Gbasamɔ 4:4 - Takarata pɛ Sɔ Mbombe Mbon

⁴ Hio ma solowan bhuze bwa gbala nar dungɔ zikiri solowan ɛngɛ. Hio kotowi bhuze bwa gbala nar dungɔnu ang. Mbwa yola bu la, nɛ ndutu wan mɔ gbɛbolo ha zu mbwa.

Gbasamɔ 4:4 Iomraidhean Croise

Matthieu 19:28

Nɛ Jésus tɔa ha mbwa: «Kpasawen, mi tɔ ha ɛnɛ nde, ha ngimɔ ka mi, *Bewei pɛ Wi, bedung *kongapora ha zu lɛkɛ-lɛkɛ solowan pɔm ha mbombe nzan, ɛnɛ fɛt bhukɔ gbala bwa ka ndara mi, ɛnɛ bedung ha zu solowan mɛ gɔn kita ha zu hio kandɔ pɛ *Israel bhukɔ gbala bwa.

Dede Wen hazu Jésus-Christ ka Luc ngɛraka 22:30

Ha ngimɔ ka mi bedung kongapora, ɛnɛ beyɔng nɛ nɔ mɔ ha tabolo hinɛ mi. Nɛ ɛnɛ bedung ha zu hio solowan mɛ gɔn kita ha zu hio kandɔ pɛ *Israel bhukɔ gbala bwa.»

2 Timothée 4:8

Mɔ sising, kɛamɔ pɛ wan-gan bulo ha kera mi hazu mi dea mɔ nzeng. Kongawan, nzeng wan-gɔn kita, beha mi kɛamɔ ɛngɛ ha swe ka wɛnɛ bepe nɛ. A lɛm ha yo sɔna ha mi gbatɛ na, ma, a beha yo fin ha hio wi ndɔng fɛt ka keri kiforo pɛa nɛ totɛ.

Gbasamɔ 11:16

Hio kotowi bhuze bwa gbala nar ka dungnu ha li Sɔ ha hio solowan pɛ mbwa, ngbio zigolo ha nu, gok li ha si Sɔ hazu lukisi nɛ wɛnɛ.

Gbasamɔ 14:3

Hio dɔka wi ndɔng ha bea ma mbombe gima ha li solowan, ha li hio tunɔ mɔ nar, nɛ ha li hio kotowi bhuze bwa gbala nar. Hio wi ka lɛma yambi gima ɛngɛ, yo sɔna nê hio wi ndɔng tomay gɔmmay ndang nɛ tomay bhukɔa nar gbala nar (144’000), ka Sɔ bayangi mbwa ha nu.

Gbasamɔ 19:14

Hio zugili bulo mɔ ngɔn ndara wɛnɛ ha zu hio bu yanga. Mbwa yola lɛgbɛ-lɛgbɛ la ka dung nɛ bua nɛ saa kpung-kpung.

Gbasamɔ 19:4

Hapata, hio kotowi bhuze bwa gbala nar nɛ hio tunɔ mɔ nar fɛt, ngbio zigolo lukisi nɛ Sɔ ka dungnu ha solowan. Mbwa tɔa: «Amen! Aleluya!»

Gbasamɔ 2:10

Ka ɛnɛ ayu ke hio yeksamɔ ka ɛnɛ bekpa na. Satan bepi hio ma wi ha soko ɛnɛ ha twa zɔbhɔ hazu we nɛ sila ɛnɛ. Ɛnɛ bedung ha zang yeksamɔ lɛm yala bhukɔ. Ɛnɛ adung nɛ mboazu kanɛ fio. Mɛgi, mi beha ɛnɛ *tunɔ kpoo tuka kɛamɔ.

Gbasamɔ 20:4

Hapata, mi zɔka hio solowan. Hio wi ka dungɔnu ha zua, kpaa ziomɔ mɛ gɔn kita. Mi zɔka fin sɔtɛ hio wi ndɔng ka ɛ bagdɛngiri gɛl mbwa, hazu mbwa bapam tɛwen ka Jésus kɛ wena, nɛ hazu mbwa babul wen pɛ Sɔ. Mbwa tɛ lukisi ngase ngɔnzu, ngase zizi tɛ wa na, nɛ mbwa bakafi mɛ kpa dafu ling ngɔnzu ha sɔngsi mbwa mana ha kɔ mbwa. Mbwa fɛt guotɛ nɛ tunɔ, nɛ mbwa tɛ bo nê hio *kongapora hinɛ Christ lɛm bɛlɛ tomay ndang.

Gbasamɔ 3:18

Mɛgi, mi ngoya mbo ɛnɛ nde, ɛnɛ atɛ tɛ hɛ ha kɔ mi gbɛbolo ka ɛ wea ha we, tuka nde, ɛnɛ adung nê hio kpasa wan-kpamɔ. Ɛnɛ ahɛ fin bu la mɛ yol tuka nde, foy sɔngɛrɛ tɛ ɛnɛ agbasi tɛ na. Ɛnɛ ahɛ fin yina mɛ a ha gbali ɛnɛ tuka nde, ɛnɛ azɔk mɔ.

Gbasamɔ 4:10

Nɛ ha ngimɔ fɛt ka mbwa de mɛgi, hio kotowi ndɔng bhuze bwa gbala nar ngbi zigolo ha si wi kɛ ka dungnu ha solowan, nɛ mbwa lukisi wɛnɛ, wɛnɛ ka dung nɛ zutunɔ kpoo nɛ kpoo. Mbwa gu ndutu ha zu mbwa gde ha si solowan, nɛ mbwa tɔ:

Gbasamɔ 4:6

Ha li solowan ɛngɛ ma mɔ tuka tɔ ang, yo nɛ saa kɛn-kɛn-kɛn tuka mɔzɔk li. Hio ma tunɔ mɔ nar dung sanga-sanga nɛ solowan ɛngɛ zikiri yo. Nɛ tɛ mbwa fɛt gdɔka nɛ hio gbali, hio ma gbali ha wal li mbwa nɛ hio ma ha gdong mbwa.

Gbasamɔ 5:11

Mi zɔka fin, nɛ mi zea gɛl hio dɔka telenge tomay tomay hebhe hebhe. Mbwa zikoro solowan, hio tunɔ mɔ ndɔng nɛ hio kotowi fɛt gde ha binsila.

Gbasamɔ 5:14

Hio tunɔ mɔ ndɔng nar kɔa: «Amen!» Nɛ hio kotowi ndɔng fɛt ngbio zigolo ha si wi kɛ ka dungnu ha solowan, nɛ ha si Besami, hazu lukisi nɛ mbwa.

Gbasamɔ 5:6

Nɛ mi zɔka ma Besami ndang. A yola hapɛtɛ solowan, ha soko hio kotowi ndɔng nɛ hio tunɔ mɔ ndɔng nar. Yo dung tuka nde, ɛ bagbɛ wɛnɛ sɔngsi. Wɛnɛ nɛ zak mɔrkɔ zanga bwa, nɛ gbali mɔrkɔ zanga bwa. Gbali ndɔng nê hio Sɔtɛ mɔrkɔ zanga bwa pɛ Sɔ, ka Sɔ tomsa ha zu nu fɛt.

Gbasamɔ 5:8

Ka wɛnɛ kuo takarata ɛngɛ kari, hio tunɔ mɔ ndɔng nar nɛ hio kotowi ndɔng bhuze bwa gbala nar ngbio zigolo ha si wa. Mbwa ndang ndang fɛt nɛ kunde ha kɔ mbwa. Nɛ hio kɔpɔ mɔ gbɛbolo ka dona nɛ pɛl kulomɔ ha kɔ mbwa fin. Yo nê hio gɔamɔ pɛ hio wi pɛ Sɔ.

Gbasamɔ 6:11

Ɛ aa bu gbambusa ha tɛ mbwa fɛt. Nɛ ɛ tɔa ha mbwa nde, dɔka hio sɔy-tom pɛ mbwa nɛ hio ya mbwa ndɔng ka befe ha kɔ hio wi gbesi tuka mbwa, dɔka mbwa tɛ lɛm ka na. Mɛgi mbwa aɔm tɛ mbwa tikiring keri nɛ hio ya ndɔng.

Gbasamɔ 7:11

Hio *telenge fɛt yola zikiri solowan, hio kotowi, nɛ hio tunɔ mɔ ndɔng nar. Mbwa fɛt ngbio zigolo ha nu, gok li ha si Sɔ, hazu lukisi nɛ wɛnɛ.

Gbasamɔ 7:9

Hapata ɛngi, mi zɔka ma gasa zugiliwi ka ɛ lɛm tɔl fɛt na. Yo nê hio wi ka tɛ nɛ hio kandɔnu fɛt, hio nugala fɛt, hio kandɔ fɛt, nɛ hio nu le fɛt. Mbwa fɛt yola ha li solowan pɛ Sɔ nɛ ha li Besami. Mbwa fɛt yola bu la, nɛ wa mbanza ha kɔ mbwa.

Gbasamɔ 9:7

Hio gdɔlɔ ndɔng baa may nɛ hio yanga ka ɛ bhɔngara hazu bio bulo. Mbwa yola ndutu wan mɔ gbɛbolo ha zu mbwa, nɛ zang li mbwa dung tuka zang li wi.