Matthieu 5:29 - Takarata pɛ Sɔ Mbombe Mbon

²⁹ Nɛ ka gbali mɛ mɔ wal wekɔ dak mɛ pi ha dea gdangamɔ, kɔti yo pi nɛyɛa! Hazu yo nɛdedea ha mɛ nde, ma gbakɔ tɛ mɛ ndang ayɔ, pen pio mɛ nɛ kili tɛ ha we ka bisi na.

Matthieu 5:29 Iomraidhean Croise

Matthieu 10:28

Nɛ ka ɛnɛ ayu ke hio wi ka lɛm gbɛ multɛ pɛ ɛnɛ na, hazu mbwa lɛm gbɛ sɔtɛ pɛ ɛnɛ na. Ma, ɛnɛ yu nɛ ke Sɔ, hazu a lɛma bhondisi multɛ nɛ sɔtɛ ha bhandi we ka bisi na.

Matthieu 11:6

Totɛ ha wi kɛ ka kafi mɛkara mi na!»

Matthieu 16:26

Ka ma wi yɔsasa tunɔ pɛa nɛ wal kpaa mɔ nzan fɛt, kpaamɔ pɛa bede nɛ ge ha wɛnɛ ge nde? Wi lɛm hɛ fin tunɔ pɛa nɛ mbinga nɛ nge mɔ ge nde? Ma mɔ ndang bona.

Matthieu 17:27

Tangere, ɔ ngoy bhunziki sila hio wi na. Mɛgi, mɛ nɛ ha tɔ, nɛ pi gɛ ha li. Mɛ ba bosi kɔyɔ, ka mɛ daka, mɛ wɛn nua, nɛ ha zanga mɛ bekpa ma mbɔli ndang. Yo belɛm nɛ mbɔli garama pɔm nɛ pɛ mɛ. Mɛ ku yo kpe ha mbwa.»

Matthieu 19:12

Hio ma wi ang, ka si may na, hazu mbwa nê nakomba, angiri ha bhɛ pɛ mbwa. Nɛ hio ma wi ang, ka si may na, hazu ɛ gdɔka wal ha mbwa. Nɛ hio ma wi ang fin, ka si may na, hazu tom pɛ *Kongakandɔ Ngɔn. Wi ka lɛma mɛ ba osamɔ ɛngɛ, wɛnɛ amɛkiri yo.»

Matthieu 23:15

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Hazu ɛnɛ yala ha nu nɛ ha nana-litɔng fɛt hazu ki wi ndang ka bendari ɛnɛ. Nɛ ka wɛnɛ tɛ bo tuka ɛnɛ kari, ɛnɛ dea nde, wɛnɛ atɛ gdanga wi, ka lɛm nɛ bhandi we zebwa pen ɛnɛ.

Matthieu 23:33

«Ɛnɛ hio gɔk, ɛnɛ kul pɛ da gɔk! Ɛnɛ bekpɔy ha kita pɛ Sɔ ka bepi ɛnɛ ha bhandi we, mɛng?

Matthieu 5:22

Ma, pɔm, mi tɔ ha ɛnɛ nde, wi ka de ngambi sungiri nɛ ya wa, ɛ begde wɛnɛ ha li kita. Nɛ ka ma wi sa ya wa nde, yera wi, ɛ begde wɛnɛ ha li hio *wan-kpo zuwen. Nɛ wi ka sa ya wa nde, wan-bili, ɛ begde wɛnɛ ha bhandi we ka bisi na.

Matthieu 5:30

Nɛ ka kɔ mɛ mɔ wal wekɔ dak mɛ pi ha dea gdangamɔ, gɔn yo pi nɛyɛa! Hazu yo nɛdedea ha mɛ nde, ma gbakɔ tɛ mɛ ndang ayɔ, pen pio mɛ nɛ kili tɛ ha we ka bisi na.»

Marc 8:36

Ka ma wi kpaa mɔ nzan fɛt, nɛ ka wɛnɛ kɔpa *tunɔ kpoo, kpaamɔ pɛa bede nɛ ge ha wɛnɛ ge nde?

Dede Wen hazu Jésus-Christ ka Luc ngɛraka 12:5

Mi beosi ha ɛnɛ wi, ka ɛnɛ lɛma yu ke wa: Yo nê Sɔ. Hazu hapata fio wɛnɛ lɛma pi ɛnɛ ha bhandi we ka bisi na. Ey, mi tɔ ha ɛnɛ nde, ɛnɛ yu ke wa!

Rome 6:6

Ɔ ingɔ nde, mɔa wi ka ɔ badung sɔngsi, fea hinɛ Christ gbesi ha getakate. Kilitɛ ɔ ka ngoy de gdangamɔ, bhonda kari, ɔ bo fin nê bala ha si gdangamɔ na.

Rome 8:13

Ka ɛnɛ de mɔ nɛ tɛ ɛnɛ, ɛnɛ befe. Ma, ka ɛnɛ gbɛ hio gdanga ndɔkitɛ ɛnɛ nɛ wal ngatɛ pɛ Nzɔy-Sɔtɛ, ɛnɛ bedung nɛ zutunɔ.

1 Korente 9:27

Hazu ɛngi, mi bhɔngiri tɛ mi nɛngaya, nɛ mi gan zu tɛ mi nɛkpasa, yu nde, hapata bulo Dede Wen ha hio wi, Sɔ betɛ il mi yunɛ.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

Kolose 3:5

Hazu ɛngi, ɛnɛ aku mɔ nzan fɛt ka dung ha sila ɛnɛ gde ha fio. Mɔ nzan ndɔng nde: Dea wanza, dea mɔ nyɛl, golamɔ multɛ, dea wɔ gdangamɔ, nɛ dea hɛl kpaamɔ. Kpasawen, hɛl kpaamɔ, yo gbesi tuka dea tom gbele sɔ.