Gbasamɔ 7:1 - Takarata pɛ Sɔ Mbombe Mbon

¹ Hapata ɛngi, mi zɔka hio telenge nar, mbwa yola ha hio ngbili nu nar. Mbwa dungɔ ha yolsa hio bok ka gutɛ ha wal bhandi ndɔng nar, tuka nde, ka yo ayu ngase ha zu nu, ngase ha zu nana-litɔng, ngase ha zu ma te ndang na.

Gbasamɔ 7:1 Iomraidhean Croise

Matthieu 24:31

Mi betomsi hio *telenge pɔm nɛ kɛnza gɛl mbia, hazu nɛ ha ngbili nu nar. Mbwa bewesiri hio wi ka mi weka, ha bhandi mɔ nzan fɛt.»

Marc 13:27

Mɛgi, mi betomsi hio *telenge pɔm. Nɛ mi bewesiri hio wi ndɔng ka Sɔ weka ha wal fɛt, dam nɛ zu nu fɛt gbo ha ngɔn.

Gbasamɔ 20:8

A benɛ nɛ osili hio kandɔ mɔ zu nu fɛt, ling hio kandɔ ndɔng nde, Gog nɛ Magog. A bewesiri mbwa fɛt hazu bi bulo, nɛ mbwa beyɛbhi tuka gbala lembe ha nukolo nana-litɔng.

Gbasamɔ 6:6

Mi zea ma mɔ ha soko tunɔ mɔ ndɔng nar tuka gɛl wi. Gɛl ɛngɛ tɔa ha wan-dang yanga ɛngɛ: «Gɛnɛ bebe tasi ndang mɔ fok ble lɛma nɛ mbɔli tom mɔ yala ndang. Nɛ gɛnɛ bebe tasi tar mɔ fok mbisa lɛma nɛ mbɔli tom mɔ yala ndang. Ma, ka mɛ adangsi gɛnɛ nɔ nɛ gɛnɛ li vigne na.»

Gbasamɔ 7:3

«Ka ɛnɛ agdangsi ngase nu, ngase nana-litɔng, ngase hio te sising na. Ɛnɛ keri kanɛ ɔ gdea dafu ha sɔngsi hio wan-tom pɛ Sɔ pɛ ɔ ing.»

Gbasamɔ 8:7

Nɛ ka bosi telenge dɔma mbia, kolo bhɔkala nɛ we ka sɔkara nɛ tɔk, gɔya ha zu nu. Nɛ nu hinɛ hio te fɛt gbaa soko tar, nɛ bhalkɔa ndang bea we. Hio mbɔngi bɛlɛ fɛt bea we fin.

Gbasamɔ 9:14

Zemɔrkɔ zang ndang telenge baa mbia ha kɔ wa, nɛ gɛl ɛngɛ tɔa ha wɛnɛ: «Mɛ bul hio telenge ndɔng nar ka ɛ bahɛl ha nukolo nanali Efrate.»

Gbasamɔ 9:4

Ɛ haa mbwa nu nde, mbwa agdangsi ngase bɛlɛ ha zu nu na, ngase ma bhɔyamɔ ndang na, ngase ma te ndang na. Ma, lɛma nde, mbwa ade gdangamɔ sɔna ha tɛ hio wi ndɔng ka bo nɛ dafu pɛ Sɔ ha sɔngsi mbwa na.