Matthieu 6:20 - Takarata pɛ Sɔ Mbombe Mbon

²⁰ Mɛgi, ɛnɛ wesiri kpaamɔ pɛ ɛnɛ gde ha zang ngɔn, haki dudu nɛ ngongele lɛm gdangsi mɔ na, nɛ wanzu lɛm gba nutwa nɛ zu mɔ na.

Matthieu 6:20 Iomraidhean Croise

Matthieu 19:21

Jésus tɔa ha wɛnɛ: «Ka mɛ ngoy lɛm wɛɛ, mɛ nɛ, nɛ gdongi mɔ pɛ mɛ fɛt, mɛ kapini mbɔlia fɛt ha hio fabha wi. Mɛgi mɛ bekpa kpaamɔ ha zang ngɔn. Hapata mɛ tɛ tɛ ndari mi!»

Matthieu 6:19

«Ka ɛnɛ awesiri kpaamɔ pɛ ɛnɛ hakɛ ha nzan na, hazu hakɛ dudu nɛ ngongele ha gdangsa mɔ, nɛ wanzu ha gbaa nutwa mɛ zu mɔ.

Marc 10:21

Mɛgi, Jésus gɛra wɛnɛ nɛ ngoy nɛ a tɔa ha wɛnɛ: «Mɔ ndang ang ka mɛ tɛ de na. Mɛ nɛ, nɛ gdongi mɔ fɛt ka dung ha kɔ mɛ, ha yo ha hio fabha wi nɛ mɛ bekpa kpaamɔ ha ngɔn. Hapata, mɛ tɛ, tɛ ndari mi.»

Dede Wen hazu Jésus-Christ ka Luc ngɛraka 12:33

Ɛnɛ gdongi kpaamɔ pɛ ɛnɛ, nɛ ha mbɔlia ha hio fabha wi! Ɛngɛ nê wal mɛ wesiri kpaamɔ pɛ ɛnɛ gde ha zang ngɔn. Nɛ ngobho mbɔli mɔ ngɔn lɛm gdɔy na. Hazu ha ngɔn, mɔ bedung nɛ dedea kpoo, wanzu lɛm zu yo na, nɛ nzɛmɛ lɛm gdangsi yo na.

Dede Wen hazu Jésus-Christ ka Luc ngɛraka 18:22

Ka Jésus zea wen ndɔng, a tɔa ha wɛnɛ: «Mɔ ndang ngbɔla ka mɛ tɛ de na. Mɛ gdongi hio mɔ pɛ mɛ fɛt, nɛ mɛ kapini mbɔlia ha hio fabha wi. Mɛgi mɛ bekpa dɔka kpaamɔ ha zang ngɔn. Nɛ mɛ tɛ tɛ ndari mi.»

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.

1 Timothée 6:19

Ka mbwa de mɛgi, mbwa bewesiri dede kpaamɔ hazu ngimɔ ka betɛ bin, tuka nde, mbwa akpa kpasa tunɔ tuka kɛamɔ.

Hebro 10:34

Ɛnɛ bade sɔy ha ngɔtɛ pɛ hio wan-zɔbhɔ. Nɛ ka ɛ bakay toy pɛ ɛnɛ pen nɛnɛ, ɛnɛ badung nɛ totɛ hapata, hazu ɛnɛ ingɔ nde, ɛnɛ nɛ ma kpaamɔ ka dung nɛdedea pentɛ, nɛ ka bebhɔn kpoo.

Hebro 11:26

A ingɔ ha zang sila wa nde, ka hio wi bhɛsiri wɛnɛ tuka mbwa bhɛsiri nɛ *Mesi, ɛngi nɛ dedea pen nde, wɛnɛ akpa hio dedemɔ mɔ kandɔnu Ezipte. Moïse dea mɛgi, hazu wɛnɛ gdea li wa ha kɛamɔ, ka Sɔ bekɛ bin nɛ wɛnɛ.

Jacques 2:5

Hio ya mi ka mi ngoya gdang, ɛnɛ ze nɛdedea: Sɔ weka hio fabha wi mɔ nzan nde, mbwa adung nê wan-kpamɔ nɛ wal mɛkara Jésus-Christ, nɛ nde, mbwa akpa Kongakandɔ pɛa, ka wɛnɛ bagɔn nua mɛ ha nɛ likɔ ha hio wi ka ngoy wɛnɛ.

1 Pierre 1:4

Sɔ beha ɔ tunɔ ɛngɛ tuka likɔ ka lɛm yek na, ka lɛm ba nzing na, nɛ ka lɛm mɛ yɔmbi na. Wɛnɛ ha pama yo ha zang ngɔn hazu ɛnɛ.

1 Pierre 5:4

Ka ɛnɛ de mɛgi, wan-zu hio zaoro sami bekɛ ɛnɛ ha ngimɔ ka wɛnɛ begbasi tɛ wa. Yo tɔ nde, a beha ɛnɛ lɛkɛ-lɛkɛmɔ pɛa ka bebhɔn kpoo.

Gbasamɔ 2:9

Mi ingɔ yeksamɔ nɛ fabha pɛ ɛnɛ. Ma, kpasawen, ɛnɛ nɛ kpaamɔ. Mi ingɔ gdanga lingtɛ ka hio ma wi tɔ ha tɛ ɛnɛ. Mbwa ba tɛ mbwa tuka hio kpasa *zuife, ma, mbwa bo nê zuife na, mbwa nê giliwi pɛ *Satan.