Matthieu 5:44 - Takarata pɛ Sɔ Mbombe Mbon

⁴⁴ Ma, pɔm, mi tɔ ha ɛnɛ nde, ɛnɛ angoy hio ngana pɛ ɛnɛ, nɛ ɛnɛ agɔ Sɔ hazu wan-namili ɛnɛ.

Matthieu 5:44 Iomraidhean Croise

Dede Wen hazu Jésus-Christ ka Luc ngɛraka 23:34

Nɛ Jésus tɔa: «Bafa mi, bisi *sɛmbɔ pɛ mbwa, hazu mbwa ing mɔ ka mbwa de na.» Nɛ hio wan-bibulo kapana la pɛa ha soko may nɛ wal dea mbela.

Jean 13:34

Mi ha mbombe mbonga ha ɛnɛ nde, ɛnɛ ngoy may gbesi tuka mi ngoya ɛnɛ, nɛ ɛnɛ ngoy may ha soko may.

Deamɔ 16:28

Ma, Paul gdɔra nɛ ngagɛl: «Mɛ gbɛ tɛ mɛ na, ɔ fɛt ang!»

Deamɔ 7:60

Hapata, a teka nɛ zigolo ha nu, nɛ gdɔra nɛ ngagɛl: «Kongawan, mɛ bisi *sɛmbɔ ɛngɛ ha zu mbwa.» Nɛ hapata wen ndɔng, a fea.

Rome 12:14

Ɛnɛ wol dede wen ha zu wi ndɔng ka namili ɛnɛ. Lɛma nde, ɛnɛ awol dede wen, ka ɛnɛ afom wi na.

1 Tesalonike 5:15

Ɛnɛ pangay nde, ka ɛnɛ akifiri gdangamɔ ha wi ka dea gdangamɔ ha tɛ ɛnɛ, na. Ma, swe fɛt, ɛnɛ aki wal mɛ de dedemɔ ha soko may nɛ ha tɛ wi fɛt.

1 Pierre 2:23

Ngase ka hio wi yaa wɛnɛ, a tɛ ya fin mbwa na. Ngase ka wɛnɛ kpaa yeksamɔ ha kɔ hio wi, a tɛ gutɛ sungiri nɛ mbwa na. Ma, a gdea mɔ ndɔng fɛt ha kɔ Sɔ ka gɔn kita nzeng.

1 Pierre 3:9

Ka ma wi dea gdangamɔ ha tɛ ɛnɛ, ka ɛnɛ akifiri fin de gdangamɔ ha tɛ wa na. Ka ma wi yaa ɛnɛ, ka ɛnɛ akifiri fin ya wɛnɛ na. Ma, dea nde, ɛnɛ agɔ Sɔ nde, wɛnɛ awol dede wen ha zu wia. Hazu, ha ngimɔ ka Sɔ saa nɛ ɛnɛ mɛ dung hio wi pɛa, a gɔna nu nde, a bewol dede wen ha zu ɛnɛ.