Matthieu 9:2 - Takarata pɛ Sɔ Mbombe Mbon

² Nɛ hio ma wi kuo ma wan-zɛlɛ mɛla nɛ lang, tɛnɛ ha wɛnɛ. Ka Jésus zɔka nde, mbwa mɛkara Sɔ nɛkpasa, a tɔa ha wan-zɛlɛ: «Dan mi, ba da! Mi biso *sɛmbɔ pɛ mɛ kari.»

Matthieu 9:2 Iomraidhean Croise

Matthieu 14:27

Nɛhasa, a wolamɔ ha mbwa nɛ tɔa: «Ɛnɛ ba da. Yo nê mi Jésus. Ɛnɛ yu ke na!»

Matthieu 4:24

Nɛ kasi tɛ wa yambala hɔ ha kandɔnu Siri fɛt. Mɛgi ɛ kaya hio wi ndɔng fɛt ka dung nɛ tili zɛlɛ nɛtɛ-nɛtɛ tɛnɛ ha pɛa, nɛ fin hio bala ha kɔ gdanga sɔtɛ, hio wan-zɛlɛ bedole, nɛ hio wan-zɛlɛ mɛla. Nɛ Jésus kpasasa mbwa fɛt.

Matthieu 6:12

Ha ɔ *tiso hazu gdangamɔ pɛ ɔ, tuka ɔ haa tiso ha wi ndɔng, ka de gdangamɔ ha tɛ ɔ.

Matthieu 8:10

Jésus yaksa ka wɛnɛ zea wen ndɔng. Nɛ a tɔa ha giliwi ka ndara wɛnɛ: «Kpasawen, mi tɔ ha ɛnɛ nde, mi tɛ kpa ka ma wi ndang ka mɛkiri Sɔ nɛkpasa tuka ɛngɛ na, ngase ha soko hio wi mɔ *Israel yo bona.

Matthieu 8:16

Ka mbolo dea, ɛ kaya dɔka wi ka dung bala ha kɔ gdanga sɔtɛ, tɛnɛ ha Jésus. A yinɔ gdanga sɔtɛ ndɔng nɛ wal wen nu wa, nɛ a kpasasa fin hio wan-zɛlɛ fɛt.

Matthieu 9:22

Nɛ Jésus kiforo tɛ zɔk wɛnɛ, nɛ tɔa: «Nana mi, ba da! Mɛ kpasa hazu mɛ mɛkara mi.» Ha ndangtɛ ngimɔ, zɛlɛ pɛa kara.

Matthieu 9:5

Ka mi tɔ nde, ‹Mi biso sɛmbɔ pɛ mɛ kari›, mana ka mi tɔ nde, ‹Gutɛ, mɛ nɛ nɔ›, yo nê nge ka dung nɛ hasa mɛ tɔ, ge nde?

Matthieu 9:6

Ɛnɛ being long nde, mi, *Bewei pɛ Wi, mi nɛ ziomɔ mɛ bisi sɛmbɔ pɛ hio wi ha zu nu.» Mɛgi Jésus tɔa ha wan-zɛlɛ mɛla: «Gutɛ, ba lang pɛ mɛ, nɛ mɛ si ha twa pɛ mɛ!»

Marc 1:32

Ka mbolo dea, nɛ ka swe lea, hio wi angara kaya hio wan-zɛlɛ nɛ hio wi ka dung bala ha kɔ gdanga sɔtɛ fɛt, nɛnɛ ha pɛ Jésus.

Marc 10:49

Jésus yola nɛ tɔa: «Ɛnɛ sa wɛnɛ tɛnɛ!» Mbwa saa wan-gdɔka li ɛngɛ. Mbwa tɔa ha wɛnɛ: «Mɛ ba da, gutɛ! Wɛnɛ ha saa mɛ.»

Marc 5:34

Nɛ Jésus tɔa ha wɛnɛ: «Nana mi, mɛ kpasa hazu mɛ mɛkara mi. Mɛ si nɛdedea. Zɛlɛ pɛ mɛ kara kari.»

Marc 6:50

Mbwa fɛt zɔka wɛnɛ nɛ ke dea mbwa nɛdɔka. Nɛhasa a wolamɔ ha mbwa, nɛ tɔa: «Ɛnɛ ba da. Yo nê mi Jésus. Ɛnɛ yu ke na.»

Jean 16:33

Mi tɔa wen ndɔng ha ɛnɛ bingiri tuka nde, ɛnɛ fɛt ka dol tɛ hinɛ mi, ɛnɛ adung nɛ gaamɔ. Ɛnɛ bekpa yeksamɔ ha kɔ wi mɔ nzan. Ma, ɛnɛ ba da hazu mi gana zu nzan kari!»

Jean 2:25

Ma wi ndang lɛm tɔ goto deamɔ pɛ wi ha Jésus na, hazu wɛnɛ nɛ tɛ wa ingɔ mɔ ka dung ha zang sila wi fɛt.

Jean 21:5

Jésus ana mbwa: «Hio dan mi, ɛnɛ tɛ gbɛ ka ma kɔyɔ na nde?» Nɛ mbwa kiforo wen ha wɛnɛ: «Way! Ɔ tɛ gbɛ ka ma kɔyɔ ndang na.»

Deamɔ 14:9

Ma swe, wei ɛngɛ dungɔ ha zea Paul ha bulo wen. Paul mbara wɛnɛ gdoo, nɛ zɔka nde, wɛnɛ nɛ mɛkaramɔ mɛ kpasi ha zɛlɛ pɛa.

Deamɔ 19:12

Ɛ dungɔ ha kuo hio la gok zu nɛ hio ma bebe la, ka ndɔa tɛ Paul, gde ha zu wan-zɛlɛ. Mɛgi, hio zɛlɛ kara nɛ hio gdanga sɔtɛ fɛt gboa ha tɛ mbwa.

Deamɔ 23:11

Ha zɛ mɔ pata, *Kongawan gbasa tɛ ha Paul nɛ tɔa: «Mɛ ba da! Gbesi tuka ka mɛ kɛa nɛ wen pɔm hakɛ ha Jérusalem, dea ka de nde, mɛ akɛ fin wen pɔm ha Rome gbesi.»

Rome 5:11

Yo bo sɔna nê ɛngi na. Ma, ɔ ha dea totɛ hazu ɔ ha dea sɔy hinɛ Sɔ nɛ wal Kongawan pɛ ɔ, Jésus-Christ, ka bhɔngara wen ha soko ɔ hinɛ Sɔ.

Jacques 2:18

Ka ma wi tɔ: «Hio ma wi mɛkara Sɔ, nɛ hio ma de pɛ mbwa nɛ dedemɔ.» Mɛgi, mi bekifiri wen: «Ka mɛ de dedemɔ na, mɛ beosi ha mi nde, mɛ mɛkara Sɔ, mɛng? Mi beosi ha mɛ nde, mi mɛkara Sɔ, nɛ wal dede deamɔ pɔm.»