गलातियों 5:19 - ದೆವಾಚಿ ಖರಿ ಕಬರ್ ನವಾ ಕರಾರ್

¹⁹ ಆಮ್ಚಾ ಶರೀರಾಚ಼ ಸ್ವಬಾವ್ ದಿಸತ್ಯಾಲಸ್ ಹಾತ, ತೇ ಕಚ಼ ಮಂಜೆ, ವ್ಯಭಿಚಾರ್, ಬಾಹಿರ್ಲಿ ಸಂಗತ್, ಲಾಜ಼ಚ಼ ಕಾಮ್,

गवली उनाई नियम

¹⁹ कोम्बोरा स्वभाव गा कामय सपा होय, मतलब आनोवा, गिदळी कामय, लुच्चापन,

गलातियों 5:19 Iomraidhean Croise

ಯೊಹಾನ್ 3:6

ಯೊಕ್ ಮಾನುಸ್ ಶರಿರಾತ್ ಆಪ್‌ಲ್ಯಾ ಆಯಿಬಾನಿ ಜ಼ಲಾಮ್ತೊ. ಫನ್ ಆತ್‌ಮ್ಯಾಚಾ ಜಿವ್ನಾತ್ ಆತ್‌ಮ್ಯಾನಿ ಜ಼ಲಾಮ್‌ಲ್ಯಾ.

रोमियो 7:18

ವ್ಹಯ್, ಮಾಜಿಪ ಮಂಜೆ ಮಾಜಾ ಮಾನ್ಸಾಚಾ ಸ್ವಭಾವಾತ್ ಚಾ಼ಂಗ್ಲ ಕಾಯ್ ರಾಯ್ಲ ನಾಹಿ ಮನ್ಹುನ್ ಮನಾ ಠಾವ ಹಾ. ಚಾ಼ಂಗ್ಲಿ ಕಾಮ ಕರಾಯಾ ಮನಾ ಮನ್ ಆಸ್ಲ ತರಿ ತೀ ಕರುನ್ ದಾವಾಯಾ ವ್ಹಯಿತ್ ನಾಹಿತ.

रोमियो 7:25

ದೇವುಸ್ ಮನಾ ರ‍್ಯಾಕ್ನಾರ್! ಆಮ್ಚಾ ಪ್ರಭುಜಾ಼ಲ್ಯಾಲ್ಯಾ ಕ್ರಿಸ್ತ ಯೇಸುಸ್ ಲಾಗುನ್ ತ್ಯನಿ ದಿಲ್ಯಾಲೆ ರಕ್ಶನೆಸಾಟಿ ದೇವಾಲಾ ದನ್ಯವಾದ್ ವ್ಹವುನಿ! ಮನ್ಹುನ್ ಮಾಜಾ ಮನಾತ್ ಮೀ ದೇವಾಚಾ ನೇಮಾಲಾ ಗುಲಾಮ್ ಜಾ಼ಲ್ಯೊ. ಫನ್ ಮಾಜಾ ಶರಿರಾಚಾ ಸ್ವಾಭಾವಾನಿ ಮೀ ಪಾಪಾಚಾ ನೇಮಾಚಾ಼ ಗುಲಾಮ್ ಜಾ಼ಲ್ಹೊ.

रोमियो 7:5

ಕವಾ ಆಮಿ ಪಾಪಾಚಾ ಸ್ವಭಾವಾತ್ ಜಿವ್ನಾ ಕರೀತಾವ್ ಆಮ್ಚಾ ಪಾಪಾಂಚಿ ಇಚ್ಚಾ ಧರ್ಮಶಾಸ್ತಾರಾಸ್ ಲಾಗುನ್ ಆಮ್ಚಾ ಶರೀರಾತ್ ಹುತ್ತ. ಕಾ ಮಂಜೆ ಆಮಿ ಮರ್ನಾಚ಼ ಫಳ್ ಉತ್ಪನ್ ಕರಾಯಾ ವ್ಹಯಿ.

रोमियो 8:13

ಕಾ ಮಂಜೆ ತುಮಚ಼ ಶಾರಿರಿಕ್ ಸ್ವಭಾವ್ ಕರಾಯಾ ವ್ಹಯಿ ಮಂಥ್ಯಾಲಿ ಬುರ್ಸಿ ಕಾಮ ಕರಾಯಾ ತುಮಿ ತುಮಚಾ಼ ಜೀವ್ನಾ ಉಪೇಗ್ ಕೇಲಾಸಾತ ತುಮಿ ಆತ್ಮಿಕ್ ತರನಿ ಮರ್ನಾರ್ ಫನ್ ತುಮಿ ತುಮ್ಚಾ ಶರೀರಾನಿ ಕರ್ತ್ಯಾಲ್ಯಾ ಬುರ್ಶಾ ಕಾಮಾನಾ ಮರಾಯಾ ತುಮಿ ಶೊಡ್ಲಸಾತ ಪವಿತ್ರಾತ್ಮಾಚೆ ಮಜ಼ತಿನಿ ಜೀವ್ನಾ ಕರ್ಸಿಲಾ.

रोमियो 8:3

ಧರ್ಮಶಾಸ್ತಾರ್ ಬಳ್ ನಸ್‌ಲ್ಯಾಲ ಜಾ಼ಲ. ಕಾ ಮಂಜೆ ಆಮ್ಚಾ ಮಾನ್ಸಾಚಾ಼ ಸ್ವಭಾವ್ ತ್ಯ ಬಳ್ ನಸ್‌ಲ್ಯಾಚೆಗತ್ ಕರ್ತ. ಆಸ ಆಸ್ಥಾನಾ ಧರ್ಮಶಾಸ್ತಾರಾಲಾ ಕರಾಯಾ ವ್ಹಯಿತ್ ನಸ್‌ಲ್ಯಾಲ ದೇವಾನಿ ಕೆಲ. ದೇವಾನಿ ಆಪ್‍ಲ್ಯಾ ಸ್ವತಾಚಾ ಲೇಕಾಲಾ ಪಾಪಾತ್ ಗಾವಲ್ಯಾಲ್ಯಾ ಮಾನ್ಸಾಚಾ ಸ್ವಭಾವಾ ಶಾರ್ಕ ಪಾಪಾಚೆ ಬದ್ಲಿಸ್ ಲಾವುನ್ ದಿಲಾ. ತ್ಯಾ ಕಾರ್ನಾನಿ ದೇವ್ ಪಾಪಾಲಾ ಮರಾನ್ ದಿಯಾ ಸಾಟಿ ಮಾನ್ಸಾಚಾ಼ ಸ್ವಭಾವ್ ಉಪೇಗ್ ಕೇಲಾ.

रोमियो 8:5

ಆಪ್‌ಲ್ಯಾ ಪಾಪಾಶಾರ್ಕಾ ಜೀವ್ನಾ ಕರ್ತ್ಯಾಲಿ ಲೋಕ ಮಾನ್ಸಾಚಾ಼ ಸ್ವಭಾವ್ ಮಂಥ್ಯಾಲೆ ಗುಶ್ಟಿಂಚ಼ ತ್ಯವ್ಡಸ್ ಯವಸ್‍ತ್ಯಾತ. ಫನ್ ಆತ್‌ಮ್ಯಾ ಶಾರ್ಕಿ ಚಾ಼ಲತ್ಯಾಲಿ ಲೋಕ ಆಪ್ಲಿಪ್ನಿ ಆತ್ಮ ಮನ್ ಕರ್ತ್ಯಾಲ್ಯಾ ಕಾಮಾಂಚೆ ಗುಶ್ಟಿತ್ ಯವಸ್‍ಥ್ಯಾತ.

रोमियो 8:9

ಫನ್ ತುಮಿ ತುಮಚಾ಼ ಮಾನ್ಸಾಚಾ಼ ಸ್ವಾಬಾವ್ ಚಾ಼ಲಿವತ್ಯಾಲಿ ಜಾ಼ಲ್ಹಾ ನಾಹಿಸಾ. ದೇವಾಚ಼ ಆತ್ಮ ತುಮ್ಚಿಪ ಖರ‍್ಯಾನಿಸ್ ಆಸ್ಲತ ತುಮಿ ಆತ್ಮಾಚಾ ಚಾ಼ಲಿವ್‌ನ್ಯಾತ್ ಗಾವಲ್ಯಾಸಾ ಕುನಾಪ ತರಿ ಕ್ರಿಸ್ತಾಚ಼ ಆತ್ಮ ನಸ್ಲತ, ತ್ಯೊ ಕ್ರಿಸ್ತಾಲಾ ಮಿಳುನ್ ನಾಹಿ.

1 ಕೋರಿಂಥ್ 3:3

ಕಾಮಂಜೆ ತುಮಿ ಆಜು಼ನ್ ಪರ್ಪಂಚಾತ್ಲಿಹಾಸಾ. ತುಮ್ಚಿಪ ಖೊಟಫನ್ ಕಳಿ ಆಸ್ತಾನಾ, ತುಮಿ ಪರ್ಪಂಚಾತ್ಲಿವ್ಹವುನ್ ನಿಸ್ಥಿ ದುಸ್‍ರ‍್ಯಾ ಮಾನ್ಸಾಂಚಿಗತ್ ಚಾ಼ಲ್ತಾಸಾ ನವ್ಹ?

1 ಕೋರಿಂಥ್ 6:18

ಅನೈತಿಕ್ ಶರೀರಿಕ್ ಸಂಬದ್ ಸುಡುನ್ ದುರ್ ಪಳುನ್ ಜಾ಼ವಾ. ಮಾನ್ಸಕರತ್ಯಾಲಿ ಸಗ್ಳಿ ಪಾಪಾಚಿ ಕಾಮ ಶರೀರಾಚೆ ಬಾಹಿರ್ ಜಾ಼ಲ್ಯಾತ, ಫನ್ ಅನೈತಿಕ್ ಶರೀರಿಕ್ ಸಂಬದ್ ಕರತ್ಯಾಲಾ ಆಪ್‍ಲ್ಯಾ ಸ್ವತಾಚಾ ಶರೀರಾಲಾ ವೈರಿವ್ಹವುನ್ ಪಾಪ್ ಕರ್ತೊ.

गलातियों 5:13

ಬನ್ಹಿ ಬಾವ್ಹಾನು, ತುಮಿ ಸ್ವತಂತ್ರಿ ವ್ಹಯಾವ್ಹಯಿಸಾ ಮನ್ಹುನ್ ದೇವಾನಿ ತುಮಾನಾ ಹಾಕಟ್ಲ. ಫನ್ ತುಮಚ಼ ಸ್ವತಂತ್ರ ಶರೀರಾಚಾ ಸ್ವಬಾವಾ ಶಾರ್ಕ ವಾಪ್ರಾಚೆ ಆಂದಿ, ಮಾಯೆನಿ ಯಕಾಮಕಾಚಿ ಚಾ಼ಕ್ರಿ ಕರಾ.

गलातियों 5:17

ಕಾ ಮಂಜೆ ಶರೀರಾಚಿ ಆಶಾ ಆತಮ್ಯಾಲಾ ಆಡ್ವಿ ಜಾ಼ಲೆ. ಆತಮ್ಯಾಚಿ ಆಶಾ ಶರೀರಾಲಾ ಆಡ್ವಿ ಹಾ ತುಮಿ ಕರಾಯಾವ್ಹಯಿ ಮಂತ್ಯಾಲ ಕರಾಚೆ ಆಂದಿ ಹೀ ಯಕಾ ಮಕಾಚೆ ಆಡ್ವಿ ಹಾತ.

गलातियों 6:8

ಆಪ್‌ಲ್ಯಾ ಶರೀರಾಚಿ ಬಾವ್ನಾ ಪೆರ್ನಾರಾ ತೆ ಬಾವ್ನಾನಿಸ್ ಹಾಳ್‍ ವ್ಹನಾರ್. ಆತಮ್ಯಾಚೆ ಗುಸ್ಟಿತ್ ಪೆರ್ನಾರಾ ಆತಮ್ಯಾಪ್ನಿಸ್ ಶಾಶ್ವತ್ ಜೀವ್ ಗೆನ್ಹಾರ್.

तीतुस 3:3

ಕಾ ಮಂಜೆ ಯೊಕ್ ದಿಸ್ ಹುತ್ತಾ ತವಾ ಆಮಿಬಿ ಮುರ್ಖ, ಆಜ್ಞಾನಿ, ಸಬ್ದ ವಲ್ಯಾಂಡ್‌ಲ್ಯಾಲ, ಫಸಲ್ಯಾಲ, ಸಗ್ಳೆ ತರಚೆ ಬುರ್ಸೆ ಆಶೆತ್ನಿ, ಖೊಟ್ಯಾ ಫನಾನಿ ದೀಸ್ ಗಾಲ್ವಿತ್. ಲಾಜ಼ಗಿಡ, ಯಕಾಮಕಾಚಿ ನಿಂದಾ ಕರತ್ಯಾಲ ಹುತಾವ್.

ಇಬ್ರಿಯ 13:4

ಸಗಳ್ಯಾಂಚಾನಿ ಲಗಿನ್ ಮೊಟ ಮನ್ಹುನ್ ಸಮಜಾ಼ಯಾವ್ಹಯಿ ಆನಿ ಲಗಿನ್ ಜಾ಼ಲ್ಯಾ ನಂತರಚಾ಼ ಜಿವ್ನಾ ಶುದ್ ರಾಹ್ಯಾ ವ್ಹಯಿ. ಕಾ ಮಂಜೆ ಬಾಹಿರ್ಲೆ ಸಂಗತಿಚಾನಾ ಆನಿ ವ್ಯಬಿಚಾರಿನಾಬಿ ದೆವ್ ನ್ಯಾಯಿ ನಿವಡ್ನಾರ್ ಮನ್ಹುನ್ ಸಮಜು಼ನ್ ಗೆವ್ಹಾ.

ದರ್ಶಾನ್ 21:8

ಫನ್ ಬಿತ್ರ, ಇಸ್ವಾಸ್ ನಸ್‌ಲ್ಯಾಲ್ಯಾನಾ, ಬುರ್ಸಿ ಕಾಮ ಕರ್ತ್ಯಾಲ್ಯಾನಾ, ಘಾತಕ್ಯಾನಾ, ಶಾರೀರಿಕ್ ಪಾಪ್ ಕರ್ತ್ಯಾಲ್ಯಾನಾ, ಘಾಡ್‍ಫನ್ ಕರ್ತ್ಯಾಲ್ಯಾನಾ, ಪಾಶಾನ ವವ್ಯಾಳತ್ಯಾಲ್ಯಾನಾ, ಲಬಾಡಾನಾ ಗಾವ್‍ತ್ಯಾಲಾ ಜಾ಼ಗಾ ಗಂದಕಾಚಾ಼ ಇಸ್ಥು ಪೆಟ್ಯಾಲೆ ನರ್ಕಾಚೆ ತಳಿತ್, ಹ್ಯ ದೊನ್ವ ಮರಾನ್ ವ್ಹನಾರ್.

ದರ್ಶಾನ್ 22:15

ನಗರಾಚೆ ಬಾಹಿರ್ ಲೊಕಾನಾ ವಾಟ್ ಚು಼ಕಿವ್‌ತ್ಯಾಲಿ ಹಾತ್ತ, ಬುರ್ಸ ಘಾಡ್‍ಫನ್ ಕರ್ತ್ಯಾಲಿ ಲೊಕ್ ಹಾತ್ತ. ಘಾತ್ಕಿ ಹಾತ್ತ, ಪಾಶಾನ ವವ್ಯಾಳ್‌ತ್ಯಾಲಿ ಲೊಕ ಹಾತ್ತ ಆನಿ ಲಬಾಡಾಲಾ ಮಾಯಾ ಕರ್ತ್ಯಾಲಿ ಆನಿ ಸಾಂಗ್‌ತ್ಯಾಲಿ ಲೊಕ ಹಾತ್ತ.