इफिसियों 1:4 - ದೆವಾಚಿ ಖರಿ ಕಬರ್ ನವಾ ಕರಾರ್

⁴ ದುನ್ಯಾ ಉತ್ಪನ್ ವ್ಹಯಾಚೆ಼ ಆಂದಿ ದೇವಾನಿ ಕ್ರಿಸ್ತಾಪ ಆಮಾನಾ ತ್ಯಚಿ ಮೊರ‍್ಹ ನಿರ್ಮಳ್ ದೊಶ್ ನಸ್ನಾರ್ ವ್ಹಯಾ ವ್ಹಯಿ ಮನ್ಹುನ್ ನಿವಡ್ಲಿತ ಕಾ ಮಂಜೆ ಹಿ ತ್ಯಚಿ ಮಾಯಾ ಜಾ಼ಲೆ.

गवली उनाई नियम

⁴ परमेश्वर नी दुनिया गा आरु दडा टे पेला मसीह गेन आलेगा रिश्ता आरु गा द्वारा आलेन दियागा सम्मान चोखरा एठा निर्दोष ठहरातिंजूबा।

इफिसियों 1:4 Iomraidhean Croise

ಮತ್ತಾಯ್ 24:22

ಫನ್ ದೇವಾನಿ ಮೊಟಾ ತ್ಯೊ ಯೊಳ್ ಕಮ್ಮಿ ಕರಾಯಾ ಥರಿವ್‍ಲ್ಯಾ. ನಾಹಿತ, ಜೀವಾನಿ ರಾಹ್ಯಾ ಕುನಾಲಾಸ್ ವ್ಹನಾರ್ ನಾಹಿ. ಆಪ್ನು ನಿವ್ಡುನ್ ಗೇತ್‌ಲ್ಯಾಲ್ಯಾ ಲೊಕಾಂಚಾ ದೇವಾನಿ ತ್ಯೊ ಯೊಳ್ ಕಮ್ಮಿ ಕೆಲಾ.

ಮತ್ತಾಯ್ 24:24

ಲಬಾಡ್ ಕ್ರಿಸ್ತ್ ಆನಿ ಲಬಾಡ್ ಪ್ರವಾದಿ ಯವುನ್, ಜಾ಼ಲ್ಹತ ದೇವಾನಿ ನಿವ್ಡುನ್ ಗೇತ್‌ಲ್ಯಾಲ್ಯಾ ಲೊಕಾನಾ ಫಸ್ವಾಯಾ ಸಾಟಿ ಮುಟಿ ಮುಟಿ ಕಾಮ ಆನಿ ಚಮತ್ಕರಾಚಿ ಕಾಮ ಕರ್ನಾರ್.

ಮತ್ತಾಯ್ 24:31

ಮೊಟ್ಯಾ ಸಬ್ದಾನಿ ತುತ್ತುರಿಚಾ ಆವಾಜಾ಼ನಿ ಮಾನ್ಸಾಚಾ಼ ಲ್ಯೊಕ್ ಆಪ್‌ಲ್ಯಾ ಧುತಾನಾ ಧರ್ತಿವ ಸಗ್ಳಿಕ್ಡ ಲಾವುನ್ ದೇನಾರ್. ತ್ಯನಿ ನಿವ್ಡುನ್ ಗೆತಲ್ಯಾಲ್ಯಾನಾ ದೇವ್ ದುತ್ ಧರ್ಥಿವ ಸಗ್ಳಿಕ್ನಿ ಯಕಿಕ್ಡ ಕರ್ನಾರ್.

ಮತ್ತಾಯ್ 25:34

“ತವಾ ರಾಜಾ಼ ಆಪ್ಲೆ ಉಜ್‌ವ್ಯಾಂಗ್ನಿ ಆಸ್‌ಲ್ಯಾಲ್ಯಾ ಲೊಕಾನಾ, ‘ಯವಾ, ಮಾಜಾ ಬಾನಿ ತುಮಾನಾ ಮೊಟಾ ಆಶಿರ್ವಾದ್ ದಿಲ್ಯಾ. ಯವಾ, ದೇವಾನಿ ತುಮಾನಾ ವಚನ್ ದಿಲ್ಯಾಲ ರಾಜೆ ಗೇವ್ಹಾ. ತ್ಯ ರಾಜೆ ಲೊಕ ಉತ್ಪತ್ತಿ ಜಾ಼ಲ್ಯಾ ಠಾವ್ನಿ ತುಮ್ಚಿ ಸಾಟಿ ತಯಾರ್ ಕೆಲ್ಯಾ.

ಯೊಹಾನ್ 10:16

ಮನಾ ದುಸ್ರಿ ಮೆಂಡ್ರ ಸಾಹಿತ್ ಹಾತ್ತ ತೀ ಹಿತ್ತ ಸಾಟಾತ್ ನಾಹಿತ ಮಿ ತ್ಯನಾಬಿ ಆತ್ ನಿಹ್ಯಾ ವ್ಹಯಿತ ತೀ ಮಾಜ಼ ಸಬ್ದ ಐಕ್‍ತ್ಯಾತ. ತವಾ ಯೊಕುಸ್ ಹಿಂಡ್ ಆನಿ ಯೊಕುಸ್ ಕುರುಬುರ್ ರಾನ್ಹಾರ್.

ಯೊಹಾನ್ 15:16

ತುಮಿ ಮನಾ ನಿವ್ಡುನ್ ಗೆತ್ಲನಾಹಿಸಾ ಮಿ ತುಮಾನಾ ನಿವ್ಡುನ್ ಗೆತ್ಲ ಆನಿ ತುಮಿ ಜಾ಼ವುನ್ ಫಳ್ ದಿಯಾ ವ್ಹಯಿಸಾ ತ್ಯ ಫಳ್ ಕವಾಬಿ ರಾಥ್ಯಾಲ ಆನಿ ಮಾಜಾ ನಾವಾನಿ ಕ್ಯಾಬಿ ಮಾಗ್ಲ ತರಿ ಬಾ ತ್ಯ ತುಮಾನಾ ದೇನಾರ್

ಯೊಹಾನ್ 17:24

ಬಾ ತು ಮನಾ ದಿಲ್ಯಾಲಿ ಹಿ. ಮಿ ಆಸ್ಥೊ ತಿಥ ಮಾಜಿ ಸಂಗ ರಾಹ್ಯಾ ವ್ಹಯಿತ ಮನ್ಹುನ್ ಆನಿ ಮಾಜಿ ಮೈಮಾ ಬಗಾಯಾ ವ್ಹಯಿ ಮನ್ಹುನ್ ಮನ್ ಕರ್ತೊ ಹಿ ದುನ್ಯಾ ಉತ್ಪನ್ ವ್ಹಯಾಚೆ ಆಂದಿ ತು ಮಾಜಿ ಮಾಯಾ ಕೆಲೆಸ್ ಮನ್ಹುನ್ ತುಸ್ ಮನಾ ಹಿ ಮೈಮಾ ದಿಲೆಸ್.

ಅಪೊಸ್ತಲ್ 13:48

ತಿಥ ಪೌಲಾಚಾ ಬೊಲ್ಯಾ ಐಕ್‌ಲ್ಯಾಲ ಯೆಹುದಿ ನಸ್‌ಲ್ಯಾಲಿ ಲೊಕ ಖುಬ್ ಸಂತೊಶಾನಿ ಸಂದೆಶಾಸಾಟಿ ಸ್ತುತಿಕಿಲಿ. ಶಾಸ್ವತ್ ಜಿವ್ ಗಿಹ್ಯಾ ನಿವಡ್‌ಲ್ಯಾಲ್ಯಾ ಸಗ್‌ಳ್ಯಾಂಚಾನಿ ಇಸ್ವಾಸ್ ಥೆವ್ಲಾ.

ಅಪೊಸ್ತಲ್ 15:18

ಪೈಲೆದರ್ನಿ ಹ್ಯೀ ಕಾಮ ಸಾಂಗುನ್ ದಿಲ್ಯಾತ,

ಅಪೊಸ್ತಲ್ 18:10

ಕಾ ಮಂಜೆ ಮೀಸ್ ತುಮ್ಚಿ ಸಂಗ ಹಾ; ಕೊನ್ ತುಲಾ ಬುರ್ಸ ಕರಿತ್ನಾಹಿ; ಹ್ಯೆ ಪೆಠತ್ ಮಾಜಿ ಖುಬ್ ಲೊಕ ಹಾತ” ಮನ್ಹುನ್ ಸಾಂಗತೊ.

रोमियो 8:33

ದೇವಾನಿ ನಿವಡ್‌ಲ್ಯಾಲ್ಯಾ ಲೊಕಾಂಚಿವ ಕೊನ್ ಗುನ್ನಾ ವಾವ್ನಾರ್? ದೇವಾನಿ ತ್ಯನಾ ಗುನ್ನದಾರ್ ನವ್ಹ ಮನ್ಹುನ್ ನಿರ್ನಯ್ ಕೇಲಾ!

1 ಕೋರಿಂಥ್ 1:8

ಯೇಸು ತುಮಾನಾ ಸರ್ತ್ಯಾಪರೆತ್ ಧಿರ್ ದಿವುನ್ ರ‍್ಯಾಕ್ನಾರ್. ಆಮಚ಼ಾ ಪ್ರಭು ಜಾ಼ಲ್ಯಾಲಾ ಯೇಸು ಕ್ರಿಸ್ತ್ ನ್ಯಾಯಿ ನಿವ್ಡಾಚಾ ದಿಸಾತ್ ತುಮಿ ನಿರ್ದೊಶಿ ವ್ಹವುನ್ರಾನಾರ್.

गलातियों 5:13

ಬನ್ಹಿ ಬಾವ್ಹಾನು, ತುಮಿ ಸ್ವತಂತ್ರಿ ವ್ಹಯಾವ್ಹಯಿಸಾ ಮನ್ಹುನ್ ದೇವಾನಿ ತುಮಾನಾ ಹಾಕಟ್ಲ. ಫನ್ ತುಮಚ಼ ಸ್ವತಂತ್ರ ಶರೀರಾಚಾ ಸ್ವಬಾವಾ ಶಾರ್ಕ ವಾಪ್ರಾಚೆ ಆಂದಿ, ಮಾಯೆನಿ ಯಕಾಮಕಾಚಿ ಚಾ಼ಕ್ರಿ ಕರಾ.

गलातियों 5:22

ಫನ್ ದೇವಾಚಾ ಆತಮ್ಯಾಚ಼ ಫಳ್ ಕ್ಯಾ ಮಂಜೆ, ಮಾಯಾ, ಆನಂದ, ಸಮಾಧಾನ್, ಧಂಡ್ಫನ್, ದಯಾ, ದುಸರ‍್ಯಾನಾ ಮಜ಼ತ್ ಕರಾಚಿ, ಇಸ್ವಾಸ್,

गलातियों 5:6

ಯೇಸು ಕ್ರಿಸ್ತಾಪ ಆಸ್‌ಲ್ಯಾಲ್ಯಾನಾ ಮುಂಜಿ ಜಾ಼ಲಿತರಿ ನಾಹಿ ಜಾ಼ಲಿತರಿ ಪ್ಯಾಯ್ದಾನಾಹಿ, ಪನ್ ತ್ಯಂಚಿಪ ಮಾಯೆನಿ ಯತ್ಯಾಲಾ ಇಸ್ವಾಸುಸ್ ಪ್ಯಾಯ್ದಾ ಜಾ಼ಲ್ಯಾ.

इफिसियों 2:10

ಆಮಿತರಿ ದೆವಾನಿ ಬನಿವಲ್ಯಾಲಿ ಜಾ಼ಲ್ಯಾವ್ ದೆವಾನಿ ಆಂದಿಸ್ ಆಮಚಿಸಾಟಿ ಯವಜ಼ಲ್ಯಾಲಿ ಚಾ಼ಂಗಲಿ ಕಾಮ ಕರತ್ಯಾಲಿ ವ್ಹವುನ್ ಜ಼ಗಾಯಾ ವ್ಹಯಿ ಮನ್ಹುನ್ ಯೆಸು ಕ್ರಿಸ್ತಾಪ ಸ್ರಸ್ಟಿ ಜಾ಼ಲ್ಯಾವ್.

इफिसियों 3:17

ಕ್ರಿಸ್ತ ತುಮ್ಚಾ ಇಸ್ವಾಸಾಸ್ ಲಾಗುನ್ ತುಮ್ಚಾ ಮನಾತ್ನಿ ಹಾ ಮನ್ಹುನ್,ತ್ಯೊ ಆಪ್ಲೆ ಮೊಟೆ ಮೈಮೆಚೆಗತ್ ದಿವುನಿ.

इफिसियों 4:2

ತುಮಿ ಬಾರಿಕ್ ವ್ಹವುನ್, ಸಾದಿ ವ್ಹವುನ್ ಖುಬ್ ಥಂಡ್ಪನಾನಿ ರಾಹುನ, ಮಾಯೆನಿ ಯಕಾ ಮಕಾಲಾ ಸುಸ್ವುನ್‍ಗೆವಾ.

इफिसियों 5:2

ಕ್ರಿಸ್ತಾನಿ ಆಮ್ಚಿ ಮಾಯಾ ಕಿಲಿ ಆಮ್ಚೆ ಸಗ್‌ಳ್ಯಾಂಚೆ ಸಾಟಿ ಆಪ್‌ಲ್ಯಾಲಾಸ್ ದೇವಾಲಾ ಚಾ಼ಂಗಲ್ಯಾ ವಾಸಾಚಿ ದಿನ್ಗಿ ಯಜ್ಞ ದಿಲ್ಯಾ ಶಾರ್ಕ ತುಮಿ ಮಾಯೆನಿ ಚಾ಼ಲಾ.

इफिसियों 5:27

ಮನ್ಹುನ್ ತಿಲಾ ಕಸ್ಲಾ ಡಾಗ್ ಆನಿಯಾಕ್ ನಾಹಿಚೆಗತ್ ನಿರ್ಮಳ್, ನಿರ್ದೊಷ್ ನಸ್ನಾರಿ , ಮೈಮಾ ಆಸ್ನಾರಿ ಮಂಡಳಿ ಕರುನ್ ಆಪ್ಲೆ ಮೊರ‍್ಹ ಉಬಿ ಕರಾಯಾವ್ಹಯಿ ಮನ್ಹುನ್ ವಾಕ್ಯಾ ಸಾಂಗುನ್ ಪಾನ್ಯಾನಿ ಬಾಪ್ತಿಸ್ಮಾ ದಿವುನ್ ಶುದ್ಧ್ ಕೆಲಿತ.

ಪಿಲಿಪ್ಪಿ 2:15

ಆಸಿ ತುಮಿ ಚು಼ಕ್ ಕೆಲ್ಯಾ ನಸ್‌ಲ್ಯಾಲಿ ಆನಿ ಖರ ಮನ್ ಆಸ್‌ಲ್ಯಾಲಿ ವ್ಹವುನ್ ವಾಕ್ಡಿ ಬುದ್ ಆಸ್‌ಲ್ಯಾಲೆ ಮುರ್ಖ ಜಾ಼ತಿಚೆ ಮದ್ದಿ ಕಳಂಕ್ ನಸ್‌ಲ್ಯಾಲಿ ದೇವಾಚಿ ಪೊರ ವ್ಹನಾರ್.

ಕೊಲೊಸ್ಸೆ 1:22

ಆತಾತರಿ ದೇವ್ ತುಮಾನಾ ಯೇಸು ಕ್ರಿಸ್ತಾಚಾ ಶರೀರಾಚಾ ಮರ್ನಾಸ್ ಲಾಗುನ್ ರಾಜಿ ಕೆಲೆ. ದೇವಾನಿ ಆಪ್ಲಿಪ ತುಮಾನಾ ನಿರ್ಮಳ್, ದೊಸ್ ನಸ್‌ಲ್ಯಾಲ, ಚು಼ಕ್ ನಸ್‌ಲ್ಯಾಲ ವ್ಹವುನ್ ಉಬ ಕರಾಯಾಸಾಟಿ ಆಸ ಕೆಲ್ಯಾ.

ಕೊಲೊಸ್ಸೆ 2:2

ಕಸ ಮಂಜೆ ತ್ಯಂಚಿ ಮನ ಮಾಯೆತ್ ಗಿಹುನ್ ಆದಾರ್ ಗಿಹುನ್ ಪುರ ಖಾತ್ರಿಚಾ಼ ಬಾಗ್ಯ ಗಿಹುನ್ ಬಾ ಜಾ಼ಲ್ಯಾಲ್ಯಾ ದೇವಾಚ಼ ಆನಿ ಕ್ರಿಸ್ತಾಚ಼ ಖರ ಸಮಜು಼ನ್ ಗಿಹ್ಯಾಚ಼ಸ್.

ಕೊಲೊಸ್ಸೆ 3:12

ಆಸ ಆಸ್ತಾನಾ ದೇವಾನಿ ನಿವಡ್‌ಲ್ಯಾಲಿ ವ್ಹವುನ್, ಪವಿತ್ರ ಆನಿ ಮಾಯೆಚಿ ಜಾ಼ಲ್ಯಾಸಾ ಮನ್ಹುನ್ ಕರ್ನಾ, ದಯಾ, ಥಂಡ್ಫನ್, ಬಾರಿಕ್ ಫನ್, ಆನಿ ಖುಬ್ ಶಾಂತಿ ಮನ್ಯಾಚ಼ ಚಾ಼ಂಗಲ್ಯಾ ಗುನಾಂಚಾನಿ ಬರ‍್ಹುನ್ ರಾವ್ಹಾ.

1 ತೆಸಲೊನಿಕ್ 3:12

ತುಮಚಿಪ ಆಮಚಿ ಮಾಯಾ ಲ ಜಾ಼ಲ್ಯಾಸಾರಿ ತುಮ್ಚಿ ಮಾಯಾ ಯಕಮಕಪ್ನಿ ಪಗಳುನ್ ಸಗಳ್ಯಾ ಮಾಂಚಾ಼ಂಚಿಪ ಜಾ಼ವುನ್ ಖುಬ್ ವ್ಹಯಿ ಸಾರಿ ಪ್ರಭು ಆಶಿರ್ವಾದ್ ಕರುನಿ.

1 ತೆಸಲೊನಿಕ್ 4:7

ದೇವಾನಿ ಆಮಾನಾ ಪಾಪಾಚಾ಼ ಜೀವ್ನಾ ಕರಾಯಾ ಹಾಕಟ್ಲ ನಾಹಿ ಚಾ಼ಂಗ್ಲಾ ಜೀವ್ನಾ ಕರಾಯಾ ಹಾಕಟ್ಲ

2 ತಿಮೊತಿ 1:9

ದೇವಾನಿ ಆಮಾನ ರಾಖುನ್, ಆಪ್ಲಿ ಸ್ವತಾಚಿ ಲೊಕ ವ್ಹಯಾ ಸಾಟಿ ಹಾಕಟ್‌ಲ್ಯಾ. ಆಮಿ ಕೇಲ್ಯಾಲ್ಯಾ ಚಾ಼ಂಗಲ್ಯಾ ಕಾಮಾಸ್ ಲಾಗುನ್ ಆಸ ಜಾ಼ಲ್ಹ ಮನ್ಹುನ್ ನವ್ಹ. ತ್ಯೊ ಆಪ್ಲೆ ಪಾರ್ಕಿ ಶಾರ್ಕ ಆನಿ ಕ್ರಪೆ ಶಾರ್ಕ ಆಮಾನಾ ರಾಖುನ್ ಆಪ್ಲಿ ಕಿಲಿತ. ಪೈಲ್ಯಾ ಕಾಲಾತುಸ್ ಹಿ ಕ್ರಪಾ ಕ್ರಿಸ್ತ್ ಯೇಸುಪ್ನಿಸ್ ಆಮಾನಾ ಮಿಳಾಲೆ.

2 ತಿಮೊತಿ 2:10

ಮನ್ಹುನ್ ದೇವಾನಿ ನಿವಡ್‌ಳ್ಯಾಲ್ಯಾ ಲೊಕಾಂಚೆಸಾಟಿ ಮಿ ತರಾಸ್ ಖಾತ್ಯೊ. ಕಾ ಮಂಜೆ ತೀ ಸಾಹಿತ್ ಕ್ರಿಸ್ತ ಯೇಸುಪ ಗಾವ್ನಾರ ರಕ್ಷನ್ ಶಾಸ್ವತ್ ಮೈಮೆ ಸಂಗ ಗಾವ್ನಾರ್.

2 ತಿಮೊತಿ 2:19

ಕ್ಯಾಬಿ ವ್ಹವುನಿ ದೇವಾನಿ ಗ್ಯಾತ್‌ಲ್ಯಾಲಾ ಘಟ್ ಜಾ಼ಲ್ಯಾಲಾ ಪಾಯಾ ತ್ಯೊ ಘಟ್ ಹಾ ತ್ಯಚಿವ ಲಿವ್‌ಲ್ಯಾ. “ಪ್ರಭುಲಾ ಕೊನ್ ಮನ್ಹುನ್ ಠಾವಿ ಹಾತ್ತ” ಆನಿ ಕೊನ್ ಪ್ರಭುಚಾ಼ ಮನ್ಹುನ್ ಸಾಂಗ್‌ತೊ ತ್ಯೊ ಬುರ್ಶಾತ್ನಿ ಆಪ್‌ಲ್ಯಾಲಾ ಆಪ್ನುಸ್ ರ‍್ಯಾಕ್ತೊ.

ಯಾಕೊಬ್ 2:5

ಮಾಜೆ ಮಾಯೆಚಾ ಬನ್ಹಿ ಬಾವ್ಹಾನು, ಐಕಾ ದೇವ್ ಹೆ ದುನೆತ್ ಗರಿಬಾನಾ ಇಸ್ವಾಸಾತ್ ಸಾವ್ಕಾರ್ ಕರುನ್ ಆಪ್ಲಿ ಮಾಯಾ ಕರ್ತ್ಯಾಲ್ಯಾನಾ ಆಪ್ನು ಸಬ್ದ ದಿಲ್ಯಾಲ್ಯಾ ರಾಜಾತ್ ವಾರಸ್ದಾರ್ ರಾಹ್ಯಾವ್ಹಯಿ ಮನ್ಹುನ್ ನಿವಡ್ಲ ನಾಹಿ ಕ್ಯಾ?

1 पतरस 1:2

ಪವಿತ್ರಾತ್ಮಾನಿ ನಿವಡ್‌ಲ್ಯಾಲಿ ವ್ಹವುನ್, ಐಕಾಯಾವ್ಹಯಿ ಮನ್ಹುನ್, ಯೇಸು ಕ್ರಿಸ್ತಾಚ಼ ರಗಾತ್ ಸಿಪ್ಡುನ್, ಬಾ ದೇವಾಚಾ ಭವಿಶಾಚಾ ಗಿನ್ಯಾನಾನಿ ನಿವಡ್‌ಲ್ಯಾಲ್ಯಾನಾ ಲಿವಾಚ಼ ಕ್ಯಾ ಮಂಜೆ ತುಮನಾ ಕ್ರಪಾ ಥಂಡ್ಪನ್ ಖುಬ್ ವ್ಹವುನಿ.

1 पतरस 1:20

ತ್ಯೊ ದುನ್ಯಾ ಉತ್ಪನ್ ವ್ಹಯಾಚೆ ಆಂದಿಸ್ ನಿವ್ಡುನ್ ಹ್ಯಾ ಸರ್ತ್ಯಾ ಕಾಲಾತ್ ತುಮ್ಚಿ ಸಾಟಿ ದಿಸ್ಲಾ.

1 पतरस 2:9

ತುಮಾನಾ ಆಂದಾರಾತ್ನಿ ಆಪ್‌ಲ್ಯಾ ಮೊಟ್ಯಾ ಉಜೀಡಾತ್ ಹಾಕಟ್‍ಲ್ಯಾಲ್ಯಾಚಿ ಚಾ಼ಂಗ್ಲಿ ಕಾಮ ಸಾಂಗಾಯಾ ತುಮಿ ದೇವಾಪ್ನಿ ನಿವಡ್‌ಲ್ಯಾಲಿ ಲೊಕ ರಾಜಾಚಾ ವಂಶಾತ್ಲ ಯಾಜಕ್, ನಿರ್ಮಳ್ ಲೊಕ, ದೇವಾಚಿ ಸ್ವತಾಚಿ ಪೊರ ಜಾ಼ಲ್ಯಾಸಾ.

2 पतरस 3:14

ಮನ್ಹುನ್ ಮಾಯೆಚಾನು, ತುಮಿ ಹ್ಯ ಸಗಳ್ಯಾಚಿ ವಾಟ್ ಬಗತ್ಯಾಸಾ ಮನ್ಹುನ್ ತ್ಯಚಿ ಸಂಗ ಥಂಡ್ಪನಾನಿ ಪರಿಶುದ್ದ ಆನಿ ದೊಸ್ ನಸಲ್ಯಾಲಿ ವ್ಹವುನ್ ತ್ಯಲಾ ದಿಸಾಯಾ ಯತ್ನಕರಾ.

1 ಯೊಹಾನ್ 4:16

ಆಸಿಸ್ ದೇವಾನಿ ಆಮ್ಚಿವ ಥೆವ್‌ಲ್ಯಾಲಿ ಮಾಯಾ ಆಮಿ ಸಮಜು಼ನ್ ಗೆತಲೆ. ತ್ಯಚಿವ ಇಸ್ವಾಸ್ ಥೆವಲ್ಯಾವ್. ದೇವ್ ಮಾಯೆಚ಼ ರುಪ, ಮಾಯೆತ್ ರಾಥ್ಯಾಲಾ ದೇವಾಪ ರಾನ್ಹಾರ್. ದೇವ್ ತ್ಯಚಿಪ ಹಾ.

ದರ್ಶಾನ್ 13:8

ದುನೆತ್ ಜೀವ್ನಾ ಕರ್ತ್ಯಾಲಿ ಲೋಕ ಸಗ್ಳಿ ತ್ಯಾ ಖತರ್ನಾಕ್ ಜ಼ನಾವಾರಾಲಾ ವವ್ಯಾಳ್‌ತ್ಯಾತ ದುನೆ ಸುರ್ವಾತ್ ಜಾ಼ಲ್ಯಾದರ್ನಿ ಮಾರುನ್‍ಟ್ಯಾಕ್‌ಲ್ಯಾಲ ಮಿಂಡುರ್ ಜಾ಼ಲ್ಯಾಲ್ಯಾಚಾ ಜೀವಾಚಾ ಪುಸ್ತಕಾತ್ ಕುನಾಚಿ ನಾವ ಲಿವ್ಲಿ ನಾಹಿತ ತೀಸ್ ಹಿ ಲೊಕ.

ದರ್ಶಾನ್ 17:8

ತು ಬಗ್‍ಲ್ಯಾಲ ಜ಼ನಾವಾರ್ ಯಕಾ ಕಾಲಾತ್ ಜೀತ್ತ ಹುತ್ತ. ಫನ್ ಆತಾ ತ್ಯ ಜ಼ನಾವಾರ್ ಪಾತಾಳಾತ್ನಿ ಖಡ್ಯಾತ್ನಿ ಜಿತ್ತ ವ್ಹವುನ್ ವರ್ ಯವುನ್ ನಾಸ್ ವ್ಹನಾರ್. ದುನೆತ್ ಜೀವ್ನಾ ಕರ್ತ್ಯಾಲಿ ಲೊಕ ತ್ಯಾ ಜ಼ನಾವಾರಾಲಾ ಬಗುನ್, ತ್ಯ ಯಕಾ ಕಾಲಾತ್ ಜಿತ್ತ ಹುತ್ತು, ಆತಾ ನಾಹಿ, ಫನ್ ಆನಿಕ್ ಯನಾರ್ ಮನ್ಹುನ್ ಸಮಜು಼ನ್ ತೀ ಆಜಾಬ್ ವ್ಹನಾರ್. ದುನೆ ಉತ್ಪನ್ ಜಾ಼ಲ್ಯಾಠಾವ್ನಿ ಶಾಸ್ವತ್ ಪುಸ್ತಕಾತ್ ಹ್ಯಾ ಲೊಕಾಂಚ಼ ನಾವ್ ಲಿವ್‌ಲ್ಯಾಲಸ್ ನಾಹಿ.