Gbasamɔ 10:1 - Takarata pɛ Sɔ Mbombe Mbon

¹ Hapata ɛngi, mi zɔka ma mbing nga telenge ka guotɛ ha ngɔn zil. Wɛnɛ yola buswe tuka la, nɛ ndumbe dungɔ zikiri zu wa. Zangli wa dungɔ ha baa tuka swe, nɛ hio nanga wa dungɔ tuka hio mbing lembe we.

Gbasamɔ 10:1 Iomraidhean Croise

Matthieu 17:2

Nɛ tɛ Jésus kiforo ha li mbwa. Zangli wa baa tuka swe, nɛ la pɛa tɛ bo nɛ bua ndong-ndong tuka saamɔ.

Dede Wen hazu Jésus-Christ ka Luc ngɛraka 21:27

Hapata, hio wi bezɔk mi, Bewei pɛ Wi, ha tɛa ha zu buswe. Mi betɛ ha zang ziomɔ nɛ ha zang gasa *lɛkɛ-lɛkɛmɔ.

Deamɔ 26:13

*Kongapora Agripa, ka mi boka ha liwal, ka swe tɛ bo ha sila zu, ma gasa saamɔ pen saamɔ swe zilo ha ngɔn tɛ, tɛ ba zikiri mi hinɛ hio sɔy-yali pɔm.

Gbasamɔ 1:7

Ɛnɛ zɔk, a betɛ ha zu buswe, nɛ wi fɛt bezɔk wɛnɛ, ngase wi ndɔng ka batok tɛ wa. Nɛ hio kandɔ mɔ nu fɛt gbi behe kwa hazu wa. Ey, mɔ behɔ mɛgi! Amen.

Gbasamɔ 18:1

Hapata ɛngi, mi zɔka ma mbing *telenge ha ngɔn ha ziloa ha nu. Wɛnɛ nɛ gasa ziomɔ, nɛ yolo tɛ wa baa ha zu nu fɛt.

Gbasamɔ 18:21

Hapata ɛngi, ma nga telenge kuo ma ta tuka gasa ta hɔn mɔ, pi ha zang nana-litɔng. Nɛ a tɔa: «Yo nê mɛgi ka Sɔ bepi gasa le Babilone nɛ zio kɔ. Ɛ lɛm kpa fin wɛnɛ nɛ mbinga ndang na.

Gbasamɔ 20:1

Hapata ɛngi, mi zɔka ma *telenge ha ziloa ha ngɔn tɛ. Ha kɔ wa, wɛnɛ baa sɔtɛ nu fongo nɛ ma zio gbazɔbhɔ.

Gbasamɔ 4:3

Tɛ wa ha duo we nzay-nzay tuka hio lɔka ta ka ɛ sa nde, zaspe nɛ sardoane. Nɛ ndumbe yola zikiri solowan ɛngɛ, nɛ yoloa baa tuka lɔka ta ka ɛ sa nde, emerode.

Gbasamɔ 5:2

Nɛ mi zɔka ma nga *telenge ka ana mɔ nɛ ngagɛl nde: «Nge wi ha dung nɛ kongaa mɛ kusi gdangi ndɔng, nɛ mɛ bul takarata ɛngɛ ge nde?»

Gbasamɔ 8:13

Mi zɔka mɔ fin, nɛ mi zea gɛl nzio ka buy nɛyɛa ha liswe. A tɔa nɛ ngagɛl: «Ngɔtɛ, ngɔtɛ, ngɔtɛ ha hio wi mɔ zu nu, ha ngimɔ ka hio olo telenge tar bedɔm mbia.»