Matthieu 7:15 - Takarata pɛ Sɔ Mbombe Mbon

¹⁵ «Pangay nɛ hio wan-tɔkuliwen dalo. Hazu mbwa yol nɛ kotu sami tɛnɛ ha pɛ ɛnɛ. Ma, ha zanga, mbwa nê hio ngɔnzu.

Matthieu 7:15 Iomraidhean Croise

Matthieu 10:17

Ɛnɛ pangay, hazu hio wi beku bin ɛnɛ nɛnɛ ha li kita. Nɛ ɛ bezuri ɛnɛ nɛ zambala ha zang hio *twa gɔ Sɔ.

Matthieu 16:11

Mi tɛ tɔ wen hazu mampa na. Hazu ge, ɛnɛ tɛ ing yo na? Ma, ɛnɛ pangay nɛ yina hasisi mampa pɛ hio Farizien nɛ pɛ hio Sadusien!»

Matthieu 16:6

Nɛ Jésus tɔa ha mbwa: «Ɛnɛ pangay nɛ yina hasisi mampa pɛ hio Farizien nɛ pɛ hio *Sadusien.»

Matthieu 24:11

Dɔka *wan-tɔkuliwen dalo behɔ nɛ mbwa beosili dɔka wi.

Matthieu 7:14

Ma, yo nê bho-ngo-ngo nutwa nɛ bhɛtɛ-bhɛtɛ wal, ka nɛ ha tunɔ. Nɛ wi ndɔng ka kpa wal ɛngɛ dɔk na.»

Dede Wen hazu Jésus-Christ ka Luc ngɛraka 12:15

Nɛ Jésus tɔa ha hio wi fɛt: «Ɛnɛ pangay nɛ dea hɛl dɔka kpaamɔ, hazu goto tunɔ pɛ wi bo nɛ kpaamɔ na, ngase ka kpaamɔ pɛa yɛbha.»

Dede Wen hazu Jésus-Christ ka Luc ngɛraka 6:26

Ngɔtɛ ha ɛnɛ ka hio wi fɛt ha tɔa dede kasi tɛ ɛnɛ, hazu hio ngbabafa mbwa dea gbesi ha tɛ hio wan-tɔkuliwen dalo.»

Jean 10:12

Ka ma wan-de tom mbɔli zɔka ngɔnzu ha tɛa, a beyumɔ pen lak hio sami gde. Hazu wɛnɛ bo nê zaoro sami na, nɛ hio sami bo nê pɛa na. Mɛgi ngɔnzu begbɛ hio ma, nɛ hio oloa bepanziki ndang ndang.

Deamɔ 13:40

Mɛgi, ɛnɛ pangay nde, mɔ ka hio wan-tɔkuliwen batɔ, atek ha zu ɛnɛ na. Mbwa batɔ:

Deamɔ 13:6

Hapata mbwa gɔna zang kisi ɛngɛ fɛt kanɛ mbwa hɔa ha le Pafos. Haki, mbwa kpaa ma zuife, ling wa nde Bar-Jésus. Wɛnɛ nê wan-nganga nɛ *wan-tɔkuliwen dalo.

Galasi 2:4

Ma, hio ma ya ha Christ, ka dung nê wan-dambari, lea ha soko ɔ nɛ wuso. Ka mbwa zɔka nde, Jésus-Christ gbosasa ɔ ha si *mbonga pɛ Moïse gde sɛɛ, mbwa ngoya mɛ gde ɔ ha si mbonga fin nɛ mbinga tuka hio bala.

Efeze 4:14

Ha ngimɔ ɛngi ɔ lɛm dung fin tuka hio bhobem na. Hio wan-osimɔ nɛ likisi ka ngoy osili ɔ nde, ɔ alak dede wal gde, mbwa lɛm fesi ɔ tuka gbabok mana il ɔ tuka tongbasali fin na.

Efeze 5:6

Hio ma wi ha tɔa hio tum wen nde, ɛnɛ ade hio gdangamɔ ndɔng ki. Ka mbwa aosili ɛnɛ na! Yo nê hazu tili gdangamɔ ndɔng ka Sɔ de ngambi sungiri nɛ wi ndɔng ka ze nu wa na.

Filipe 3:2

Ɛnɛ pangay nɛ hio gdanga wan-tom ndɔng, ka dung tuka hio tolo. Mbwa ha nɔsasa hio wi mɛ gɔn sɔru.

Kolose 2:8

Ɛnɛ pangay yu nde, hio wi betɛ osili ɛnɛ nɛ gombo mbaramɔ pɛ mbwa hazu ba ɛnɛ nɛ bala. Mbaramɔ ɛngɛ tɛ nɛ wal hio ngbabafa mbwa mana nɛ wal hio sɔtɛ mɔ nzan. Yo tɛ nɛ wal Christ na.

2 Timothée 3:13

Ma, hio gdanga wi nɛ hio wan-osili wi, mbwa bebhɔn ha dea gdangamɔ nɛnɛ pen mɔ sɔngsi. Mbwa beosili hio wi, nɛ hio wi beosili mbwa fin.

2 Timothée 4:3

Hazu ma ngimɔ behɔ ka hio wi ngoy ze fin kpasa osamɔ na. Mbwa bede sɔna nɛ mɔ ka sila mbwa ngoya, nɛ mbwa bewesiri hio dɔka wan-osimɔ, ka beosi mɔ ka dung nɛ yefaa ha zala mbwa.

2 Pierre 3:17

Ka bo nê pɛ ɛnɛ, hio ndɔngsila mi, mi gbaa tazu ɛnɛ kari. Mɛgi, ɛnɛ pangay yu nde, hio *kalbho-kalbho wi betɛ sɛbhili ɛnɛ mɛ ndari mbwa ha gdanga wal pɛ mbwa, nɛ ɛnɛ betɛ lak gde mɛ zati ha wal mɔ Sɔ.

1 Jean 4:1

Hio ndɔngsila mi, hio wi ndɔng ka tɔ nde, *Nzɔy-Sɔtɛ ha tɛ mbwa, ka ɛnɛ amɛkiri mbwa fɛt na. Ma, ɛnɛ awe sɔtɛ ka dung ha tɛ mbwa hazu ing mana yo tɛ nɛ pɛ Sɔ. Hazu hio *wan-tɔkuliwen dalo dona nzan kari.

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.

Gbasamɔ 16:13

Nɛ mi zɔka hio ma gdanga sɔtɛ tar tuka hio na-gdangdole ha gboa ha nu ndibha, ha nu ngɔnzu, nɛ ha nu wan-tɔkuliwen dalo.

Gbasamɔ 17:6

Nɛ mi zɔka nde, bhoko ɛngɛ fea dɔkɔ nɛ wal nɔa tɔktɛ hio wi pɛ Sɔ nɛ tɔktɛ hio wan-kɛwen tɛ Jésus. Nɛ ka mi gɛra wɛnɛ, mi yaksa pentɛ.

Gbasamɔ 19:20

Ma, ɛ baa ngɔnzu hinɛ *wan-tɔkuliwen dalo, ka bade hio *mɔweka ha li ngɔnzu. Nɛ wal hio mɔweka ndɔng, wɛnɛ dungɔ ha osala hio wi ndɔng ka dung nɛ dafu ling ngɔnzu ha tɛ mbwa, nɛ ka lukisi zizi tɛ wa. Nɛ ɛ pio ngɔnzu hinɛ wan-tɔkuliwen dalo nɛ zutunɔ ha zang tɔ we, ka ba we nɛ piti.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.