1 ತಿಮೊತಿ 5:17 - ದೆವಾಚಿ ಖರಿ ಕಬರ್ ನವಾ ಕರಾರ್

¹⁷ ಚಾ಼ಂಗಲಾ ಆದಿಕಾರ್ ಚಾ಼ಲಿವತ್ಯಾಲ್ಯಾ ಸಬೆಚಾ ಜಾಂತ್ಯಾನಾ, ತ್ಯಂಚಾತ್ ವಿಶೆಸ್ ಕರುನ್ ದೆವಾಚ಼ ವಾಕ್ಯಾ ಸಾಂಗಾಚಾತ್ ತರಾಸ್ ಖಾತ್ಯಾಲ್ಯಾನಾ ದೊನ್ಪಟ್ ಮರ‍್ಯಾದಿಲಾ ಯೊಗ್ಯ ಮನ್ಹುನ್ ಯವಜಾ಼ಯಾ ವ್ಹಯಿ.

गवली उनाई नियम

¹⁷ जुनाकु जो अच्छा सोए दडा लक्के होय, कास करके दिकु जो वचन घागल एठा इथू गेन कठिन मेहनत दडा लक्के होय, दिकु डाबोल गा आदर लायको समझातिंजू।

1 ತಿಮೊತಿ 5:17 Iomraidhean Croise

ಮತ್ತಾಯ್ 24:25

ಬಗಾ, ತ್ಯ ಘಢಾಚೆ ಆಂದಿ ಮಿ ತ್ಯಂಚೆ ಗುಶ್ಟಿತ್ ತುಮಾನಾ ಹುಶಾರ್ಕಿ ದಿಲ್ಲೆ.

लूका 10:7

ತ್ಯಚಾ ಗರ‍್ಹಾತ್ ವಸ್ತಿಲಾ ರಾಹುನ್ ತಿ ಕ್ಯಾ ದಿತಿಲ ತ್ಯ ಖಾವುನ್ ಪಿವುನ್ ರಾವ್ಹಾ ಕಾ ಮಂಜೆ ಆಳ್ ಆಪ್ಲೆ ಮಜು಼ರಿಲಾ ಯೊಗ್ಯ ಹಾ ಗರ‍್ಹ ಬದಲು ನಕೊಸಾ.

लूका 12:42

ತವಾ ಪ್ರಭು ಮನ್ಲಾ, “ದನ್ಹಿ ಆಪ್‌ಲ್ಯಾ ಕುಟ್ಮಾಲಾ ಶಾರ್‌ಕ್ಯಾ ಯಳಾಲಾ ಸಾಮಾನ್ ತಯಾರ್ ಕರುನ್ ದಿಯಾಲಾ ಕುನಾಲಾ ಥರ್ವಿಲ್ ಆಸ ಇಸ್ವಾಸಾಚಾ಼ ಆನಿ ಶಾನಾ ಗರ‍್ಹಾತ್ಲಾ ಕಾಮಾಚಾ಼ ಮಾನುಸ್ ಕೊನ್?

ಯೊಹಾನ್ 4:38

ತುಮಿ ರಾಬ್‌ಲ್ಯಾ ನಸ್‌ಲ್ಯಾಲ ಪೀಕ್ ಕಾಪಾಯಾ ಸಾಟಿ ಮಿ ತುಮಾನಾ ಲಾವುನ್ ದೇತೊ ದುಸ್ರಿ ರಾಬ್ಲಿತ ಫನ್ ತ್ಯಂಚಾ ರಾಬ್‌ನ್ಯಾನಿ ತುಮಿ ಫ್ಯಾಯ್ದಾ ಗೆಥಾಸಾ ಮನ್‍ಲ್ಹಾ.

ಅಪೊಸ್ತಲ್ 11:30

ತ್ಯಂಚಾನಿ ಪೈಸ ಗೊಳಾ ಕರುನ್ ಬಾರ್ನಬಾಲಾ ಆನಿ ಸೌಲಾಲಾ ದಿಲ. ನಂತರ್ ಬಾರ್ನಬ್ ಆನಿ ಸೌಲ್ ತ್ಯ ಆನುನ್ ಯುದಾಯಾತ್ ಸಭೆಚಾ ಜಾಂತ್ಯನಾ ಲಾವುನ್ ದಿಲ.

ಅಪೊಸ್ತಲ್ 20:35

ಸಗ್‍ಳ್ಯಾ ಗುಸ್ಟಿತ್ನಿ ಮೀ ತುಮಾನಾ ಮಾದರಿ ದ್ಯಾವಲೆ. ತುಮಿಬಿ ತಸಿಸ್ ರಾಬುನ್ ಬಳ್ ನಸ್‍ಲ್ಯಾಲ್ಯಾನಾ ಮಜ಼ತ್ ಕರಾಯಾವ್ಹಯಿಸಾ; ಆನಿ; ‘ಗಿಹ್ಯಾಚಾವ್ನಿ ದಿಯಾಚಾತುಸ್ ಖುಬ್ ಆಶೀರ್ವಾದ್ ಹಾ ಮನ್ಹುನ್’ ಪ್ರಭು ಯೇಸುನಿ ಸಾಂಗ್‍ಲ್ಯಾಲಾ ಸಬ್ದ ಯದತ್ ಥೆವಾ” ಮನ್ಲಾ.

ಅಪೊಸ್ತಲ್ 28:10

ತಿತಲ್ಯಾಂಚಾನಿ ಅಮಾನಾ ಖುಬ್ ಸನ್ಮಾನ್ ಕೆಲಾ. ಆಮಿ ತಿತ್ನಿ ಜಾ಼ಯಾಲಾ ತಯಾರ್ ವ್ಹತಾನಾ ತ್ಯಂಚಾನಿ ಆಮಾನಾ ವ್ಹಯಿ ಜಾ಼ಲ್ಯಾಲಿ ಸಾಮ್ನ ದಿಲಿತ.

रोमियो 12:8

ಉಮೇದ್ ದೇತ್ಯಾಲ ವರ ಆಸ್ಲತ ತಸಸ್ ಕರುನಿ. ಕೋನ್ ವ್ಯಾಡ್‍ತ್ಯಾಲಾ ಹಾ ತ್ಯೊ ಉದಾರ್ ಮನಾನಿ ವಾಡುನಿ. ಜಾಂತಿಕ್ ಚಾ಼ಲಿವತ್ಯಾಲ್ಯಾನಿ ಜಾಂತಿಕ್ ಕರ್ತಾನಾ ಕಶ್ಟಾನಿ ರಾಬಾಯಾ ವ್ಹಯಿ. ಕನಿಕರ್ ದ್ಯಾವ್‌ತ್ಯಾಲ್ಯಾನಿ ಸಂತೋಶಾನಿ ತೀ ಕಾಮ ಕರಾಯಾ ವ್ಹಯಿತ.

रोमियो 15:27

ಮಕೆದೊನಿಯಾ ಆನಿ ಅಖಾಯಾತ್ಲಿ ಇಸ್ವಾಸಿ ಸ್ವತಾಚಾ ಮನಾನಿ ಹೀ ಕಾಮ ಕರ್ತ್ಯಾತ. ಕಾ ಮಂಜೆ ಯೆಹುದಿ ಯೆಹುದಿ ನಸ್‌ಲ್ಯಾಲ್ಯಾಂಚೆ ಸಂಗ ಆತ್ಮಿಕ್ ಆಶಿರ್ವಾದ್ ಗೆತಲ್ಯಾ, ಯೆಹುದಿನಾ ಮಜ಼ತ್ ವ್ಹಯಾ ಯೆಹುದಿ ನಸ್‌ಲ್ಯಾಲಿ ಸಾಮ್ನಾಚಾ ರುಪಾತ್ ಆಪ್ಲ ಆಶಿರ್ವಾದ್ ಯೆಹುದಿ ಸಂಗ ವಾಟುನ್ ಗಿಹ್ಯಾ ಹಾತ್ತ.

रोमियो 16:12

ತ್ರುಪೈನಿಲಾ ತ್ರುಪೋಸನಿಲಾಬಿ ಮಾಜಾ಼ ನಮಸ್ಕಾರ್. ತ್ಯಾ ಪ್ರಭುಸಾಟಿ ಖುಬ್ ತರಾಸಾನಿ ಕಾಮ್ ಕರ್ತ್ಯಾಲ್ಯಾ ಜಾ಼ಲ್ಯಾತಾ. ಆನಿ ಮಾಜೆ ಮಾಯೆಚೆ ಪೆರ್ಸಿಸನಿಲಾಬಿ ಮಾಜಾ಼ ನಮಸ್ಕಾರ್. ತಿನಿಬಿ ಪ್ರಭುಸಾಟಿ ಖುಬ್ ತರಾಸ್ ಗಿಹುನ್ ಕಾಮ ಕೇಲ್ಯಾತ.

1 ಕೋರಿಂಥ್ 15:10

ಫನ್ ಮೀ ಆತಾ ಕಸ್ಲಾ ಹಾ ತ್ಯೊ ದೇವಾಚೆ ಕ್ರಪೆನಿಸ್ ಆನಿ ತ್ಯಚಿ ಕ್ರಪಾ ಮಾಜಿಪ ಪುಕಟ್ ಜಾ಼ಲಿನಾಹಿ. ಮೀ ತ್ಯಂಚಿವ್ನಿ ಲ ಖಟ್ಪಟ್ ಕಿಲಿ. ಫನ್ ಕಟ್ಪಟ್ ಕೆಲ್ಯಾಲಾ ಮಿ ನವ್ಹ, ಮಾಜೆ ಸಂಗ್ನಿ ಆಸ್‌ಲ್ಯಾಲಿ ದೇವಾಚಿ ಕ್ರಪಾಸ್.

1 ಕೋರಿಂಥ್ 16:16

ಮೀ ತುಮ್ಚಿಪ ಮಾಗಾಚ಼ ಕ್ಯಾ ಮಂಜೆ, ಸೇವೆತ್ ಲೊಕಾನಾ ಮಜ಼ತ್ ಕರ್ತ್ಯಾಲ ಆನಿ ಖಟ್ಪಟ್ ಕಾತ್ಯಾಲ್ಯಾಂಚೆ ಸಗ್‌ಳ್ಯಾಂಚೆ ಸಂಗ ಕಾಮ್ ಕರಾ. ತುಮಾನಾ ತುಮಿಸ್ ಒಪ್ಸುನ್ ದೆವಾ.

1 ಕೋರಿಂಥ್ 3:9

ಆಮಿ ದೇವಾಚೆ ಸಂಗಚಿ ಕಾಮ್ಯಾರಿ. ತುಮಿ ದೇವಾಚ಼ ದಿವುಳ್ ಆನಿ ಶಾತ್ ಜಾ಼ಲ್ಯಾಸಾ.

2 ಕೊರಿಂಥ 6:1

ದೇವಾಸಂಗ ರಾಬ್ನಾರಿ ಆಮಿ ತುಮ್ಚಿಪ ಮಾಗಾಚ಼ ಕ್ಯಾ ಮಂಜೆ; ದೇವಾಪ್ನಿ ಗೆತಲ್ಯಾಲಿ ಕ್ರಪಾ ವ್ಯರ್ತ ಮನ್ಹು ನಕೊಸಾ.

गलातियों 6:6

ಕ್ರಿಸ್ತಾಚಾ಼ ಸಂದೆಶ್ ಸಿಕ್ನಾರ‍್ಯಾನಿ, ತ್ಯ ಸಿಕಿವ್ನಾರ‍್ಯಾಲಾ ಆಪ್ಲಿಪ ಆಸ್‌ಲ್ಯಾಲ್ಯಾ ಸಗ್‍ಳ್ಯಾ ಚಾ಼ಂಗಲ್ಯಾತ್ ವಾಟ್ನಿ ದಿಯಾವ್ಹಯಿ.

ಪಿಲಿಪ್ಪಿ 2:16

ಹ್ಯಂಚಾತ್ ತುಮಿ ಸಗ್‌ಳ್ಯಾನಾ ಜೀವಾಚಾ ವಾಕ್ಯಾ ದ್ಯಾವ್‌ತ್ಯಾಲಿ ವ್ಹವುನ್, ದುನೆತ್ ಚ಼ಮಕತ್ಯಾಲ್ಯಾ ಚಾನ್ಯಾಂಚೆಗತ್ ದಿಸ್ತಾಸಾ. ತುಮಿ ಆಸಿ ಚಾ಼ಲ್ಲಾಸಾತ ಮಿ ಬರೆ ಖಬರಿಸಾಟಿ ಪಳಾಲ್ಯಾಲೊ ಉಗಸ್ ನವ್ಹ, ಮಿ ತರಾಸ್ ಖಾಲ್ಯಾಲಾ ಉಗಸ್ ನವ್ಹ ಮನ್ಯಾಚ಼ ವವ್ಯಾಳ್ನ ಕ್ರಿಸ್ತಾಚಾ ದಿಸಾತ್ ಮನಾ ಗಾವ್ನಾರ್.

ಪಿಲಿಪ್ಪಿ 2:29

ತಸ ಆಸ್ಥಾನಾ ತುಮಿ ತ್ಯಲಾ ಪುರ‍್ಯಾ ಮನಾನಿ ಸಂತೊಶಾನಿ ಪ್ರಭುಚಾ ನಾವಾನಿ ಮಿಳ್ವುನ್ ಗೆವ್ಹಾ ಆನಿ ತಸ್‌ಲ್ಯಾನಾ ಮರ‍್ಯಾದ್ ದೇವಾ.

ಪಿಲಿಪ್ಪಿ 4:3

ಮಾಜಾ ಖರ‍್ಯಾ ಸಂಗಚಾ ಸೆವಕಾ, ತ್ಯಾ ಬಾಯಿಲ್ಮಾನ್ಸಾನಾ ಮಜ಼ತ್ ಕರ್ನಾರಾ ವ್ಹವುನ್ ರಾಹ್ಯಾವ್ಹಯಿಸ್ ಮನ್ಹುನ್ ತುಲಾ ಸಾಂಗ್ತೊ. ತ್ಯಾ ಕ್ಲೇಮೆನ್ಸ ದಿಸ್ರಿ ಮಾಜೆ ಸಂಗಚಾ ಕಾಮ್ಯಾರ‍್ಯಾನಾ ಮಾಜಿಸಂಗ ಬರೆ ಖಬರಿಸಾಟಿ ತರಾಸ್ ಖಾಲ್ಯಾಲ್ಯಾನಾ ಮಜ಼ತ್ ಕರ್. ತ್ಯಂಚಿ ನಾವ ಶಾಸ್ವತ್ ಜಿವಾಚಾ ಪುಸ್ತಕಾತ್ ಲಿವ್‍ಲ್ಯಾತ.

1 ತಿಮೊತಿ 3:5

ಯಕ ಯಳಿ ಆಪ್ಲಾ ಸ್ವತಾಚಾ಼ ಕುಟುಮ್ ಸಂಬಾಳಾಯಾ ಸಮಜ಼ತ್ ನಸ್ನಾರಾ ದೇವಾಚಿ ಸಬೆ ಕಸಿ ಸಂಬ್ಯಾಳ್ನಾರ್?

1 ತಿಮೊತಿ 4:10

ಆನಿ ಆಮಿ ಕಠಿನ್ ತರಾಸ್ ಕಾಡುನ್ ಆಮಿ ಆಮ್ಚಿ ಆಶಾ ಜೀವ್ ಆಸ್‌ಲ್ಯಾಲ್ಯಾ ದೇವಾವ ಥೆವ್‌ಲ್ಯಾ ಆನಿ ಖುಬ್ ತರನಿ ಇಸ್ವಾಸಾತ್ ಆಸ್‌ಲ್ಯಾಲ್ಯಾನಾ ರಾಖನ್ದಾರ್ ಜಾ಼ಲ್ಯಾ.

1 ತಿಮೊತಿ 4:14

ತುಜಿಪ ಆಸ್‍ಲ್ಯಾಲ ವರದಾನ್ ನಕಾರ್ ಕರುನಕೊ ತುಲಾ ಪ್ರವಾದನೆಚಾ ರುಪಾತ್ ಆನಿ ಜಾಂತ್ಯಾಂಚಾನಿ ಆಪ್ಲ ಹಾತ್ ತುಜಿವ ಥೆವ್ಲ ತವಾ ತ್ಯ ವರದಾನ್ ತುಲಾ ದಿಲ್ಯಾ.

1 ತಿಮೊತಿ 4:16

ತುಜೆ ಗುಸ್ಟಿತ್ ಆನಿ ತುಜಾ ಶಿಕ್ಷೆನಾಚೆ ಗುಸ್ಟಿತ್ ಹುಶಾರ್ ರ‍್ಹಾ. ತು ಹಿ ಕಾಮ ಕರೀತುಸ್ ರ‍್ಹಾ, ತವಾ ತು ತುಲಾಬಿ ಆನಿ ತುಜ಼ ಶಿಕ್ಷೆನ್ ಐಕ್‌ತ್ಯಾಲ್ಯಾನಾಬಿ ರ‍್ಯಾಕ್ನಾರ್.

1 ತಿಮೊತಿ 4:6

ತಿಥ ಆಸ್‍ಲ್ಯಾಲ್ಯಾ ಇಸ್ವಾಸಿ ಭನ್ ಬಾವ್ಹಾಂಡಾನಾ ಹ್ಯಾ ಗುಶ್ಟಿ ಸಾಂಗ್‌ಲ್ಯಾವ. ತು ಕ್ರಿಸ್ತ ಯೇಸುಚಾ಼ ಚಾ಼ಂಗ್ಲಾ ಸೇವಕ್ ವ್ಹಸಿಲ್. ತ್ಯಚ಼ ಬಾಳಗ್ನ ಇಸ್ವಾಸಾಚ಼ ಆನಿ ಖರ‍್ಯಾ ಸಿಕ್ಷನಾಚೆಗತ್ ವ್ಹತ್ತ. ತ್ಯ ತು ಗೆತಲ್ಯಾಸ್.

1 ತಿಮೊತಿ 5:19

ಸಭೆಚಾ ಜಾಂತ್ಯಾಂಚಿ ಕುನಿತರಿ ಚ಼ುಕ್ ಸಾಂಗ್ಲಿತ ದೋಗ ನಾಹಿತ ತೀಗ ಸಾಕ್ಷಿ ನಸ್ಥಾನಾ ತ್ಯಚೆ ಬುಲಿಲಾ ಕಾನ್ ದಿವು ನಕೊಸ್.

1 ತಿಮೊತಿ 5:3

ವಿದ್ವೆನಾ ಖುಬ್ ಮರ‍್ಯಾದ್ ದೇ ಕಾ ಮಂಜೆ ತ್ಯನಾ ತ್ಯ ಅವಶಾ ಹಾ.

2 ತಿಮೊತಿ 2:6

ತರಾಸ್ ಗಿಹುನ್ ಕಾಮ್ ಕರ್ತ್ಯಾಲ್ಯಾ ಶಾತ್ಕರ್‍ಯಾಲಾ ಪಿಕಾಚಾ಼ ಪೈಲಾ ವಾಟಾ ಗಾವ್ಹಾಯಾಸ್ ವ್ಹಯಿ.

2 ತಿಮೊತಿ 4:2

ಬರಿ ಖಬರ್ ಲೊಕಾನಾ ಸಾಂಗ್. ಚಾ಼ಂಗಲ್ಯಾ ಯಳಾತ್ಬಿ ಆನಿ ಬುರ್ಶಾ ಯಳಾತ್ಬಿ ಸಿಕ್ವಿತ್ ರ‍್ಹಾ. ಲೊಕಾಂಚಾನಿ ಕರಾಯಾ ವ್ಹಯಿ ಜಾ಼ಲ್ಯಾಲ ತ್ಯನಾ ಸಾಂಗ್. ತ್ಯಂಚಾನಿ ಚು಼ಕ್ ಕಿಲಿಕಿ ತೀ ತ್ಯನಾ ದಾವುನ್ ದೇ. ತ್ಯನಾ ದಪ್‌ಕ್ಯಾವ್, ತ್ಯನಾ ಉಮೇದ್ ದೇ, ಹ್ಯ ಸಗ್ಳ ಖುಬ್ ಥಂಡ್ ಫನಾನಿ ಹುಶಾರಿನಿ ಕರ್.

ಇಬ್ರಿಯ 13:17

ತುಮಾನಾ ಮೊರ‍್ಹ ಚಾ಼ಲಿವತ್ಯಾಲ್ಯಾಂಚಿ ಬುಲಿ ಐಕಾ, ತ್ಯಚಾ ಹಾತಾಕಾಲ್ ರಾವ್ಹಾ. ತೇ ಲೆಖಾ ದೆನಾರ ಜಾ಼ಲ್ಯಾತ ಮನ್ಹುನ್ ತುಮಚ಼ ಆತ್ಮ ರ‍್ಯಾಕ್ನಾರ ಜಾ಼ಲ್ಯಾತ. ತೆ ತರಾಸ್ ಖಾಯಾಚೆ ಆಂದಿ ಸಂತೊಶಾನಿ ಹ್ಯ ಕರಿ ಜೊ಼ಗ ಚಾ಼ಲಾ. ಕಾ ಮಂಜೆ ತೆ ತರಾಸಾನಿ ರಾಹ್ಯಾಚ಼ ತುಮಾನಾ ಉಪೆಗ್ ನಸ್‌ಲ್ಯಾಲ.

ಇಬ್ರಿಯ 13:24

ತುಮ್ಚಾ ಸಗ್‌ಳ್ಯಾ ಸಬೆಚಾ ಜಾಂತ್ಯಾನಾ ಆನಿ ದೇವಾಚಾ ಲೊಕಾನಾ ಇಚಾರ್ಲ ಮನ್ಹುನ್ ಸಾಂಗಾ. ಇತಾಲ್ಯಾ ದೇಶೆತ್ಲಿ ಬನ್ಹಿ ಬಾಹು ತುಮಾನಾ ಇಚಾರತ್ಯಾತ.

ಇಬ್ರಿಯ 13:7

ತುಮ್ಚೆ ಸಭೆಚಾ ಜಾಂತ್ಯಾಂಚಿ ಯಾದ್ ಕರಾ. ತೆ ತುಮಾನಾ ದೇವಾಚಾ಼ ಸಂದೇಸ್ ಸಾಂಗುನ್. ಮರಸ್ ಪರತ್ ಕಸ ಚಾ಼ಲ್ಲ ಮನ್ಯಾಚಿ ಯಾದ್ ಕರಾ. ತ್ಯಂಚಾ ಇಸ್ವಾಸಾಚೆಗತ್ ತುಮಿ ಚಾ಼ಲಾ.