1 ತಿಮೊತಿ 1:10 - ದೆವಾಚಿ ಖರಿ ಕಬರ್ ನವಾ ಕರಾರ್

¹⁰ ವ್ಯಬಿಚಾರಿನಾ ಆನಿ ಅನೈತಿಕ್ ಕರ್ತ್ಯಾಲ್ಯಾನಾ ಸಲಿಂಗಾಮಿನಿ ಆನಿ ಗುಲಾಮ್ ವ್ಹತ್ಯಾಲ್ಯಾನಾ ಲಬಾಡ್ಯಾನಾ ಆನಿ ಲಬಾಡ್ ಸಾಕ್ಷಿ ಸಾಂಗ್‌ತ್ಯಾಲ್ಯಾನಾ ಆನಿ ಚಾ಼ಂಗಲ್ಯಾ ಸಿದ್ದಾಂತನಾ ಇರೋದ್ ಕರ್ತ್ಯಾಲ್ಯಾಂಚೆ ಸಾಟಿ ಹಾ.

1 ತಿಮೊತಿ 1:10 Iomraidhean Croise

ಯೊಹಾನ್ 8:44

ಸೈತಾನುಸ್ ತುಮಚಾ಼ ಬಾ. ತುಮಿ ತ್ಯಚಿ ಪೊರ. ಆನಿ ತುಮಿ ತುಮ್ಚಾ ಮನಾ ಶಾರ್ಕ ಕರಾಯಾ ಬಗ್ತಾಸಾ. ತ್ಯೊ ಆಂದಿ ದರ್ನಿ ಖುನ್ಸಿ ವ್ಹವುನ್ ಖರ‍್ಯಾಲಾ ಆಡ್ವಾ ಹಾ. ತ್ಯಚಿಪ ಖರ ನಾಹಿಸ್ ನಾಹಿ.ತ್ಯಚಾ಼ ಸಬಾವುಸ್ ಲಬಾಡ್ ಬೊಲಾಚಾ಼. ತ್ಯೊ ಲಬ್ಡಾ ಲಬ್‍ಡ್ಯಾಚಾ಼ ಬಾಪ್ ಜಾ಼ಲ್ಯಾ.

रोमियो 1:26

ತ್ಯಂಚಾನಿ ತಸ ಕೇಲ ಮನ್ಹುನ್, ದೇವಾನಿ ತ್ಯನಾ ಲಾಜ಼ಚಾ ಕಾಮಾನಾ ಸುಡುನ್ ದಿಲಿತ. ತ್ಯಂಚಾ ಬ್ಯಾಯ್ಕಾ ಸಾಹಿತ್ ಸಬಾವಾಚ಼ ಶಾರಿಕ್ ಸಂಬಂದ್ ಸುಡುನ್ ಸಬಾವಾಚೆ ಬಾಹಿರ್ಲಿ ಕಾಮ ಕರಾಯಾ ಲಾಗಲ್ಯಾ.

1 ತಿಮೊತಿ 4:6

ತಿಥ ಆಸ್‍ಲ್ಯಾಲ್ಯಾ ಇಸ್ವಾಸಿ ಭನ್ ಬಾವ್ಹಾಂಡಾನಾ ಹ್ಯಾ ಗುಶ್ಟಿ ಸಾಂಗ್‌ಲ್ಯಾವ. ತು ಕ್ರಿಸ್ತ ಯೇಸುಚಾ಼ ಚಾ಼ಂಗ್ಲಾ ಸೇವಕ್ ವ್ಹಸಿಲ್. ತ್ಯಚ಼ ಬಾಳಗ್ನ ಇಸ್ವಾಸಾಚ಼ ಆನಿ ಖರ‍್ಯಾ ಸಿಕ್ಷನಾಚೆಗತ್ ವ್ಹತ್ತ. ತ್ಯ ತು ಗೆತಲ್ಯಾಸ್.

1 ತಿಮೊತಿ 6:3

ಯಕ ಯಳಿ ಕೊನ್ತರಿ ದುಸ್ರೆ ತರನಿ ನಿಯಮ್ ಸಿಕಿವ್‌ತ್ಯಾತ ಆನಿ ಆಮಚಾ಼ ಪ್ರಭು ಯೇಸು ಕ್ರಿಸ್ತಾಚಿ ಖರಿ ವಚನ ಆನಿ ಭಕ್ತಿನಿ ಮಿಳಾಲ್ಯಾಲಿ ಪುರ್ನ ಸಿಕ್ಷನ್ ಗಿಹಿತ್ನಾಹಿತ.

2 ತಿಮೊತಿ 1:13

ಕಸ್‌ಲ್ಯಾ ಗುಶ್ಟಿ ಮಾಜಿಪ್ನಿ ತು ಸಿಕ್‌ಲ್ಯಾಸ್ ತ್ಯ ಇಸ್ವಾಸಾನಿ ಆನಿ ಕ್ರಿಸ್ತ ಯೇಸುಚೆ ಮಾಯೆನಿ ತ್ಯ ಚಾ಼ಂಗಲ್ಯಾ ಸಿಕ್ಷೆನಾಸಾಟಿ ಉದಾರನ್ ಥೆವ್.

2 ತಿಮೊತಿ 4:3

ಲೊಕಾಂಚಾನಿ ಖರ ಸಿಕಿವ್ನ ಐಕು ನಾಹಿ ಅಸ್ಲ ಕಾಲ್ ಯಯಾಚ಼ ಹಾತ್ತ. ಲೊಕ ಆಪ್‌ಲ್ಯಾಲಾ ಬರಾ ಮಂ‌ಥ್ಯಾಲ್ಯಾ ಸಿಕಿವ್‌ನ್ಯಾರ‍್ಯಾನಾ ಆನಿ ಆಪ್‌ಲ್ಯಾಲಾ ಐಕಾಯಾ ಚಾ಼ಂಗ್ಲ ಸಿಕಿವ್ನಾರ‍್ಯಾಲಾ ಬಗ್ನಾರ್.

तीतुस 1:13

ಪ್ರವಾದಿನಿ ಸಾಂಗ್‌ಲ್ಯಾಲ ಸಬಾತ್ ಖರ ಜಾ಼ಲ್ಯಾತ. ಮನ್ಹುನ್ ತ್ಯಂಚಾನಿ ಯಹುದ್ಯಾಂಚಾ ಮನ್ಚಾ ಕ್ಯಾಯನ್ಯಾನಾ, ಖರ ಖೊಟ ಕರತ್ಯಾಲ್ಯಾ ಮಾನ್ಸಾಚಾ ಸಬ್ದಾನಾ ಧ್ಯಾನ್ ದಿಯಾಚೆ ಆಂದಿ,

तीतुस 1:9

ಆಪ್ನಿ ಚಾ಼ಂಗಲ್ಯಾ‍ ಸಿಕ್ಶೆನಾನಿ ಲೊಕಾನಾ ಹುಶಾರ್ ಕರಾಯಾ, ತ್ಯಚೆ ಆಡ್‌ವ್ಯಾ ಲೊಕಾನಾ ತ್ಯಂಚಾ ಚು಼ಕಿ ದಾವುನ್ ದೇತ್ಯಾಲಾ ವ್ಹವುನ್ ರಾಹ್ಯಾ ವ್ಹಯಿ. ಕ್ರಿಸ್ತಾಚಾ ಶಿಕ್ಶೆನಾಸಾರ ಇಸ್ವಾಸ್ ಥಿವಿಶಾ ವಚ಼್ನಾಂಚಿವ ಘಟ್ ರಾಹ್ಯಾ ವ್ಹಯಿ.

ಇಬ್ರಿಯ 13:4

ಸಗಳ್ಯಾಂಚಾನಿ ಲಗಿನ್ ಮೊಟ ಮನ್ಹುನ್ ಸಮಜಾ಼ಯಾವ್ಹಯಿ ಆನಿ ಲಗಿನ್ ಜಾ಼ಲ್ಯಾ ನಂತರಚಾ಼ ಜಿವ್ನಾ ಶುದ್ ರಾಹ್ಯಾ ವ್ಹಯಿ. ಕಾ ಮಂಜೆ ಬಾಹಿರ್ಲೆ ಸಂಗತಿಚಾನಾ ಆನಿ ವ್ಯಬಿಚಾರಿನಾಬಿ ದೆವ್ ನ್ಯಾಯಿ ನಿವಡ್ನಾರ್ ಮನ್ಹುನ್ ಸಮಜು಼ನ್ ಗೆವ್ಹಾ.

यहूदा 1:7

ತೇಸ್ ತರನಿ ಸೊದೊಮ್ ಗೊಮೊರ್ ಪೆಟ್ಟತ್ಲಿ, ತ್ಯಂಚೆ ಸರಬವ್ಹಾರೆ ಪೆಟ್ಟತ್ಲಿ ತ್ಯಾ ದುತಾಚೆಗತ್ ಚಾ಼ಲುನ್ ಆಪ್‌ಲ್ಯಾನಾ ನೀಯತ್ ನಸ್‌ಲ್ಯಾಲ ಶಾರೀಕ್ ಸಂಬದ್ ತಾಬ್ಯಾತ್‍ ದಿವುನ್, ಆನಿ ಬುರ್ಸ ಜಾ಼ಲ್ಯಾಲ ಪೊದ್ಡಿ ಕಾಮ ಕರಾಯಾಲಾಗ್ಲ ಮನ್ಹುನ್ ತೇ ಶಾಶ್ವತ್ ಇಸ್‌ಥ್ಯಾತ್ ಶಿಕ್ಷಾ ಗಿಹಿತ್, ವಾಯಿಟ್ ವಾಟವಲ್ಯಾನಾ ಹೆ ಯೆಕ್ ಉದಾರನ್ ಜಾ಼ಲ್ಯಾತ.

ದರ್ಶಾನ್ 18:13

ದಾಲ್ಚಿನ್ನಿ, ಸಗ್ಳಾ ಮಸಾಲಾ, ಧುಪ್, ರಕ್ತಬೊಳ, ಸಾಂಬ್ರಾನಿ, ವಾಸಾಚ಼ ತ್ಯಾಲ್, ದರಾಕ್ಷಿಚಾ಼ ರಸ್ ಆನಿ ಆಲಿವ್ ತ್ಯಾಲ್, ಪೀಟ್, ಘಹು, ಗುರವಾಸ್ರ, ಮೆಂಡ್ರ, ವಾರು, ರಥ, ಮಾನ್ಸಾನಾ ಗುಲಾಮ್ ಕರುನ್ ಇಕ್‌ತ್ಯಾತ.

ದರ್ಶಾನ್ 21:27

ಪರಿಶುದ್ದ ನಸ್‌ಲ್ಯಾಲ ಕಚ಼ಸ್ ಯಯಿತ್ನಾಹಿ ಅವ್ಮಾನಾಚಿ ಕಾಮ ಕರ್ತ್ಯಾಲಾ ವ್ಹವುನಿ ಲಬಾಡ್ ಸಾಂಗ್‌ತ್ಯಾಲಾ ವ್ಹವುನಿ ನಗರಾತ್ ಕಂದಿಸ್ ಜಾ಼ಯಿತ್ನಾಹಿ. ಮೆಂಡಾರ್ ಜಾ಼ಲ್ಯಾಲ್ಯಾನಿ ಶಾಶ್ವತ್ ಜೀವಾಚಾ ಪುಸ್ತಕಾತ್ ಕುನಾಚ಼ ನಾವ್ ಲಿವ್‍ಲ್ಯಾ ತೇ ತ್ಯವ್ಡಸ್ ತ್ಯಾ ನಗರಾತ್ ಜಾ಼ನಾರ್.

ದರ್ಶಾನ್ 21:8

ಫನ್ ಬಿತ್ರ, ಇಸ್ವಾಸ್ ನಸ್‌ಲ್ಯಾಲ್ಯಾನಾ, ಬುರ್ಸಿ ಕಾಮ ಕರ್ತ್ಯಾಲ್ಯಾನಾ, ಘಾತಕ್ಯಾನಾ, ಶಾರೀರಿಕ್ ಪಾಪ್ ಕರ್ತ್ಯಾಲ್ಯಾನಾ, ಘಾಡ್‍ಫನ್ ಕರ್ತ್ಯಾಲ್ಯಾನಾ, ಪಾಶಾನ ವವ್ಯಾಳತ್ಯಾಲ್ಯಾನಾ, ಲಬಾಡಾನಾ ಗಾವ್‍ತ್ಯಾಲಾ ಜಾ಼ಗಾ ಗಂದಕಾಚಾ಼ ಇಸ್ಥು ಪೆಟ್ಯಾಲೆ ನರ್ಕಾಚೆ ತಳಿತ್, ಹ್ಯ ದೊನ್ವ ಮರಾನ್ ವ್ಹನಾರ್.

ದರ್ಶಾನ್ 22:15

ನಗರಾಚೆ ಬಾಹಿರ್ ಲೊಕಾನಾ ವಾಟ್ ಚು಼ಕಿವ್‌ತ್ಯಾಲಿ ಹಾತ್ತ, ಬುರ್ಸ ಘಾಡ್‍ಫನ್ ಕರ್ತ್ಯಾಲಿ ಲೊಕ್ ಹಾತ್ತ. ಘಾತ್ಕಿ ಹಾತ್ತ, ಪಾಶಾನ ವವ್ಯಾಳ್‌ತ್ಯಾಲಿ ಲೊಕ ಹಾತ್ತ ಆನಿ ಲಬಾಡಾಲಾ ಮಾಯಾ ಕರ್ತ್ಯಾಲಿ ಆನಿ ಸಾಂಗ್‌ತ್ಯಾಲಿ ಲೊಕ ಹಾತ್ತ.