Matthieu 5:3 - Takarata pɛ Sɔ Mbombe Mbon

³ «Totɛ ha hio wi ndɔng, ka gde tazu mbwa ha tɛ Sɔ ndang sɔna, hazu mbwa bedung hio wi mɔ *Kongakandɔ pɛ Sɔ!

Matthieu 5:3 Iomraidhean Croise

Matthieu 11:25

Ha ngimɔ ɛngi, Jésus tɔa: «Bafa mi, mɛ nê wan ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ.

Matthieu 11:6

Totɛ ha wi kɛ ka kafi mɛkara mi na!»

Matthieu 13:16

«Ma, totɛ ha ɛnɛ, hazu li ɛnɛ ha zɔka mɔ, nɛ zala ɛnɛ ha zea mɔ!

Matthieu 19:14

Nɛ Jésus tɔa: «Ɛnɛ gde hio bhobem atɛ ha pɔm. Ka ɛnɛ adol mbwa na, hazu *Kongakandɔ Ngɔn nê pɛ hio wi ka dung tuka bhobem.»

Matthieu 24:46

Totɛ ha wan-tom ɛngɛ ka wan pɛa bepe tɛ kpa wɛnɛ ha dea tom pɛa.

Matthieu 25:34

Nɛ mi, *Kongawan, betɔ ha wi ndɔng ha wekɔ mi: ‹Sɔ, Bafa mi, wola dede wen ha zu ɛnɛ. Mɛgi ɛnɛ tɛ tɛ kpa dede mɔ pɛ *Kongakandɔ pɛ Sɔ, ka wɛnɛ bhɔngara bingiri hazu ɛnɛ ha ngimɔ ka wɛnɛ dea nɛ nzan.

Matthieu 3:2

nɛ tɔa: «Ɛnɛ akifiri sila ɛnɛ, hazu *Kongakandɔ Ngɔn tɛ bo sanga nɛ ɛnɛ.»

Matthieu 8:11

Ma, mi tɔ ha ɛnɛ nde, dɔka wi begutɛ ha wal gutɛ swe, nɛ ha wal ɔnu swe, nɛ mbwa bewesiri may ha yɔngamɔ hapɛtɛ tabolo hinɛ Abraham, Isaac nɛ Jacob ha *Kongakandɔ Ngɔn.

Marc 10:14

Ka Jésus zɔka ɛngɛ, sila wa yimɔ, nɛ wɛnɛ tɔa ha hio wan-yambimɔ pɛa: «Ɛnɛ gde hio bhobem atɛ ha pɔm. Ka ɛnɛ adol mbwa na, hazu hio wi mɔ *Kongakandɔ pɛ Sɔ dung tuka bhobem.

Dede Wen hazu Jésus-Christ ka Luc ngɛraka 11:28

Ma, Jésus kiforo wen: «Bo sɔna nê ɛngi na. Totɛ pen fɛt ha wi ndɔng, ka ze wen pɛ Sɔ, nɛ ka de mɔ lɛm nɛ wena!»

Dede Wen hazu Jésus-Christ ka Luc ngɛraka 18:14

Jésus tɔa fin: «Mi tɔ ha ɛnɛ nde, ka wan-ndɛm mbɔli garama ɛngɛ sio ha twa pɛa, a tɛ bo nzeng ha li Sɔ. Ma, bo nê Farizien ɛngɛ na. Hazu wi ka sutɛ, Sɔ behilsi wɛnɛ. Nɛ wi ka hil nɛ mɛndi, Sɔ begu wɛnɛ gde ha ngɔn.»

Dede Wen hazu Jésus-Christ ka Luc ngɛraka 22:29

Yo nê ɛngi, ka mi begde *Kongakandɔ pɛ Sɔ ha kɔ ɛnɛ, tuka ka Bafa mi gdea yo ha kɔ mi.

Dede Wen hazu Jésus-Christ ka Luc ngɛraka 22:30

Ha ngimɔ ka mi bedung kongapora, ɛnɛ beyɔng nɛ nɔ mɔ ha tabolo hinɛ mi. Nɛ ɛnɛ bedung ha zu hio solowan mɛ gɔn kita ha zu hio kandɔ pɛ *Israel bhukɔ gbala bwa.»

Dede Wen hazu Jésus-Christ ka Luc ngɛraka 4:18

«*Nzɔy-Sɔtɛ pɛ *Kongawan dung ha zu mi, hazu wɛnɛ hɔnga mi mɛ bul *Dede Wen ha hio fabha wi. A tomsa mi hazu tɔ ha hio wan-zɔbhɔ nde, zɔbhɔ pɛ mbwa kara, hazu gbosisi li hio wan-gdɔka li, hazu gbosisi wi ndɔng ka ɛ yukoto gde sɛɛ.

Jean 20:29

Mɛgi, Jésus tɔa ha wɛnɛ: «Mɛ mɛkara mi hazu mɛ zɔka mi, na nde? Totɛ ha wi ndɔng ka mɛkara mi, ngase ka mbwa tɛ zɔk mi na.»

Jacques 1:10

Nɛ ya ha Christ, ka dung nê wan-kpamɔ, lɛma nde, wɛnɛ ade totɛ hazu Sɔ hilso wɛnɛ kari. Ey, wan-kpamɔ bepen tuka do bɛlɛ.

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

Jacques 2:5

Hio ya mi ka mi ngoya gdang, ɛnɛ ze nɛdedea: Sɔ weka hio fabha wi mɔ nzan nde, mbwa adung nê wan-kpamɔ nɛ wal mɛkara Jésus-Christ, nɛ nde, mbwa akpa Kongakandɔ pɛa, ka wɛnɛ bagɔn nua mɛ ha nɛ likɔ ha hio wi ka ngoy wɛnɛ.

Gbasamɔ 19:9

Nɛ *telenge tɔa ha mi: «Mɛ ngɛriki mɔ nde: Totɛ ha wi ka Sɔ saa wɛnɛ ha yenga sibhoko pɛ Besami.» Nɛ a tɔa fin: «Hio wen ndɔng, yo nê tɛ kpasa wen nu Sɔ.»

Gbasamɔ 22:14

Totɛ ha hio wi ndɔng ka fal la pɛ mbwa nɛ saa. Mɛgi, mbwa bekpa wal mɛ yɔng waya te ka ha tunɔ, nɛ mɛ le ha gasa le nɛ hio nu kina.

Gbasamɔ 3:17

Ɛnɛ ha tɔa nde, ɛnɛ nê hio wan-kpamɔ, ɛnɛ kpaa yɛbhɛ-yɛbhɛ mɔ, ma mɔ ndang kɔpi ɛnɛ na. Ma, kpasawen, ɛnɛ nê hio wan-ngɔtɛ, wan-kɔsa, wan-keri mɔ, wan-gdɔka li, wan-sɔngere, nɛ ɛnɛ tɛ ing yo na.