1 ತಿಮೊತಿ 5:5 - ದೆವಾಚಿ ಖರಿ ಕಬರ್ ನವಾ ಕರಾರ್

⁵ ಯೇಕ ವಿದ್ವೆಲಾ ಖರ‍್ಯಾನಿ ಮಜ಼ತ್ ಕರ್ತ್ಯಾಲ ನಸ್ಥಾನಾ ಯಕ್ಲಿಸ್ ಆಸ್ಲಿತ, ತೀ ಆಪ್‌ಲ್ಯಾಲಾ ಮಜ಼ತ್ ರಾಕಾಯಾ ದೇವಾವ ಇಸ್ವಾಸ್ ಥೆವ್ನಾರ್. ತೀ ಆಪ್ಲಿ ಆಶಾ ದೇವಾವ ಥಿವ್ತಿ ಆನಿ ಕವಾಬಿ ಮಾಗ್ನ ಕರೀತ್ ರ‍್ಯಾತ್ ದಿಸ್ ಮಜ಼ತ್ ಮಾಗ್ತಿ.

गवली उनाई नियम

⁵ जो सच्चोका विधवा होय, एठा दियागा देख-रेख दडामिठाच जेका बाऊ, डीच परमेश्वर लिंजेन आसा दोडोवा होय, एठा परमेश्वर टे मदत गा घल्जी रातो-दिन प्रार्थना गेन चालुका थंदळवा होय।

1 ತಿಮೊತಿ 5:5 Iomraidhean Croise

लूका 18:1

ಯೇಸುನಿ ಆಪ್‌ಲ್ಯಾ ಶಿಶಾನಾ ಬೆಜಾರ್ ಕರಾಚೆ ಆಂದಿ ಕವಾಬಿ ಮಾಗ್ನ ಕರಾವ ಹೆ ಗುಶ್ಟಿತ್ ಯೇಕ್ ಕ್ಯಾಯ್ನಿ ಸಾಂಗ್ಲಿ.

लूका 18:7

ರ‍್ಯಾತ್ ದೀಸ್ ಖಾಯಿಮ್ ಮಾಗ್ನ ಕರ್ತ್ಯಾಲ್ಯಾ ಆಪ್‌ಲ್ಯಾ ಲೊಕಾನಾ ದೇವ್ ನ್ಯಾಯಾ ದೀತ್ ನಾಹಿಕ್ಯಾ? ತ್ಯೊ ಮಜ಼ತ್ ಕರಾಯಾ ಲೇಟ್ ಕರಿಲ್ ಕ್ಯಾ?

लूका 2:37

ಆತಾ ತಿಲಾ ಐಂಸಿವ ಚಾರ್ ವರ್ಸ ವಯಾ ಜಾ಼ಲಿ. ಆನಿ ತೀ ರಾಂಡಾವ್ ಹುತ್ತಿ ತೀ ದೀವುಳ್ ಸುಡುನ್ ಜಾ಼ಯಾಚೆ ಆಂದಿ ದೇವ್ಳಾತ್ ಉಪಾಸಿ ಮಾಗ್ನ ಕರೀತ್ ರ‍್ಯಾತ್ ದೀಸ್ ದೇವಾಚಿ ಸೇವಾ ಕರೀತ್ ಹುತ್ತಿ.

ಅಪೊಸ್ತಲ್ 26:7

ಆಮ್ಚಿ ಬಾರಾ ಕುಳಾತ್ಲಿ ಲೊಕ ದೀಸ್ ರ‍್ಯಾತ್ ದೇವಾಲಾ ವವ್ಯಾಳಿತ್ ತ್ಯಾ ಸಬ್ದಾಚ಼ ಫಳ್ ಗಿಹ್ಯಾಸಾಟಿ ರ‍್ಯಾಖತ್ಯಾತ ರಾಜಾ ತ್ಯಾಸ್ ಇಸ್ವಾಸಾತ್ ಸಗ್ಳ ಯಹುದಿ ಮನಾ ಆಡ್ವವ್ಹವುನ್ ಚು಼ಕ್ ವಾವ್‍ತ್ಯಾತ.

ಅಪೊಸ್ತಲ್ 6:1

ತೇ ದಿಸಿ ಶಿಶಾಂಚಿ ಮಂಡಳಿ ಬಳಕಾಟ್ಲಿ ಹುತ್ತಿ ತವಾ ತ್ಯಂಚಾತ್ ಗ್ರೀಕ್ ಬಾಶೆ ಬೊಲ್‌ತ್ಯಾಲ ಯೆಹುದಿ ಇಬ್ರಿಯಾ ಬಾಶೆ ಬೊಲ್‌ತ್ಯಾಲ್ಯಾ ಯೆಹುದ್ಯಾಂಚೆ ಗುಶ್ಟಿತ್ ಸಾಂಗ್ಲ ಖಾಯಿಮ್ ವಾಟ್ನಿ ಕರ್ತಾನಾ ಆಮ್ಚಾ ವಿದವೆನಾ ಶಾರ್ಕಿ ವಾಟ್ನಿ ಗಾವತ್ನಾಹಿ ಮನ್ಹುನ್ ತ್ಯಂಚೆ ಗುಶ್ಟಿತ್ ಸಾಂಗ್ಲ.

ಅಪೊಸ್ತಲ್ 9:39

ಪೇತ್ರಾ ತಯಾರ್ ವ್ಹವುನ್ ತ್ಯಂಚಿ ಸಂಗ ಗೇಲಾ. ತ್ಯೊ ತಿಥ ಪೊಚ಼್ಲಾ ತವಾ. ತ್ಯಂಚಾನಿ ತ್ಯಲಾ ವರ್ ಮಾಳಿಚಾ ಯಕಾ ಸೊಪ್ಯಾತ್ ಗಿಹುನ್ ಗೆಲ. ವಿದ್ವಾ ಸಗ್‌ಳ್ಯಾ ರಡತ್ ಪೇತ್ರಾಚೆ ಸರ್ಬೌತ್ಯಾ ಆಲ್ಯಾ. ಜಿತ್ತಿ ಆಸ್ತಾನಾ ಆಪ್ಲಿಸಾಟಿ ತಯಾರ್ ಕರಾಯಾ ಕೆಲ್ಯಾಲಾ ಜ಼ಘಾ ಅನಿ ಪೊಶಕ್ ತ್ಯಂಚಾನಿ ಪೇತ್ರಾಲಾ ದ್ಯಾವ್ಲ.

ಅಪೊಸ್ತಲ್ 9:41

ತ್ಯನಿ ಹಾತ್ ದಿವುನ್ ಉಠುನ್ ಉಬಿ ರಾಹ್ಯಾ ತಿಲಾ ಮಜ಼ತ್ ಕಿಲಿ. ನಂತರ್ ತ್ಯನಿ ಆಪ್‌ಲ್ಯಾ ಇಸ್ವಾಸಿನಾ ಆನಿ ವಿದ್ವಾನಾ ಖುಲಿತ್ ಹಾಕ್ಟುನ್ ತ್ಯನಾ ತಭಿಥಳಾಲಾ ದ್ಯಾವ್ಲಿ. ತೀ ಜಿಥಿ ಜಾ಼ಲ್ಥಿ.

रोमियो 1:12

ಮೀ ಸಾಂಗಾಚ಼ ಕ್ಯಾ ಮಂಜೆ, ಮಿ ತುಮ್ಚಿಪ ಯತಾನಾ ಮಾಜಾ ಆನಿ ತುಮ್ಚಾ ಇಸ್ವಾಸಾನಿ ಆಮಿ ಯಕಾಮಕಾಲಾ ಮಜ಼ತ್ ಕರಾಯಾ ವ್ಹಯಿ.

रोमियो 1:5

ತ್ಯಚಿಸ್ ಲಾಗುನ್ ದೇವಾನಿ ಮನಾ ಕ್ರಿಸ್ತಾಸಾಟಿ ಅಪೋಸ್ತಲ್ ವ್ಹಯಾ ಕ್ರಪಾ ದಿಲೆ. ಹ್ಯಚಿಸ್ ಲಾಗುನ್ ಸಗ್ಳೆ ದುನೆತಲ್ಯಾ ಲೋಕಾನಾ ತ್ಯಚಿ ಆಜ್ಞಾ ಪಾಳಾಯಾ ಆನಿ ತ್ಯಚಿವ ಇಸ್ವಾಸಾತ್ ಆನಾಯಾ ವ್ಹಯಿಲ್,

1 ಕೋರಿಂಥ್ 7:32

ಫನ್ ತುಮಿ ಚಿಂತಾ ನಸ್‍ಲ್ಯಾಲಿ ವ್ಹವುನ್ ರಾಯಾ ವ್ಹಯಿಸಾ ಮನ್ಹುನ್ ಮಾಜ಼ ಮನ್. ಲಗಿನ್‍ ಜಾ಼ಲ್ಯಾ ನಸಲ್ಯಾಲಾ ಆಪ್ನು ಪ್ರಭುಲಾ ಕಸಾ ಆವ್ಡಾಯಾ ವ್ಹಯಿ ಮನ್ಹುನ್ ಪ್ರಭುಚಾ ಕಾಮಾಂಚೆ ಗುಸ್ಟಿತ್ ಚಿಂತಾ ಕರ‍್ತೊ.

1 ಕೋರಿಂಥ್ 7:34

ತಸಸ್ ಲಗಿನ್ ಜಾ಼ಲ್ಯಾನಸ್‌ಲ್ಯಾಲಿಲಾಬಿ, ಕನೆಲಾ ಫರಕ್ ಹಾ. ಲಗಿನ್‍ ಜಾ಼ಲ್ಯಾ ನಸ್‍ಲ್ಯಾಲಿ ಆಪ್ನು ಶರೀರ್ ಆತ್‍ಮ್ಯಾನಿ ಕಸಿ ಪವಿತ್ರ ರಾಹ್ಯಾವ್ಹಯಿ ಮನ್ಹುನ್ ಪ್ರಭುಚೆ ಗುಸ್ಟಿತ್ ಚಿಂತಾ ಕರ‍್ತಿ. ಫನ್ ಲಗಿನ್‍ ಜಾ಼ಲ್ಯಾಲಿ ಆಪ್‍ಲ್ಯಾ ಘ್ವಾಲಾ ಕಸಿ ಆವ್ಡಾಯಾ ಮನ್ಹುನ್ ಪರಪಂಚಾಚಿ ಚಿಂತಾ ಕರ‍್ತಿ.

इफिसियों 6:18

ತುಮಿ ಪವಿತ್ರಾತ್ಮಾನಿ ಬರುನ್ ಸಗ್‌ಳ್ಯಾ ಯಳಾತ್ ಸಗ್ಳೆತರಚಾ ಮಾಗ್‌ನ್ಯಾನಿ ಕ್ರತಜ್ಞಾನಿ ದೇವಾಲಾ ಮಾಗ್ನ ಕರಾ. ಹ್ಯಾತ್ ಶಾಶ್ವತ್ ಮನಾನಿ ಬರುನ್ ದೇವಾಚಾ ಪೊರಾಂಚೆ ಗುಸ್ಟಿತ್ ಖಾಯಿಮ್ ಮಾಗ್ನ ಕರಿತ್ ಜಾ಼ಗ್ರುತ್‌ರಾವ್ಹಾ.

ಪಿಲಿಪ್ಪಿ 4:6

ಕಶಾಚಿ ಚಿಂತಾ ಕರಾಚೆ ಆಂದಿ ಸರ್ವ್ಯಾ ಗುಶ್ಟಿತ್ನಿ ದೇವಾಚೆ ಮೊರ‍್ಹ ಕ್ರತಜ್ಞತಾ ಸ್ತುತಿ ಮಾಗ್ನಿ ಇನಂತಿ ಕರಿತ್ ತುಮಾನಾ ವ್ಹಯಿತ್ಯ ಪ್ರಭುಲಾ ಸಾಂಗಾ.

1 ತಿಮೊತಿ 2:1

ಸಗ್‌ಳ್ಯಾಂಚೆ ಆಂದಿ ಮಿ ತುಮಾನಾ ಸಾಂಗಾಚ಼ ಕ್ಯಾ ಮಂಜೆ ಸಗ್‌ಳ್ಯಾ ಲೊಕಾಂಚಿಸಾಟಿ ದೇವಾಪ ಮಾಗ್ನ ಕರಾ ವಿನಂತಿಕರಾ ತ್ಯನಾ ಉಪ್ಕಾರಾಚಾ಼ ಧನ್ಯಾವಾದ್ ಸಾಂಗಾ.

1 ತಿಮೊತಿ 5:16

ಫನ್ ಇಸ್ವಾಸಿ ಜಾ಼ಲ್ಯಾಲ್ಯಾ ಬ್ಯಾಯ್ಕಾಮಾನ್ಸಾಂಚಾ ಕುಟ್ಮಾತ್ ವಿದ್ವೆ ಆಸಲ್ಯಾತ, ತ್ಯಂಚಾನಿ ಬಾಳ್ಗಾಚ಼ ವಜ಼ ಸಭೆವ ದಿವುನಾಹಿ. ತವಾ ಖರ‍್ಯಾನಿ ಗರಜ಼್ ಆಸ್‍ಲ್ಯಾಲ್ಯಾ ವಿದ್ವೆನಾ ಮಜ಼ತ್ ಕರಾಯಾ ಸಬೆಲಾ ವ್ಹನಾರ್.

1 ತಿಮೊತಿ 5:3

ವಿದ್ವೆನಾ ಖುಬ್ ಮರ‍್ಯಾದ್ ದೇ ಕಾ ಮಂಜೆ ತ್ಯನಾ ತ್ಯ ಅವಶಾ ಹಾ.

2 ತಿಮೊತಿ 1:3

ಮೀ ಕವಾಬಿ ರ‍್ಯಾತ್ ದೀಸ್ ಮಾಜಾ ಮಾಗ್‌ನ್ಯಾತ್ ಯಾದ್ ಕರೀತ್ ದೇವಾಲಾ ದನ್ಯಾವಾದ್ ದೆತೊ. ಆನಿ ತ್ಯಚಿ ಸೆವಾ ಆಮ್ಚಾ ವಡ್ಲಾಂಚಿ ಸೆವಾ ಪುರ‍್ಯಾ ಮನಾನಿ ಕರ್ತೊ.

1 पतरस 3:5

ಪೈಲ್ಯಾಕಾಲಾತ್ ದೇವಾವ ಇಸ್ವಾಸ್ ಥೆವ್‌ಲ್ಯಾಲ್ಯಾ ಭಕ್ತಿನಿ ಸಾಹಿತ್ ಆಶಾಸ್ ಅಪ್‌ಲ್ಯಾನಾ ಸೊಬಾಕರಿತ್ಯಾ. ತ್ಯಾ ಆಪ್‌ಲ್ಯಾ ಆಪ್‌ಲ್ಯಾ ಘ್ವಾಂಚಾನಿ ಸಾಂಗಲ್ಯಾಲ್ಯಾ ಐಕಿತ್ಯಾ.