Matthieu 5:22 - Takarata pɛ Sɔ Mbombe Mbon

²² Ma, pɔm, mi tɔ ha ɛnɛ nde, wi ka de ngambi sungiri nɛ ya wa, ɛ begde wɛnɛ ha li kita. Nɛ ka ma wi sa ya wa nde, yera wi, ɛ begde wɛnɛ ha li hio *wan-kpo zuwen. Nɛ wi ka sa ya wa nde, wan-bili, ɛ begde wɛnɛ ha bhandi we ka bisi na.

Matthieu 5:22 Iomraidhean Croise

Matthieu 10:17

Ɛnɛ pangay, hazu hio wi beku bin ɛnɛ nɛnɛ ha li kita. Nɛ ɛ bezuri ɛnɛ nɛ zambala ha zang hio *twa gɔ Sɔ.

Matthieu 10:28

Nɛ ka ɛnɛ ayu ke hio wi ka lɛm gbɛ multɛ pɛ ɛnɛ na, hazu mbwa lɛm gbɛ sɔtɛ pɛ ɛnɛ na. Ma, ɛnɛ yu nɛ ke Sɔ, hazu a lɛma bhondisi multɛ nɛ sɔtɛ ha bhandi we ka bisi na.

Matthieu 12:24

Ma, ka hio *Farizien zea hio wi ha tɔa mɛgi, mbwa tɔa: «Wi kɛ lɛm yin gdanga sɔtɛ sɔna nɛ ngatɛ pɛ *Satan, wan-zu hio gdanga sɔtɛ.»

Matthieu 17:5

Ka wɛnɛ boka ha wolamɔ, ma lɛkɛ-lɛkɛ buswe tɛa tɛ gok mbwa nɛ simɔa. Ma gɛl gboa ha soko buswe nɛ tɔa: «Wi kɛ nê Bewei pɔm ka mi ngoya gdang. Mi gdea sila mi ha tɛ wa. Ɛnɛ ze nu wa!»

Matthieu 18:21

Hapata, Pierre tiko nɛ hapɛtɛ Jésus nɛ ani wɛnɛ: «*Kongawan, ka ma ya mi de gdangamɔ kpoo sungiri mi, mi ha tiso ha wɛnɛ ze ge? Zemɔrkɔ zanga bwa?»

Matthieu 18:35

«Bafa mi ha zang ngɔn bede nɛ ɛnɛ gbesi, ka ɛnɛ bisi *sɛmbɔ pɛ ya ɛnɛ nɛ sila ɛnɛ fɛt na.»

Matthieu 23:15

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Hazu ɛnɛ yala ha nu nɛ ha nana-litɔng fɛt hazu ki wi ndang ka bendari ɛnɛ. Nɛ ka wɛnɛ tɛ bo tuka ɛnɛ kari, ɛnɛ dea nde, wɛnɛ atɛ gdanga wi, ka lɛm nɛ bhandi we zebwa pen ɛnɛ.

Matthieu 23:33

«Ɛnɛ hio gɔk, ɛnɛ kul pɛ da gɔk! Ɛnɛ bekpɔy ha kita pɛ Sɔ ka bepi ɛnɛ ha bhandi we, mɛng?

Matthieu 25:41

«Hapata, mi betɔ ha wi ndɔng ha gare mi: ‹Sɔ foma ɛnɛ. Mɛgi ɛnɛ pen hapɛtɛ mi le ha we ka beysi kpoo, ka Sɔ lɛa hazu *Satan hinɛ hio wan-tom pɛa.

Matthieu 26:59

Hio gasa wan-hasadaka nɛ hio olo wan-kpo zuwen fɛt kio ma wen dalo sungiri nɛ Jésus, hazu kpa wal mɛ gbɛ wɛnɛ.

Matthieu 3:17

Ma gɛl gboa ha liswe nɛ tɔa: «Wi kɛ nê bewei pɔm ka mi ngoya gdang. Wɛnɛ gdea totɛ ha sila mi.»

Matthieu 5:34

Ma, pɔm, mi tɔ ha ɛnɛ nde, ka ɛnɛ akan mɔ ndang na. Ka ɛnɛ akan mɔ nɛ ling ngɔn na, hazu ngɔn nê solowan pɛ Sɔ.

Matthieu 5:44

Ma, pɔm, mi tɔ ha ɛnɛ nde, ɛnɛ angoy hio ngana pɛ ɛnɛ, nɛ ɛnɛ agɔ Sɔ hazu wan-namili ɛnɛ.

Marc 14:55

Haki, hio gasa wan-hasadaka nɛ gili hio wan-kpo zuwen fɛt dungɔ ha kio ma mɔ sungiri nɛ Jésus hazu kpa wal mɛ gbɛ wɛnɛ. Ma, mbwa kio yo fɛt gan,

Marc 15:1

Nɛ sutole sut, hio *wan-kpo zuwen fɛt, ka tɔ nde, hio gasa wan-hasadaka, hio kotowi nɛ hio *wan-osi mbonga, kpoa zuwen. Mbwa sanga kɔ Jésus nɛ mbwa kuo wɛnɛ nɛnɛ ha pɛ Pilate.

Dede Wen hazu Jésus-Christ ka Luc ngɛraka 12:5

Mi beosi ha ɛnɛ wi, ka ɛnɛ lɛma yu ke wa: Yo nê Sɔ. Hazu hapata fio wɛnɛ lɛma pi ɛnɛ ha bhandi we ka bisi na. Ey, mi tɔ ha ɛnɛ nde, ɛnɛ yu ke wa!

Dede Wen hazu Jésus-Christ ka Luc ngɛraka 22:66

Ka mɔsaa, hio kotowi, hio gasa wan-hasadaka nɛ hio *wan-osi mbonga wesara may, hazu mbwa nê hio wan-kpo zuwen mɔ kandɔ zuife. Ɛ kuo Jésus nɛnɛ ha li mbwa.

Jean 11:47

Mɛgi, hio gasa wan-hasadaka nɛ hio Farizien wesara hio *wan-kpo zuwen nɛ mbwa tɔa: «Woo! Ɔ bede mɛng? Wei kɛ ha dea hio gasa *mɔweka nɛnɛ!

Jean 15:25

Ma, mɔ hɔa mɛgi, tuka nde, wen ɛngɛ ha zang takarata *mbonga pɛ mbwa, alɛmsiri tɛ: ‹Mbwa sɛna mi nɛgbelea.›

Jean 7:20

Mɛgi, giliwi ndɔng kiforo wen ha wɛnɛ: «Mɛ nɛ ma dua ha zang mɛ. O ha ngoy mɛ gbɛ mɛ o?»

Jean 8:48

Hio *zuife kiforo wen ha Jésus: «Mɛ nê wi mɛ *Samari, ka dua ha zang wa. Ɔ tɔa tɛwen na nde?»

Deamɔ 17:18

Hio ma wan-mbarimɔ mɔ zugili Epikurien nɛ mɔ zugili Stoisien, zanga wen hinɛ Paul. Hio ma anamɔ: «Nalogorogol ɛngɛ ngoy tɔ nde ge?» Nɛ hio ma, ka zea Paul ha bulo wen fio nɛ guotɛ pɛ Jésus, tɔa pɛ mbwa: «Wɛnɛ nê wan-bul wen gɔn-gɛnɛ sɔ.»

Deamɔ 22:30

Ka mɔ saa, gasa kagama-bulo ngoya ing ngbak gotomɔ ka hio zuife fundo nɛ Paul. Wɛnɛ bulo pɛl ha tɛ Paul, nɛ a haa nu ha hio gasa wan-hasadaka nɛ hio wan-kpo zuwen nde, mbwa awesiri may. Nɛ wɛnɛ kuo Paul tɛ gde ha li mbwa.

Deamɔ 23:1

Paul zɔka hio wan-kpo zuwen gdoo, nɛ a tɔa: «Hio ya mi, ingɔmɔ sila pɔm gbasa ha mi nde, swe fɛt, mi dungɔ nɛdedea ha li Sɔ gbo ha swe mɛsɛ.»

Deamɔ 24:20

Ma, tuka mbwa bo ang na, hio wi ndɔng hakɛ atɔ wen gdangamɔ, ka hio *wan-kpo zuwen kpaa ha tɛ mi ha ngimɔ ka mi dungɔ ha li mbwa.

Deamɔ 4:15

Mɛgi mbwa haa nu nde, ɛ gde hio wan-nɛtom ndɔng ha dɛl ing. Nɛ hio wan-kpo zuwen ndɔng angara zanga wen ha soko may

Deamɔ 5:21

Hio wan-nɛtom zea nu wa. Mɛgi, nɛ sutole sut, mbwa nɛa ha gasa twa Sɔ, nɛ angara osa wen pɛ Sɔ ha hio wi. Wan-zu hio wan-hasadaka hinɛ hio ngali pɛa saa hio kotowi mɛ kandɔ *Israel fɛt ha wesara may pɛ hio *wan-kpo zuwen. Hapata, mbwa haa nu nde, ɛ anɛ nɛ ku hio wan-nɛtom ha twa zɔbhɔ tɛnɛ.

Deamɔ 5:27

Ka mbwa hɔa nɛ hio wan-nɛtom ndɔng gde ha li zugili hio wan-kpo zuwen, wan-zu hio wan-hasadaka ana mbwa:

Deamɔ 6:12

Tuka ɛngi, hio zuife ndɔng aa sɔkira ha hio wi, hio kotowi, nɛ hio *wan-osi mbonga sungiri nɛ Etienne. Mɛgi, mbwa nɛa, nɛ ba Etienne nɛngaya nɛnɛ ha li zugili *wan-kpo zuwen.

Deamɔ 6:15

Nɛ hio wi fɛt ka dungɔ ha bhandi kpo zuwen mbara Etienne, nɛ mbwa kpaa nde, zang li wa ha duo we tuka pɛ ma *telenge.

Deamɔ 7:37

Ndangtɛ Moïse ɛngɛ batɔ ha hio wi mɔ Israel nde, Sɔ beweki bin ma *wan-tɔkuliwen ha soko kandɔ pɛ mbwa tuka wɛnɛ.

Rome 12:10

Ɛnɛ ngoy may hɛrr tuka hio kpasa gdiya. Dea nde, ɛnɛ adung nɛ sila ɛnɛ fɛt ha tusoso tɛ may.

1 Korente 6:10

ka zu mɔ, ka de hɛl kpaamɔ, ka fe dɔkɔ, ka tɔ gdanga lingtɛ wi, ka ba mɔ nɛ nga mbanzi, mbwa fɛt lɛm kpa bhandi ha Kongakandɔ pɛ Sɔ na.

1 Korente 6:6

Ma, pɛ ɛnɛ, ma ya ha Christ ha fundo ya wa, nɛ pen fɛt, wɛnɛ kuo wena nɛnɛ ha si wan-gɔn kita ka mɛkiri Sɔ na!

1 Tesalonike 4:6

Ka ma ya ha Christ ade gdangamɔ ha tɛ ya wa na, nɛ ka wɛnɛ aosili wɛnɛ na. Kpasawen, ɔ tɔa ha ɛnɛ, nɛ ɔ gbaa tazu ɛnɛ kari nde, Kongawan bekundiki deamɔ ndɔng fɛt.

Tite 3:2

Ka mbwa afɛngsi wi na. Ka mbwa amɔy hinɛ wi na. Ma, mbwa adung nɛ gaa, nɛ mbwa ade mɔka sila ha tɛ wi fɛt.

Hebro 12:25

Ɛnɛ pangay yu nde, ɛnɛ betɛ kafi zea wi ɛngɛ ka tɔ wen ha ɛnɛ. Hio wi mɔ Israel bakafi zea wi ka gbaa tazu mbwa nɛ wen pɛ Sɔ hakɛ ha zu nu, nɛ mbwa tɛ kpɔy ha ndulsomɔ na. Mɛgi, ka ɔ kafi zea wi ka guotɛ ha ngɔn tɛnɛ, ɔ lɛm kpɔy ha ndulsomɔ ndang na.

Hebro 5:9

Ka wɛnɛ tɛa wi ka lɛma wɛɛ kari, a tɛ bo fin nê wan-ha *mɔkpasi kpoo ha hio wi ndɔng ka ze nu wa.

Jacques 2:20

Mɛ nê tum wi! Tazu mɛ agba nde, ka mɛ mɛkara Sɔ nɛ deamɔ lɛm nɛ yo bona, ɛngɛ nɛ gbelea.

Jacques 3:6

Mɛgi, lembe wi gbesi tuka we. Tili gdangamɔ mɔ nzan fɛt ha zanga. Wɛnɛ nê ma gbakɔtɛ wi, nɛ a gdangsi kilitɛ fɛt. Angiri nɛ bhɛ gbo ha fio, a ku we ha bhandi we ka bisi na, hazu lɛ ha tɛ wi.

1 Pierre 2:23

Ngase ka hio wi yaa wɛnɛ, a tɛ ya fin mbwa na. Ngase ka wɛnɛ kpaa yeksamɔ ha kɔ hio wi, a tɛ gutɛ sungiri nɛ mbwa na. Ma, a gdea mɔ ndɔng fɛt ha kɔ Sɔ ka gɔn kita nzeng.

1 Pierre 3:9

Ka ma wi dea gdangamɔ ha tɛ ɛnɛ, ka ɛnɛ akifiri fin de gdangamɔ ha tɛ wa na. Ka ma wi yaa ɛnɛ, ka ɛnɛ akifiri fin ya wɛnɛ na. Ma, dea nde, ɛnɛ agɔ Sɔ nde, wɛnɛ awol dede wen ha zu wia. Hazu, ha ngimɔ ka Sɔ saa nɛ ɛnɛ mɛ dung hio wi pɛa, a gɔna nu nde, a bewol dede wen ha zu ɛnɛ.

1 Jean 2:9

Wi ka tɔ nde, ɛ ha zang saamɔ, nɛ ka sɛn ya wa, wɛnɛ bhɔna ka ha zang tutum.

1 Jean 3:10

Mɛgi, mɔ ka gba soko bem pɛ Sɔ nɛ bem pɛ gdanga sɔ, yo nê ɛngɛ: Wi ka de mɔ nzeng na, nɛ ka ngoy ya wa na, wɛnɛ bo nê bem pɛ Sɔ na.

1 Jean 5:16

Ka ma wi zɔka ya wa ha dea ma gdangamɔ, ka lɛm nɛ fio ha li Sɔ na, lɛma nde, wɛnɛ agɔ Sɔ, nɛ Sɔ beha tunɔ ha wi ɛngɛ. Wen ɛngɛ nê sɔna hazu hio gdangamɔ ka lɛm nɛ fio ha li Sɔ na. Ma, ma gdangamɔ ang ka lɛm nɛ fio ha li Sɔ. Mi tɛ tɔ nde, ɛnɛ agɔ Sɔ hazu hio wi ka dea tili gdangamɔ mɛgi, na.

Jude 1:9

Ngase telenge Michel ka dung nê wan-zu hio telenge fɛt, tɛ de mɛgi na. Ha ngimɔ ka wɛnɛ dungɔ ha mɔya hinɛ *Satan hazu wɔl Moïse, Michel tɛ ba da mɛ gɔn kita fɛngsamɔ ha zu Satan na, ma, a tɔa sɔna nde, Kongawan andulsi mɛ.

Gbasamɔ 20:14

Hapata, ɛ pio fio hinɛ bhandi pɛ hio fiowi ha zang tɔ we. Tɔ we ɛngɛ, yo nê zebwa fio.