Gbasamɔ 11:3 - Takarata pɛ Sɔ Mbombe Mbon

³ Hio wan-kɛwen pɔm bwa beyol la zim mɔ. Nɛ mi beha mbwa ngatɛ mɛ tɔ hio kuliwen pɔm lɛm hio yala ndɔng tomay nɛ gɔmmay bwa zu bhukɔa mɔrkɔ zu bhukɔa ndang (1260).»

Gbasamɔ 11:3 Iomraidhean Croise

Matthieu 11:21

«Ngɔtɛ ha ɛnɛ, wi mɛ le Korazin nɛ Betsaida! Hazu ka bo se nde, hio wi mɛ le Tir nɛ Sidon bazɔk hio *mɔkifi, ka hɔa ha le pɛ ɛnɛ, ki nɛhasa mbwa yola la zim mɔ, nɛ mbwa aa bok ha tɛ mbwa hazu osi nde, mbwa kiforo sila mbwa.

Matthieu 18:16

Ma, ka wɛnɛ ze mɛ na, mɛ sa ma wi ndang mana bwa hinɛ mɛ nɛnɛ fin ha pɛa. Tuka nde, wan-kɛwen adung bwa mana tar mɛ gɔn soko wen ɛngɛ, tuka Moïse bagɔn ha takarata pɛ Sɔ.

Dede Wen hazu Jésus-Christ ka Luc ngɛraka 10:13

«Ngɔtɛ ha ɛnɛ, wi mɛ le Korazin nɛ Betsaida! Hazu ka bo se nde, hio wi mɛ le Tir nɛ Sidon bazɔk hio *mɔkifi, ka hɔa ha le pɛ ɛnɛ, ki nɛhasa mbwa aa bok ha tɛ mbwa, nɛ mbwa yola la zim mɔ hazu osi nde, mbwa kiforo sila mbwa.

Dede Wen hazu Jésus-Christ ka Luc ngɛraka 24:48

Ɛnɛ ka zɔka mɔ ndɔng fɛt nɛ pɛ ɛnɛ tɛ, lɛma nde, ɛnɛ abul wena.

Jean 15:27

Mɛgi, ɛnɛ betɔ wen tɛ mi fin ha hio wi. Hazu ɛnɛ dungɔ hinɛ mi nisi ha ngimɔ angara tom pɔm kanɛ swe mɛsɛ.»

Jean 3:27

Jean kiforo wen ha mbwa: «Wi lɛm kpa ngase bebe mɔ na, ka Sɔ tɛ ha yo ha wɛnɛ na.

Deamɔ 1:8

Ma, ka *Nzɔy-Sɔtɛ zilo ha zu ɛnɛ, ɛnɛ bekpa ngatɛ, nɛ ɛnɛ bedung hio wan-bul wen tɛ mi ha hio wi mɛ Jérusalem, hio wi mɛ kandɔnu Judée nɛ kandɔnu *Samari fɛt, gbo ha kpogio nzan.»

Deamɔ 13:31

Ha zang dɔka yala, Jésus gbasa tɛ ha hio wi ndɔng, ka banɛ hinɛ wɛnɛ angiri ha Galile hɔ ha Jérusalem. Yo nê mbwa ka tɛ bo nê hio wan-bul wen tɛ wa ha hio wi mɛ kandɔ Israel.

Deamɔ 2:32

«Ɔ nê wan-kɛwen nde, Sɔ tunso Jésus ɛngɛ ha soko hio fiowi.

Deamɔ 3:15

Mɛgi, ɛnɛ gbɛa wi ɛngɛ ka lɛma mɛ ha tunɔ ha hio wi. Ma, ɔ zɔka nɛ gbali ɔ, ka Sɔ guo wɛnɛ yunɛ ha soko hio fiowi. Nɛ ɔ ha bulo wena ha li wi fɛt.

1 Korente 12:28

Mɛgi, ha soko hio giliwi mɔ eglize, Sɔ gdea hio wi pɛa nɛtɛ-nɛtɛ. Bosia nê hio *wan-nɛtom, zebwaa nê hio *wan-tɔkuliwen, zetara nê hio wan-osimɔ Sɔ. Hapata, a gdea hio wi ndɔng ka de nɛ *mɔkifi, hio wi ka kpaa ngatɛ mɛ karsi nɛ zɛlɛ, hio wi ka gbakiri nɛ hio mbinga, hio wi ka ngbɔsi hio oloa, nɛ hio wi ka wol mɔ nɛ hio nu pɛ Nzɔy-Sɔtɛ.

2 Korente 13:1

Yo bedung nê zetar yali pɔm ha pɛ ɛnɛ. Tuka takarata pɛ Sɔ tɔa: «Wan-kɛwen adung bwa mana tar mɛ gɔn soko wen fɛt.»

Efeze 4:11

Yo nê wɛnɛ ka ha tili ngatɛ nɛtɛ-nɛtɛ ha hio wi. A haa ha hio ma mɛ dung *wan-nɛtom, ha hio ma mbinga mɛ dung *wan-tɔkuliwen, ha hio ma fin mɛ dung wan-bul *Dede Wen, nɛ ha hio ma mbinga fin mɛ dung *pasteur mana mɛ dung wan-osimɔ.

Gbasamɔ 1:5

Jésus-Christ nê mboazu wan-kɛwen, bosi wi ka guotɛ ha soko hio fiowi, nɛ gasa wan hazu hio *kongapora mɔ nu ɛngɛ fɛt. A ngoya ɔ, nɛ a yanga ɔ ha si *sɛmbɔ pɛ ɔ nɛ wal tɔktɛ wa.

Gbasamɔ 11:2

Ma, ka mɛ aweki zang dɛl mɔ gdong gasa twa Sɔ na, hazu ɛ haa yo ha hio wi ndɔng ka bo nê *zuife na. Mbwa be-um nzɔy gasa le lɛm kilize bhukɔa nar gbala bwa.

Gbasamɔ 11:6

Ha zang hio yala ndɔng fɛt ka mbwa betɔ kuliwen pɛ Sɔ, mbwa nɛ ngatɛ mɛ gdɔki nu ngɔn tuka nde, kolo aɔl na. Mbwa fin nɛ ngatɛ mɛ kifiri hio nanali ha tɔk, nɛ mɛ mɛl hio wi mɔ zu nu fɛt nɛ hio tili kemɔ ha ngimɔ fɛt tuka sila mbwa ngoya.

Gbasamɔ 12:6

Nɛ bhoko ɛngɛ yuo mɔ nɛ ha kpɛnu, ha bhandi ka Sɔ babhɔngiri bingiri mɛ day wɛnɛ haki lɛm yala tomay nɛ gɔmmay bwa zu bhukɔa mɔrkɔ zu bhukɔa ndang (1260).

Gbasamɔ 13:5

Ngɔnzu ɛngɛ kpaa ziomɔ mɛ tɔ hio wen suotɛ nɛ hio wen fɛngsi Sɔ. A kpaa ziomɔ mɛ de mɛgi lɛm kilize bhukɔa nar gbala bwa.

Gbasamɔ 19:10

Nɛ mi teka ha si nanga wa hazu lukisi wɛnɛ. Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ fɛt, ka pam tɛwen ka Jésus kɛ wena. Mɛ alukisi nɛ Sɔ!» Yo nê tɛwen ka Jésus kɛ wena, ka ha ngatɛ ha hio wi mɛ tɔ kuliwen pɛ Sɔ.

Gbasamɔ 20:4

Hapata, mi zɔka hio solowan. Hio wi ka dungɔnu ha zua, kpaa ziomɔ mɛ gɔn kita. Mi zɔka fin sɔtɛ hio wi ndɔng ka ɛ bagdɛngiri gɛl mbwa, hazu mbwa bapam tɛwen ka Jésus kɛ wena, nɛ hazu mbwa babul wen pɛ Sɔ. Mbwa tɛ lukisi ngase ngɔnzu, ngase zizi tɛ wa na, nɛ mbwa bakafi mɛ kpa dafu ling ngɔnzu ha sɔngsi mbwa mana ha kɔ mbwa. Mbwa fɛt guotɛ nɛ tunɔ, nɛ mbwa tɛ bo nê hio *kongapora hinɛ Christ lɛm bɛlɛ tomay ndang.