Matthieu 6:5 - Takarata pɛ Sɔ Mbombe Mbon

⁵ «Ka ɛnɛ gɔ Sɔ, ka ɛnɛ adung tuka hio wan-dambari na. Hazu ka mbwa gɔ Sɔ ha *twa gɔ Sɔ nɛ ha sabhaka wal, mbwa yol ha ngɔn tuka nde, hio wi azɔk mbwa. Kpasawen, mi tɔ ha ɛnɛ nde, mbwa kpaa mɔ-kɛ mbwa kari.

Matthieu 6:5 Iomraidhean Croise

Matthieu 21:22

Ka ɛnɛ gɔ Sɔ nɛ mɛkaramɔ, ɛnɛ bekpa mɔ fɛt ka ɛnɛ gɔ ha kɔ wa.»

Matthieu 23:13

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Hazu ɛnɛ gdɔka wal ka le ha *Kongakandɔ Ngɔn ha hio wi. Ɛnɛ nɛ pɛ ɛnɛ tɛ le haki na, nɛ ɛnɛ ha dola hio wi ka ngoy le haki. [

Matthieu 23:5

Nɛ mbwa de mɔ fɛt nɛ peali tuka nde, hio wi fɛt azɔk nɛ mbwa. Ha ngimɔ gɔa Sɔ mbwa hɛl bebe gogong, ka ɛ gdea ma ngɛraka wen pɛ Sɔ ha zanga, ha bhaka nɛ ha zuli mbwa, gbesi tuka olo wi fɛt. Ma, gogong pɛ mbwa nɛ gasa pen pɛ hio oloa. Nɛ gbesi, hio ngbunzɛ-ngbunzɛ mɔ nu la pɛ mbwa nɛ bɔyaa pen pɛ hio oloa.

Matthieu 23:6

Mbwa ngoy fin kpaa hio bosi kiti ha hio bhandi fada nɛ ha hio *twa gɔ Sɔ.

Matthieu 6:1

«Pangay, ka ɛnɛ ade nzengmɔ hazu peali na, yu nde, Bafa ɛnɛ ka dung ha zang ngɔn betɛ kafi kɛa ɛnɛ.

Matthieu 6:16

«Ka ɛnɛ zim yɔngamɔ hazu gɔ Sɔ, ɛnɛ dung tuka wan-ngɔtɛ na. Hazu yo nê hio wan-dambari ka de mɔ mɛgi. Mbwa kay sɔngsi mbwa hazu osi ha hio wi nde, mbwa ha zimɔ yɔngamɔ. Kpasawen, mi tɔ ha ɛnɛ nde, mbwa kpaa mɔ kɛ mbwa kari.

Matthieu 6:2

«Ka mɛ de ngay ha tɛ fabha wi, ka mɛ alukisi tɛ mɛ na. Hazu hio wan-dambari ha dea mɛgi ha *twa gɔ Sɔ nɛ ha liwal tuka nde, hio wi alukisi mbwa. Kpasawen, mi tɔ ha ɛnɛ nde, mbwa kpaa mɔ-kɛ mbwa kari.

Matthieu 9:38

Mɛgi ɛnɛ ani wan-fɔ, ka wɛnɛ atomsi hio wan-tom hazu wesiri kpalmɔ.»

Marc 11:25

Ka ɛnɛ ngoy mɛ gɔ Sɔ, nɛ ka ɛnɛ nɛ ma wen hinɛ ma wi, ɛnɛ abisi *sɛmbɔ ka wɛnɛ dea ha tɛ ɛnɛ. Mɛgi Bafa ɛnɛ ha zang ngɔn bebisi sɛmbɔ pɛ ɛnɛ. [

Marc 12:38

Jésus dungɔ ha osamɔ, wɛnɛ tɔa: «Ɛnɛ pangay nɛ hio wan-osi mbonga hazu mbwa ngoy yala nɛ dede bɔya la ha tɛ mbwa. Nɛ mbwa ngoy nde, hio wi afan mbwa ha liwal.

Dede Wen hazu Jésus-Christ ka Luc ngɛraka 11:43

«Ngɔtɛ ha ɛnɛ, hio Farizien! Hazu ɛnɛ ngoya dungɔ ha hio bosi kiti ha zang *twa gɔ Sɔ. Nɛ ɛnɛ ngoya nde, ɛ afan ɛnɛ tuka konga wi ha liwal.

Dede Wen hazu Jésus-Christ ka Luc ngɛraka 18:1

Jésus tɔa ma towen ha hio *wan-yambimɔ pɛa hazu mbo nɛ mbwa nde, mbwa agɔ Sɔ kpoo nɛ tɛ mbwa akati ha dea yo na.

Dede Wen hazu Jésus-Christ ka Luc ngɛraka 18:13

Ma, wan-ndɛm mbɔli garama yola pɛa ha gdong. A ngoy guo li wa ha ngɔn na. Ma, a mɛla mbanzi wa nɛ ngɔtɛ nɛ a tɔa: ‹Woo Sɔ! De kobhe tɛ mi wa. Mi nê *wan-de gdangamɔ.›»

Dede Wen hazu Jésus-Christ ka Luc ngɛraka 20:47

Mbwa yɔng likɔ pɛ hio nagula fɛt. Nɛ mbwa gɔ Sɔ ndɛliɛɛ nɛ peali tuka nde, hio wi azɔk mbwa tuka *nzeng wi. Hazu ɛngi, Sɔ begɔn kita ba mbwa nɛngaya pen hio olo wi.»

Dede Wen hazu Jésus-Christ ka Luc ngɛraka 6:24

Ma, ngɔtɛ ha ɛnɛ hio wan-kpamɔ, hazu ɛnɛ kpaa mɔ gasisi sila ɛnɛ kari.

Jean 16:24

Gbo ha swe mɛsɛ, ɛnɛ tɛ ani ka ma mɔ nɛ ling mi na. Ɛnɛ ani mɔ, nɛ ɛnɛ bekpa yo tuka nde, totɛ pɛ ɛnɛ alɛm wɛɛ.»

Efeze 6:18

Ɛnɛ gɔ Sɔ ngimɔ fɛt, nɛ ɛnɛ lokitɛ ha wɛnɛ nɛ wal ngatɛ pɛ Nzɔy-Sɔtɛ. Ɛnɛ ayang la, nɛ ɛnɛ bhɔn ka ha gɔa Sɔ nɛ yikosila hazu hio wi pɛa fɛt.

1 Tesalonike 5:17

Ɛnɛ abhɔn ha gɔa Sɔ kpoo.

Jacques 4:6

Ma, ngase ɛngi, Sɔ ha dea *dede sila ha tɛ ɔ nɛnɛ, gbesi tuka ɛ bangɛriki ha zang takarata pɛa: «Sɔ sungiri hio wan-sutɛ, ma, a de dede sila ha tɛ wi ka hil nɛ mɛndi.»