Matthieu 6:19 - Takarata pɛ Sɔ Mbombe Mbon

¹⁹ «Ka ɛnɛ awesiri kpaamɔ pɛ ɛnɛ hakɛ ha nzan na, hazu hakɛ dudu nɛ ngongele ha gdangsa mɔ, nɛ wanzu ha gbaa nutwa mɛ zu mɔ.

Matthieu 6:19 Iomraidhean Croise

Matthieu 19:21

Jésus tɔa ha wɛnɛ: «Ka mɛ ngoy lɛm wɛɛ, mɛ nɛ, nɛ gdongi mɔ pɛ mɛ fɛt, mɛ kapini mbɔlia fɛt ha hio fabha wi. Mɛgi mɛ bekpa kpaamɔ ha zang ngɔn. Hapata mɛ tɛ tɛ ndari mi!»

Matthieu 6:20

Mɛgi, ɛnɛ wesiri kpaamɔ pɛ ɛnɛ gde ha zang ngɔn, haki dudu nɛ ngongele lɛm gdangsi mɔ na, nɛ wanzu lɛm gba nutwa nɛ zu mɔ na.

Dede Wen hazu Jésus-Christ ka Luc ngɛraka 12:21

Ey, wi ka kay kpaamɔ hazu wa, ma, ka dung nê fabha ha li Sɔ, wɛnɛ nê yera wi.»

Dede Wen hazu Jésus-Christ ka Luc ngɛraka 12:33

Ɛnɛ gdongi kpaamɔ pɛ ɛnɛ, nɛ ha mbɔlia ha hio fabha wi! Ɛngɛ nê wal mɛ wesiri kpaamɔ pɛ ɛnɛ gde ha zang ngɔn. Nɛ ngobho mbɔli mɔ ngɔn lɛm gdɔy na. Hazu ha ngɔn, mɔ bedung nɛ dedea kpoo, wanzu lɛm zu yo na, nɛ nzɛmɛ lɛm gdangsi yo na.

Dede Wen hazu Jésus-Christ ka Luc ngɛraka 12:39

«Ɛnɛ ze nɛdedea! Ka wan-twa ingɔ ngimɔ ka wanzu betɛ, ki a bedol wɛnɛ mɛ gba twa pɛa.

Dede Wen hazu Jésus-Christ ka Luc ngɛraka 18:22

Ka Jésus zea wen ndɔng, a tɔa ha wɛnɛ: «Mɔ ndang ngbɔla ka mɛ tɛ de na. Mɛ gdongi hio mɔ pɛ mɛ fɛt, nɛ mɛ kapini mbɔlia ha hio fabha wi. Mɛgi mɛ bekpa dɔka kpaamɔ ha zang ngɔn. Nɛ mɛ tɛ tɛ ndari mi.»

Dede Wen hazu Jésus-Christ ka Luc ngɛraka 18:24

Ma, tuka Jésus zɔka nde, wɛnɛ nɛ ngɔtɛ, a tɔa: «Yo nê ngaya gdang hazu wan-kpamɔ mɛ le ha *Kongakandɔ pɛ Sɔ!

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.

Hebro 13:5

Ka wɔ mbɔli agan zu deamɔ pɛ ɛnɛ na, ma, ɛnɛ ade totɛ hazu mɔ ka dung ha kɔ ɛnɛ. Hazu Sɔ tɔa: «Mi lɛm mɛ ndekiri mɛ ndang na. Nɛ mi lɛm lak mɛ gde ndang na.»