Gbasamɔ 4:1 - Takarata pɛ Sɔ Mbombe Mbon

¹ Hapata ɛngi, mi zɔka fin ma zizimɔ: Mi zɔka ma nutwa ka gboa ha zang ngɔn long. Nɛ ndangtɛ gɛl wi ka mi zea nɛ bosia, wolamɔ ha mi tuka gɛl mbia, nɛ tɔa: «Mɛ dang hakɛ ka mi aosi ha mɛ mɔ ndɔng ka behɔ ha pata.»

Gbasamɔ 4:1 Iomraidhean Croise

Matthieu 3:16

nɛ gdumso wɛnɛ. Ka Jésus gboa ha li, liswe gboa long, nɛ wɛnɛ zɔka *Nzɔy-Sɔtɛ pɛ Sɔ ha ziloa tuka gbakuli tɛ dung ha zu wa.

Marc 1:10

Ha ndangtɛ ngimɔ ka Jésus ha gboa ha li, a zɔka liswe mbanga, nɛ *Nzɔy-Sɔtɛ zilo ha zu wa tuka gbakuli.

Dede Wen hazu Jésus-Christ ka Luc ngɛraka 3:21

Ka Jean tɛ le ka zɔbhɔ na, a gdumso hio wi fɛt ka tɛa ha pɛa. Nɛ a gdumso fin Jésus. Ha ngimɔ ka Jésus ha gɔa Sɔ, liswe gboa long.

Jean 16:13

Ka Nzɔy-Sɔtɛ ka begbasi tɛwen hɔa, a bede nde, ɛnɛ aing tɛwen fɛt. A lɛm tɔ wen nɛ zu wa na. Ma, a betɔ nɛ hio wen fɛt ka wɛnɛ zea ha nu Bafa mi. Nɛ wɛnɛ betɔ fin hio mɔ ka behɔ ha ɛnɛ.

Deamɔ 10:11

A zɔka nu ngɔn gboa long, nɛ ma mɔ ha ziloa tɛ ha li wa tuka gasa la ka ɛ ba nɛ ngbilia nar.

Deamɔ 7:56

A tɔa: «Ɛnɛ ze, mi zɔka ngɔn gboa long, nɛ *Bewei pɛ Wi, ha yola ha wekɔ Sɔ.»

Gbasamɔ 1:10

Ha swe pɛ *Kongawan, *Nzɔy-Sɔtɛ baa mi, nɛ mi zea ma ngagɛl ha gdong mi tuka gɛl mbia,

Gbasamɔ 1:12

Mi kiforo tɛ hazu zɔk wi kɛ ka wolmɔ ha mi, nɛ mi zɔka hio solo lamba mɔ gbɛbolo mɔrkɔ zanga bwa.

Gbasamɔ 1:19

Mɛgi, mɛ ngɛriki hio mɔ ka mɛ ha zɔka. Yo nde, hio mɔ ka hɔ sising, nɛ hio mɔ ka behɔ bin.

Gbasamɔ 11:12

Hapata, hio wan-tɔkuliwen ndɔng bwa zea ma gɛl ha ngɔn ka tɔa ha mbwa: «Ɛnɛ dang tɛ hakɛ.» Nɛ ha li hio ngana pɛ mbwa, mbwa danga si ha ngɔn ha zang buswe.

Gbasamɔ 11:19

Ha zang ngɔn, nu *gasa twa Sɔ gboa long. Nɛ ɛ zɔka ang kubha *mbon pɛ Sɔ. Pioli kolo, gisi nɛ tubho da kolo gboa ha ngɔn, nu yaka, nɛ kolo bhɔkala gɔya nɛdɔka.

Gbasamɔ 16:17

Zemɔrkɔ zanga bwa telenge gɔsa kɔpɔ pɛa ha zang bok. Nɛ ma gasa gɛl gboa ha solowan ka dung ha zang gasa twa Sɔ. Yo tɔa: «Yo kara!»

Gbasamɔ 19:11

Hapata ɛngi, mi zɔka ngɔn gboa long, nɛ ma bu yanga yola ang. Ling wan-dang yanga ɛngɛ nde, «Wan-mboazu» nɛ «Wan-tɛwen.» Wɛnɛ ha gɔna kita nɛ ha bio bulo nɛ wala nzeng.

Gbasamɔ 22:6

Hapata, *telenge ɛngɛ tɔa ha mi: «Wen ndɔng nê kpasa tɛwen. Nɛ *Kongawan Sɔ ka Sɔtɛ pɛa gde wen ha nu hio *wan-tɔkuliwen, wɛnɛ tomsa telenge pɛa hazu osi ha hio wan-tom pɛa mɔ ka behɔ nɛhasa.»