Matthieu 7:24 - Takarata pɛ Sɔ Mbombe Mbon

²⁴ «Mɛgi, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo, mbwa gbesi tuka zɔma wi ka bɛa twa pɛa ha zu gogo.

Matthieu 7:24 Iomraidhean Croise

Matthieu 12:50

Hazu wi ka de mɔ ka Bafa mi ha zang ngɔn ngoya, wɛnɛ nê ya mi mɔ bewei, mɔ bebhoko, nɛ nana mi.»

Matthieu 16:18

Nɛ mi tɔ ha mɛ nde, mɛ nê Pierre, ka tɔ nde, ta. Mi bewesiri zugili wi pɔm ka ɛ sa nde *eglize, gde ha zu ta ɛngɛ. Nɛ ngase ngatɛ pɛ fio lɛm gan zu mbwa na.

Matthieu 24:45

«Nge wan-tom ka dung nɛ mboazu nɛ ingɔmɔ ge nde? Yo nê wi kɛ ka wan pɛa begde wɛnɛ ha zu hio olo wan-tom pɛa, nɛ beha wɛnɛ tom mɛ kapini yɔngamɔ ha mbwa ha dede ngimɔ.

Matthieu 25:2

Mɔrkɔ ha soko mbwa nɛ yera, mɔrkɔ nɛ zɔma.

Matthieu 25:4

Ma, hio zɔmaa kuo fin ma li lamba gde hapɛtɛa nɛnɛ.

Matthieu 25:9

Hio zɔmaa kiforo wen: ‹Way, yo lɛm hazu ɔ hinɛ ɛnɛ na. Ɛnɛ nɛ ha pɛ hio wan-gdongi mɔ, nɛ hɛ pɛ ɛnɛ.›

Matthieu 7:25

Ngase ka kolo ɔla, gbongbong kolo hɔa, nɛ bok gdufo sungiri nɛ twa ɛngɛ, yo tɛ tukili na, hazu nangaa nɛ nɔa ha zu gogo.

Matthieu 7:26

Ma, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo na, mbwa gbesi tuka yera wi ka bɛa twa pɛa ha zu lembe.

Dede Wen hazu Jésus-Christ ka Luc ngɛraka 11:28

Ma, Jésus kiforo wen: «Bo sɔna nê ɛngi na. Totɛ pen fɛt ha wi ndɔng, ka ze wen pɛ Sɔ, nɛ ka de mɔ lɛm nɛ wena!»

Jean 13:17

Sising ɛnɛ ingɔ mɔ ndɔng kari. Ka ɛnɛ de mɛgi, ki ɛnɛ bedung nɛ totɛ.

Jean 14:15

«Ka ɛnɛ ngoya mi, ɛnɛ pam hio *mbonga pɔm.

Jean 15:10

Mi pama hio haanu pɛ Bafa mi, nɛ mi bhɔna ka ha zang ngoy ka wɛnɛ ngoya nɛ mi. Yo gbesi nê ɛnɛ, ka ɛnɛ pam hio haanu pɔm, ɛnɛ bebhɔn ha zang ngoy ka mi ngoya nɛ ɛnɛ.

Jean 15:14

Ka ɛnɛ de mɔ ka mi haa nua ha ɛnɛ, ki ɛnɛ nê hio dan mi.

Rome 2:13

Wi ka ze mbonga nɛ zala sɔna, Sɔ lɛm gde wia nzeng ha li wa na. Ma, yo nê wi ndɔng ka de mɔ lɛm nɛ wen mbonga, ka Sɔ begde mbwa nzeng ha li wa.

1 Jean 2:3

Ka ɔ ha pama hio *mbonga pɛ Sɔ, ɛngɛ osi ha ɔ nde, ɔ ingɔ Sɔ nɛkpasa.