ಯಾಕೊಬ್ 3:17 - ದೆವಾಚಿ ಖರಿ ಕಬರ್ ನವಾ ಕರಾರ್

¹⁷ ಫನ್ ವೈನಿ ಆಲ್ಯಾಲ ಗಿನ್ಯಾನ್ ಆಂದಿ ನಿರ್ಮಳ್ ಆಸ್‌ಲ್ಯಾಲ ತ್ಯಾ ನಂತರ , ಥಂಡ್ಪನಾಚ಼, ಸಮಾದಾನಾಚ಼, ಐಕ್‌ತ್ಯಾಲ ವ್ಹವುನ್, ಕರ್ನಾ ಆನಿ ಚಾ಼ಂಗಲ್ಯಾ ಫಳಾನಿ ಬರ್ಲ್ಯಾಲ, ಬೆದ್ ಬಾವ್ ನಸಲ್ಯಾಲ, ಕಪಟ್ ನಸ್‌ಲ್ಯಾಲ ಜಾ಼ಲ್ಯಾ

गवली उनाई नियम

¹⁷ पेनो जो ज्ञान स्वर्ग टे हेजेवा होय, डीच पेला मेटे चोखरा थंदळवा होय, डाबोलटे मिलनसार, नेरोम एठा नम्र स्वाभव एठा दया एठा अच्छा कामय टे भेट्टिके मिनी, पक्षपात एठा कपट दियेन बान थंदळ होय।

ಯಾಕೊಬ್ 3:17 Iomraidhean Croise

ಮತ್ತಾಯ್ 23:28

ತುಮಿ ತಸಿಸ್ ಹಾಸಾ. ತುಮಾನಾ ಬಗ್‌ಲ್ಯಾಲಿ ಲೊಕ ತುಮಿ ಚಾ಼ಂಗ್ಲಿ ಮಂಥ್ಯಾತ ಖರ ತುಮಿ ಧರ್ಮಾಚೆ ಅಡ್ವ ಆನಿ ಆತ್ ಕಪ್ಟಾನಿ ಆನಿ ಬುರ್ಶಾ ಫನಾನಿ ಬರ್‌ಲ್ಯಾಸಾ.

ಮತ್ತಾಯ್ 5:8

ನಿಚ಼ಳ್ ಮನಾಚಿ ತುಮಿ ಸಂತೊಸ್ ಜಾ಼ಲ್ಯಾಸಾ. ತೀ ದೇವಾಲಾ ಬಗ್ತಿಲ.

ಮತ್ತಾಯ್ 5:9

ಶಾಂತ್ ಕರ್ತ್ಯಾಲಿ ತುಮಿ ಸಂತೊಸ್ ಜಾ಼ಲ್ಯಾಸಾ. ತೀ ‘ದೇವಾಚಿ ಪೊರ’ ಮನ್ಹುನ್ ಗಿತಿಲ.

लूका 21:15

ಕಾ ಮಂಜೆ ತುಮ್ಚ ವಾದಿ ಸಗ್ಳ ಮೊರ‍್ಹ ಉಬರಾಹ್ಯಾ ಮೊರ‍್ಹ ಬೊಲಾಯಾ ವ್ಹವುನಾಹಿ ಆಸ್ಲ ಬೊಲ್‌ನ್ಯಾಚ಼ ಗಿನ್ಯಾನ್ ಮೀಸ್ ತುಮಾನಾ ದೆತೊ

लूका 6:36

ತುಮಚಾ಼ ಸ್ವರ್ಗಾತ್ಲ ಬಾ ದೆವ್ ಕಸಾ ದಯಾಳುಹಾ ತಸಿ ತುಮಿಬಿ ದಯಾಳು ಹ್ವವುನ್ ರಾವ್ಹಾ.

ಯೊಹಾನ್ 1:14

ತ್ಯಾ ಸಬ್ದಾನಿ ಮಾನ್ಸಾಚ಼ ರುಪ್ ಗೆತ್ಲ ಆನಿ ತ್ಯೊ ಸಗಳೆ ಕ್ರಪಾನಿ ಆನಿ ಖರ‍್ಯಾನಿ ಬರ್ಲಾ ಹುತ್ತಾ, ಆನಿ ತ್ಯೊ ಆಮ್ಚಿ ಸಂಗ ಹುತ್ತಾ. ಆಮಿ ತ್ಯಚಿ ಮೈಮಾ ಬಗ್ಲಿ, ತೀ ಬಾಚಾ ಯಕ್‌ಲ್ಯಾಸ್ ಯಕಾ ಲೇಕಾಚಿ ಮೈಮಾ ಜಾ಼ಲ್ಥಿ.

ಯೊಹಾನ್ 1:47

ಯೇಸು ಆಪ್ಲಿಪ ಯತ್ಯಾಲ್ಯಾ ನತಾನಿಯೇಲಾ ಬಗುನ್ ತ್ಯಚೆ ಗುಶ್ಟಿತ್ ಹ್ಯೊ ಖರಾ ಇಸ್ರಾಯಲ್ ಹ್ಯಚಿಪ ಕಪಟ್ಪನ್ ನಾಹಿ ಮನ್ಹುನ್ ಸಾಂಗ್ ಲ

ಅಪೊಸ್ತಲ್ 11:24

ಬಾರ್ನಬಾ ಯೊಕ್ ಚಾ಼ಂಗ್ಲಾ ಮಾನುಸ್ ಜಾ಼ಲ್ಥಾ ತ್ಯೊ ಪವಿತ್ರಾತ್ಮಾನಿ ಇಸ್ವಾಸಾನಿ ಬರ್‌ಲ್ಯಾಲಾ ಜಾ಼ಲ್ಥಾ ಆನಿ ಖುಬ್ ಲೊಕಾನಾ ಪ್ರಭುಕ್ಡ ಹಾಕ್ಟುನ್ ಆನ್‌ಲ್ಯಾಲಾ ಜಾ಼ಲ್ಥಾ.

ಅಪೊಸ್ತಲ್ 9:36

ಯೊಪ್ಪ ಪೆಠತ್ ತಬಿಥಾ ಮಂಥ್ಯಾಲಿ ಯೆಕ್ ಇಸ್ವಾಸಿ ಹುತ್ತಿ. ಗ್ರೀಕ್ ಬಾಶೆತ್ ತಿಚ಼ ನಾವ್ ದೊರ್ಕಾ ಮಂಜೆ ಚಿ಼ತ್ತಾಳ್. ತೀ ಲೊಕಾನಾ ಕವಾಬಿ ಚಾ಼ಂಗ್ಲ ಕಾಮ್ ಕರಿತಿ. ತೀ ಗರೀಬ್ ಲೊಕಾನಾ ಮಜ಼ತ್ ಕರೀತಿ.

रोमियो 12:18

ಸಗ್‌ಳ್ಯಾ ಲೋಕಾ ಸಂಗ ಥಂಡ್ಪನಾನಿ ಜೀವ್ನಾಕರಾಯಾ ತುಮ್ಚಿಪ್ನಿ ವ್ಹಯಿಲ್ ತ್ಯವ್ಡ ಯತ್ನ ಕರಾ.

रोमियो 12:9

ತುಮ್ಚಿ ಮಾಯಾ ಖರಿ ರಾಹುನಿ. ಬುರ್ಶಾ ಕಾಮಾಂಚಾ಼ ರಾಗ್ ಕರಾ. ಚಾಂಗ್ಲಿ ಕಾಮ ದರುನ್ ರಾವ್ಹಾ.

रोमियो 15:14

ಮಾಜಾ ಭನ್ಹಿ ಭಾವ್ಹಾನು, ತುಮಚಾತ್ ಬರ ಫನ್ ಬರ್‌ಲ್ಯಾ ಆನಿ ಸಗ್ಳ ಗಿನ್ಯಾನ್ ತುಮಾನಾ ಹಾ ಮನ್ಹುನ್ ಆನಿ ಯಕಾಮಕಾಲಾ ಸಿಕ್ವಾಯಾ ಸಾಮರ್ಥ ತುಮಾನಾ ಹಾ ಮನ್ಹುನ್ ಮನಾ ಠಾವ ಹಾ.

1 ಕೋರಿಂಥ್ 12:8

ಯಕಾಲಾ ದೇವಾಚಾ ಆತ್‍ಮ್ಯಾಪ್ನಿ ಬೊಲ್ಯಾ ಬೊಲಾಯಾ ಅಕ್ಕಲ್ ಗಾವ್ತಿ ಆನಿ ಯಕಾಲಾ ಗಿನ್ಯಾನಾಚ಼ ವರ ಗಾವ್ತ.

2 ಕೊರಿಂಥ 10:1

ಪೌಲ್ ತುಮ್ಚೆ ಸಂಗ ಆಸ್ತಾನಾ ಥಂಡ್ಪನಾನಿ ವಾಗ್ತೊ ದುರ್ ಆಸ್ತಾನಾ ಆಮ್ಚೆ ಗುಸ್ಟಿತ್ ಕಡಕ್ಫನಾನಿ ವಾಗ್ನಾರಾ ಜಾ಼ಲ್ಯಾಲಾ ತ್ಯೊ ಪೌಲ್ ಮಂತ್ಯಾಲಾ ಮೀ ಕ್ರಿಸ್ತಾಚ ಥಂಡ್ ಆನಿ ಸಾಧು ಮನಾನಿ ಇನಂತಿ ಕರ್ತೊ,

2 ಕೊರಿಂಥ 6:6

ಚಾ಼ಂಗ್ಲಮನ್, ಗಿನ್ಯಾನ್, ಖುಬ್ ಥಂಡಫನ್, ದಯಾ, ಪವಿತ್ರಾತ್ಮಾಪ, ಕಪಟ್ ನಸ್‍ಲ್ಯಾಲಿ ಮಾಯಾ,

2 ಕೊರಿಂಥ 7:11

ಬಗಾ ತುಮಿ ದೇವಾಚಾ ಮನಾ ಶಾರ್ಕ ತುಮಿ ದುಖ್ ಖಾಲಸಾ, ಚು಼ಕ್ ಕೆಲ್ಯಾಲ್ಯಾನಾ ಶಿಕ್ಷಾದಿಯಾ ಕ್ಯವ್ಡಿ ಕಳ್ಕಳ್. ತುಮಿ ನಿರ್ದೊಷಿ ಮನ್ಹುನ್ ದಾವುನ್ ದಿಯಾ ಕ್ಯವ್ಡಿ ಖಟ್ಪಟ್ ಕಿಲಿಸಾ, ಕ್ಯವ್ಡಾ ಮನಾಲಾ ತರಾಸ್ ಕರುನ್ ಗೆತ್ಲಾಸಾ; ಕಸ್ಲ ಭ್ಯಾ, ದ್ಯಾವ್ಲಸಾ; ಮರೆದಿ ಸಾಟಿ ಕ್ಯವಡ್ಯಾ ರಾಗಾನಿ ಶಿಕ್ಷಾದಿಲಿಸಾ ಹ್ಯ ಸಗ್ಳ ಪಟ್ವುನ್ ಆಲ್ಯಾ.

2 ಕೊರಿಂಥ 9:10

ಪೆರ್ನಾರ‍್ಯಾಲಾ ಬೀ, ಖಾನಾರ‍್ಯಾಲಾ ಜೆವಾನ್ ದೆನಾರಾ ತುಮಾನಾಬಿ ಪೆರಾಯಾ ಬೀ ದಿವುನ್ ತ್ಯ ಖುಬ್ ಕರುನ್ ತುಮಚಾ ಚಾ಼ಂಗಲ್ಯಾ ಕಾಮಾನಿ ವ್ಹನಾರ ಫಳ ವಾಡಿವ್ನಾರ್.

इफिसियों 5:9

ಉಜೀಡಾಚ಼ ಪಳ್ ಮಜ಼ತೀತ್ ನೀಯೆತೀತ್ ಖರ‍್ಯಾತ್ ದಿಸುನ್ ಯತ.

ಪಿಲಿಪ್ಪಿ 1:11

ದೇವಾಚೆ ಮಹಿಮೆಸಾಟಿ ಆನಿ ಸ್ತೊತ್ರಾಸಾಟಿ ಯೇಸು ಕ್ರಿಸ್ತಾನಿ ಉತ್ಪನ್ ಕೆಲ್ಯಾಲ ಖರ‍್ಯಾ ಜಾ಼ಲ್ಯಾಲ್ಯಾ ಚಾ಼ಂಗಲ್ಯಾ ಗುನಾನಿ ತುಮ್‍ಚಾ಼ ಜೀವ್ನಾ ಬರ್ನಾರ್.

ಪಿಲಿಪ್ಪಿ 4:8

ಸರ್ತ್ಯಾಯಳಾಲಾ, ಭನ್ಹಿ ಬಾವ್ಹಾನು, ಕಚ಼ ಖರ, ಕಿಮ್ತಿಚ಼, ನೀಯತಿಚ಼, ನಿರ್ಮಳ್, ಮಾಯೆಚ಼, ಮರೆದಿಚ಼ ಹಾ, ಕಚ಼ ಚಾ಼ಂಗಲ್ಯಾ ಗುನಾಚ಼ ಹಾ, ಕಚ಼ ಮರೇದಿಲಾ ಚಾ಼ಂಗ್ಲ ಹಾ, ತ್ಯಾ ಸಗ್‌ಳ್ಯಾಂಚಿ ಕ್ಯಾಳ್ಜಿ ಕರಾ.

ಕೊಲೊಸ್ಸೆ 1:10

ಪ್ರಭುಲಾ ಆವ್ಡಸಾರ ತುಮಿ ಚಾ಼ಂಗ್ಲಾ ಜೀವ್ನಾ ಕರಾಯಾ ವ್ಹಯಿಸಾ ಮನ್ಹುನ್, ಸಗ್‍ಳ್ಯಾ ಚಾ಼ಂಗಲ್ಯಾ ಕಾಮಾತ್ನಿ ಪ್ಯಾಯ್ದಾ ದಿಯಿತ್ ದೇವಾಚಾ ಗಿನ್ಯಾನಾನಿ ಬರುನ್ ರಾಯ್ಹಾವ್ಹಯಿ ಮನ್ಹುನ್,

1 ತೆಸಲೊನಿಕ್ 2:7

ಆಮಿ ಕ್ರಿಸ್ತಾಚ಼ ಆಪೋಸ್ತಲ್ ಆಸುನ್ ತುಮ್ಚಿಪ್ನಿ ಮರ‍್ಯಾದ್ ಇಚಾರಾಯಾ ಗಾವತಿ. ಫನ್ ಕಸಿ ಆಯಿ ಆಪ್‌ಲ್ಯಾ ಪೊರಾಲಾ ಸಂಬ್ಯಾಳ್ತಿ ತಸಿಸ್ ತುಮಿ ಸಾಹಿತ್ ಆಮ್ಚಿಪ ಆಸ್ಥಾನಾ ಆಮಿಬಿ ತುಮ್ಚಿ ಸಂಗ ಖುಬ್ ಥಂಡ್ಪನಾನಿ ಚಾ಼ಲ್ಯಾವ್.

1 ತಿಮೊತಿ 5:21

ದೇವ್ ಆನಿ ಕ್ರಿಸ್ತ ಯೇಸು ಪರಿಶುದ್ದ ದೇವ್ ದುತಾಂಚೆ ಮೊರ‍್ಹ ಮೀ ಖರ‍್ಯಾನಿ ಆದೇಶ್ ಕರ್ತೊ ಕಸ್ಲಾ ಬೇದ್ಭಾವ್ ನಸ್ಥಾನಾ ಆನಿ ಕುನಾಚಿ ಪರವಾನ್ಗಿ ನಸ್ಥಾನಾ ಹ್ಯಾ ಬೊಲ್ಯಾ ಚಾ಼ಲಿವ್.

2 ತಿಮೊತಿ 2:24

ಕಾ ಮಂಜೆ ಪ್ರಭುಚಾ ಸೇವಕ್ ವ್ಹವುನ್ ತು ಕಳ್ ಕರು ನಾಹಿ. ತು ಸರ್ವ್ಯಾಂಚಿವ ದಯಾ ದಾವಾಲಾ ವ್ಹಯಿ; ಚಾ಼ಂಗ್ಲಾ ಥಂಡ್ಫನಾಚಾ಼ ಮಾಸ್ಥರ್ ವ್ಹವುನ್ ರಾಹ್ಯಾ ವ್ಹಯಿ.

तीतुस 1:15

ನಿರ್ಮಳ್ ಲೊಕಾಂಚೆ ಸಗ್‌ಳ್ಯಾ ಗುಶ್ಟಿ ನಿರ್ಮಳ್ ರಾ‍ಥ್ಯಾತಾ ಫನ್ ಪಾಪಾನಿ ಬರ್ಲ್ಯಾಲಿ ಆನಿ ಇಸ್ವಾಸ್ ನಸ್‌ಲ್ಯಾಲ್ಯಾ ಲೊಕಾನಾ ಕಚ಼ಸ್ ನಿರ್ಮಳ್ ವ್ಹವುನ್ ರಾಹಿತ್ ನಾಹಿ ಖರ್‍ಯಾನಿಸ್ ತ್ಯಂಚಿ ಬುದಿ ಆನಿ ಮನಾಚಾ಼ ಇಚಾರ ಬುರ್ಸಿ ಜಾ಼ಲ್ಯಾತ.

तीतुस 3:2

ಕುನಾಚೆ ಗುಶ್ಟಿತ್ಬಿ ಬುರ್ಸ ಬುಲುನಾಹಿ, ಸಗ್‌ಳ್ಯಾಂಚೆ ಸಂಗ ಥಂಡ್ಫನಾನಿ ಆನಿ ವಾದ್ ಗಾಲ್ಹಾಚೆ ಆಂದಿ ಕವಾಬಿ ಚಾ಼ಂಗಲ್ಯಾ ಗುನಾಚಾ಼ ಸಾದ ವ್ಹವುನ್ ರಾಹ್ಯಾವ್ಹಯಿ ಮನ್ಹುನ್ ತ್ಯನಾ ಸಾಂಗ್.

ಇಬ್ರಿಯ 12:11

ಕುಟ್ಲಿಬಿ ಶಿಕ್ಷಾ ಸಗ್ಳಾವ್ನಿ ಸಂತೋಶಾನಿ ದಿಸಾಚೆ ಆಂದಿ, ಕಸ್ಟಾಚಿ ಕಸಿ ದಿಸ್ತಿ. ಫನ್ ಶಿಕ್ಷಾ ಗೆನಾರ, ಮೊರ‍್ಹ ಸಮಾದಾನಾಚ಼ ನ್ಯಾಯಿಪನಾಚ಼ ಫಳ್ ಗೆತ್ಯಾತ.

ಇಬ್ರಿಯ 12:14

ಸಗಳ್ಯಾಂಚೆ ಸಂಗ ಸಮಾದಾನಾನಿ ಜೀವ್ನಾ ಕರಾಯಾ ಆನಿ ಚಾ಼ಂಗ್ಲ ವ್ಹಯಾ ಯತ್ನ ಕರಾ. ಪರಿಶುದ್ ನಸ್ತಾನಾ ಕೊನುಸ್ ಪ್ರಬುಲಾ ಬಗ್ನಾರ್ ನಾಹಿ.

ಯಾಕೊಬ್ 1:17

ಸಗ್ಳಿ ಚಾ಼ಂಗ್ಲಿ ವರ ಆನಿ ಉತ್ತಮ್ ವರ್ದಾನ ವೈನಿ ಮಂಜೆ ದೇವಾಪ್ನಿ ಯತ್ಯಾತ ತ್ಯನಿ ಆಬ್ಳಾಚ಼ ದಿವ ಉತ್ಪನ್ ಕೆಲ, ತ್ಯೊ ಬಧಾಲ್ನಾರ್ ನಾಹಿ. ಆನಿ ಕಚಾಸ್ ಕಾರ್ನಾಲಾ ಬದ್ಲಾವನೆಚಿ ಸಾವುಟ್ ಸಾಹಿತ್ ತ್ಯಚಿವ ಪಡತ್ ನಾಹಿ.

ಯಾಕೊಬ್ 1:5

ಫನ್ ತುಮ್ಚಿಪ ಕುನಾಪತರಿ ಗಿನ್ಯಾನ್ ಕಮ್ಮಿ ಆಸ್ಲತ ತ್ಯೊ ದೇವಾಪ ಮಾಗುನಿ, ತ್ಯ ತ್ಯಲಾ ಗಾವ್ನಾರ್. ಕಾಮಂಜೆ ದೇವ್ ದಪಕ್ಯಾವಾಚೆ ಆಂದಿ ಸಗ್‌ಳ್ಯಾನಾ ಪುಕಟ್ ದೆನಾರಾ ಜಾ಼ಲ್ಯಾ.

ಯಾಕೊಬ್ 2:13

ತುಮಿ ದುಸ್‌ರ‍್ಯಾನಾ ಕರುನಾ ದ್ಯಾವ್‌ತ್ಯಾಲಿ ರಾಹ್ಯಾ ವ್ಹಯಿಸಾ ನಾಹಿತ ತುಮಾನಾ ದೆವ್ ನ್ಯಾಯಿ ತಿರ್ಮಾನ್ ಕರ್ತ್ಯಾಲ್ಯಾ ಯಳಾತ್ ಕರುನಾ ದಾವಿತ್ ನಾಯಿ. ಕರುನಾ ದ್ಯಾವ್‍ತ್ಯಾಲಾ ಮಾನುಸ್ ದೇವ್ ನ್ಯಾಯಿ ತಿರ್ಮಾನ್ ಕರ್ತ್ಯಾಲ್ಯಾ ಯಳಾತ್ ತ್ಯೊ ಜಿತ್ತೊ.

ಯಾಕೊಬ್ 2:4

ತುಮಿ ತುಮ್ಚಾ ತುಮ್ಚಾತ್ ಬೇದ್ ಬಾವ್ ಕರ್ನಾರಿ ವ್ಹವುನ್, ಬುರ್ಶಾ ಇಚಾರಾಚೆಗತ್ ಚಾ಼ಲಾಯಾ ನಿರ್ಧಾರ್ ಕರ್ತಾಸಾ ನವ್ಹ ಕ್ಯಾ?

ಯಾಕೊಬ್ 3:15

ತ್ಯ ವೈನಿ ಆಲ್ಯಾಲ ಗಿನ್ಯಾನ್ ನವ್ಹ. ತ್ಯ ದರ್ತಿಲಾ ಸಂಬದ್ ಆಸ್‍ಲ್ಯಾಲ, ತ್ಯ ಆತ್ಮಿಕ್ ನವ್ಹ ತ್ಯ ಬುಥಾನ್ ಸಂಬಂದ್ ಆಸ್‌ಲ್ಯಾಲ.

ಯಾಕೊಬ್ 4:8

ತುಮಿ ದೇವಾಪ ಯವಾ, ತವಾ ತ್ಯೊ ತುಮ್ಚಿಪ ಯಯಿಲ್. ಪಾಪಿನು, ತುಮ್‍ಚ಼ ಹಾತ್ ದುವ್ಹಾ; ಕಪ್ಟಿನು ತಿಮ್ಚಿ ಮನ ನಿರ್ಮಳ್ಕರಾ.

1 पतरस 1:22

ತುಮಿ ಖರ ಐಕುನ್ ತುಮ್ಚಿ ಆತ್ಮ ನಿರ್ಮಳ್ ಕರುನ್ ಗೆತಲ್ಯಾಸಾ ಮನ್ಹುನ್ ಕಪಟ್ ನಸ್‌ಲ್ಯಾಲ್ಯಾ ಬಾವ್ಹಾಚಿ ಮಾಯಾಕರಾ. ಆಸ ಆಸ್ಥಾನಾ ಯಕಾ ಮಕಾಲಾ ನಿರ್ಮಳ್ ಮನಾನಿ, ಪುರ‍್ಯಾ ಮನಾನಿ ಮಾಯಾ ಕರಾ.

1 पतरस 2:1

ಮನ್ಹುನ್ ಸಗ್ಳ ಬುರ್ಸ ಫನ್, ಸಗ್ಳಾ ಮೊಸ್, ಕಪಟ್ಪನ್, ಖೊಟಪನ್, ಸಗ್ಳೆ ತರಚಾ ನಿಂದಾ ಸುಡುನ್‍ ದೆವಾ.

1 पतरस 2:18

ಸೇವಕಾನು, ತುಮ್ಚಾ ದನ್ಯಾಂಚಾನಿ ಸಾಂಗಲ್ಯಾಲ ಪುರೆ ಮರೆದಿನಿ ಕರಾ. ಚಾ಼ಂಗಲ್ಯಾ ಮನಾಚ಼ ಆಸಲ್ಯಾಲ್ಯಾನಾ ತ್ಯವ್ಡಸ್ ನವ್ಹ ಕಟುರ್ ಮನಾಚಾಂಚ಼ಬಿ ಐಕಾ.

1 ಯೊಹಾನ್ 3:18

ಮಾಜೆ ಮಾಯೆಚಾ ಪೊರಾನು, ತುಮಿ ನಿಸ್ತೆ ಬುಲಿನಿ ವ್ಹವುನಿ, ತೊಂಡಾನಿ ಸಾಂಗ್‌ತ್ಯಾಲ್ಯಾನಿ ವ್ಹವುನಿ, ಮಾಯಾ ಕರ್ತ್ಯಾಲಿ ಜಾ಼ಲಾಸಾತ ಕಾಮಾನಿ ಆನಿ ಖರೆ ಮಾಯೆನಿ ಮಾಯಾ ಕರ್ತ್ಯಾಲಿ ವ್ಹವುನ್ ರಾಹ್ಯಾ ವ್ಹಯಿಸಾ.

1 ಯೊಹಾನ್ 3:3

ತ್ಯಚಿವ ಆಶಾ ಥೆವ್‌ಲ್ಯಾಲಾ ಪರತೇಕ್ ಯೊಕ್ ತ್ಯೊ ಬರಾ ಮನ್ಹುನ್ ಆಪ್‌ಲ್ಯಾಲಾ ಆಪ್ನು ಶುದ್ದಕರುನ್ ಗೆಥೊ.