹಿತ.

ಯೊಹಾನ್ 6:51

ಸ್ವರ್ಗಾತ್ನಿ ಆಲ್ಯಾಲಿ ಜೀವಾಚಿ ಬಾಕ್ರಿ ಮೀಸ್. ಹಿ ಬಾಕ್ರಿ ಖಾತ್ಯಾಲ್ಯಾಲಾ ಶಾಶ್ವತ್ ಜಿವ್ ರಾನ್ಹಾರ್. ಮಿ ತುಮಾನಾ ದೆತ್ಯಾಲಿ ಬಾಕ್ರಿ ಮಾಜ಼ ಶರಿರ್ ಜಾ಼ಲ್ಯಾ. ತ್ಯ ಮಿ ದುನೆಚಾ ಜಿವಾಸಾಟಿ ದೆತೊ.

ಅಪೊಸ್ತಲ್ 13:39

ಮೊಶೆಚಾ ನೇಮಾನಿ ಸುಟಕಿ ವ್ಹವುನ್ ನಿಯೆತಿಚಿ ವ್ಹಯಾಚೆ ಆಂದಿ ಹಾಸಾ. ಫನ್ ತ್ಯಚಿವ ಇಸ್ವಾಸ್ ಥೆವಲ್ಯಾಲಿ ಸಗ್ಳಿ ತ್ಯಚಿಪ್ನಿ ಸುಟ್ಕಿ ವ್ಹವುನ್ ನಿಯೆತಿಚಿ ಮನ್ಹುನ್ ಗೆನ್ಹಾರ್.

ಅಪೊಸ್ತಲ್ 8:32

ತ್ಯೊ ವಾಚಿವ್‌ತ್ಯಾಲ ಪವಿತ್ರ ಗ್ರಂಥ ಆಸ ಹಾ: ತೊಡಾಯಾ ನೆಥ್ಯಾಲ್ಯಾ ಬಕರ‍್ಯಾಚೆಗತ್ ತ್ಯಲಾ ನೆಲ್ಹಾ; ಆನಿ ಕ್ಯಾಸ್ ಕಾತರತ್ಯಾಲ್ಯಾಚೆ ಮೊರ‍್ಹ ಮೆಂಡ್ರಾಚೆಗತ್ ಕಾಯ್ ಬೊಲಾಚೆ ಆಂದಿ ಗಪ್ ಹುತಾ.

1 ಕೋರಿಂಥ್ 15:3

ಮೀ ಆಂದಿ ಸಾಂಗ್‌ಲ್ಯಾಲ್ಯಾ ಗುಶ್ಟಿತ್ ಪಾಯ್ಜೆ ಆಸ್‌ಲ್ಯಾಲಿ ಗ್ಯೊಶ್ಟುಸ್ ತುಮಾನಾ ಸಾಂಗ್ಲೆ ತೀ ಕ್ಯಾ ಮನ್‌ಲ್ಯಾವ ಧರ್ಮಶಾಸ್ತಾರಾತ್ ಸಾಂಗ್‌ಲ್ಯಾಚೆಗತ್ ಪ್ರಭು ಆಮ್ಚಾ ಪಾಪಾಂಚೆಸಾಟಿ ಮೆಲಾ;

2 ಕೊರಿಂಥ 5:21

ಪಾಪುಸ್ ಠಾವ ನಸ್‌ಲ್ಯಾಲ್ಯಾ ಕ್ರಿಸ್ತ ಯೇಸುಲಾ ದೇವಾನಿ ಆಮ್ಚಿ ಸಾಟಿ ಪಾಪಿ ಕರ್ತೊ. ಕ್ರಿಸ್ತ ಯೇಸುಪ ಆಮೀ ನೀಯೆತಿಚ಼ ವ್ಹಯಾವ್ಹಯಿ ಮನ್ಹುನ್ ದೇವಾನಿ ಆಸ ಕೆಲ್ಯಾ.

गलातियों 1:4

ತ್ಯನಿ ಆಮಾನಾ ಆತಾಚಾ ಬುರ್ಶಾ ಕಾಲಾತ್ನಿ ಸೊಡ್ವಾಯಾ ವ್ಹಯಿ ಮನ್ಹುನ್ ಬಾ ಜಾ಼ಲ್ಯಾಲ್ಯಾ ದೇವಾಚಾ ಮನಾಚೆಗತ್, ಆಮ್ಚಾ ಪಾಪಾಸ್ ಲಾಗುನ್ ಆಪ್‌ಲ್ಯಾಲಾ ಮರ್ನಾಚಾ ತಾಬ್ಯಾತ್ ದಿಲಾ.

गलातियों 3:13

ಯೇಸು ಕ್ರಿಸ್ತ ಆಮಾನಾ ಸರ್ಪಾತ್ನಿ ಸೊಡ್ವಾಯಾ ಸಾಟಿ ಆಪ್ನುಸ್ ಸರಾಪ್ ಲಾಗಲ್ಯಾಲಾ ಜಾ಼ಲಾ. “ಕಾ ಮಂಜೆ ಮೊಶೆಚಾ ಧರ್ಮಶಾಸ್ತಾರಾತ್ ಲಿವ್‌ಲ್ಯಾ ಶಾರ್ಕ ಜಾ಼ಢಾವ ಟ್ಯಾಂಗ್‌ಲ್ಯಾಲಾ ಪರ್ತೆಕ್ ಸರಾಪ್ ಲಾಗಲ್ಯಾಲಾ ಮನ್ಹುನ್ ಸಮಜು಼ನ್ ಗೆತಲ್ಯಾ.

1 ತಿಮೊತಿ 2:6

ತ್ಯನಿ ಸಗ್‌ಳ್ಯಾ ಲೊಕಾಂಚೆ ಜಾ಼ತಿಲಾ ರಾಖಾಯಾ ಆಪ್‌ಲ್ಯಾಲಾ ಆಪ್ನುಸ್ ಜಾ಼ಮಿನ್ ದಿಲಾ. ದೇವ್ ಸಗ್‌ಳ್ಯಾನಾ ರಾಖಾಯಾ ಮನ್ ಕರ್ತೊ ಹ್ಯ ಶಾರ್ಕ್ಯಾ ಯಳಾಲಾ ಸಾಬಿತ್ ಜಾ಼ಲ್ಹ.

तीतुस 2:14

ತ್ಯನಿ ಆಮ್ಚಿ ಸಾಟಿ ಆಪ್‌ಲ್ಯಾಲಾ ಆಪ್ನುಸ್ ಒಪ್ಸುನ್ ದಿಲ್ಯಾ. ಮನ್ಹುನ್ ತ್ಯನಿ ಆಮಾನಾ ಸಗ್ಳೆ ತರಾಚಾ ಬುರ್ಶಾತ್ನಿ ಸೊಡ್ವಾಯಾ ಆನಿ ಆಮಾನಾ ನಿರ್ಮಳ್ ಮಾನ್ಸ ಕರಾಯಾ ತೀ ತ್ಯಲಾ ಯಕ್‌ಲ್ಯಾಲಾಸ್ ಸಮನ್ ಆಸ್‌ಲ್ಯಾನಿ ಜಾ಼ಲ್ಯಾತ ಆನಿ ಚಾ಼ಂಗ್ಲ ಕರಾಯಾ ಉಮೇದಿಚಿ ಜಾ಼ಲ್ಯಾತ.

ಇಬ್ರಿಯ 1:3

ದೇವಾಚಿ ಮೈಮಾ ತ್ಯಚಿಪ ಚ಼ಮಾಕ್ಲಿ. ತ್ಯೊ ದೇವಾಚಾ಼ ಪ್ರತಿರುಪ್ ಜಾ಼ಲ್ಯಾ. ತ್ಯೊ ಆಪ್ಲೆ ತಾಕ್ತಿಚೆ ಆಜ್ಞೆನಿ ದುನ್ಯಾ ಸಗ್ಳಿ ಚಾ಼ಲಿವ್ತೊ. ತ್ಯೊ ಲೊಕಾನಾ ತ್ಯಂಚಾ ಪಾಪಾತ್ನಿ ಶುದ್ದ ಕರುನ್ ನಂತರ ಸ್ವರ್ಗಾತ್ ಮೊಟ್ಯಾ ದೇವಾಚೆ ಉಜ಼ವ್ಯಾಂಗ್ನಿ ಬಸ್ಲಾ.

ಇಬ್ರಿಯ 2:17

ಹ್ಯಾ ಕಾರನಾನಿಸ್ ತ್ಯೊ ಸಗ್ಳೆ ತರನಿ ಅಪ್‍ಲ್ಯಾ ಬನ್ಹಿ ಬಾವ್ಹಾನು ಶಾರ್ಕ ವ್ಹಯಾ ವ್ಹಯಿ ಜಾ಼ಲಾ. ದೇವಾಚೆ ಸೇವೆತ್ ತ್ಯೊ ಲೊಕಾನಾ ಕರ್ನಾ ಆಸ್ನಾರಾ ಇಸ್ವಾಸಾಚಾ಼ ಜಾ಼ಲ್ಯಾಲಾ ಮೊರ್ಹ್ಯಾ ಯಾಜಕ್ ಜಾ಼ಲಾ. ಆಸಾ ತ್ಯೊ ಲೊಕಾಂಚಾ ಪಾಪಾಂಚೆಸಾಟಿ ಮಾಪಿ ಆನಾಯಾ ಜಾ಼ಲ.

ಇಬ್ರಿಯ 9:28

ತಸಾಸ್ ಕ್ರಿಸ್ಬಿತ ಖುಬ್ ಲೊಕಾಂಚಿ ಪಾಪ ಗಿಹ್ಯಾಸಾಟಿ ಯಗ್ದಾಸ್ ಸಮರ್ಪನ್ ಜಾ಼ಲಾ. ಕ್ರಿಸ್ತ ದೊನವ್ಯಾನಿ ದಿಸ್ನಾರ್ ತ್ಯೊ ಲೊಕಾನಾ ಪಾಪಾತ್ನಿ ಸುಟ್ಕಿ ಕರಾಯಾ ನವ್ಹ. ಆಪ್ಲಿ ವಾಟ್ ಬಗ್‌ತ್ಯಾಲ್ಯಾ ಲೊಕಾನಾ ರಕ್ಷನ್ ಕರಾಯಾಸ್.

1 पतरस 1:19

ಯೇಸು ಕ್ರಿಸ್ತ ಮಂಥ್ಯಾಲ್ಯಾ ನಿರ್ದೊಷಿ, ನಿರ್ಮಳ್ ಜಾ಼ಲ್ಯಾಲ್ಯಾ ಮೆಂಡ್ರಾಚಾ ಪೊರಾಚಾ ಕಿಮ್ತಿಚಾ ರಕ್ತಾನಿಸ್ ಮನ್ಹುನ್ ತುಮಾನಾ ಠಾವ ಹಾ ನವ್ಹ.

1 पतरस 2:24

ಆಮಿ ಪಾಪಾಸಾಟಿ ಮರುನ್ ನೀಯತಿಚಿ ವ್ಹವುನ್ ಜೀವ್ನಾ ಕರಾಯಾಸಾಟಿ ತ್ಯೊ ಆಮ್‌ಚ಼ ಪಾಪ ಆಪ್ನುಸ್ ಆಪ್ಲಿವ ಗಿಹುನ್ ಶಿಲ್ಬೆವ ಮೇಲಾ. ತ್ಯಚಿವ ಬಸ್‍ಲ್ಯಾಲ್ಯಾ ಮಾರಾನಿ ಆಮಾನಾ ಬರ ಜಾ಼ಲ.

1 पतरस 3:18

ಕ್ರಿಸ್ತ ಸಾಯಿತ್ ನಿಯತಿಚಾ಼ ವ್ಹವುನ್ ನೀಯತ್ ನಸ್‌ಲ್ಯಾಂಚೆ ಸಾಟಿ ಜೀವ್ ದಿವುನ್ ಆಮಾನಾ ದೇವಾಪ ಮೀಳ್ವಾಯಾ ಸಾಟಿ ಯಂಗ್ದಾಸ್ ಪಾಪ್ ಕಾಡುನ್ ಟಾಕಾಯಾ ತರಾಸ್ ಖಾವುನ್. ತ್ಯೊ ಶರೀರಾನಿ ಮೇಲಾ, ಆತಮ್ಯಾನಿ ಪರ್ತುನ್ ಜಿತಾಜಾ಼ಲಾ.

1 ಯೊಹಾನ್ 2:2

ತ್ಯೊ ಆಮ್ಚಾ ಪಾಪಾಂಚೆ ಸಾಟಿ ಪ್ರಾಯಶ್ಚಿತ್ ಯಜ್ಞಜಾ಼ಲ್ಯಾ. ಆಮ್ಚಾ ಪಾಪಾನಾ ತ್ಯವ್ಡಾಸ್ ನವ್ಹ ಸಗ್‌ಳ್ಯಾ ಲೊಕಾಂಚಾ ಪಾಪಾನಾಬಿ ಪ್ರಾಯಶ್ಚಿತ್ ಜಾ಼ಲ್ಯಾ.

1 ಯೊಹಾನ್ 3:5

ಪಾಪ ನಿವಾರನ್ ಕರಾಯಾ ಕ್ರಿಸ್ತ್ ಪ್ರತ್ಯಕ್ಷ ಜಾ಼ಲ್ಯಾ ಮನ್ಹುನ್ ಆನಿ ತ್ಯಚಿಪ ಪಾಪ್ ನಾಹಿ ಮನ್ಹುನ್ ತುಮಾನಾ ಠಾವ ಹಾ.

1 ಯೊಹಾನ್ 4:10

ಆಮಿ ದೇವಾಲಾ ಮಾಯಾ ಕಿಲಿ ನಾಹಿ, ತರಿಬಿ ತ್ಯನಿ ಆಮ್ಚಿ ಮಾಯಾ ಕರುನ್ ಆಮ್ಚಾ ಪಾಪಾನಾ ಪ್ರಾಯಶ್ಚಿತ್ ಬಲಿ ವ್ಹವುನ್ ಆಪ್‌ಲ್ಯಾ ಲೆಕಾಲಾ ಲಾವುನ್ ದಿಲ್ಯಾಲ್ಯಾಸ್ ಲಾಗುನ್ ತ್ಯಚಿ ಖರಿ ಮಾಯಾ ದಿಸುನ್ ಯತಿ.

ದರ್ಶಾನ್ 1:5

ಆನಿ ಯೇಸು ಕ್ರಿಸ್ತಾಪ್ನಿ ತ್ಯೊ ಖರ‍್ಯಾಚಿ ವಳಕ್ ಜಾ಼ಲ್ಯಾ ಮೆಲ್ಯಾಲ್ಯಾತ್ನಿ ಆಂದಿ ಜಿತ್ತಾ ವ್ಹವುನ್ ಆಲ್ಯಾಲಾ ತ್ಯೊಸ್ ಆನಿ ತ್ಯೊಸ್ ಹ್ಯಾ ಲೊಕಾಂಚಾ ರಾಜಾನಾ ಅಧಿಪತಿ ಜಾ಼ಲ್ಯಾ. ಯೇಸು ಆಮ್ಚಿ ಮಾಯಾ ಕರ್ತೊ. ತ್ಯನಿ ಆಪ್‌ಲ್ಯಾ ರಕ್ತಾನಿ ಆಮಾನಾ ಆಮ್ಚಾ ಪಾಪಾಂಚೆ ಚು಼ಕಿತ್ನಿ ಶೊಡ್‍ಲ್ಯಾತ;

ದರ್ಶಾನ್ 12:11

ಆಮ್ಚಾ ಬನ್ಹಿ ಬಾವ್ಹಾನು ಮಿಂಡುರ್ ಜಾ಼ಲ್ಯಾಲ್ಯಾಚಾ ರಕ್ತಾನಿ ಆಪ್‌ಲ್ಯಾ ಖರ‍್ಯಾ ವಾಕ್ಯಾಚಾ ಬಳಾನಿ ತ್ಯಲಾ ಜಿತ್‌ಲ್ಯಾ. ತ್ಯಂಚಾನಿ ಆಪಲ್ಯಾ ಜಿವಾಚಿ ಮಾಯಾ ಕಿಲಿನಾಹಿ. ಮರಾಯಾಬಿ ಬಿಹ್ಯಾಲ ನಾಹಿತ.

ದರ್ಶಾನ್ 13:8

ದುನೆತ್ ಜೀವ್ನಾ ಕರ್ತ್ಯಾಲಿ ಲೋಕ ಸಗ್ಳಿ ತ್ಯಾ ಖತರ್ನಾಕ್ ಜ಼ನಾವಾರಾಲಾ ವವ್ಯಾಳ್‌ತ್ಯಾತ ದುನೆ ಸುರ್ವಾತ್ ಜಾ಼ಲ್ಯಾದರ್ನಿ ಮಾರುನ್‍ಟ್ಯಾಕ್‌ಲ್ಯಾಲ ಮಿಂಡುರ್ ಜಾ಼ಲ್ಯಾಲ್ಯಾಚಾ ಜೀವಾಚಾ ಪುಸ್ತಕಾತ್ ಕುನಾಚಿ ನಾವ ಲಿವ್ಲಿ ನಾಹಿತ ತೀಸ್ ಹಿ ಲೊಕ.

ದರ್ಶಾನ್ 14:1

ನಂತರ್ ಮೀ ಬಗ್ಲ ತವಾ ಮಾಜೆ ಮೊರ‍್ಹ, ಮೆಂಡಾರ್ ಜಾ಼ಲ್ಯಾಲಾ ಹುತಾ. ತ್ಯೊ ಚಿಯೊನ್ ಮಂಥ್ಯಾಲ್ಯಾ ಮೊಟ್ಯಾ ಗುಡ್ಯಾವ ಉಬಾಹುತ್ತಾ ತ್ಯಚಿ ಸಂಗ 1,44000 ಲೊಕ ಹುತ್ತಿತ. ತ್ಯಂಚಾ ಕಪಾಳಾವ ತ್ಯಚ಼ ನಾವ್ ಆನಿ ತ್ಯಚಾ ಬಾಚ಼ ನಾವ್ ಲಿವ್ಲಹುತ

ದರ್ಶಾನ್ 14:10

ತ್ಯೊ ದೇವಾಚಾ಼ ರಾಗ್ ಮಂಥ್ಯಾಲಾ ದರಾಕ್ಶಿಚಾ಼ ರಸ್ ಪಿನಾರ್. ದೇವಾಚಾ಼ ರಾಗಾಚೆ ತಾಟಿತ್ ಹ್ಯೊ ದರಾಕ್ಶಿಚಾ಼ ರಸ್ ತ್ಯಚಾ ಪುರ‍್ಯಾ ಬಳಾನಿ ಬನಿವ್‌ಲ್ಯಾ. ತ್ಯಲಾ ಪರಿಶುದ್ದ ದೇವ್ದುತ್ ಆನಿ ಮಿಂಡುರ್ ಜಾ಼ಲ್ಯಾಲ್ಯಾಚೆ ಮೊರ‍್ಹ ಪೇಟ್ಯಾಲ್ಯಾ ಇಸ್‌ಥ್ಯಾಚಾ಼ ಪಿಡಾ ಗೆನಾರ್.

ದರ್ಶಾನ್ 14:4

ಸಗ್‌ಳ್ಯಾ ಮಾನ್ಸಾಚಾ ಕುಳಾತ್ನಿ ತ್ಯನಾ ಸುಟ್ನುಕ್ ಕರುನ್ ನಿವ್ಡುನ್ ಗಿಹುನ್ ದೇವಾಲಾ ಆನಿ ಮೆಂಡ್ರಾಲಾ ಪೈಲ ಫಳ್ ದಿಲ್ಯಾ.

ದರ್ಶಾನ್ 15:3

ತೇ ದೇವಾಚಾ಼ ಸೇವಕ್ ಜಾ಼ಲ್ಯಾಲ್ಯಾ ಮೊಶೆಚಿ ಗೀತ ಆನಿ ಯಜ್ಞಚ಼ ಮಿಂಡ್ರು ಜಾ಼ಲ್ಯಾಲ್ಯಾಚ ಗಿತ ಮನ್ಲ: ಸರ್ವಶಕ್ತ ದೇವಾ, ತು ಮುಟಿ ಚ಼ಮತ್ಕಾರಾಚಿ ಕಾಮ ಕರ್ತೊಸ್. ಸರ್ವ್ಯಾ ಲೊಕಾಂಚಾ಼ ರಾಜಾ಼, ತುಜಾ಼ ಮಾರೊಗ್ ಚಾ಼ಂಗ್ಲಾ ಆನಿ ಖರಾ ಹಾ.

ದರ್ಶಾನ್ 17:14

ತೇ ಮಿಂಡುರ್ ಜಾ಼ಲ್ಯಾಲ್ಯಾಚೆ ಆಡ್ವ ಲಡಾಯಿ ಕರ್ತ್ಯಾತ. ಫನ್ ಮಿಂಡುರ್ ಜಾ಼ಲ್ಯಾಲಾ ಪ್ರಭುಚಾ಼ ಪ್ರಭು ಜಾ಼ಲ್ಯಾ ಮನ್ಹುನ್ ಆನಿ ರಾಜಾಚಾ಼ ರಾಜಾ಼ ಜಾ಼ಲ್ಯಾ ಮನ್ಹುನ್ ತ್ಯನಾ ಹರಿವ್ತೊ. ತ್ಯಚಿ ಸಂಗ, ಆಪ್ನು ಹಾಕಟ್‌ಲ್ಯಾಲಿ ಲೊಕ ನಿವ್ಡುನ್ ಗೆತಲ್ಯಾಲಿ ಲೊಕ ಆನಿ ಆಪ್ಲ ಇಸ್ವಾಸಾತ್ ಚಾ಼ಲತ್ಯಾಲ ಹುತ್ತ. ಮನ್ಲಾ.

ದರ್ಶಾನ್ 19:7

ಯವಾ ಆಮಿ ಸಗ್ಳಿ ಆನಂದ್ ಆನಿ ಸಂತೊಶ್ ವ್ಹವುಯಾ. ದೇವಾಲಾ ಮೈಮಾ ಕರುಯಾ ಮಿಂಡುರ್ ಜಾ಼ಲ್ಯಾಲಾಚಾ ಲಗ್ನಾಚಾ಼ ದೀಸ್ ಆಲಾ ಮನ್ಹುನ್ ದೇವಾಲಾ ಬರಾ ಮನ್ಹುಯಾ. ಮಿಂಡುರ್ ಜಾ಼ಲ್ಯಾಲ್ಯಾಚಿ ನವರ‍್ಹಿ ಮಂಥ್ಯಾಲಿ ಸಭಾ ಆಪ್ನು ತಯಾರ್ ಜಾ಼ಲೆ.

ದರ್ಶಾನ್ 19:9

ತವಾ ದೇವ್ದುತಾನಿ ಮಾನಾ ಆಸ ಸಾಂಗ್ಲ. ಹೇ ತರನಿ ಲೀವ್: “ನಿವಡ್‌ಲ್ಯಾಲ್ಯಾ ಮೆಂಡ್ಯಾಚಾ ಲಗ್ನಾಚಾ ಜೇವ್ನಾಲಾ ಹಾಕಟ್‌ಲ್ಯಾಲಿ ಲೊಕ ಧನ್ಯ!” ಹ್ಯ ದೇವ್ದುತಾನಿ ತ್ಯಾತ್ ಮಿಸ್ಳುನ್ ಹೆ ದೇವಾಚ಼ ಖರ‍ ಸಬಾತ್ ಮನ್ಹುನ್ ಸಾಂಗ್ಲ.

ದರ್ಶಾನ್ 21:14

ತ್ಯಾ ನಗರಾಚಾ ಬಿಥಿ ಬಾರಾ ಪಾಯಾವ್ನಿ ಬ್ಯಾಂದಲ್ಯಾ ಹುತ್ಯಾ. ತೇ ದೊಂಡ್ಯಾವ ಮಿಂಡುರ್ ಜಾ಼ಲ್ಯಾಲ್ಯಾ ಬಾರಾಜಾ಼ನ್ ಅಪೊಸ್ತಲಾಂಚ಼ ನಾವ್ ಲಿವ್ಲ ಹುತ್ತ.

ದರ್ಶಾನ್ 21:27

ಪರಿಶುದ್ದ ನಸ್‌ಲ್ಯಾಲ ಕಚ಼ಸ್ ಯಯಿತ್ನಾಹಿ ಅವ್ಮಾನಾಚಿ ಕಾಮ ಕರ್ತ್ಯಾಲಾ ವ್ಹವುನಿ ಲಬಾಡ್ ಸಾಂಗ್‌ತ್ಯಾಲಾ ವ್ಹವುನಿ ನಗರಾತ್ ಕಂದಿಸ್ ಜಾ಼ಯಿತ್ನಾಹಿ. ಮೆಂಡಾರ್ ಜಾ಼ಲ್ಯಾಲ್ಯಾನಿ ಶಾಶ್ವತ್ ಜೀವಾಚಾ ಪುಸ್ತಕಾತ್ ಕುನಾಚ಼ ನಾವ್ ಲಿವ್‍ಲ್ಯಾ ತೇ ತ್ಯವ್ಡಸ್ ತ್ಯಾ ನಗರಾತ್ ಜಾ಼ನಾರ್.

ದರ್ಶಾನ್ 21:9

ಸರ್ತ್ಯಾ ಸಾತ್ ಪಿಡಾ ಆಪ್‌ಲ್ಯಾ ಐದಾನಾತ್ ಬರ್‌ಲ್ಯಾಲ ಸಾತ್ ಜಾ಼ನ್ ದೇವ್ ದುತಾತ್ಲಾ ಯೊಕ್ ಮಾಜಿಪ ಯವುನ್, “ಮಾಜಿ ಸಂಗ ಯೇ. ಮೆಂಡ್ರಾಚ಼ ಪ್ವಾರ್ ಜಾ಼ಲ್ಯಾಲ್ಯಾಚಿ ನವರ‍್ಹಿ ಮೀ ತುಲಾ ದ್ಯಾವ್ತೊ. ಮನ್ಲಾ.

ದರ್ಶಾನ್ 5:6

ಮಂಗ್ ಸಿಂಹಾಸನಾಚಾ ಆನಿ ಚಾರ್ ಜೀವಾಂಚೆ ಮದ್ದಿ ಯಾಕ್ ಮಿಂಡುರ್ ಮೀ ಬಗ್ಲ ಜಾಂತ ಸಾಹಿತ್ ತ್ಯಾ ಮೆಂಡ್ರಾಚೆ ಸರ್ಬೌರ್ ಹುತ್ತ. ತ್ಯ ಮಿಂಡುರ್ ಮಾರುನ್ ಟ್ಯಾಕ್ಲ ತ್ಯಲಾ ಸಾತ್ ಸಿಂಗ ಆನಿ ಸಾತ್ ಡೊಳ ಹುತ್ತ. ಹೇ ಹ್ಯಾ ಲೊಕಾತ್ ಲಾವುನ್ ದಿಲ್ಯಾಲಿ ದೇವಾಚಿ ಸಾತ್ ಆತ್ಮ ಜಾ಼ಲ್ಯಾತ.

ದರ್ಶಾನ್ 5:8

ತವಾ ಚಾರ್ ಜೀವಿ ಆನಿ ಇಸಾವ ಚಾರ್ಜಾ಼ನ್ ಜಾಂತ್ಯಾಂಚಾನಿ ತ್ಯಾ ಮೆಂಡ್ರಾಚೆ ಮೊರ‍್ಹ ನಡ್ಗ ಟಿಕ್ವುನ್ ನಮಸ್ಕಾರ್ ಕೇಲಾ ಪರತೇಕಾಚಾ ಹಾತಾತ್ ತಾರಚಿ ವಾಜ಼್ಪ ಹುತ್ತಿತ. ದುಫಾನಿ ಬರ್ಲ್ಯಾಲಿ ಸೊನ್ಯಾಚಿ ಐದಾನ ತೇ ದರ‍್ಹುನ್ ಹುತ್ತ. ತೀ ಐದಾನ ದೇವಾಚಾ ಚಾಂಗಲ್ಯಾ ಲೊಕಾಂಚಿ ಮಾಗ್ನಿ ಜಾ಼ಲ್ಥಿತ.

ದರ್ಶಾನ್ 6:1

ನಂತರ್ ಮೇಂಡ್ರಾನಿ ಸಾತ್ ಸಿಕ್ಯಾತ್ಲಾ ಯೊಕ್ ಸಿಕ್ಕಾ ಪ್ಯೊಡ್ತಾನಾ ಮೀ ಬಗ್ಲ. ತ್ಯಾ ಚಾರ್ ಜೀವಿತ್ಲಾ ಯೊಕ್ ಜೀವಿ ಗಡ್ಗಡುನ್ ಬೊಲ್‍ತ್ಯಾಲ ಮೀ ಐಕ್ಲ ತ್ಯ “ಎ” ಮಂಥ್ಯಾಲ ಐಕ್ಲ.

ದರ್ಶಾನ್ 6:16

ತೀ ಲೊಕ ಕನ್ಯಾನು ಅನಿ ದುಂಢಿನು ಆಮ್ಚಿವ ಪಡಾ ಸಿಂಹಾಸನಾವ ಬಸ್‌ಲ್ಯಾಲ್ಯಾಚೆ ನದ್ರಾಲಾ ಆಮಾನಾ ಜಾ಼ಖುನ್ ಗೇವಾ ಮೇಂಡಾರ್ ಜಾ಼ಲ್ಯಾಲ್ಯಾಚಾ ರಾಗಾತ್ನಿ ಆಮಾನಾ ಜಾ಼ಖಾ.

ದರ್ಶಾನ್ 7:14

ತವಾ ಪ್ರಭು ತೀ ಕೊನ್ತಿ ತುಲಾ ಠಾವಿ ಹಾತ” ಮನ್ಹುನ್ ಉತ್ತರ್ ದಿಲಾ. ತವಾ ಹಿ ಮೊಟಾ ತರಾಸ್ ಖಾವುನ್ ಆಲ್ಯಾಲಿ. ತ್ಯಂಚಾನಿ ಮಿಂಡುರ್ ಜಾ಼ಲ್ಯಾಲ್ಯಾಚಾ ರಕ್ತಾನಿ ಆಪ್ಲ ಜ಼ಘ ದುತ್ಯಾಲ್ಯಾತ ಆತಾ ತೀ ಚಾ಼ಂಗ್ಲಿ ಜಾ಼ಲ್ಯಾತ.

ದರ್ಶಾನ್ 7:17

ಸಿಂಹಾಸನಾಚೆ ಮದ್ದಿ ಆಸ್‌ಲ್ಯಾಲ ಮೆಂಡಾರ್ ಜಾ಼ಲ್ಯಾಲಾ ತ್ಯೊ ತ್ಯಂಚಾ಼ ಕುರುಬುರ್ ಜಾ಼ಲ್ಯಾ. ತ್ಯೊ ತ್ಯನಾ ಜೀವ್ ದೇತ್ಯಾಲ್ಯಾ ಪಾನ್ಯಾಚಾ ಜ಼ರ‍್ಯಾಂಚಿಪ ಹಾಕ್ಟುನ್ ನೆಥೊ. ತ್ಯಂಚಾ ಡೊಳ್ಯಾಂಚಿ ಟಿಪ್ಪ ದೇವ್ ಪುಸ್ತೊ ಮನ್ಹುನ್ ಸಾಂಗ್ಲ.