गलातियों 1:4 - ದೆವಾಚಿ ಖರಿ ಕಬರ್ ನವಾ ಕರಾರ್

⁴ ತ್ಯನಿ ಆಮಾನಾ ಆತಾಚಾ ಬುರ್ಶಾ ಕಾಲಾತ್ನಿ ಸೊಡ್ವಾಯಾ ವ್ಹಯಿ ಮನ್ಹುನ್ ಬಾ ಜಾ಼ಲ್ಯಾಲ್ಯಾ ದೇವಾಚಾ ಮನಾಚೆಗತ್, ಆಮ್ಚಾ ಪಾಪಾಸ್ ಲಾಗುನ್ ಆಪ್‌ಲ್ಯಾಲಾ ಮರ್ನಾಚಾ ತಾಬ್ಯಾತ್ ದಿಲಾ.

गवली उनाई नियम

⁴ आलेगा परमेश्वर बाटे गा इच्छा गा रोंगो मसीह यीशु नी हेज खुदके आलेगा पापो गा वोजीटे बलिदान डाके। ताकी आले इनी आए टेमो दुनिया गा कुरकू गा बुरा आसर टे बचातिंज थंदळे।

गलातियों 1:4 Iomraidhean Croise

ಮತ್ತಾಯ್ 13:22

“ಕಾಟ್ಯಾಚೆ ಜಾ಼ಳಿತ್ ಪಡ್‌ಲ್ಯಾಲ ಬೀ ಮಂಜೆ ಕ್ಯಾ? ಸಾಂಗ್‌ಲ್ಯಾಲ ವಚನ್ ಐಕುನ್ಬಿ ಜೀವ್ನಾಚೆ ಕ್ಯಾಳ್ಜಿತ್ನಿ ಆನಿ ದುನಿಯಾವ್‍ಲ್ಯಾ ಪೈಶಾಚೆ ಮಾಯೆನಿ ಸಿಕಿವ್‌ಲ್ಯಾಲ ಆಪ್ಲಿಪ ವಾಡು ನಾಹಿ. ಮನ್ಹುನ್ ಸಿಕಿವ್‌ಲ್ಯಾಲಾ ತ್ಯಾ ಮಾನ್ಸಾಚಾ಼ ಜೀವ್ನಾ ಪೀಕ್ ದಿಯಿತ್ ನಾಹಿ

ಮತ್ತಾಯ್ 20:28

ಹ್ಯೊಸ್ ನೇಮ್ ಮಾನ್ಸಾಚಾ ಲೇಕಾಲಾ ಬೀ ವ್ಹನಾರ್ ತವಾ ಮಾನ್ಸಾಚಾ಼ ಲ್ಯೊಕ್ ದುಸ್‌ರ‍್ಯಾಪ್ನಿ ಸೇವಾ ಕರುನ್ ಗಿಹ್ಯಾ ಆಲಾ ನಾಹಿ ದುಸ್‌ರ‍್ಯಾಂಚಿ ಸೇವಾ ಕರಾಯಾ ಆನಿ ಕಿತಿಕಿ ಲೊಕಾನಾ ರಾಖಾಯಾ ಸಾಟಿ ಆಪ್ಲಾ ಜೀವುಸ್ ದಿಯಾ ಆಲಾ” ಮನ್ಹುನ್ ಸಾಂಗ್ಲ.

ಮತ್ತಾಯ್ 26:28

ಹ್ಯ ನವಾ ಕರಾರ್ ದಾವುನ್ ದೇತ್ಯಾಲ ಮಾಜ಼ ರಗಾತ್. ಹ್ಯ ಖುಬ್ ಲೊಕಾಂಚ಼ ಪಾಪ ಮಾಪ್ ಕರಾಯಾ ಶಾಂಡ್‌ಲ್ಯಾಲ ರಗಾತ್

ಮತ್ತಾಯ್ 26:42

ಯೇಸು ದೊನ್ವೆ ಪಾವ್ಟಿ ಥೊಡಾ ದುರ್ ಜಾ಼ವುನ್ ಮಾಗ್ನ ಕರೀತ್ ಮಾಜಾ ಬಾ ತರಾಸಾಚ಼ ಹ್ಯ ಐದಾನ್ ಮಾಜಿಪ್ನಿ ಕಾಡುನ್ ಗಿಹ್ಯಾ ವ್ಹಯಿತ್ನಾಹಿತ ಆನಿ ಮಿ ತ್ಯ ಕರಾಲಾಸ್ ವ್ಹಯಿ ಮನ್ಲಾಸ್ತ ತುಜಾ ಮನಾ ಶಾರ್ಕಸ್ ವ್ಹವುನಿ ಮನ್ಲಾ.

ಮತ್ತಾಯ್ 6:9

ಮನ್ಹುನ್ ತುಮಿ ಮಾಗ್ನ ಕರ್ತಾನಾ: ‘ಸ್ವರ್ಗಾತ್‌ಲ್ಯಾ ಆಮ್ಚಾ ಬಾ ದೆವಾ, ತುಜ಼ ಪವಿತ್ರ ನಾವ್ ವವ್ಯಾಳುಂತ.

ಮಾರ್ಕ್ 10:45

ತಸಸ್ ಮಾನ್ಸಾಚಾ಼ ಲ್ಯೊಕ್ ಲೊಕಾಂಚಿಪ್ನಿ ಸೇವಾ ಕರುನ್ ಗಿಹ್ಯಾ ಆಲಾನಾಹಿ, ಲೊಕಾಂಚಿ ಸೇವಾ ಕರಾಯಾ ಆಲ್ಯಾ. ಮಾನ್ಸಾಚಾ಼ ಲ್ಯೊಕ್ ಖುಬ್ ಲೊಕಾನಾ ಸುಟ್ಕ ಕರಾಯಾಸಾಟಿ ಆಪ್ಲಾ ಜೀವ್ ದಿಯಾ ಆಲ್ಯಾ” ಮನ್ಲಾ.

लूका 22:19

ಮಂಗ್ ತ್ಯನಿ ಬಾಖ್ರಿ ಗಿಹುನ್ ದೇವಾಲಾ ಉಪ್ಕಾರ್ ಕರುನ್ ಮುಡುನ್ ತ್ಯನಾ ದಿವುನ್, “ಹ್ಯ ತುಮ್ಚಿ ಸಾಟಿ ದಿಲ್ಯಾಲ ಮಾಜ಼ ಧಡ್; ಮಾಜಿ ಯಾದ್ ಕಾಡಾಯಾ ಆಸ ಕರಾ” ಮನ್ಲಾ.

लूका 22:42

“ಬಾ ದೇವಾ ತುಲಾ ಮನ್ ಆಸ್ಲತ ಹ್ಯ ತರಾಸಾಚ಼ ಐದಾನ್ ಮಾಜಿಪ್ನಿ ಕ್ಯಾಡ್; ಕಸ ಬಿ ಮಾಜಾ ಮನಾ ಶಾರ್ಕ ನವ್ಹ ತುಜಾ ಮನಾಚೆಗತ್ ವ್ಹವುನಿ” ಆಸ ಮಾಗ್ನ ಕೆಲ.

ಯೊಹಾನ್ 10:11

ಮೀಸ್ ಚಾ಼Oಗ್ಲಾ ಕುರುಬುರ್ ಚಾ಼ಂಗ್ಲಾ ಕುರುಬುರ್ ಆಪ್‌ಲ್ಯಾ ಮೆಂಡ್ರಾಚೆ ಸಾಟಿ ಆಪ್ಲಾ ಜೀವ್ ದೇತೊ

ಯೊಹಾನ್ 12:31

ಆತಾ ಹ್ಯಾ ಲೊಕಾಚಾ಼ ನ್ಯಾಯಿ ತಿರ್ಮಾನ್ ವ್ಹಯಚಾ಼ ಯೊಳ್ ಆಲ್ಯಾ. ಆತಾ ಹೆ ದುನೆಚಾ ಅಧಿಕಾರ‍್ಯಾಲಾ ಬಾಹಿರ್ ಢಕಲ್ನಾರ್.

ಯೊಹಾನ್ 5:30

ಮಾಜಾನಿಸ್ ಮನಾ ಕಾಯೇಕ್ ಕರಾಯಾ ವ್ಹಯಿತ್ನಾಹಿ. ಫನ್ ನಿಸ್ಥ ಬಾನಿ ಸಾಂಗ್‌ಲ್ಯಾಲ ಐಕುನ್ ತ್ಯಚಿಗತ್ ಮಿ ನ್ಯಾಯಿ ಕರ್ತೊ ಮನ್ಹುನ್ ಮಾಜಾ಼ ನ್ಯಾಯಿ ಶಾರ್ಕಾ ಹಾ. ಕಾಮಂಜೆ ಮಿ ಮಾಜಾ ಮನಾ ಶಾರ್ಕ ಕರೀತ್ ನಾಹಿ ಮನಾ ಲಾವುನ್ ದಿಲ್ಯಾಲ್ಯಾ ಮಾಜಾ ಬಾಚಾ ಮನಾ ಶಾರ್ಕ ಕರ್ತೊ.

ಯೊಹಾನ್ 6:38

ಕಾ ಮಂಜೆ ಮಿ ಸ್ವರ್ಗಾತ್ನಿ ಮಾಜಾ ಮನಾ ಶಾರ್ಕ ಕರಾಯಾ ಆಲ್ಯಾಲೊ ನವ್ಹ. ಕಚಾನಿ ಮನಾ ಲಾವುನ್ ದಿಲ್ಯಾ ತ್ಯಚಿ ಇಚ್ಚಾ ಪುರ್ನ ಕರಾಯಾ ಆಲ್ಯೊ.

रोमियो 1:7

ಆನಿ ರೊಮಾತ್‍ ಆಸ್‌ಲ್ಯಾಲ್ಯಾ ತುಮಾನಾ ಸಗ್‌ಳ್ಯಾನಾ ಲಿವ್‍ತ್ಯೊ. ದೇವ್ ತುಮ್ಚಿ ಮಾಯಾ ಕರ್ತೊ ಆನಿ ಆಪ್ಲಿ ಸ್ವತಾಚಿ ಲೋಕ ವ್ಹಯಾಲಾ ಹಾಕಟ್‌ಲ್ಯಾತ: ಆಮಚಾ಼ ಬಾ ಜಾ಼ಲ್ಯಾಲ್ಯಾ ದೇವಾಪ್ನಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿ ತುಮಾನಾ ಕ್ರಪಾ ಶಾಂತಿ ವ್ಹವುನಿ.

रोमियो 12:2

ಹೇ ದುನೆಚಾ ಚಾ಼ಲನ್ಯಾಚೆಗತ್ ಚಾ಼ಲಾಚೆ ಆಂದಿ ತುಮ್ಚಿ ಮನ ಬದಲುನ್ ಮನ ನವಿನಿ ಜಾ಼ಲ್ಯಾಚೆಗತ್ ತುಮಿ ರಾವ್ಹಾ. ತವಾ ತುಮಿ ದೇವಾಚಾ ಮನಾಶಾರ್ಕ ಕಚ಼ ಚಾಂಗ್ಲ, ಕಚ಼ ಆವಾಡಲ್ಯಾಲ ಆನಿ ಕಚ಼ ಪರಿ ಪೂರ್ನ ಜಾ಼ಲ್ಯಾಲ ಮನ್ಹುನ್ ಸಮಜು಼ನ್ ಗೇನ್ಹಾರ್.

रोमियो 4:25

ಆಮ್ಚಾ ಪಾಪಾಸ್ ಲಾಗುನ್ ಯೇಸುಲಾ ಮರಾಯಾ ದಿಲಾ. ಆಮಾನಾ ನಿಯತಿಚ಼ ಮನ್ಹುನ್ ಥರ್ವಾಯಾ ತ್ಯಲಾ ಮೇಲ್ಯಾಲ್ಯಾತ್ನಿ ಪುನಾ ಜಿತ್ತಾ ಉಠೀವ್ಲಾ.

रोमियो 8:27

ಮನ್ ಬಗ್‌ತ್ಯಾಲ್ಯಾ ದೇವಾಲಾ ಪವಿತ್ರಾತ್ಮಾಚಾ ಮನಾತ್ಲ ಸಗ್ಳ ಠಾವ ಹಾ. ಕಾ ಮಂಜೆ ದೇವಾಚಾ ಮನಾಚೆಗತುಸ್ ಪವಿತ್ರಾತ್ಮ ದೇವಾಚಾ ಲೊಕಾಂಚೆಸಾಟಿ ದೇವಾಲಾ ಆವ್ಡ ಶಾರ್ಕ ಕರ್ತ.

रोमियो 8:3

ಧರ್ಮಶಾಸ್ತಾರ್ ಬಳ್ ನಸ್‌ಲ್ಯಾಲ ಜಾ಼ಲ. ಕಾ ಮಂಜೆ ಆಮ್ಚಾ ಮಾನ್ಸಾಚಾ಼ ಸ್ವಭಾವ್ ತ್ಯ ಬಳ್ ನಸ್‌ಲ್ಯಾಚೆಗತ್ ಕರ್ತ. ಆಸ ಆಸ್ಥಾನಾ ಧರ್ಮಶಾಸ್ತಾರಾಲಾ ಕರಾಯಾ ವ್ಹಯಿತ್ ನಸ್‌ಲ್ಯಾಲ ದೇವಾನಿ ಕೆಲ. ದೇವಾನಿ ಆಪ್‍ಲ್ಯಾ ಸ್ವತಾಚಾ ಲೇಕಾಲಾ ಪಾಪಾತ್ ಗಾವಲ್ಯಾಲ್ಯಾ ಮಾನ್ಸಾಚಾ ಸ್ವಭಾವಾ ಶಾರ್ಕ ಪಾಪಾಚೆ ಬದ್ಲಿಸ್ ಲಾವುನ್ ದಿಲಾ. ತ್ಯಾ ಕಾರ್ನಾನಿ ದೇವ್ ಪಾಪಾಲಾ ಮರಾನ್ ದಿಯಾ ಸಾಟಿ ಮಾನ್ಸಾಚಾ಼ ಸ್ವಭಾವ್ ಉಪೇಗ್ ಕೇಲಾ.

रोमियो 8:32

ದೇವ್‍ ಆಪ್‍ಲ್ಯಾ ಸ್ವತಾಚಾ ಲೇಕಾಲಾ ಉರ್ವುನ್ ಗಿಹ್ಯಾಚೆ ಆಂದಿ ಆಮ್ಚೆ ಸಗ್‍ಳ್ಯಾಂಚೆ ಸಾಟಿ ವಪ್ಸುನ್ ದಿಲಾ. ಮನ್ಹುನ್ ಆತಾ, ದೇವ್ ಯೇಸು ಸಂಗ ಆಮಾನಾ ಸಗ್ಳ ಫುಕಟ್ ದಿಯಾಚೆ ಆಂದಿ ರಾಹಿಲ್ ಕ್ಯಾ?

1 ಕೋರಿಂಥ್ 15:3

ಮೀ ಆಂದಿ ಸಾಂಗ್‌ಲ್ಯಾಲ್ಯಾ ಗುಶ್ಟಿತ್ ಪಾಯ್ಜೆ ಆಸ್‌ಲ್ಯಾಲಿ ಗ್ಯೊಶ್ಟುಸ್ ತುಮಾನಾ ಸಾಂಗ್ಲೆ ತೀ ಕ್ಯಾ ಮನ್‌ಲ್ಯಾವ ಧರ್ಮಶಾಸ್ತಾರಾತ್ ಸಾಂಗ್‌ಲ್ಯಾಚೆಗತ್ ಪ್ರಭು ಆಮ್ಚಾ ಪಾಪಾಂಚೆಸಾಟಿ ಮೆಲಾ;

2 ಕೊರಿಂಥ 4:4

ತ್ಯಂಚಾತ್ ದೇವಾಚೆಗತ್ ಆಸ್‍ಲ್ಯಾಲ್ಯಾ ಕ್ರಿಸ್ತಾಚಾ಼ ಉಜೀಡ್ ದ್ಯಾವ್ನಾರ ಬರೆ ಖಬ್ರಿಚಾ಼ ಉಜಿಡ್ ಬಗು ನಾಹಿ ಮನ್ಹುನ್ ಹ್ಯಾ ಲೊಕಾತಲ್ಯಾ ದೇವಾನಿ ಇಸ್ವಾಸ್ ನಸಲ್ಯಾಲ್ಯಾಂಚಿ ಮನ ಆಂದ್ಳಿ ಕೆಲ್ಯಾತ.

गलातियों 2:20

ಮನ್ಹುನ್ ಹೀತ್ನಿ ಮೊರ್ಹ ಜೀವ್ನಾ ಕರ್ನಾರಾ ಮಿನವ್ಹ, ಫನ್ ಕ್ರಿಸ್ತ ಮಾಜಿಪ ಜೀವ್ನಾ ಕರ್ನಾರ್. ಆತಾ ಶರೀರಾನಿ ಆಸ್‌ಲ್ಯಾಲಾ ಮೀ ಜೀವ್ನಾ ಕರಾಚೊ಼ ಕಸಾ ಮಂಜೆ ದೇವಾಚಾ ಲೇಕಾವಲ್ಯಾ ಇಸ್ವಾಸಾನಿಸ್. ತ್ಯನಿ ಮಾಜಿ ಮಾಯಾ ಕರುನ್ ಮಾಜಿ ಸಾಟಿ ಆಪ್‌ಲ್ಯಾಲಾಸ್ ದಿಲಾ.

गलातियों 6:14

ಮನಾ ತರಿ ಆಮ್ಚಾ ಪ್ರಭು ಯೇಸು ಕ್ರಿಸ್ತಾಚೆ ಶಿಲುಬೆಚಿ ಗುಶ್ಟಿತ್ ಮನ್ಹುನ್ ದುಸ್‌ರ‍್ಯಾ ಕಸ್ಯಾತ್ ಮೊಟ ಮನ್ಹುನ್ ಗಿಹ್ಯಾಚ಼ ನಕೊ ಮನ್ಹುನ್ ಮಿ ದುನೆಲಾ, ಆನಿ ದನಿಯಾ ಮಾಜಿಸಾಟಿ ಶಿಲ್ಬೆವ ಮೇಲೆ.

इफिसियों 1:11

ಆನಿ ಆಪಲ್ಯಾ ಮನಾತಲ್ಯಾ ಉದೆಸಾ ಶಾರ್ಕ ಕಾಮ ಚಾ಼ಲಿವ್ನಾರಾ ಆಪ್ಲೆ ಯವಜ಼್ನಾ ಶಾರ್ಕ ಆಂದಿಸ್ ಥರಿವಲ್ಯಾಲ್ಯಾ ಆಮಾನಾ ಕ್ರಿಸ್ತಾಪ ಆಪ್ಲಿ ಸ್ವತಾಚಿ ಲೊಕಕರುನ್ ನಿವಡ್ಲಿತ.

इफिसियों 2:2

ತ್ಯಾ ಯಳಾತ್ ತುಮಿ ಹ್ಯಾ ಲೊಕಾತಲ್ಯಾ ಬುರ್ಶಾ ಮಾರ್ಗಾನಿ ಚಾ಼ಲತ್ ತ್ಯಾ ಆತಮ್ಯಾಚೆ ಮಾಗ್ನಿ ಚಾ಼ಲತಾಸಾ ವಾಯು ಮಂಡಳಾತ್ ಆದಿಕಾರ್ ಚಾ಼ಲಿವತ್ಯಾಲ್ಯಾ ಅಧಿಪತಿಲಾ ಮಂಜೆ ಕೊನ್ ದೇವಾಚಾ ಆಜ್ಞಾ ಪಾಳಿತ್ ನಾಹಿತ ತ್ಯಂಚಾತ್ ತ್ಯಸ್ ಆತ್ಮ ಕಾಮ್ ಕರ್ತ್ಯಾ.

इफिसियों 5:16

ಹೇ ತುಮಿ ಆಸಲ್ಯಾಲ ದಿಸ್ ಬುರ್ಸ ಹಾತ ಮನ್ಹುನ್ ಯೊಳ್ ಹಾಳ್ ಕರಾಚೆ ಆಂದಿ ಉಪೇಗ್ ಕರಾ.

इफिसियों 5:2

ಕ್ರಿಸ್ತಾನಿ ಆಮ್ಚಿ ಮಾಯಾ ಕಿಲಿ ಆಮ್ಚೆ ಸಗ್‌ಳ್ಯಾಂಚೆ ಸಾಟಿ ಆಪ್‌ಲ್ಯಾಲಾಸ್ ದೇವಾಲಾ ಚಾ಼ಂಗಲ್ಯಾ ವಾಸಾಚಿ ದಿನ್ಗಿ ಯಜ್ಞ ದಿಲ್ಯಾ ಶಾರ್ಕ ತುಮಿ ಮಾಯೆನಿ ಚಾ಼ಲಾ.

इफिसियों 6:12

ಆಮಚಿ ಲಡಾಯಿ ಮಾನ್ಸಾಚೆ ಸಂಗ ನವ್ಹ. ರಾಜಾವ್ನಿ, ಅಧಿಕಾರ‍್ಯಾವ್ನಿ, ಹ್ಯಾ ಅಂದಾರಾಚಾ ಲೊಕಾತ್‌ಲ್ಯಾ ಅಧಿಕಾರ‍್ಯಾವ, ಆಬ್ಳಾತ್‌ಲ್ಯಾ ಬುರ್ಶಾ ಸೈನ್ಯಾವ, ಆಮಿ ಲಡ್ನಾರಿ ಜಾ಼ಲ್ಯಾವ್.

ಪಿಲಿಪ್ಪಿ 4:20

ಆಮ್ಚಾ ಬಾ ದೆವಾಲಾ ಖಾಯಿಮ್ ಮೈಮೆ ವ್ಹವುನಿ. ತಸಸ್ ವ್ಹವುನಿ.

1 ತೆಸಲೊನಿಕ್ 1:3

ಕಶ್ಟಾತ್ ಆನಿ ತರಾಸಾತ್ ಬಿಹುನ್ ಕುನಿ ಸಾಹಿತ್ ದೇವಾವ ಇಸ್ವಾಸ್ ಸಾಂಡಾಚಾ಼ ನಕೊ ಮನ್ಹುನ್ ಆಮಿ ಆಶಾ ಕರ್ತಾವ್ ಆಮಿ ತರಾಸ್ ಸುಸ್ವುನ್ ಗಿಹುನ್ ದೇವಾಚಾ ಮನಾಚೆಗತ್ ಹಾ ಮನ್ಹುನ್ ಆಮಾನಾ ಠಾವ ಹಾ.

1 ತೆಸಲೊನಿಕ್ 3:11

ಆನಿ ಆಮಚಾ಼ ಬಾಜಾ಼ಲ್ಯಾಲಾ ದೇವ್ ಆಮಚಾ಼ ಪ್ರಭು ಜಾ಼ಲ್ಯಾಲಾ ಯೇಸು ಆಮಾನಾ ತುಮ್ಚಿಪ ಯಯಾ ಮಾರ್ಗ ನೀಟ್ ಕರುಂತ

1 ತೆಸಲೊನಿಕ್ 3:13

ಆಮಚಾ಼ ಪ್ರಭು ಜಾ಼ಲ್ಯಾಲಾ ಯೇಸು ಆಪ್‌ಲ್ಯಾ ಸಗ್‌ಳ್ಯಾ ಭಕ್ತಾಂಚೆ ಸಂಗ ದಿಸ್ಥಾನಾ ದೇವ್‌ ಜಾ಼ಲ್ಯಾಲ್ಯಾ ಆಮ್ಚಾ ಬಾಚೆ ಮೊರ‍್ಹ ತುಮಿ ಪವಿತ್ರ ಆನಿ ದೊಸ್ ನಸ್ನಾರ ವ್ಹಯಿಸಾರ ತುಮ್ಚಿ ಮನ ಘಟ್ ಕರುನಿ.

2 ತೆಸಲೊನಿಕ್ 2:16

ಆಮ್ಚಾ ಪ್ರಭು ಯೇಸು ಕ್ರಿಸ್ತ ಆನಿ ಆಮ್ಚಾ ಬಾ ದೇವಾನಿ ಆಮ್ಚಿ ಮಾಯಾ ಕಿಲಿ ಆನಿ ತ್ಯನಿ ಆಮಾನಾ ಆಪ್ಲೆ ಕ್ರಪೆತ್ ಶಾಸ್ವಾತ್ ಉಮೇದ್ ಆನಿ ಘಟ್ ಆಶಾ ದಿಲಿ.

1 ತಿಮೊತಿ 2:6

ತ್ಯನಿ ಸಗ್‌ಳ್ಯಾ ಲೊಕಾಂಚೆ ಜಾ಼ತಿಲಾ ರಾಖಾಯಾ ಆಪ್‌ಲ್ಯಾಲಾ ಆಪ್ನುಸ್ ಜಾ಼ಮಿನ್ ದಿಲಾ. ದೇವ್ ಸಗ್‌ಳ್ಯಾನಾ ರಾಖಾಯಾ ಮನ್ ಕರ್ತೊ ಹ್ಯ ಶಾರ್ಕ್ಯಾ ಯಳಾಲಾ ಸಾಬಿತ್ ಜಾ಼ಲ್ಹ.

तीतुस 2:14

ತ್ಯನಿ ಆಮ್ಚಿ ಸಾಟಿ ಆಪ್‌ಲ್ಯಾಲಾ ಆಪ್ನುಸ್ ಒಪ್ಸುನ್ ದಿಲ್ಯಾ. ಮನ್ಹುನ್ ತ್ಯನಿ ಆಮಾನಾ ಸಗ್ಳೆ ತರಾಚಾ ಬುರ್ಶಾತ್ನಿ ಸೊಡ್ವಾಯಾ ಆನಿ ಆಮಾನಾ ನಿರ್ಮಳ್ ಮಾನ್ಸ ಕರಾಯಾ ತೀ ತ್ಯಲಾ ಯಕ್‌ಲ್ಯಾಲಾಸ್ ಸಮನ್ ಆಸ್‌ಲ್ಯಾನಿ ಜಾ಼ಲ್ಯಾತ ಆನಿ ಚಾ಼ಂಗ್ಲ ಕರಾಯಾ ಉಮೇದಿಚಿ ಜಾ಼ಲ್ಯಾತ.

ಇಬ್ರಿಯ 2:5

ಮೊರ‍್ಹ ಯತ್ಯಾಲಿ ನವಿ ದುನ್ಯಾ ಚಾ಼ಲ್ವಾಯಾ ದೇವಾನಿ ದೇವ್‌ ದುತಾನಾ ನಿವಡ್ಲ ನಾಹಿತ. ಆತಾ ಆಮಿ ತುಮಾನಾ ಸಾಂಗಾಚ಼ ತೆ ದುನೆಚ಼ಸ್.

ಇಬ್ರಿಯ 6:5

ಆನಿ ದೇವಾಚಾ ವಚ಼ನಾಚಾ ಚಾ಼ಂಗಲ್ಯಾ ಫನಾಚಿ ಚ಼ವ್ ಬಗ್ಲೆ ಆನಿ ಮೊರ‍್ಹ ಯನಾರ‍್ಯಾ ಕಾಲಾಚಾ ತಾಕ್ತಿಂಚ಼ ಅನ್ಬವ್ ಜಾ಼ಲ್ಯಾ

ಇಬ್ರಿಯ 9:14

ಶಾಶ್ವತ್ ಆತಮ್ಯಾಪ್ನಿ ಆಪಲ್ಯಾಲಾ ಆಪ್ನಿಸ್ ದೊಸ್ ನಸಲ್ಯಾಲಾ ಮನ್ಹುನ್, ದೆವಾಲಾ ಸಮರ್ಪನ್ ಕೆಲ್ಯಾಲ್ಯಾ ಕ್ರಿಸ್ತಾಚ಼ ರಗಾತ್ ಖರ‍್ಯಾನಿಸ್ ಆಮಾನಾ ಉಪೆಗಿಚಿ ನಸಲ್ಯಾಲ್ಯಾ ಕಾಮಾತ್ನಿ ಸುಡ್ವುನ್, ಆಮಿ ಜಿವ್ ಆಸಲ್ಯಾಲ್ಯಾ ದೆವಾಲಾ ವವ್ಯಾಳಿಸಾರ ಆಮ್ಚ಼ ಮನ್ ನಿಚ಼ಳ್ ಕರ್ತ ನವ್ಹ?

ಯಾಕೊಬ್ 4:4

ವ್ಯಭಿಚಾರಿನು, ಹೆ ದುನೆಚ಼ ಸುಪ್ತಿಫನ್ ದೇವಾಲಾ ಆಡ್ವ ಮನ್ಹುನ್ ತುಮಾನಾ ಠಾವ ನಾಹಿಕ್ಯಾ? ಮನ್ಹುನ್ ದುನೆಚಾ಼ ಸುಪ್ತಿ ವ್ಹಯಾವ್ಹಯಿ ಮಂತ್ಯಾಲಾ ಆಪ್‍ಲ್ಯಾಲಾ ದೇವಾಚಾ಼ ವಾದಿ ಕರುನ್ಗೆತೊ.

1 पतरस 2:24

ಆಮಿ ಪಾಪಾಸಾಟಿ ಮರುನ್ ನೀಯತಿಚಿ ವ್ಹವುನ್ ಜೀವ್ನಾ ಕರಾಯಾಸಾಟಿ ತ್ಯೊ ಆಮ್‌ಚ಼ ಪಾಪ ಆಪ್ನುಸ್ ಆಪ್ಲಿವ ಗಿಹುನ್ ಶಿಲ್ಬೆವ ಮೇಲಾ. ತ್ಯಚಿವ ಬಸ್‍ಲ್ಯಾಲ್ಯಾ ಮಾರಾನಿ ಆಮಾನಾ ಬರ ಜಾ಼ಲ.

1 पतरस 3:18

ಕ್ರಿಸ್ತ ಸಾಯಿತ್ ನಿಯತಿಚಾ಼ ವ್ಹವುನ್ ನೀಯತ್ ನಸ್‌ಲ್ಯಾಂಚೆ ಸಾಟಿ ಜೀವ್ ದಿವುನ್ ಆಮಾನಾ ದೇವಾಪ ಮೀಳ್ವಾಯಾ ಸಾಟಿ ಯಂಗ್ದಾಸ್ ಪಾಪ್ ಕಾಡುನ್ ಟಾಕಾಯಾ ತರಾಸ್ ಖಾವುನ್. ತ್ಯೊ ಶರೀರಾನಿ ಮೇಲಾ, ಆತಮ್ಯಾನಿ ಪರ್ತುನ್ ಜಿತಾಜಾ಼ಲಾ.

1 ಯೊಹಾನ್ 2:2

ತ್ಯೊ ಆಮ್ಚಾ ಪಾಪಾಂಚೆ ಸಾಟಿ ಪ್ರಾಯಶ್ಚಿತ್ ಯಜ್ಞಜಾ಼ಲ್ಯಾ. ಆಮ್ಚಾ ಪಾಪಾನಾ ತ್ಯವ್ಡಾಸ್ ನವ್ಹ ಸಗ್‌ಳ್ಯಾ ಲೊಕಾಂಚಾ ಪಾಪಾನಾಬಿ ಪ್ರಾಯಶ್ಚಿತ್ ಜಾ಼ಲ್ಯಾ.

1 ಯೊಹಾನ್ 3:16

ಕ್ರಿಸ್ತಾನಿ ಆಮ್ಚಿಸಾಟಿ ಆಪ್ಲಾ ಜೀವ್ ದಿಲಾ ಮನ್ಹುನ್ ದೇವಾಚಿ ಮಾಯಾ ಆಸ್ಲಿಸ್ ಮನ್ಹುನ್ ಆಮಾನಾ ಸಮಜು಼ನ್ ಆಲ್ಯಾ. ಆಮಿ ಸಾಹಿತ್ ಬಾವ್ಹಾಂಚೆ ಸಾಟಿ ಆಮಚಾ಼ ಜೀವ್ ದಿಯಾ ಹವ್ಸನಿ ಹಾವ್.

ದರ್ಶಾನ್ 1:5

ಆನಿ ಯೇಸು ಕ್ರಿಸ್ತಾಪ್ನಿ ತ್ಯೊ ಖರ‍್ಯಾಚಿ ವಳಕ್ ಜಾ಼ಲ್ಯಾ ಮೆಲ್ಯಾಲ್ಯಾತ್ನಿ ಆಂದಿ ಜಿತ್ತಾ ವ್ಹವುನ್ ಆಲ್ಯಾಲಾ ತ್ಯೊಸ್ ಆನಿ ತ್ಯೊಸ್ ಹ್ಯಾ ಲೊಕಾಂಚಾ ರಾಜಾನಾ ಅಧಿಪತಿ ಜಾ಼ಲ್ಯಾ. ಯೇಸು ಆಮ್ಚಿ ಮಾಯಾ ಕರ್ತೊ. ತ್ಯನಿ ಆಪ್‌ಲ್ಯಾ ರಕ್ತಾನಿ ಆಮಾನಾ ಆಮ್ಚಾ ಪಾಪಾಂಚೆ ಚು಼ಕಿತ್ನಿ ಶೊಡ್‍ಲ್ಯಾತ;

ದರ್ಶಾನ್ 5:9

ತ್ಯಂಚಾನಿ ಮೆಂಡ್ರಾಸಾಟಿ ಯಾಕ್ ನವ್ಹ ಗೀತ್ ಗ್ಯಾವ್ಲ: “ತು ಮಾರುನ್‍ ಟ್ಯಾಕ್‌ಲ್ಯಾಲಾ ಜಾ಼ಲಾಸ್ ಮನ್ಹುನ್ ಇಡಿ ಗಿಹ್ಯಾಲಾಬಿ ತ್ಯಚ಼ ಸಿಕ್ಕ ಸೊಡ್ವಾಯಾ ಚಾಂಗ್ಲಾ ಜಾ಼ಲ್ಯಾಸ್ ತು ತುಜಾ ರಕ್ತಾನಿ ಮರ್ನಾನಿ ಸಗ್ಳಿ ಕುಳ, ಬಾಶಾ, ದೇಶಾ, ಜಾತ್. ಲೊಕಾನಾ ದೇವಾಸಾಟಿ ಇಕತ್ ಗೇತಲ್ಯಾತಸ್.

ದರ್ಶಾನ್ 7:9

ಮಂಗ್ ಮೀ ಬಗ್ಲ ತವಾ ಲೊಕಾಂಚಾ಼ ಮೋಟಾ ಹಿಂಡ್ ದಿಸ್ಲಾ. ತೀ ಮೆಜಾ಼ವ್ಹಯಿತ್ನಾಹಿ ಇತ್ಕಿ ಹುತ್ತಿತ. ತ್ಯಾತ್ಲಿ ಸಗ್ಳಿ ಲೊಕ, ದೆಶಾ, ಕುಳ, ಸಗ್ಳಿ ಬಾಶಾ ಬೊಲ್‍ತ್ಯಾಲಿ ಹುತ್ತಿತ ಹೀ ಲೊಕ ಸಿಂಹಾಸನಾಚೆ ಮೊರ‍್ಹ ಆನಿ ಮೆಂಡರಾಚೆ ಮೊರ‍್ಹ ಉಬಿ ಹುತ್ತಿತ. ತೀ ಸಗ್ಳಿ ಪಾಂಡ್ರಾ ಜ಼ಘಾ ಗಾಲ್ಹುನ್ ಖರ್ಜುರಾಚಿ ಪಾನ ಆಪ್‌ಲ್ಯಾ ಹಾತಾತ್ನಿ ದರ್ಲಿ ಹುತ್ತಿತ.