Matthieu 5:7 - Takarata pɛ Sɔ Mbombe Mbon

⁷ Totɛ ha hio wi ndɔng ka de kobhe tɛ wi, hazu Sɔ bede kobhe tɛ mbwa!

Matthieu 5:7 Iomraidhean Croise

Marc 11:25

Ka ɛnɛ ngoy mɛ gɔ Sɔ, nɛ ka ɛnɛ nɛ ma wen hinɛ ma wi, ɛnɛ abisi *sɛmbɔ ka wɛnɛ dea ha tɛ ɛnɛ. Mɛgi Bafa ɛnɛ ha zang ngɔn bebisi sɛmbɔ pɛ ɛnɛ. [

Dede Wen hazu Jésus-Christ ka Luc ngɛraka 6:35

Ma, ɛnɛ angoy hio ngana pɛ ɛnɛ, nɛ ɛnɛ ade dedemɔ ha tɛ mbwa. Ɛnɛ aha mbee ha ma wi, ma ɛnɛ atakiri hazu wen kiforo yo na. Ka ɛnɛ de mɛgi, mɔ-kɛ ɛnɛ nɛ gasaa ha zang ngɔn, nɛ ɛnɛ bedung hio bem pɛ Sɔ, ka dung ha kuso ngɔn. Hazu wɛnɛ ha dea dedemɔ fin ha tɛ hio gdanga wi, nɛ ha tɛ wi ndɔng ka ing tɔa ‹oeba› na.

Rome 11:30

Ha ngimɔ sɔngsi, ɛnɛ bakafi nu Sɔ. Ma, sising Sɔ tɛ bo ha dea kobhe tɛ ɛnɛ hazu hio zuife kafa nu wa kari.

1 Korente 7:25

*Kongawan tɛ ha nu ha mi ha wen zu hio salo na. Ma, mi betɔ wen mɔ ka mi takara hazua. Ɛnɛ lɛma mɛkiri wen pɔm hazu mi tɛ bo nɛ mboazu nɛ wal kobhe tɛ mi ka Kongawan dea.

2 Korente 4:1

Sila ɔ kati na, hazu Sɔ dea kobhe tɛ ɔ, nɛ a gdea ɔ ha tom ɛngɛ.

Efeze 4:32

Lɛma nde, ɛnɛ ade dedemɔ ha tɛ may nɛ de kobhe tɛ may fin. Ɛnɛ abisi *sɛmbɔ ka hio wi de ha tɛ ɛnɛ, gbesi tuka ka Sɔ biso nɛ sɛmbɔ pɛ ɛnɛ nɛ wal tom ka Christ dea.

Kolose 3:12

Sɔ ngoya ɛnɛ nɛ wɛnɛ weka ɛnɛ tuka nzɔy kandɔ pɛa. Mɛgi, dea nde, ɛnɛ ayol mbombe tɛ wi, ka de kobhe tɛ wi, ka de dedemɔ, ka hil nɛ mɛndi, ka dung nɛ gaa sila nɛ yikosila.

1 Timothée 1:13

Sɔngsi, mi dungɔ ha fɛngsa wɛnɛ, ha namala wɛnɛ, nɛ ha yaa wɛnɛ. Ma, a kpala tɛ de kobhe tɛ mi hazu mi tɛ ing mɔ ka mi dea na, nɛ mi tɛ mɛkiri ka wɛnɛ na.

1 Timothée 1:16

Ma, yo nê ɛngi, ka Jésus-Christ dea kobhe tɛ mi hazu osi long nde, wɛnɛ baa sila wa nɛ mi, gasa wan-de gdangamɔ pen fɛt. Mɛgi, nɛ wal mi, hio wi being nde, mbwa fɛt lɛma mɛkiri wɛnɛ, nɛ mbwa fɛt lɛma kpa *tunɔ kpoo.

Hebro 4:16

Ɔ aba da nɛ tiki tɛ hapɛtɛ solowan pɛ Sɔ, wan-de *dede sila. Haki, a bede kobhe nɛ dede sila ha tɛ ɔ, hazu gbakiri nɛ ɔ ha dede ngimɔ.

Hebro 6:10

Sɔ bo nê wan-de kalbho-kalbho mɔ na. Mɛgi, tazu wa lɛm bisi nɛ tom nɛ ngoy pɛ ɛnɛ na. Ɛnɛ gbakara hio nzɔy wi pɛ Sɔ, nɛ ɛnɛ bhɔna ka ang. Ɛngi osi nde, ɛnɛ ha ngoya Sɔ.

Jacques 2:13

Hazu, wi ka de kobhe tɛ ma wa na, Sɔ lɛm de fin kobhe tɛ wia ha ngimɔ kita na. Ma, wi ka de kobhe tɛ wi, Sɔ lɛm gɔn kita ba wɛnɛ na.

Jacques 3:17

Ma, wi ka dung nɛ mbaramɔ ka gutɛ ha pɛ Sɔ tɛnɛ, wia dung pɛa nɛ saa nɛ gaa, wɛnɛ de ngay, wɛnɛ nɛ mɛndi, wɛnɛ de kobhe tɛ wi, nɛ wɛnɛ de dedemɔ swe fɛt. A gba soko wi na, nɛ a bo nɛ gdanga dambari na.

1 Pierre 2:10

Sɔngsi, ɛnɛ tɛ dung nê kandɔ pɛ Sɔ na, ma, sising, ɛnɛ tɛ bo nê kandɔ pɛa. Sɔngsi, Sɔ tɛ de kobhe tɛ ɛnɛ na, ma, sising, Sɔ dea kobhe tɛ ɛnɛ kari.