Matthieu 9:13 - Takarata pɛ Sɔ Mbombe Mbon

¹³ Ɛnɛ nɛ, nɛ ki goto wen ka Sɔ tɔa ha takarata pɛa nde, ‹Mi ngoya nde, ɛnɛ ade kobhe tɛ wi, bo nê sadaka na.› Mi tɛa ha nzan ɛngɛ, bo hazu sa hio *nzeng wi na, ma, hazu sa hio wan-de gdangamɔ.»

Matthieu 9:13 Iomraidhean Croise

Matthieu 12:3

Jésus kiforo wen ha mbwa: «Ɛnɛ tɛ tɔl mɔ ka David nɛ hio wi pɛa bade ha ngimɔ ka mbwa dungɔ nɛ wɔ, na nde?

Matthieu 12:5

Hio wan-hasadaka ha dea tom ha zang *gasa twa Sɔ ha swe ɔmtɛ fin. Ngase ɛngi kita lɛm ba mbwa na. Bo nê ɛnɛ tɔla mɛgi ha zang mbonga pɛ Moïse, na nde?

Matthieu 12:7

Sɔ tɔa ha takarata pɛa: ‹Mi ngoya nde, ɛnɛ ade kobhe tɛ wi, bo nê sadaka na.› Ka bo se nde, ɛnɛ aing gotoa, ki ɛnɛ tɛ gɔn kita sungiri nɛ hio wan-ngabhala nu na.

Matthieu 19:4

Nɛ wɛnɛ kiforo wen ha mbwa: «Ɛnɛ tɛ tɔl takarata pɛ Sɔ, na nde? Ɛ ngɛraka nde, ha kudom mɔ, Sɔ dea tili wi bwa, wei nɛ bhoko.

Matthieu 21:42

Nɛ Jésus tɔa ha mbwa: «Ɛnɛ tɛ tɔl wen ɛngɛ ha takarata pɛ Sɔ na nde? ‹Ta ka hio wan-bɛ twa mulo pi, yo tɛ bo nê ta tɔn ngbili twa. Yo nê *Kongawan Sɔ ha de mɔ ndɔng mɛgi. Yo nê gasa *lɛkɛ-lɛkɛmɔ ha li ɔ!›

Matthieu 3:2

nɛ tɔa: «Ɛnɛ akifiri sila ɛnɛ, hazu *Kongakandɔ Ngɔn tɛ bo sanga nɛ ɛnɛ.»

Matthieu 3:8

Ɛnɛ de dede mɔ ka osi nde, ɛnɛ kiforo sila ɛnɛ!

Matthieu 4:17

Angiri ha ngimɔ ɛngi, Jésus bulo wen mɛgɛ: «Ɛnɛ akifiri sila ɛnɛ, hazu *Kongakandɔ Ngɔn tɛ bo sanga nɛ ɛnɛ!»

Marc 12:26

Nɛ ha wen guotɛ pɛ hio fiowi, ɛnɛ tɛ tɔl wen, ka Moïse bangɛriki ha zu te tɛn ka dungɔ nɛ lembe we, na nde? Ha ngimɔ ɛngi Sɔ bagbasi tɛ ha wɛnɛ, a batɔ: ‹Mi nê Sɔ pɛ Abraham, Sɔ pɛ Isaac nɛ Sɔ pɛ Jacob.›

Marc 12:33

Ka ɔ ngoy Sɔ nɛ sila ɔ fɛt, nɛ takaramɔ pɛ ɔ fɛt, nɛ ngatɛ pɛ ɔ fɛt, nɛ ka ɔ ngoy hio ma ɔ tuka tɛ ɔ, ɛngi nɛdedea pen dɔa sari ha Sɔ, nɛ pen hio mbinga sadaka.»

Marc 2:17

Jésus zea mbwa, nɛ wɛnɛ tɔa ha mbwa: «Bo nê wi ndɔng, ka dung nɛ dede tɛ, ka nɛ ha pɛ wan-yina na. Ma, yo nê ɛ ndɔng, ka dung nɛ zɛlɛ, ka nɛ ha pɛa. Mi tɛa ha nzan ɛngɛ, bo hazu sa hio *nzeng wi na, ma, hazu sa hio wan-de gdangamɔ.»

Dede Wen hazu Jésus-Christ ka Luc ngɛraka 10:26

Jésus kiforo wen ha wɛnɛ: «Mbonga pɛ Moïse tɔ nde ge? Mɛ tɔl nɛ nge wen ge?»

Dede Wen hazu Jésus-Christ ka Luc ngɛraka 19:10

Kpasawen, mi *Bewei pɛ Wi, tɛa hazu ki nɛ kpasisi ɛ ndɔng ka yɔa.»

Dede Wen hazu Jésus-Christ ka Luc ngɛraka 24:47

Angiri ha Jérusalem ɛ betɔ ha hio kandɔ fɛt nde, Mesi lɛmsara mɔ fɛt mɛ kpasisi mbwa. Hazu ɛngi, ka mbwa kiforo sila mbwa, Sɔ bebisi *sɛmbɔ pɛ mbwa.

Dede Wen hazu Jésus-Christ ka Luc ngɛraka 5:31

Jésus tɔa ha mbwa: «Yo bo nê wi ndɔng, ka dung nɛ dede tɛ, ka nɛ ha pɛ wan-yina na. Ma, yo sɔna nê wi ka dung nɛ zɛlɛ.

Dede Wen hazu Jésus-Christ ka Luc ngɛraka 5:32

Mi tɛ tɛ hazu sa hio *nzeng wi na, ma, mi tɛa hazu sa hio wan-de gdangamɔ tuka nde, mbwa akifiri sila.»

Jean 10:34

Jésus kiforo wen: «Bo nê Sɔ tɔa ha zang *mbonga pɛ ɛnɛ nde, ɛnɛ nê hio sɔ, na nde?

Deamɔ 11:18

Ka mbwa zea wen pɛ Pierre, mbwa tɛ si kafɛ fin na, nɛ mbwa lukoso Sɔ. Mbwa tɔa: «Kpasawen, Sɔ haa wal ha hio wi, ka bo nê zuife na, mɛ kifiri sila mbwa nde, mbwa fin akpa kpasa tunɔ.»

Deamɔ 2:38

Nɛ Pierre kiforo wen ha mbwa: «Ɛnɛ kifiri sila ɛnɛ, nɛ ɛnɛ ndang ndang fɛt, ɛnɛ tɛ, ka ɔ agdumsi ɛnɛ ha li nɛ ling Jésus-Christ. Mɛgi, Sɔ bebisi *sɛmbɔ pɛ ɛnɛ, nɛ a beha ɛnɛ Nzɔy-Sɔtɛ.

Deamɔ 20:21

Mi saa hio zuife nɛ hio wi mɔ olo kandɔ fɛt nde, mbwa akifiri sila ha Sɔ nɛ mɛkiri Jésus, Kongawan pɛ ɔ.

Deamɔ 3:19

Hazu yo mɛgi, ɛnɛ kifiri sila ɛnɛ, nɛ kpali deamɔ pɛ ɛnɛ tuka nde, Sɔ abisi *sɛmbɔ pɛ ɛnɛ.

Deamɔ 5:31

A guo wɛnɛ ha wekɔ wa nɛ gdea wɛnɛ tuka *kongapora nɛ *wan-kpasisi wi. Sɔ dea mɛgi hazu ha wal ha hio wi mɔ Israel mɛ kifiri sila mbwa tuka nde, wɛnɛ abisi *sɛmbɔ pɛ mbwa.

2 Pierre 3:9

Hio ma wi ha takara nde, mɔ ka Kongawan gɔna nu mɛ de, a lɛmsiri yo nɛhasa na. Yo bo mɛgi na, ma, wɛnɛ nɛ yikosila hazu ɛnɛ. A ngoy nde, ma wi ndang abhondi na, ma, a ngoya nde, hio wi fɛt akpa ngimɔ mɛ kifiri sila mbwa.