Matthieu 6:6 - Takarata pɛ Sɔ Mbombe Mbon

⁶ Ma, pɛ mɛ, ka mɛ ngoy gɔ Sɔ, mɛ le ha zang gdɔku nɛ mɛ gdɔki nua. Mɛgi, mɛ gɔ Bafa mɛ haki ha bhandi wuso. Nɛ Bafa mɛ ka zɔk mɔ ka dung ha wuso fɛt, bekɛ mɛ.

Matthieu 6:6 Iomraidhean Croise

Matthieu 14:23

Ka wɛnɛ gdea mbwa si fɛt kari, a danga nɛ ha zu ma ngari ha gɔa Sɔ. Ka mbolo dea, a dungɔ haki gbatɛ.

Matthieu 6:18

Mɛgi hio wi ing nde, mɛ ha zimɔ yɔngamɔ, na, kanɛ Bafa mɛ ka ing mɔ wuso. Nɛ Bafa mɛ ka zɔk mɔ ka dung ha wuso fɛt, bekɛ mɛ.»

Matthieu 6:4

tuka nde ngay pɛ mɛ adung nɛ wuso. Mɛgi Bafa mɛ, ka zɔk mɔ ka dung ha wuso, bekɛ mɛ.»

Jean 1:48

Natanael ana wɛnɛ: «Mɛ ingɔ mi ha ndo?» Jésus kiforo wen ha wɛnɛ: «Mi zɔka mɛ ha si te fige sɔngsi ing ki Philippe tɛ sa nɛ mɛ.»

Jean 20:17

Jésus tɔa ha wɛnɛ: «Mɛ daksi kɔ ha tɛ mi, hazu mi tɛ dang ka nɛ ha pɛ Bafa mi na. Ma, mɛ nɛ, nɛ tɔ ha hio ya mi nde, mi ha danga nɛ ha pɛ Bafa mi, ka dung fin nê Bafa mbwa. Wɛnɛ nê Sɔ pɔm nɛ Sɔ pɛ mbwa.»

Deamɔ 10:30

Korneille kɔa nɛ tɔa: «Yo tɛ bo nê yala nar mɛsɛ, ha ngonga tar mɔ wal mbolo tuka mɔ sising. Mi dungɔ hakɛ ha gɔa Sɔ ha twa pɔm, ka ma wi nɛ lɛkɛ-lɛkɛ latɛ tɛa tɛ yol ha li mi.

Deamɔ 10:9

Nɛ mɔsaa, mbwa boka ha liwal sanga nɛ le Zope. Swe hɔa ha sila zu nɛ Pierre danga zu tɛlɛfɛn twa hazu gɔ Sɔ.

Deamɔ 9:40

Mɛgi, Pierre haa nu nde, wi fɛt agbo. A ngbio zigolo ha nu nɛ gɔa Sɔ. Hapata, a kiforo tɛ zɔk wɔl nɛ tɔa: «Tabita, mɛ gutɛ!» Nɛ wɛnɛ bhaa li. Ka wɛnɛ zɔka Pierre, a guotɛ dung nu.

Rome 8:5

Hio wi ka de mɔ nɛ tɛ mbwa, mbwa ha takara swe fɛt hazu mɔ ka tɛ ɛngɛ ngoy. Ma, hio wi ndɔng ka de mɔ nɛ Nzɔy-Sɔtɛ, mbwa ha takara hazu mɔ ka Nzɔy-Sɔtɛ ngoy.

Efeze 3:14

Hazu ɛngi, mi ha ngbio zigolo ha nu ha li Sɔ, Bafa ɔ, nɛ mi gɔ wɛnɛ ha zu ɛnɛ.