Matthieu 8:27 - Takarata pɛ Sɔ Mbombe Mbon

²⁷ Ma, hio wi fɛt yaksa nɛ mbwa tɔa ha may: «Ɛngɛ nê nge tili wi, ka bok nɛ li ha zea nu wa ge nde?»

Matthieu 8:27 Iomraidhean Croise

Matthieu 14:33

Mɛgi hio wan-yambimɔ ha zang sɔngu hilo ha si Jésus, nɛ mbwa tɔa: «Kpasawen, mɛ nê *Bewei pɛ Sɔ!»

Matthieu 15:31

Hio wi yaksa ka mbwa zɔka nde, hio wan-gdɔka nu ha wolamɔ, kumɔ wi kpasa, wan-zɛlɛ mɛla ha nɛa nɔ, nɛ wan-gdɔka li ha zɔka mɔ. Nɛ mbwa lukoso Sɔ pɛ *Israel.

Matthieu 8:10

Jésus yaksa ka wɛnɛ zea wen ndɔng. Nɛ a tɔa ha giliwi ka ndara wɛnɛ: «Kpasawen, mi tɔ ha ɛnɛ nde, mi tɛ kpa ka ma wi ndang ka mɛkiri Sɔ nɛkpasa tuka ɛngɛ na, ngase ha soko hio wi mɔ *Israel yo bona.

Matthieu 8:26

Nɛ wɛnɛ ana mbwa: «Ɛnɛ yu ke hazu ge? Ɛnɛ mɛkiri Sɔ tikiring sɔna!» Mɛgi a guotɛ, nɛ a gaya gbabok nɛ li tɔ. Nɛ mɔ gaa selele.

Matthieu 8:28

Ka Jésus hɔa ha kuli tɔ, ha kandɔnu mɔ le Gadara, hio wei bwa ka dung nê bala ha kɔ gdanga sɔtɛ, nɛa ha sɔngsi wa. Mbwa gboa ha zang ngu ka ɛ gde hio wɔlwi ang. Mbwa dungɔ ha dea da nɛngaya nde, wi ndang apen ha liwal haki na.

Marc 1:27

Wi fɛt yaksa nɛkpasa nɛ mbwa angara ana may: «Ɛngɛ nê nge tili mɔ ge? Wi ɛngɛ ha osa mbombe mɔ ha ɔ nɛ ziomɔ. Wɛnɛ ha nu ha hio gdanga sɔtɛ nɛ mbwa ze nu wa.»

Marc 6:51

Hapata, a lea sɔngu hinɛ mbwa nɛ bok kara. Nɛ hio wan-yambimɔ yaksa pentɛ,

Marc 7:37

Hio wi fɛt yaksa pentɛ nɛ mbwa tɔa: «Wɛnɛ de mɔ fɛt nɛdedea. A de tuka nde hio wan-gdɔka zala aze mɔ, nɛ hio wan-gdɔka nu awol mɔ.»