Gbasamɔ 7:3 - Takarata pɛ Sɔ Mbombe Mbon

³ «Ka ɛnɛ agdangsi ngase nu, ngase nana-litɔng, ngase hio te sising na. Ɛnɛ keri kanɛ ɔ gdea dafu ha sɔngsi hio wan-tom pɛ Sɔ pɛ ɔ ing.»

Gbasamɔ 7:3 Iomraidhean Croise

Matthieu 24:22

Nɛ ka bo se nde, Sɔ atikisi ma nu yala yeksamɔ ndɔng na, ki ma wi ndang lɛm mɛ kpasi na. Ma, a tikoso yo hazu wi ndɔng ka wɛnɛ weka mɛ dung hinɛ wɛnɛ.

Matthieu 24:31

Mi betomsi hio *telenge pɔm nɛ kɛnza gɛl mbia, hazu nɛ ha ngbili nu nar. Mbwa bewesiri hio wi ka mi weka, ha bhandi mɔ nzan fɛt.»

Jean 12:26

Ka ma wi ngoy mɛ de tom ha kɔ mi, lɛma nde, wɛnɛ andari mi. Nɛ wan-tom pɔm bedung ha bhandi ka mi dung ang. Bafa mi belukisi wi ka de tom ha kɔ mi.»

Jean 3:33

Wi ka mɛkiri wen pɛa, mɛkiri nde, Sɔ nê wan-tɔ tɛwen.

Rome 6:22

Sising, ɛnɛ bo fin nê bala ha si gdangamɔ na, ma, ɛnɛ tɛ bo nê bala pɛ Sɔ. Mɔ ka ɛnɛ kpaa ha lia, yo nde, ɛnɛ tɛ bo ha dea mɔ nɛ nzɔya, nɛ ɛnɛ bekpa *tunɔ kpoo ha kpogioa.

Gbasamɔ 13:16

Ngase bebe wi mana gasa wi, ngase wan-kpamɔ mana fabha wi, ngase bele mana bala, ngɔnzu ɛngɛ nɔsasa hio wi fɛt nde, mbwa akpa ma dafu ha wekɔ mbwa nɛ ha sɔngsi mbwa.

Gbasamɔ 13:17

Nɛ ka ma wi bo nɛ dafu ɛngɛ na, a lɛm mɛ hɛ nɛ gdongi ma mɔ na. Dafu ɛngɛ, yo nê ling bosi ngɔnzu mana nɔmɔrɔ ka lɛma nɛ ling wa.

Gbasamɔ 14:1

Hapata, mi gɛra mɔ, nɛ mi zɔka Besami ha yola ha zu ngari *Sion. Hio wi tomay gɔmmay ndang nɛ tomay bhukɔa nar gbala nar (144’000) dungɔ hinɛ wɛnɛ. Ɛ bangɛriki ling Besami nɛ ling Bafa wa ha sɔngsi mbwa.

Gbasamɔ 14:9

Nɛ ma zetar telenge gboa fin hapata ɛ ndɔng bwa. A tɔa nɛ ngagɛl: «Hio wi ndɔng ka lukisi ngɔnzu nɛ zizi tɛ wa, nɛ ka kpa dafu pɛa ha sɔngsi mbwa mana ha kɔ mbwa,

Gbasamɔ 19:2

Wɛnɛ ha gɔna kita nzeng lɛm nɛ tɛwen! Hazu, a gɔna kita ba nɛ gasa bhoko-de wanza ɛngɛ, ka gdangsa hio wi mɔ zu nu nɛ dea wanza pɛa. A kundoko hio wan-tom pɛa, ka tɔktɛ mbwa ndara ha kɔ bhoko ɛngɛ.»

Gbasamɔ 20:4

Hapata, mi zɔka hio solowan. Hio wi ka dungɔnu ha zua, kpaa ziomɔ mɛ gɔn kita. Mi zɔka fin sɔtɛ hio wi ndɔng ka ɛ bagdɛngiri gɛl mbwa, hazu mbwa bapam tɛwen ka Jésus kɛ wena, nɛ hazu mbwa babul wen pɛ Sɔ. Mbwa tɛ lukisi ngase ngɔnzu, ngase zizi tɛ wa na, nɛ mbwa bakafi mɛ kpa dafu ling ngɔnzu ha sɔngsi mbwa mana ha kɔ mbwa. Mbwa fɛt guotɛ nɛ tunɔ, nɛ mbwa tɛ bo nê hio *kongapora hinɛ Christ lɛm bɛlɛ tomay ndang.

Gbasamɔ 22:4

Mbwa bezɔk zang li wa, nɛ dafu ling wa bedung ha sɔngsi mbwa.

Gbasamɔ 6:6

Mi zea ma mɔ ha soko tunɔ mɔ ndɔng nar tuka gɛl wi. Gɛl ɛngɛ tɔa ha wan-dang yanga ɛngɛ: «Gɛnɛ bebe tasi ndang mɔ fok ble lɛma nɛ mbɔli tom mɔ yala ndang. Nɛ gɛnɛ bebe tasi tar mɔ fok mbisa lɛma nɛ mbɔli tom mɔ yala ndang. Ma, ka mɛ adangsi gɛnɛ nɔ nɛ gɛnɛ li vigne na.»

Gbasamɔ 7:1

Hapata ɛngi, mi zɔka hio telenge nar, mbwa yola ha hio ngbili nu nar. Mbwa dungɔ ha yolsa hio bok ka gutɛ ha wal bhandi ndɔng nar, tuka nde, ka yo ayu ngase ha zu nu, ngase ha zu nana-litɔng, ngase ha zu ma te ndang na.

Gbasamɔ 7:2

Mi zɔka fin ma telenge ka guotɛ ha wal gutɛ swe tɛnɛ. Wɛnɛ dungɔ nɛ ma mɔ ha kɔ wa, hazu gde nɛ dafu ha tɛ hio wi pɛ tunɔ Sɔ. A tɔa wen ha hio telenge ndɔng nar ka kpaa ziomɔ mɛ gdangsi nu nɛ nana-litɔng. A gdɔra nɛ ngagɛl:

Gbasamɔ 9:4

Ɛ haa mbwa nu nde, mbwa agdangsi ngase bɛlɛ ha zu nu na, ngase ma bhɔyamɔ ndang na, ngase ma te ndang na. Ma, lɛma nde, mbwa ade gdangamɔ sɔna ha tɛ hio wi ndɔng ka bo nɛ dafu pɛ Sɔ ha sɔngsi mbwa na.