Matthieu 6:2 - Takarata pɛ Sɔ Mbombe Mbon

² «Ka mɛ de ngay ha tɛ fabha wi, ka mɛ alukisi tɛ mɛ na. Hazu hio wan-dambari ha dea mɛgi ha *twa gɔ Sɔ nɛ ha liwal tuka nde, hio wi alukisi mbwa. Kpasawen, mi tɔ ha ɛnɛ nde, mbwa kpaa mɔ-kɛ mbwa kari.

Matthieu 6:2 Iomraidhean Croise

Matthieu 15:7

Ɛnɛ hio wan-dambari, Esaïe batɔ kuliwen hazu ɛnɛ nɛ wala, ka wɛnɛ ngɛraka wen pɛ Sɔ:

Matthieu 16:3

Nɛ ka liswe nɛ gbɛa nɛ sutole sut, ɛnɛ tɔ nde, mɛsɛ kolo beɔl. Mɛgi ɛnɛ ingɔ gbaa soko mɔ ka dung ha liswe. Ma, ɛnɛ ing gbaa soko mɔ ka ngimɔ ɛngɛ ha gbasa na.

Matthieu 22:18

Jésus ingɔ likisi pɛ mbwa nɛ wɛnɛ tɔa: «Wan-dambari, ɛnɛ we sila mi hazu ge?

Matthieu 23:5

Nɛ mbwa de mɔ fɛt nɛ peali tuka nde, hio wi fɛt azɔk nɛ mbwa. Ha ngimɔ gɔa Sɔ mbwa hɛl bebe gogong, ka ɛ gdea ma ngɛraka wen pɛ Sɔ ha zanga, ha bhaka nɛ ha zuli mbwa, gbesi tuka olo wi fɛt. Ma, gogong pɛ mbwa nɛ gasa pen pɛ hio oloa. Nɛ gbesi, hio ngbunzɛ-ngbunzɛ mɔ nu la pɛ mbwa nɛ bɔyaa pen pɛ hio oloa.

Matthieu 23:6

Mbwa ngoy fin kpaa hio bosi kiti ha hio bhandi fada nɛ ha hio *twa gɔ Sɔ.

Matthieu 24:51

bendulsi wɛnɛ nɛ nyalɔ, nɛ bepi wɛnɛ ha bhandi pɛ hio wan-dambari. Haki a behe kwa nɛ a beyɔng nzata.»

Matthieu 5:18

Mɛgi mi tɔ kpasawen ha ɛnɛ nde, ngimɔ fɛt ka ngɔn nɛ nu bhɔna ka, ma mbuli ngɛrakamɔ ndang ha zang mbonga lɛm pen ndang na, kanɛ ngimɔ ka mɔ fɛt belɛmsiri tɛ.

Matthieu 6:16

«Ka ɛnɛ zim yɔngamɔ hazu gɔ Sɔ, ɛnɛ dung tuka wan-ngɔtɛ na. Hazu yo nê hio wan-dambari ka de mɔ mɛgi. Mbwa kay sɔngsi mbwa hazu osi ha hio wi nde, mbwa ha zimɔ yɔngamɔ. Kpasawen, mi tɔ ha ɛnɛ nde, mbwa kpaa mɔ kɛ mbwa kari.

Matthieu 6:3

Ma, ka mɛ dea ngay, dea nde, gare mɛ aing mɔ ka wekɔ mɛ dea na,

Matthieu 6:5

«Ka ɛnɛ gɔ Sɔ, ka ɛnɛ adung tuka hio wan-dambari na. Hazu ka mbwa gɔ Sɔ ha *twa gɔ Sɔ nɛ ha sabhaka wal, mbwa yol ha ngɔn tuka nde, hio wi azɔk mbwa. Kpasawen, mi tɔ ha ɛnɛ nde, mbwa kpaa mɔ-kɛ mbwa kari.

Matthieu 7:5

Wan-dambari, mɛ kusi gasa te ka dung ha li mɛ yunɛ sɔngsi. Nɛ ka mɛ zɔka mɔ buee, ki mɛ lɛma ku mbuli pala ka dung ha li ya mɛ yunɛ.

Marc 12:39

Mbwa ngoy fin kpaa hio bosi kiti ha hio *twa gɔ Sɔ nɛ ha hio bhandi fada.

Marc 7:6

Jésus kiforo wen ha mbwa: «Ɛnɛ hio wan-dambari, Esaïe tɔa kuliwen hazu ɛnɛ nɛ wala, ka wɛnɛ ngɛraka wen pɛ Sɔ: ‹Kandɔ ɛngɛ lukisi mi nɛ kpatanu sɔna. Ma, sila mbwa yɛa nɛ mi pepepe.

Dede Wen hazu Jésus-Christ ka Luc ngɛraka 11:41

Ɛnɛ ha mɔ ka dung ha zang tasi pɛ ɛnɛ ha hio fabha wi, mɛgi hio mɔ fɛt bedung nɛ saa ha ɛnɛ.

Dede Wen hazu Jésus-Christ ka Luc ngɛraka 11:43

«Ngɔtɛ ha ɛnɛ, hio Farizien! Hazu ɛnɛ ngoya dungɔ ha hio bosi kiti ha zang *twa gɔ Sɔ. Nɛ ɛnɛ ngoya nde, ɛ afan ɛnɛ tuka konga wi ha liwal.

Dede Wen hazu Jésus-Christ ka Luc ngɛraka 12:33

Ɛnɛ gdongi kpaamɔ pɛ ɛnɛ, nɛ ha mbɔlia ha hio fabha wi! Ɛngɛ nê wal mɛ wesiri kpaamɔ pɛ ɛnɛ gde ha zang ngɔn. Nɛ ngobho mbɔli mɔ ngɔn lɛm gdɔy na. Hazu ha ngɔn, mɔ bedung nɛ dedea kpoo, wanzu lɛm zu yo na, nɛ nzɛmɛ lɛm gdangsi yo na.

Dede Wen hazu Jésus-Christ ka Luc ngɛraka 12:56

Ɛnɛ hio wan-dambari! Ɛnɛ ingɔ mɔ ha liswe nɛ ha zu nu, ka osi nde kolo beɔl mana mɔ begbɛng. Ma, hazu ge ɛnɛ ing goto ngimɔ ɛngɛ na, ge nde?»

Dede Wen hazu Jésus-Christ ka Luc ngɛraka 13:15

Ma, *Kongawan tɔa ha wɛnɛ: «Ɛnɛ hio wan-dambari! Ɛnɛ ndang ndang fɛt bul pɛl nday nɛ toyfok pɛ ɛnɛ ha ngalɔ hazu ku mbwa nɛnɛ ha nɔa li ha swe ɔmtɛ, na nde?

Dede Wen hazu Jésus-Christ ka Luc ngɛraka 20:46

«Ɛnɛ pangay nɛ hio wan-osi mbonga hazu mbwa ngoy yala nɛ dede bɔya la ha tɛ mbwa. Nɛ mbwa ngoy nde, hio wi afan mbwa ha liwal. Mbwa ngoy fin kpaa hio bosi kiti ha hio *twa gɔ Sɔ nɛ ha hio bhandi fada.

Dede Wen hazu Jésus-Christ ka Luc ngɛraka 6:24

Ma, ngɔtɛ ha ɛnɛ hio wan-kpamɔ, hazu ɛnɛ kpaa mɔ gasisi sila ɛnɛ kari.

Dede Wen hazu Jésus-Christ ka Luc ngɛraka 6:42

Mɛ bede mɛng mɛ tɔ ha ya mɛ: ‹Ya mi, gde mi aku mbuli pala ha li mɛ yunɛ,› nɛ mɛ zɔk gasa te ka dung ha li mɛ na, ge nde? Wan-dambari, mɛ kusi gasa te ka dung ha li mɛ yunɛ sɔngsi. Nɛ ka mɛ zɔka mɔ buee, ki mɛ lɛma ku mbuli pala ka dung ha li ya mɛ yunɛ.»

Jean 13:29

Tuka Judas nê wan-pam mbɔli pɛ mbwa, hio ma takara pɛ mbwa nde, Jésus tɔa ha wɛnɛ mɛ hɛ ma mɔ, ka kɔpa mbwa hazu yenga, mana mɛ ha ma mbɔli ha hio fabha wi.

Jean 5:41

«Mi ki lukosomɔ pɛ hio wi na,

Jean 5:44

Ɛnɛ ngoya kpaa lukosomɔ pɛ may. Ma, ɛnɛ ki lukosomɔ ka tɛ nɛ ndanga Sɔ na. Ka mɔ dung mɛgi, ki ɛnɛ betɛ mɛkiri mi mɛng?

Jean 7:18

Wi ka wol mɔ nɛ pɛa tɛ, a ki nɛ wal nde, hio wi alukisi nɛ wɛnɛ. Ma, wi ka ki nɛ wal nde, ɛ alukisi wi ka tomsa wɛnɛ, wɛnɛ nê wan-tɔ tɛwen, nɛ wɛnɛ bo nê wan-likisi na.

Deamɔ 10:2

Wɛnɛ hinɛ hio wi mɛ twa pɛa fɛt dungɔ ha lukoso Sɔ nɛ mboazu. A dungɔ ha dea dedemɔ ha tɛ hio fabha wi *zuife nɛdɔka, nɛ a dungɔ ha gɔa Sɔ kpoo.

Deamɔ 10:31

Wia tɔa ha mi: ‹Korneille, Sɔ zea gɔamɔ pɛ mɛ. Tazu wa gbaa nɛ ngay ka mɛ de ha tɛ hio fabha wi.

Deamɔ 10:4

A gɛra telenge, ke baa wɛnɛ, nɛ a tɔa: «*Kongawan, yo nê ge ka mɛ tɛa ge?» Telenge tɔa ha wɛnɛ: «Tazu Sɔ tɛ bisi nɛ mɛ na. A zea gɔamɔ pɛ mɛ, nɛ a mɛkara dea ngay ka mɛ dea ha tɛ hio fabha wi.

Deamɔ 11:29

Mɛgi hio wan-yambimɔ kpoa zuwen nde, mbwa ndang ndang fɛt betomsi mɔ, ka lɛm nɛ mɔ ha kɔ mbwa, ha hio wi pɛ Christ ha kandɔnu Judée.

Deamɔ 24:17

«Hapata dɔka bɛlɛ ka mi dea ha hio gɔn-gɛnɛ le, mi kiforo sising pe ha Jérusalem hazu gbakiri hio wi mɔ kandɔ pɔm nɛ mbɔli ka ɛ gdea ha kɔ mi, nɛ hazu ha sadaka ha Sɔ.

Deamɔ 9:36

Ma *wan-yambimɔ bhoko dungɔ ang ha Zope, ling wa nde, Tabita. Ling ɛngɛ tɔ nɛ nu greke nde, Dorkas, gotoa nde, dɛngbɛ. Wɛnɛ dea dedemɔ swe fɛt nɛ a gbakara hio fabha wi.

Rome 12:8

Wi ka kpaa ngatɛ mɛ mbo nɛ hio wi, dea nde, wɛnɛ ambo mbwa. Wi ka kapini kpaamɔ pɛa, lɛma nde, wɛnɛ ade yo nɛ sila ndang. Wi ka dung ha zu wesara may, lɛma nde, wɛnɛ ade tom ɛngɛ nɛ sila wa fɛt. Wi ka de kobhe tɛ hio wan-ngɔtɛ, lɛma nde, wɛnɛ ade yo nɛ totɛ.

1 Korente 13:3

Ka mi kapini hio mɔ pɔm fɛt ha hio fabha wi, ka mi ha tɛ mi hazu kpa fio ha we, ma, ka mi ngoy hio wi na, mɔ ndɔng fɛt lɛm gbakiri mi ndang na.

Galasi 2:10

Nɛ mbwa ngoya ka sɔna nde, ɔ agbakiri hio fabha wi mɔ eglize ha Jérusalem. Nɛ mi gdea tɛ mi fɛt ha dea mɛgi.

Efeze 4:28

Hio wan-zu azu mɔ fin na. Ma, dea nde, mbwa ade dede tom nɛ kɔ mbwa hazu gbakiri fin nɛ wi ndɔng ka mɔ kɔpi mbwa.

1 Tesalonike 2:6

Ɔ tɛ ki lukosomɔ ngase ha kɔ ɛnɛ, ngase ha kɔ ma mbing wi na.

1 Timothée 6:18

Mɛ ha nu ha mbwa nde, mbwa ade dedemɔ, mbwa ade hio dɔka dede tom, mbwa ade ngay nɛ *dede sila, nɛ mbwa akapini kpaamɔ pɛ mbwa.

Philémon 1:7

Ya mi, mi zea nde, mɛ haa totɛ ha sila hio wi pɛ Sɔ nɛ wal ngoy pɛ mɛ. Ɛngi haa mi gasa totɛ nɛ yo yɔkala mi fin.

Hebro 13:16

Ka tazu ɛnɛ abisi nɛ dea dedemɔ nɛ dea ngay ha tɛ may na, hazu yo nê tili sadaka mɛgi ka ha totɛ ha Sɔ.

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.