Matthieu 5:30 - Takarata pɛ Sɔ Mbombe Mbon

³⁰ Nɛ ka kɔ mɛ mɔ wal wekɔ dak mɛ pi ha dea gdangamɔ, gɔn yo pi nɛyɛa! Hazu yo nɛdedea ha mɛ nde, ma gbakɔ tɛ mɛ ndang ayɔ, pen pio mɛ nɛ kili tɛ ha we ka bisi na.»

Matthieu 5:30 Iomraidhean Croise

Matthieu 11:6

Totɛ ha wi kɛ ka kafi mɛkara mi na!»

Matthieu 13:21

Ma, wena le sila mbwa nɛdedea na, hazu mbwa bo nɛ nɔa na. Ka ɛ yeksa mana namala mbwa hazu wen pɛ Sɔ, mbwa laka mɛkaramɔ Sɔ gde nɛhasa.

Matthieu 16:23

Ma, Jésus kiforo tɛ tɔ ha Pierre: «Mɛ pen ha li mi, *Satan! Mɛ nê ta mɔ kɔ nanga ha liwal pɔm, hazu mɛ takiri mɔ tuka Sɔ na, ma, tuka wi.»

Matthieu 17:27

Tangere, ɔ ngoy bhunziki sila hio wi na. Mɛgi, mɛ nɛ ha tɔ, nɛ pi gɛ ha li. Mɛ ba bosi kɔyɔ, ka mɛ daka, mɛ wɛn nua, nɛ ha zanga mɛ bekpa ma mbɔli ndang. Yo belɛm nɛ mbɔli garama pɔm nɛ pɛ mɛ. Mɛ ku yo kpe ha mbwa.»

Matthieu 18:8

«Ka kɔ mɛ mana nanga mɛ dak mɛ pi ha dea gdangamɔ, mɛ gɔn yo pi. Nɛdedea nde, mɛ ale ha *tunɔ kpoo nɛ kɔ mana nɛ nanga ndang, pen nde, ɛ pi mɛ nɛ kɔ bwa mana nɛ nanga bwa ha we ka besisi kpoo.

Matthieu 22:13

Mɛgi kongapora tɔa ha hio wan-tom pɛa: ‹Ɛnɛ sang kɔ wa nɛ nanga wa, nɛ ɛnɛ ba wɛnɛ pi ha dɛl ha zang ngɛ-ngɛ-ngɛ tutum. Haki a behe kwa nɛ a beyɔng nzata.›»

Matthieu 25:20

Wi, ka kpaa lafu mbɔli mɔrkɔ, hɔa nɛ osa fin mbinga mɔrkɔ, nɛ tɔa: ‹Wan pɔm, mɛ baha mi lafu mbɔli mɔrkɔ. Mɛ zɔk, mi kpaa fin ma mɔrkɔ gde ha zua.›

Matthieu 26:31

Hapata Jésus tɔa ha hio *wan-yambimɔ pɛa: «Ha zɛ ɛngɛ, ɛnɛ fɛt belak mi gde, hazu Sɔ tɔa ha zang takarata pɛa: ‹Mi begbɛ zaoro sami nɛ zugili sami bepanziki.›

Matthieu 5:22

Ma, pɔm, mi tɔ ha ɛnɛ nde, wi ka de ngambi sungiri nɛ ya wa, ɛ begde wɛnɛ ha li kita. Nɛ ka ma wi sa ya wa nde, yera wi, ɛ begde wɛnɛ ha li hio *wan-kpo zuwen. Nɛ wi ka sa ya wa nde, wan-bili, ɛ begde wɛnɛ ha bhandi we ka bisi na.

Matthieu 5:29

Nɛ ka gbali mɛ mɔ wal wekɔ dak mɛ pi ha dea gdangamɔ, kɔti yo pi nɛyɛa! Hazu yo nɛdedea ha mɛ nde, ma gbakɔ tɛ mɛ ndang ayɔ, pen pio mɛ nɛ kili tɛ ha we ka bisi na.

Marc 9:43

Nɛ ka kɔ mɛ dak mɛ pi ha dea gdangamɔ, mɛ gɔn yo pi. Nɛdedea nde mɛ ale ha *tunɔ kpoo nɛ kumɔ, pen lea nɛ kɔ bwa ha bhandi we ka bisi na. [

Dede Wen hazu Jésus-Christ ka Luc ngɛraka 12:5

Mi beosi ha ɛnɛ wi, ka ɛnɛ lɛma yu ke wa: Yo nê Sɔ. Hazu hapata fio wɛnɛ lɛma pi ɛnɛ ha bhandi we ka bisi na. Ey, mi tɔ ha ɛnɛ nde, ɛnɛ yu ke wa!

Dede Wen hazu Jésus-Christ ka Luc ngɛraka 17:2

Ka ɛ hɛl gasa ta hɔnmɔ ha gɛl wi ɛngɛ nɛ pi ha nana-litɔng, ɛngɛ nɛ dedea hazu wa pen nde, wɛnɛ adak ma bebe wi ndang pi ha dea gdangamɔ.

Rome 9:33

ka Sɔ tɔa wena ha takarata pɛa: «Zɔk mi ha gdea ta kɔ nanga ha le *Sion, gasa ta ɛngɛ ha teksi hio wi. Ma, wi ka mɛkiri ta ɛngɛ, foy lɛm de wɛnɛ na.»

1 Korente 8:13

Hazu ɛngi, ka ma yɔngamɔ dak ya mi pi ha dea gdangamɔ, mi lɛm yɔng sari ma swe ndang na, yu nde, mi betɛ dak ya mi pi ha dea gdangamɔ.

Galasi 5:11

Hio ya mi, hio *zuife ha namala mi. Ɛngi osi long nde, mi bo ha osa wen gɔna sɔru na. Ka mi aosi se mɔ mɛgi, ki wen fio pɛ Christ ha getakate bo fin nê mɔ-kɔ nanga ha li hio zuife na.

1 Pierre 2:8

Nɛ ɛ bangɛriki fin: «Ta ɛngɛ tɛ bo nê ta kɔ nanga, yo tɛ bo nê ta ka teksi hio wi pi ha nu.» Mbwa kɔa nanga ang tek, hazu mbwa kafa zea wen pɛ Sɔ. Sɔ babhɔngiri mɔ hazu mbwa mɛgi sɔngsi bhee.