Gbasamɔ 8:3 - Takarata pɛ Sɔ Mbombe Mbon

³ Ma mbing telenge ndang tɛa tɛ yol hapɛtɛ bhandi ha sadaka. Kpana gbɛbolo mɔ dɔ kulo pɛlmɔ ha kɔ wa. Wɛnɛ kpaa kulo pɛlmɔ nɛdɔka hazu wesiri yo nɛ hio gɔamɔ pɛ hio wi pɛ Sɔ. Nɛ a haa hio mɔ ndɔng ha Sɔ ha li bhandi ha sadaka mɔ gbɛbolo ka dung ha li solowan.

Gbasamɔ 8:3 Iomraidhean Croise

Dede Wen hazu Jésus-Christ ka Luc ngɛraka 1:10

Ha ngimɔ ka wɛnɛ ha dɔa yo, giliwi mɔ *Israel fɛt dungɔ ha dɛl ha gɔa Sɔ.

Rome 8:34

Mɛgi, ma wi ndang ka lɛma mɛ gɔn kita ba nɛ mbwa bona. Hazu Jésus-Christ fea gɔn zu mbwa kari. Nɛ pen mɔ fɛt, Sɔ guo wɛnɛ ha soko hio fiowi yunɛ. Wɛnɛ ha dungɔnu ha lɛkɛ-lɛkɛ bhandi ha wekɔ Sɔ, nɛ wɛnɛ ha gɔa Sɔ ha olo nu ɔ.

Hebro 7:25

Yo nê ɛngi, ka wɛnɛ lɛma mɛ kpasisi hireng hio wi ndɔng ka tiki nɛ sanga-sanga hapɛtɛ Sɔ nɛ wal wɛnɛ. Hazu wɛnɛ nɛ zutunɔ kpoo mɛ gɔ Sɔ hazu mbwa.

Hebro 9:4

Haki, mɔ ka ɛ dɔ kulo pɛlmɔ ha zua, nɛ kubha mbon dungɔ ang. Ɛ sɔa tɛ hio mɔ ndɔng bwa fɛt nɛ gbɛbolo. Ha zang kubha mbon hio mɔ ndɔng tar ang: Kpana mɔ gbɛbolo ka mane dung ang, tongolo pɛ Aaron ka hio dote bagbo ang, nɛ hio papota bwa ka ɛ gɔna mbonga ha lia.

Gbasamɔ 10:1

Hapata ɛngi, mi zɔka ma mbing nga telenge ka guotɛ ha ngɔn zil. Wɛnɛ yola buswe tuka la, nɛ ndumbe dungɔ zikiri zu wa. Zangli wa dungɔ ha baa tuka swe, nɛ hio nanga wa dungɔ tuka hio mbing lembe we.

Gbasamɔ 14:18

Nɛ ma mbing telenge gboa ha bhandi ha sadaka. Wɛnɛ nɛ ziomɔ ha zu we. Nɛ a gdɔra nɛ ngagɛl ha telenge ka dung nɛ sɔa pa gɔn kpalmɔ, a tɔa: «Mɛ ku sɔa pa pɛ mɛ, nɛ mɛ gɔn hio wayate vigne ha zu nu, hazu hio wayaa fea kari.»

Gbasamɔ 5:8

Ka wɛnɛ kuo takarata ɛngɛ kari, hio tunɔ mɔ ndɔng nar nɛ hio kotowi ndɔng bhuze bwa gbala nar ngbio zigolo ha si wa. Mbwa ndang ndang fɛt nɛ kunde ha kɔ mbwa. Nɛ hio kɔpɔ mɔ gbɛbolo ka dona nɛ pɛl kulomɔ ha kɔ mbwa fin. Yo nê hio gɔamɔ pɛ hio wi pɛ Sɔ.

Gbasamɔ 6:9

Ka Besami kuso zemɔrkɔ gdangi, mi zɔka mɔ ha si bhandi ha sadaka ha Sɔ. Haki, mi zɔka hio sɔtɛ wi ndɔng ka ɛ bagbɛ mbwa hazu mbwa pama Wen pɛ Sɔ, nɛ hazu mbwa kɛa wena nɛ mboazu.

Gbasamɔ 7:2

Mi zɔka fin ma telenge ka guotɛ ha wal gutɛ swe tɛnɛ. Wɛnɛ dungɔ nɛ ma mɔ ha kɔ wa, hazu gde nɛ dafu ha tɛ hio wi pɛ tunɔ Sɔ. A tɔa wen ha hio telenge ndɔng nar ka kpaa ziomɔ mɛ gdangsi nu nɛ nana-litɔng. A gdɔra nɛ ngagɛl:

Gbasamɔ 8:4

Nɛ zɛwe kulo pɛlmɔ gbesi nɛ hio gɔamɔ pɛ hio wi pɛ Sɔ danga ha kɔ telenge ɛngɛ nɛ ha li Sɔ.

Gbasamɔ 8:5

Hapata, telenge ɛngɛ kuo we ha bhandi ha sadaka a ha zang kpana ɛngɛ don. Nɛ ka wɛnɛ pio yo ha zu nu kari, tubho da kolo, gisi, nɛ pioli kolo tɛa, nɛ nu yaka nɛngaya.

Gbasamɔ 9:13

Hapata, zemɔrkɔ zang ndang telenge dɔma mbia. Nɛ mi zea ma gɛl ka gutɛ ha wal bhandi ha sadaka mɔ gbɛbolo, ka dung ha li Sɔ. Gɛla guotɛ ha wal hio ngbilia nar.