Matthieu 5:8 - Takarata pɛ Sɔ Mbombe Mbon

⁸ Totɛ ha hio wi ndɔng ka sila mbwa nɛ saa, hazu mbwa bezɔk Sɔ!

Matthieu 5:8 Iomraidhean Croise

Deamɔ 15:9

Sɔ tɛ gba soko ɔ hinɛ mbwa na. A sasasa sila mbwa hazu mbwa mɛkara Jésus.

1 Korente 13:12

Sising, ɔ zɔk mɔ tuka ha li faya-fuyɛ mɔ-zɔk li. Ma, ha ngimɔ bin, ɔ bezɔk mɔ fɛt ngɛlɛ-ngɛlɛ. Sising, mi ing mɔ dam na. Ma, ha ngimɔ bin, mi being mɔ dam wɛɛ gbesi tuka ka Sɔ ingɔ nɛ mi fɛt.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Tite 1:15

Ka sila hio ma wi nɛ saa ha li Sɔ, mɔ fɛt nɛ saa ha wal pɛ mbwa. Ma, pɛ wi ndɔng ka sila mbwa nɛ nzing, nɛ ka tɛ mɛkiri Sɔ na, ma mɔ ndang bo nɛ saa ha wal pɛ mbwa na. Hazu, takaramɔ pɛ mbwa nɛ ingɔmɔ sila pɛ mbwa nɛ nzing ha li Sɔ.

Hebro 10:22

Wɛnɛ sasasa sila ɔ kari, ingɔmɔ sila pɛ ɔ bo fin nɛ nzing na, nɛ a zosa tɛ ɔ nɛ ngɛnza li. Hazu ɛngi, ɔ tiki nɛ hapɛtɛ Sɔ nɛ kpasa sila, ka dona don nɛ mɛkaramɔ.

Hebro 12:14

Ɛnɛ aki wal mɛ dung nɛ gaa hinɛ hio wi fɛt, nɛ ɛnɛ aki wal mɛ dung nɛ nzɔya ha li Sɔ. Hazu, wi ka de mɛgi na, lɛm zɔk *Kongawan na.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.

Jacques 3:17

Ma, wi ka dung nɛ mbaramɔ ka gutɛ ha pɛ Sɔ tɛnɛ, wia dung pɛa nɛ saa nɛ gaa, wɛnɛ de ngay, wɛnɛ nɛ mɛndi, wɛnɛ de kobhe tɛ wi, nɛ wɛnɛ de dedemɔ swe fɛt. A gba soko wi na, nɛ a bo nɛ gdanga dambari na.

Jacques 4:8

Ɛnɛ tiki tɛ ha pɛ Sɔ, nɛ Sɔ fin betɛ sanga nɛ ɛnɛ. Ɛnɛ hio *wan-de gdangamɔ, ɛnɛ tay kɔ ɛnɛ! Nɛ ɛnɛ hio wan-sila bwa, ɛnɛ sasisi sila ɛnɛ!

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

Gbasamɔ 22:4

Mbwa bezɔk zang li wa, nɛ dafu ling wa bedung ha sɔngsi mbwa.