Gbasamɔ 7:2 - Takarata pɛ Sɔ Mbombe Mbon

² Mi zɔka fin ma telenge ka guotɛ ha wal gutɛ swe tɛnɛ. Wɛnɛ dungɔ nɛ ma mɔ ha kɔ wa, hazu gde nɛ dafu ha tɛ hio wi pɛ tunɔ Sɔ. A tɔa wen ha hio telenge ndɔng nar ka kpaa ziomɔ mɛ gdangsi nu nɛ nana-litɔng. A gdɔra nɛ ngagɛl:

Gbasamɔ 7:2 Iomraidhean Croise

Matthieu 16:16

Simon-Pierre kiforo wen: «Mɛ nê Mesi, Bewei pɛ tunɔ Sɔ.»

Matthieu 26:63

Ma, Jésus dungɔ sɛm. Mɛgi wan-zu hio wan-hasadaka tɔa ha wɛnɛ: «Mi ani mɛ nɛ ling tunɔ Sɔ, mɛ tɔ ha ɔ ka mɛ nê *Mesi, *Bewei pɛ Sɔ.»

Jean 6:27

Ka ɛnɛ agbɛngsi tɛ hazu kpa nɛ yɔngamɔ ka beyek na. Ma, ɛnɛ gbɛngsi tɛ hazu kpa yɔngamɔ ka bebhɔn nɛ ka beha ɛnɛ *tunɔ kpoo. Mi, *Bewei pɛ Wi, beha yo ha ɛnɛ, hazu Sɔ, Bafa mi, gdea ziomɔ pɛa ha kɔ mi.»

2 Korente 1:22

A gɔna dafu pɛa ha tɛ ɔ hazu osi nde, ɔ tɛ bo nê hio wi pɛa. A donsa sila ɔ nɛ *Nzɔy-Sɔtɛ hazu osi nde, a beha ɔ mɔ fɛt ka wɛnɛ gɔna nua.

Efeze 1:13

Sising, ɛnɛ fin zea tɛwen. Yo nde, ɛnɛ zea *Dede Wen ka tɔ nde, Sɔ ngoy kpasisi ɛnɛ. Nɛ ɛnɛ mɛkara Christ. Yo nê ɛngi ka Sɔ gɔna dafu ha tɛ ɛnɛ kari. Ɛngi osi nde, ɛnɛ tɛ bo nê hio wi pɛa. Dafu ɛngɛ nê Nzɔy-Sɔtɛ ka Sɔ bagɔn nua mɛ ha ha ɔ.

Efeze 4:30

Nɛ ka ɛnɛ aha ngɔtɛ ha Nzɔy-Sɔtɛ pɛ Sɔ na. Hazu Nzɔy-Sɔtɛ dung tuka dafu ka Sɔ gɔna ha tɛ ɛnɛ hazu osi nde, ɛnɛ nê pɛa, nɛ nde, ma swe ndang, a beyangi ɛnɛ ha si gdangamɔ fɛt.

1 Tesalonike 1:9

Hazu hio wi fɛt ha tɔa wen pɛ ɛnɛ nde, ɛnɛ baa ɔ nɛ dede kɔ, nɛ nde, ɛnɛ laka hio gbele sɔ gde nɛ kifiri sila hazu de tom ha kpasa tunɔ Sɔ.

2 Timothée 2:19

Ma, tɛwen pɛ Sɔ dung tuka nga nanga twa ka ɛ gɔna ha tɛa nde, «*Kongawan ingɔ hio wi pɛa», nɛ nde, «Hio wi fɛt ka sa ling Kongawan hazu dung nê pɛa, mbwa alak dea gdangamɔ gde.»

Hebro 12:22

Ma, pɛ ɛnɛ, yo nɛtɛ. Ɛnɛ tiko nɛ hapɛtɛ ngari *Sion, ha Jérusalem mɔ ngɔn, le pɛ tunɔ Sɔ, ka hio *telenge zemyeke dung ang.

Gbasamɔ 1:3

Totɛ ha wi ka tɔl takarata ɛngɛ, ka ze hio kuliwen ha zanga, nɛ ka de mɔ lɛm nɛ ngɛrakamɔ ɛngɛ. Hazu ngimɔ ka wena belɛmsiri nɛ tɛ koka kari.

Gbasamɔ 10:1

Hapata ɛngi, mi zɔka ma mbing nga telenge ka guotɛ ha ngɔn zil. Wɛnɛ yola buswe tuka la, nɛ ndumbe dungɔ zikiri zu wa. Zangli wa dungɔ ha baa tuka swe, nɛ hio nanga wa dungɔ tuka hio mbing lembe we.

Gbasamɔ 10:4

Hapata hio fuo da kolo mɔrkɔ zanga bwa, mi bangoy ngɛriki mɔ. Ma, mi zea ma gɛl ha ngɔn ka tɔa: «Mɛ pam nɛ wuso mɔ ka hio da kolo mɔrkɔ zanga bwa tɔa. Ka mɛ angɛriki yo na.»

Gbasamɔ 16:12

Zemɔrkɔ zanga ndang telenge gɔsa kɔpɔ pɛa ha zang gasa nanali Efrate. Nɛ yo ɔsa koti, hazu gbosisi wal ha hio kongawan ka gutɛ ha wal gutɛ swe.

Gbasamɔ 5:2

Nɛ mi zɔka ma nga *telenge ka ana mɔ nɛ ngagɛl nde: «Nge wi ha dung nɛ kongaa mɛ kusi gdangi ndɔng, nɛ mɛ bul takarata ɛngɛ ge nde?»

Gbasamɔ 8:3

Ma mbing telenge ndang tɛa tɛ yol hapɛtɛ bhandi ha sadaka. Kpana gbɛbolo mɔ dɔ kulo pɛlmɔ ha kɔ wa. Wɛnɛ kpaa kulo pɛlmɔ nɛdɔka hazu wesiri yo nɛ hio gɔamɔ pɛ hio wi pɛ Sɔ. Nɛ a haa hio mɔ ndɔng ha Sɔ ha li bhandi ha sadaka mɔ gbɛbolo ka dung ha li solowan.

Gbasamɔ 9:14

Zemɔrkɔ zang ndang telenge baa mbia ha kɔ wa, nɛ gɛl ɛngɛ tɔa ha wɛnɛ: «Mɛ bul hio telenge ndɔng nar ka ɛ bahɛl ha nukolo nanali Efrate.»

Gbasamɔ 9:4

Ɛ haa mbwa nu nde, mbwa agdangsi ngase bɛlɛ ha zu nu na, ngase ma bhɔyamɔ ndang na, ngase ma te ndang na. Ma, lɛma nde, mbwa ade gdangamɔ sɔna ha tɛ hio wi ndɔng ka bo nɛ dafu pɛ Sɔ ha sɔngsi mbwa na.